Márke 11
11
Zezú ri ɓil pû a Zerúzalɛ̂m
(Mat 21:1-11; Luk 19:28-40; Zâŋ 12:12-19)
1Gelka Zezú rá̧ gunbɛʼɛri zi ɗɛ́ŋ ka Zerúzalɛ̂m ka gbaŋ pû Bɛtfazé rá̧ Betaní, ɗɛ́ŋ kuu kon a Oliviyé, Zezú pé gunbɛʼɛri sére ɗambɛl, 2a sa hí̧ kuriri ɓá: «Í sé pû ka ná a mbɛl a wǎyri, rá̧ i mí gé ka̧ lé, i e gé kó kú ŋgá̧ gun máhóla ka njuku a há̧na zi he tûlké bɔʼɔ mbêw yá ɓáy. Í sɛl nɛ́, a í ɓá nɛ́ gí hí̧ mí. 3Rá̧ njuku a há̧na mí vbí wǎyri: “Ɓayhí̧rá̧ i niŋ nǎŋnɔ́ lé?” Í sa hí̧ nɛ́ ɓá: “Gáŋmbây pé zi ɓayké, ké e pé regírú tí ɗiɓaŋ nyá.”»
4Kú sé, a gé ziŋ gun máhóla a kála, a kú ŋgá̧ ka̧n tûl ŋgboro, a nzáʼaŋgboro vûn a há̧na. Kú gé sɛl nɛ́. 5Njuku a há̧narí̧ ka e ka gelké, vbí kuriri ɓá: «A̧hí̧ i kaw niŋáké lé? Ɓayhí̧ i sɛl gun máhóla nɔ́ lé?» 6Dáy kú saɓay ɓá báŋké ka Zezú sa hí̧ kuriri, dáy kú pɔŋ kuriri kála rú. 7Kú ɓá gun máhóla gí hí̧ Zezú; kú laɓa gáŋ gári a kuriri kɔ̧ tûl ka̧ny a gun máhólaké dáy Zezú he kaw tûlké. 8Njukuri ɓá ŋgɛ̧́náké fi gári a kuriri kɔ̧ tûl ŋgboro, njuku a fékéri ɓá goydiiri a kú hál a ɓil kpâa kɔ̧ tûl ŋgboro. 9Njukuri ka séséna ɗambɛl a Zezú rá̧ njukuri ka tɔ́ŋ nɛ́ vbá̧nzáʼa a sa: «Hɔ̧́na hí̧ Gáŋvbôn! Gáŋvbôn ké ɗí béla kɔ̧ tûl a njuku ka gí ka rɛŋ a Gáŋmbây! 10Gáŋvbôn ké ɗí béla kɔ̧ tûl káwa mbây ka kaw gína, káwa mbây a zîi manárí̧ Davít! Hɔ̧́na hí̧ Gáŋvbôn a nûnalê!» 11Zezú ri ɓil pû a Zerúzalɛ̂m, a tá sé vûn a Gáŋvbôn, a kó hɛ̧ri̧ too ka kaw niŋa a ɓilké, falké, ké kála sé Betaní kuu gunbɛʼɛri bôo a sére, ɓayhí̧lé gel kaw yíra dá.
Zezú háhɛ̧ ka̧n tûl dii njɔ̧̂ny
(Mat 21:18-19)
12Típélé a féké, a kú kaw tɛ̧́ a ɓil pû a Betaní, Zezú lá nzala. 13Ké kó dii njɔ̧̂ny ɓá ɗínáké ka goykéri lɔŋ, dáy a ta̧m sé gbaŋké, há̧na ké e gé ziŋ lénákéri lé. Dáy, ké gé ka̧ bɔʼɔ dii njɔ̧̂ny lé, ké kó ɓá goykéri ɓǎŋ. Ɓayhí̧lé fêw léna dii njɔ̧̂nyké pa̧n ɓáy. 14Dáy, Zezú saɓay hí̧ dii njɔ̧̂ny ɓá: «Njuku a há̧na mbêw, ké tí ná lâʼa léna dii a mɔ̌ wɔm!» Dáy gunbɛʼɛri láɓayké.
Zezú a ɓil vûn a Gáŋvbôn
(Mat 21:12-17; Luk 19:45-48; Zâŋ 2:13-22)
15Falké, kú gé ka̧ Zerúzalɛ̂m, dáy Zezú gé ri ɓil vûn a Gáŋvbôn, ka tí ní njuku ku̧ma hɛ̧sɔ́ʼɔri rá̧ njuku zé hɛ̧sɔ́ʼɔri a ɓil vûn a Gáŋvbôn. Ké sɔʼɔrɔ tay a njuku ku̧ma lariri lé, rá̧ hɛ̧káwa a njuku zé bûmri̧, 16ka zi pɔŋ njuku a há̧na hol hɛ̧ há̧na tɛ̧́ a ɓil vûn a Gáŋvbôn nyá. 17A falké, ké sa hí̧ njukuri too, a tɔ́ʼɔhɛ̧ hí̧ kuriri a sa: «A ɓil Mbété a Gáŋvbôn, kú ɗé ɓá: “Kú e ɗí vûn a mǐ ɓá: Vûn gɔ́ŋ Gáŋvbôn a njuku a tísiri too.” Dáy, ké sa ɓáy: a wǎyri, i niŋ vûnké tɛ̧́ lɔ̂ʼɔ pɔ̂ny a ríwari!» 18Gáŋnjuku nzáʼaká̧nari̧ rá̧ gáŋnjuku tɔ́ʼɔ sáŋnari̧ láɓayké, dáy a ɛ́ ŋgboro í Zezú. Katína lé, kú erú ka wɔ́w a mɛ̌, ɓayhí̧lé ŋgɛ̧́na a njukuri too, zi ɓay a hɛ̧tɔ́ʼɔ a mɛ̌. 19Ka bɔʼɔlêw ka̧ dáy, Zezú rá̧ gunbɛʼɛri tɛ̧́ a ɓil pû.
Zezú rá̧ dii njɔ̧̂ny ka hɔ́ʼɔ
(Mat 21:20-22)
20Típélé a féké rím a kú kaw tána ka tûl ŋgboro, kú kó dii njɔ̧̂ny ráy hɔ́ʼɔ, tí ka tûlké sé ka̧ sɛ̧wké too. 21Píyɛ́r kɛrɛ hɛ̧ ka táy, dáy a sa hí̧ Zezú ɓá: «Gáŋnjuku, mɔ́ kó dii njɔ̧̂ny rá̧y ka mɔ háhɛ̧ kɔ̧ tûlké, hɔ́ʼɔ too!» 22Dáy, Zezú sa hí̧ gunbɛʼɛri ɓá: «Mi sa hí̧ wǎyri, ɓá gbátɓay: Í láɓulaw hí̧ Gáŋvbôn! 23Katína, mí sa gbátɓay hí̧ wǎyri, njuku mí sa hí̧ kon nɛ́ ɓá: “Mɔ́ ta̧m a gelé a lé vbú ɓil mbii lúkí,” rá̧ a mí zi manyɓay a ɓil lawɛ́ yá, pé a láɓulaw, hɛ̧ké a ké sáy e niŋa, e niŋ ɓá báŋké nɔ́ hí̧ nɛ́. 24Ɓaykénɔ́ pé mi kaw sa hí̧ wǎyri: Gelka i kaw gɔ́ŋ Gáŋvbôn ɓay a vbí nɛ́ hɛ̧ lé, í láɓulaw ɓá i ziŋ hɛ̧ké dá, lé i e ziŋ hɛ̧ké nɔ́. 25Gelka, wǎyri mí uru ew sâa ɓay a gɔ́ŋ Gáŋvbôn rá̧ wǎyri mí erú ka ɓay kuu njuku lé, í vbá̧buma hí̧ nɛ́ rá̧ Bâa a wǎyri ka e a nûnalê, ké vbá̧buma ɓékéhɛ̧ a wǎyri kɔ́. [26Dáy, i zi vbá̧buma hí̧ njuku yá lé, Bâa a wǎyri a nûnalê, tí vbá̧buma ɓékéhɛ̧ a wǎyri hí̧ wǎyri yá kɔ́.]»
Kpɔ́ŋa a Zezú tɛ̧́ gí a sí̧ lé?
(Mat 21:23-27; Luk 20:1-8)
27Kú regí Zerúzalɛ̂m. Gelka Zezú kaw há̧ra̧ a ɓil vûn a Gáŋvbôn, gáŋnjuku nzáʼaká̧nari̧ rá̧ gáŋnjuku tɔ́ʼɔ sáŋnari̧ rá̧ gáŋnjukuri, gí gbɛ́ŋɛ́. 28Dáy a gí vbí nɛ́ ɓá: «Ka ŋgboro a sí̧ rá̧ mɔ́ niŋ hɛ̧ nɔ́rí̧ lé? A gé hí̧ mɔ́ kpɔ́ŋa niŋáké lé?» 29Zezú sa hí̧ kuriri ɓá: «Mi e vbí wǎyri ɓay mbêw, rá̧ wǎyri mí zibɔʼɔké hí̧ mí, mi e sa hí̧ wǎyri njuku ka hí̧ mí ŋgboro niŋ hɛ̧kéri. 30A gé pé Zâŋ, ɓá ké ɓá njukuri nyá batêm lé? Ɓá Gáŋvbôn malé ɓá njuku a tísiriri lé? Í zibɔʼɔké hí̧ mí.» 31Dáy, kú manyɓay a bazeŋ a há̧narí̧ a sa: «Manárí̧ mí sa ɓá: “Gáŋvbôn pé, pé nɛ́y”, ké e sa hí̧ nárí̧ ɓá: “Ɓayhí̧rá̧ i zi láɓulaw hí̧ Zâŋ nyáy lé?” 32Dáy, manárí̧ mí sa ɓá: “ɓá njukuri?”» Kú ŋgú wɔ́w a njukuri, ɓayhí̧lé njukuri too mbí Zâŋ ɓá gbát porofɛ́t. 33Dáy kú rerú hí̧ Zezú ɓá: «Rú zi tu yá.» Dáy Zezú resa hí̧ kuriri ɓá: «Belbéla, mǐ kɔ́, mi tí sa hí̧ wǎyri, ka ŋgboro a sí̧ rá̧, mi kaw niŋ hɛ̧ nɛ́rí̧ nyá.»
Currently Selected:
Márke 11: pnz
Highlight
Share
Copy
Want to have your highlights saved across all your devices? Sign up or sign in
© 2023 CABTAL
Márke 11
11
Zezú ri ɓil pû a Zerúzalɛ̂m
(Mat 21:1-11; Luk 19:28-40; Zâŋ 12:12-19)
1Gelka Zezú rá̧ gunbɛʼɛri zi ɗɛ́ŋ ka Zerúzalɛ̂m ka gbaŋ pû Bɛtfazé rá̧ Betaní, ɗɛ́ŋ kuu kon a Oliviyé, Zezú pé gunbɛʼɛri sére ɗambɛl, 2a sa hí̧ kuriri ɓá: «Í sé pû ka ná a mbɛl a wǎyri, rá̧ i mí gé ka̧ lé, i e gé kó kú ŋgá̧ gun máhóla ka njuku a há̧na zi he tûlké bɔʼɔ mbêw yá ɓáy. Í sɛl nɛ́, a í ɓá nɛ́ gí hí̧ mí. 3Rá̧ njuku a há̧na mí vbí wǎyri: “Ɓayhí̧rá̧ i niŋ nǎŋnɔ́ lé?” Í sa hí̧ nɛ́ ɓá: “Gáŋmbây pé zi ɓayké, ké e pé regírú tí ɗiɓaŋ nyá.”»
4Kú sé, a gé ziŋ gun máhóla a kála, a kú ŋgá̧ ka̧n tûl ŋgboro, a nzáʼaŋgboro vûn a há̧na. Kú gé sɛl nɛ́. 5Njuku a há̧narí̧ ka e ka gelké, vbí kuriri ɓá: «A̧hí̧ i kaw niŋáké lé? Ɓayhí̧ i sɛl gun máhóla nɔ́ lé?» 6Dáy kú saɓay ɓá báŋké ka Zezú sa hí̧ kuriri, dáy kú pɔŋ kuriri kála rú. 7Kú ɓá gun máhóla gí hí̧ Zezú; kú laɓa gáŋ gári a kuriri kɔ̧ tûl ka̧ny a gun máhólaké dáy Zezú he kaw tûlké. 8Njukuri ɓá ŋgɛ̧́náké fi gári a kuriri kɔ̧ tûl ŋgboro, njuku a fékéri ɓá goydiiri a kú hál a ɓil kpâa kɔ̧ tûl ŋgboro. 9Njukuri ka séséna ɗambɛl a Zezú rá̧ njukuri ka tɔ́ŋ nɛ́ vbá̧nzáʼa a sa: «Hɔ̧́na hí̧ Gáŋvbôn! Gáŋvbôn ké ɗí béla kɔ̧ tûl a njuku ka gí ka rɛŋ a Gáŋmbây! 10Gáŋvbôn ké ɗí béla kɔ̧ tûl káwa mbây ka kaw gína, káwa mbây a zîi manárí̧ Davít! Hɔ̧́na hí̧ Gáŋvbôn a nûnalê!» 11Zezú ri ɓil pû a Zerúzalɛ̂m, a tá sé vûn a Gáŋvbôn, a kó hɛ̧ri̧ too ka kaw niŋa a ɓilké, falké, ké kála sé Betaní kuu gunbɛʼɛri bôo a sére, ɓayhí̧lé gel kaw yíra dá.
Zezú háhɛ̧ ka̧n tûl dii njɔ̧̂ny
(Mat 21:18-19)
12Típélé a féké, a kú kaw tɛ̧́ a ɓil pû a Betaní, Zezú lá nzala. 13Ké kó dii njɔ̧̂ny ɓá ɗínáké ka goykéri lɔŋ, dáy a ta̧m sé gbaŋké, há̧na ké e gé ziŋ lénákéri lé. Dáy, ké gé ka̧ bɔʼɔ dii njɔ̧̂ny lé, ké kó ɓá goykéri ɓǎŋ. Ɓayhí̧lé fêw léna dii njɔ̧̂nyké pa̧n ɓáy. 14Dáy, Zezú saɓay hí̧ dii njɔ̧̂ny ɓá: «Njuku a há̧na mbêw, ké tí ná lâʼa léna dii a mɔ̌ wɔm!» Dáy gunbɛʼɛri láɓayké.
Zezú a ɓil vûn a Gáŋvbôn
(Mat 21:12-17; Luk 19:45-48; Zâŋ 2:13-22)
15Falké, kú gé ka̧ Zerúzalɛ̂m, dáy Zezú gé ri ɓil vûn a Gáŋvbôn, ka tí ní njuku ku̧ma hɛ̧sɔ́ʼɔri rá̧ njuku zé hɛ̧sɔ́ʼɔri a ɓil vûn a Gáŋvbôn. Ké sɔʼɔrɔ tay a njuku ku̧ma lariri lé, rá̧ hɛ̧káwa a njuku zé bûmri̧, 16ka zi pɔŋ njuku a há̧na hol hɛ̧ há̧na tɛ̧́ a ɓil vûn a Gáŋvbôn nyá. 17A falké, ké sa hí̧ njukuri too, a tɔ́ʼɔhɛ̧ hí̧ kuriri a sa: «A ɓil Mbété a Gáŋvbôn, kú ɗé ɓá: “Kú e ɗí vûn a mǐ ɓá: Vûn gɔ́ŋ Gáŋvbôn a njuku a tísiri too.” Dáy, ké sa ɓáy: a wǎyri, i niŋ vûnké tɛ̧́ lɔ̂ʼɔ pɔ̂ny a ríwari!» 18Gáŋnjuku nzáʼaká̧nari̧ rá̧ gáŋnjuku tɔ́ʼɔ sáŋnari̧ láɓayké, dáy a ɛ́ ŋgboro í Zezú. Katína lé, kú erú ka wɔ́w a mɛ̌, ɓayhí̧lé ŋgɛ̧́na a njukuri too, zi ɓay a hɛ̧tɔ́ʼɔ a mɛ̌. 19Ka bɔʼɔlêw ka̧ dáy, Zezú rá̧ gunbɛʼɛri tɛ̧́ a ɓil pû.
Zezú rá̧ dii njɔ̧̂ny ka hɔ́ʼɔ
(Mat 21:20-22)
20Típélé a féké rím a kú kaw tána ka tûl ŋgboro, kú kó dii njɔ̧̂ny ráy hɔ́ʼɔ, tí ka tûlké sé ka̧ sɛ̧wké too. 21Píyɛ́r kɛrɛ hɛ̧ ka táy, dáy a sa hí̧ Zezú ɓá: «Gáŋnjuku, mɔ́ kó dii njɔ̧̂ny rá̧y ka mɔ háhɛ̧ kɔ̧ tûlké, hɔ́ʼɔ too!» 22Dáy, Zezú sa hí̧ gunbɛʼɛri ɓá: «Mi sa hí̧ wǎyri, ɓá gbátɓay: Í láɓulaw hí̧ Gáŋvbôn! 23Katína, mí sa gbátɓay hí̧ wǎyri, njuku mí sa hí̧ kon nɛ́ ɓá: “Mɔ́ ta̧m a gelé a lé vbú ɓil mbii lúkí,” rá̧ a mí zi manyɓay a ɓil lawɛ́ yá, pé a láɓulaw, hɛ̧ké a ké sáy e niŋa, e niŋ ɓá báŋké nɔ́ hí̧ nɛ́. 24Ɓaykénɔ́ pé mi kaw sa hí̧ wǎyri: Gelka i kaw gɔ́ŋ Gáŋvbôn ɓay a vbí nɛ́ hɛ̧ lé, í láɓulaw ɓá i ziŋ hɛ̧ké dá, lé i e ziŋ hɛ̧ké nɔ́. 25Gelka, wǎyri mí uru ew sâa ɓay a gɔ́ŋ Gáŋvbôn rá̧ wǎyri mí erú ka ɓay kuu njuku lé, í vbá̧buma hí̧ nɛ́ rá̧ Bâa a wǎyri ka e a nûnalê, ké vbá̧buma ɓékéhɛ̧ a wǎyri kɔ́. [26Dáy, i zi vbá̧buma hí̧ njuku yá lé, Bâa a wǎyri a nûnalê, tí vbá̧buma ɓékéhɛ̧ a wǎyri hí̧ wǎyri yá kɔ́.]»
Kpɔ́ŋa a Zezú tɛ̧́ gí a sí̧ lé?
(Mat 21:23-27; Luk 20:1-8)
27Kú regí Zerúzalɛ̂m. Gelka Zezú kaw há̧ra̧ a ɓil vûn a Gáŋvbôn, gáŋnjuku nzáʼaká̧nari̧ rá̧ gáŋnjuku tɔ́ʼɔ sáŋnari̧ rá̧ gáŋnjukuri, gí gbɛ́ŋɛ́. 28Dáy a gí vbí nɛ́ ɓá: «Ka ŋgboro a sí̧ rá̧ mɔ́ niŋ hɛ̧ nɔ́rí̧ lé? A gé hí̧ mɔ́ kpɔ́ŋa niŋáké lé?» 29Zezú sa hí̧ kuriri ɓá: «Mi e vbí wǎyri ɓay mbêw, rá̧ wǎyri mí zibɔʼɔké hí̧ mí, mi e sa hí̧ wǎyri njuku ka hí̧ mí ŋgboro niŋ hɛ̧kéri. 30A gé pé Zâŋ, ɓá ké ɓá njukuri nyá batêm lé? Ɓá Gáŋvbôn malé ɓá njuku a tísiriri lé? Í zibɔʼɔké hí̧ mí.» 31Dáy, kú manyɓay a bazeŋ a há̧narí̧ a sa: «Manárí̧ mí sa ɓá: “Gáŋvbôn pé, pé nɛ́y”, ké e sa hí̧ nárí̧ ɓá: “Ɓayhí̧rá̧ i zi láɓulaw hí̧ Zâŋ nyáy lé?” 32Dáy, manárí̧ mí sa ɓá: “ɓá njukuri?”» Kú ŋgú wɔ́w a njukuri, ɓayhí̧lé njukuri too mbí Zâŋ ɓá gbát porofɛ́t. 33Dáy kú rerú hí̧ Zezú ɓá: «Rú zi tu yá.» Dáy Zezú resa hí̧ kuriri ɓá: «Belbéla, mǐ kɔ́, mi tí sa hí̧ wǎyri, ka ŋgboro a sí̧ rá̧, mi kaw niŋ hɛ̧ nɛ́rí̧ nyá.»
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2023 CABTAL