Mathew 10
10
1Naŋ ni me suware ma suria ira tiŋqoro anana saŋavul tuwale o numei nirua, ti le mun neira o mana goro o vui gagavu ŋaŋ si a vasaug lue neira, wa si a vaesu o sale gopae ŋaŋ, wa o sale mageregere ŋaŋ.
2Naŋ nasasara sala o numei nirua we tamaike wa, O moai i Simon we logia si Peter, wa i Andrew i tasina; i James natun Sebede, wa i John i tasina; 3i Philip, tana i Bartholomew; i Thomas, wa i Mathew o rowoagtalsom; i James natun i Alpheus, wa i Thadeus: 4i Simon i Kananites, wa i Judas Iskariot, i gene me maniriŋia.
5Iragai o numei nirua iloke i Jesus me vatraŋira at, we vareg mun neira, ti vet wa, Turpea mule at ilo matesalara sul ŋaŋ we sea, wa turpea rowolue ilo laqlaqe vanuara ta Samaria. 6Nava tur mule ran sur o sheep ŋaŋ talo iman Israel me tagea ti. 7Wa tur va toretore goro, we vet wa, O marana tavunana me rasu ma. 8Tur vaesu iragai we gopa, tur ge wenewene kel ira resresmavin; tur ge raka kel iragai me mate ti, tur vasaug lue o vui we tatas. Kamiu me lav mamasa momiu, tur la mamasa at. 9Turpea vilevile o gold, si o silver, si o bras alo taŋamiu; 10si o tapera ape vanoga, si o siopa sarusaru nirua, si o sarusaru goro malekai, si o qat tigotigo. Apen i mawmawuitag we sar ape gan o sinaga. 11Wa kam qe kalo pata ilo sava laqlaqe vanua si o vutre vanua, tur sike vagvagaute si isei alolona we sar, wa tur toga nev aia gai rowolue nan. 12Wa kam qe kalo pata ilo ima, tur wievavae ilone. 13Wa si o ima ilone we sar apena, nomiu o tamata ni siwo avunana: pa si gate sar apena, nomiu o tamata ni kel mulaŋ ma sur kamiu. 14Wa isei qe tete lav vasgot kamiu, qe tete roŋotag nomiu o vavae, kam qe rowolue nan o ima ilone si nan o laqlaqe vanua ilone, tur neneŋag savrag o wuwue tano tape raŋomiu. 15We nun na we vava mun kamiu wa, Te mataketake mun o vanua Sodom wa Gomora alo qoŋ veveg nan mun o laqlaqe vanua ilone.
16Ilo, na we vatraŋ at kamiu tam o sheep alo vatitne qoe kurkur; o manigiu ilone tur qeteg matanur tam o mata, wa tur toga tapeto tam o qona. 17Pa tur ilogoro kamiu nan o tanun ŋaŋ: ape neira te ukeg kamiu sur o vavtig veveg ŋaŋ, wa te towos kamiu alo nor o ima siwo tuwale ŋaŋ; 18we nun, pa te vanogag kamiu goro nagora tanun liwoa goro ŋaŋ, wa alo nagora maranaga ŋaŋ o manigiu inau, mun vaglala mun neira wa mura sul ŋaŋ we sea. 19Pa aŋaisa neira qe ukeg kamiu, turpea nononom teqateqa kam te vava tama avea, si te vava o sava; ape te le mun kamiu alo masao qoŋ ilone o sava vavae kam te vava. 20Pa gate momiu we vava, nava o Vui non i Tamamiu we vava alo ikamiu. 21Wa o tasiu te ukeg i tasina sin mate, wa o mama te ukeg i natuna, wa o reremera ŋaŋ te ge raka ape tamara tara ravevera wa te ge mateira. 22Wa o tanun nol te ŋustup kamiu ape sasak; pa isei qe goara galava gai niŋa o ulusui te vaesua apena. 23Pa aŋaisa neira qe gege kamiu alo laqlaqe vanua iloke, tur totoa ilo tuara vanua: pa we nun na we vava mun kamiu wa, Kam tete mulemule valvanua ŋaŋ nora Israel, i Nat tanun gai mule ma.
24O tiŋqoro gate raka sage nan i vatogo neia, si i mawmawuitag nan i tagina. 25We sasarita mun o tiŋqoro sin tama i vatogo neia, wa o mawmawuitag sin tama i tagina: si neira me mano log veta i tagiima si Beelsebub, pa neira tete log aneane iragai talo imana? 26O manigiu ilone turpea gogogolora: ape itagai tea me vataqav goro ti, pa was te like kel aŋaisa; pa si me vatŋorag ti, nava was te gilala lai aŋaisa. 27O sava ŋaŋ na we gaganag mun kamiu alo silsiliga, tur gaganag lue alo marmararan: wa o sava kam we roŋotag alo qoroi, tur maŋasag lue avawo qatiima. 28Wa turpea gogogolo rasei we ge mate o turiai, pa gate mana si a ge mate o atai: pa tur gogogolo raka sage i gene we mana we ge tagea tatarua o atai wa o turiai alo Geena. 29Pa gate girei o wovile nirua mun o qatut som? wa i tuwale nan neira gate masu gap ilo tano pa i Tamamiu tagai. 30Pa me vasogo qet veta o tape ului ŋaŋ vawo qatumiu. 31Turpea gogolo apena, kamiu we mava nan o wovile we qoqo. 32O manigiu o ike isei qe gaganag lue ape nau alo nagor o tanun, inau mulaŋ te gaganag lue ape neia alo nagon i Tamak tavunana. 33Pa isei qe tala nau alo nagor o tanun, na te tala mok neia alo nagon i Tamak tavunana.
34Turpea nononom si na me mule ma si na map o tamata alo marama; na gate mule ma si na map o tamata, nava o gasal. 35Ape na me mule ma si na vilewora o tanun nan tamana, wa o natui o vavine nan ravevena, wa ro qaliga nan ro qaligana; 36wa nonsei o tavalalea ŋaŋ te talo imana ran. 37Isei qe tape tamana si ravevena nan nau, ni gate sar ape nau, wa isei qe tape natuna o mereata si natuna o vavine nan nau, ni gate sar ape nau. 38Wa isei qe tete lav mona non o wolowolo, wa qe tete tataga ape kulak, ni gate sar ape nau. 39Isei qe ilo suar naatana te ge tagea; pa isei qe ge tagea naatana o manigiu inau, ni te ilo suar. 40Isei we lav vasgot kamiu we lav vasgot inau: wa isei we lav vasgot inau we lav vasgot i gene me vatraŋ nau ma. 41Isei qe lav vasgot o prophet alo sase prophet, te sar munia tama si mun o prophet: wa isei qe lav vasgot o tanun taniniga alo sasan i taniniga, te sar munia tama si mun i taniniga. 42Wa si isei qe le munsei o mantagai iloke man o sava ta lasa pei vires, alo sase tiŋqoro, we nun na we vava mun kamiu wa, non o sarsar tete tagea lai nania.
Currently Selected:
Mathew 10: MOTA
Highlight
Share
Copy
Want to have your highlights saved across all your devices? Sign up or sign in
New Testament was published by the British and Foreign Bible Society in 1931.
Mathew 10
10
1Naŋ ni me suware ma suria ira tiŋqoro anana saŋavul tuwale o numei nirua, ti le mun neira o mana goro o vui gagavu ŋaŋ si a vasaug lue neira, wa si a vaesu o sale gopae ŋaŋ, wa o sale mageregere ŋaŋ.
2Naŋ nasasara sala o numei nirua we tamaike wa, O moai i Simon we logia si Peter, wa i Andrew i tasina; i James natun Sebede, wa i John i tasina; 3i Philip, tana i Bartholomew; i Thomas, wa i Mathew o rowoagtalsom; i James natun i Alpheus, wa i Thadeus: 4i Simon i Kananites, wa i Judas Iskariot, i gene me maniriŋia.
5Iragai o numei nirua iloke i Jesus me vatraŋira at, we vareg mun neira, ti vet wa, Turpea mule at ilo matesalara sul ŋaŋ we sea, wa turpea rowolue ilo laqlaqe vanuara ta Samaria. 6Nava tur mule ran sur o sheep ŋaŋ talo iman Israel me tagea ti. 7Wa tur va toretore goro, we vet wa, O marana tavunana me rasu ma. 8Tur vaesu iragai we gopa, tur ge wenewene kel ira resresmavin; tur ge raka kel iragai me mate ti, tur vasaug lue o vui we tatas. Kamiu me lav mamasa momiu, tur la mamasa at. 9Turpea vilevile o gold, si o silver, si o bras alo taŋamiu; 10si o tapera ape vanoga, si o siopa sarusaru nirua, si o sarusaru goro malekai, si o qat tigotigo. Apen i mawmawuitag we sar ape gan o sinaga. 11Wa kam qe kalo pata ilo sava laqlaqe vanua si o vutre vanua, tur sike vagvagaute si isei alolona we sar, wa tur toga nev aia gai rowolue nan. 12Wa kam qe kalo pata ilo ima, tur wievavae ilone. 13Wa si o ima ilone we sar apena, nomiu o tamata ni siwo avunana: pa si gate sar apena, nomiu o tamata ni kel mulaŋ ma sur kamiu. 14Wa isei qe tete lav vasgot kamiu, qe tete roŋotag nomiu o vavae, kam qe rowolue nan o ima ilone si nan o laqlaqe vanua ilone, tur neneŋag savrag o wuwue tano tape raŋomiu. 15We nun na we vava mun kamiu wa, Te mataketake mun o vanua Sodom wa Gomora alo qoŋ veveg nan mun o laqlaqe vanua ilone.
16Ilo, na we vatraŋ at kamiu tam o sheep alo vatitne qoe kurkur; o manigiu ilone tur qeteg matanur tam o mata, wa tur toga tapeto tam o qona. 17Pa tur ilogoro kamiu nan o tanun ŋaŋ: ape neira te ukeg kamiu sur o vavtig veveg ŋaŋ, wa te towos kamiu alo nor o ima siwo tuwale ŋaŋ; 18we nun, pa te vanogag kamiu goro nagora tanun liwoa goro ŋaŋ, wa alo nagora maranaga ŋaŋ o manigiu inau, mun vaglala mun neira wa mura sul ŋaŋ we sea. 19Pa aŋaisa neira qe ukeg kamiu, turpea nononom teqateqa kam te vava tama avea, si te vava o sava; ape te le mun kamiu alo masao qoŋ ilone o sava vavae kam te vava. 20Pa gate momiu we vava, nava o Vui non i Tamamiu we vava alo ikamiu. 21Wa o tasiu te ukeg i tasina sin mate, wa o mama te ukeg i natuna, wa o reremera ŋaŋ te ge raka ape tamara tara ravevera wa te ge mateira. 22Wa o tanun nol te ŋustup kamiu ape sasak; pa isei qe goara galava gai niŋa o ulusui te vaesua apena. 23Pa aŋaisa neira qe gege kamiu alo laqlaqe vanua iloke, tur totoa ilo tuara vanua: pa we nun na we vava mun kamiu wa, Kam tete mulemule valvanua ŋaŋ nora Israel, i Nat tanun gai mule ma.
24O tiŋqoro gate raka sage nan i vatogo neia, si i mawmawuitag nan i tagina. 25We sasarita mun o tiŋqoro sin tama i vatogo neia, wa o mawmawuitag sin tama i tagina: si neira me mano log veta i tagiima si Beelsebub, pa neira tete log aneane iragai talo imana? 26O manigiu ilone turpea gogogolora: ape itagai tea me vataqav goro ti, pa was te like kel aŋaisa; pa si me vatŋorag ti, nava was te gilala lai aŋaisa. 27O sava ŋaŋ na we gaganag mun kamiu alo silsiliga, tur gaganag lue alo marmararan: wa o sava kam we roŋotag alo qoroi, tur maŋasag lue avawo qatiima. 28Wa turpea gogogolo rasei we ge mate o turiai, pa gate mana si a ge mate o atai: pa tur gogogolo raka sage i gene we mana we ge tagea tatarua o atai wa o turiai alo Geena. 29Pa gate girei o wovile nirua mun o qatut som? wa i tuwale nan neira gate masu gap ilo tano pa i Tamamiu tagai. 30Pa me vasogo qet veta o tape ului ŋaŋ vawo qatumiu. 31Turpea gogolo apena, kamiu we mava nan o wovile we qoqo. 32O manigiu o ike isei qe gaganag lue ape nau alo nagor o tanun, inau mulaŋ te gaganag lue ape neia alo nagon i Tamak tavunana. 33Pa isei qe tala nau alo nagor o tanun, na te tala mok neia alo nagon i Tamak tavunana.
34Turpea nononom si na me mule ma si na map o tamata alo marama; na gate mule ma si na map o tamata, nava o gasal. 35Ape na me mule ma si na vilewora o tanun nan tamana, wa o natui o vavine nan ravevena, wa ro qaliga nan ro qaligana; 36wa nonsei o tavalalea ŋaŋ te talo imana ran. 37Isei qe tape tamana si ravevena nan nau, ni gate sar ape nau, wa isei qe tape natuna o mereata si natuna o vavine nan nau, ni gate sar ape nau. 38Wa isei qe tete lav mona non o wolowolo, wa qe tete tataga ape kulak, ni gate sar ape nau. 39Isei qe ilo suar naatana te ge tagea; pa isei qe ge tagea naatana o manigiu inau, ni te ilo suar. 40Isei we lav vasgot kamiu we lav vasgot inau: wa isei we lav vasgot inau we lav vasgot i gene me vatraŋ nau ma. 41Isei qe lav vasgot o prophet alo sase prophet, te sar munia tama si mun o prophet: wa isei qe lav vasgot o tanun taniniga alo sasan i taniniga, te sar munia tama si mun i taniniga. 42Wa si isei qe le munsei o mantagai iloke man o sava ta lasa pei vires, alo sase tiŋqoro, we nun na we vava mun kamiu wa, non o sarsar tete tagea lai nania.
Currently Selected:
:
Highlight
Share
Copy
Want to have your highlights saved across all your devices? Sign up or sign in
New Testament was published by the British and Foreign Bible Society in 1931.