Genesis 25
25
19Idi ojai aagai go Isaak ix makïdï ïr maradï Abraam.
20Go Isaak ka biakatadai gokobhai umigi aidïxi ka ïma bii Rebeka. Go Rebeka ïr sukurhidï Labhan dai ogadï Betuerhi tïgidu. Ïgai ïr Mesopotamiïrï oidakami dai Arameo mïi aagaiña odami. 21Dai go Rebeka mai bhaiga ix tïïgiadagi aarhi ix kaxkïdï Isaak tanïi oigaragai Gïr Nukadakami xi soiñana Rebeka. Dai Diuxi kaï Isaak ñokidï dai Rebeka tïï ïmodïrï goka aarhi. 22Mai kia duayitadai Rebeka dai go aarhi bookadï ïrana aipako gïn nïitusurhi. Xi duadimu go Rebeka dai pobï ïrhi,
—Ix tuixi pomaaxi buimi gin ïraana— gï ïrhidi.
Dai bhodïrï jii ïgai dai mïï aagidi Gïr Nukadakami,
—Ix tuixi pomaaxi buimi go aarhi gin ïraana— itïtïdai.
23Dai Gïr Nukadakami itïtïdai,
—Gobai ix makïdï gï booka ïraana daraja ïmoko ïr ogadï ka agai ïma tïgidukami ïmo gïï kii xi go gïmai ïma tïgidukami ogadï ka agai ïpï. Ïgai ïr gïn bupuidïrï bïïtïkami ka agai Kaxkïdï gïn nïitusai ïgai gï booka ïraan darajatai. Ïmoko piipixaradï bamioma gupuka agai xi go gïmai piipixaradï. Ix makïdï ïr asukurhi ïgai dai piipixaradï tïanïda agai go gïmai piipixaradï— itïtïdai.
24Dai gokiïrï aidïxi ka ayi ix duadagi go Rebeka sai bua ïgai goka aarhi. 25Ix makïdï ïpïgioma dibia bïgi kuupadï dai poposaraga tukugadï. Kaxkïdï mïtai Esau tïïtï. 26Bhodïrï dibia ix makïdï ïr asukurhi dai ïgai nobikïdï daagïkan busai xïgidï tïkabodïañdïrï xi kaxkïdï Jakobo tïïtï. Aidïpïrï Isaak ka biakatadai baikobhai umigi xi ka duayi Rebeka go aarhikïdï.
27Aidïxi ka kïkïïrhitu ïgai Esau kïï ojoidi ix oidigana aimïrdagi dai arhiïxi gamumuabukïiña ïgai. Dïï go Jakobo mai xii ojoidi paxarhigai podukai. Xioma tïgito ïgai gï aaduindaga kiiyana. 28Dai Isaak kïï xioma kuadana go bhaabhaidi ix makïdï mumuabukuiña go Esau kaxkïdï kïï oigïdaiña ïgai. Dïï Rebeka gia xiom kïï oigïdaiña Jakobo bhaiyoma.
29Ïmo imidagai gamumuabukïitadai Esau oidigana dai go Jakobo gaidoraitadai kïï bïgikami bhabi kiiyïrï dakatai. Dai Esau dibia oidigañdïrï dai kabami bhiugimutugai.
30—Ka karhioga mukiada antaadatugai aanï bhiugimukai. Gin óídañi lïïchi go bïgikïdï bhiayi— itïtïdai ïgai go Jakobo.
(Go Esau gatáí bïgikami biayi xi Kaxkïdï bïgikami aagaiña odami go Esau. Gokadukana tïtiaradï ïgai. Hebreokïdï Edom busakïi bïgikami.)
31Dai Jakobo itïtïdai,
—Daiñi gin xiixi— itïtïdai. —Aapi ïgai dai bia ïmo sïïrhikami gï abhana gaxïgikatai. Xibi gin daibundañi gï sïïrhikamiga nai aanï gï daibundana bhiayi ixtuma ugia aapi— itïtïdai.
32—Kïïgadu— itïtïdai Esau —Karhioga mukimi aanï— itïtïdai. —Aidï gia tumaxi ïr soiñi ka agai gin sïïrhikami ix mukia aanï— itïtïdai.
33—Kïï sïïrhi aaga tuduidï ix gin daibuiñda agai go sïïrhikami— itïtïdai Jakobo.
Dai Esau ka kïï sïïrhi aagai dai ka daibuñi go sïïrhikami ix makïdï biakatadai ïgai gaxïgikatai. 34Dai bhodïrï Jakobo oi lïïchi pan ïmadï bhabi. Bhodïrï mos gauu Esau dai gaii lïïchi iidagai dai oton bañi ïgai dai busai abhiadïrï. Bïï mai buamï ïrhidi Esau mos ïï lïïchikïdï gagaarakai ïgai sïïrhikamigadï.
Dai gokiïrioma gaïxi Jakobo ïpï ïmai bhai ïrhiaradï Esau ïpï. Isaak maaki agaitadai ïmo bhai ïrhiaragai go Esau dai Jakobo baa xako dajatadai Isaak dai yaata. Esau gï dáí ïgai dai gaïxi bhai ïrhiaradï xïgidï tudu.
Currently Selected:
Genesis 25: NTP
Highlight
Share
Copy
Want to have your highlights saved across all your devices? Sign up or sign in
Copyright: Ethnos360 Sanford, Florida
