Mathew 9
9
1Wa ni me rap kalo vawo aka, wa me levegao me niŋa siwo ape tur vanuana. 2Wa ilo, neira me sasa ma munia isei o mawea, we risa alo tano epana. Naŋ i Jesus ti ilo nor o nomtup, ti vet mun o mawea wa, Natuk, toga masur, me nomvitag napugama ŋaŋ. 3Wa ilo, o tuan vatvatogo me vava alo toqara wa, I gene iloke we vava nawono. 4Pa i Jesus me gilala nor o nonomia wa ti vet wa, Ape sava kam we nonom tatas alo toqamiu? 5Pa avea we toga wora, si qe vet, Me nomvitag napugama: si qe vet, Tavaraka, ka tatatale? 6Pa si kamiu a gilala si i Nat tanun we mana a marama si a nomvitag o pugai, naŋ ti vet mun o mawea wa, Ka tavaraka, ka la kalo natanoepama, wa ka van ilo imama. 7Wa ti tavaraka, ti van at ilo imana. 8Pa o sul nol me ilo we gogogolo apena; wa me log ronoga God, ni me la o mana tamaike mun o tanun.
9Naŋ alo i Jesus we mule taso at nan aia, ni me ilo o tanun, nasasana i Mathew, we pute ape tano lele som; naŋ ti vet munia wa, Ka tataga nau. Wa ti tavaraka ti tataga neia.
10Wa me ge tamaike, i Jesus we pute ape ganagana alele ima, ilo, ira rowoagtalsom tara ganganor we qoqo me mule ma we pute tuwale amen Jesus tara tiŋqoro anana. 11Naŋ ira Pharise we ilo neira me vet mun ra tiŋqoro anana wa, Ape sava i Vatogo kamiu we ganagana tuwale amaira rowoagtalsom tara ganganor? 12Naŋ ti roŋotag apena, ti vet wa, Iragai qale esu gate maros ran i gismana, nava iragai we gopa. 13Pa tur mule tur sikesike si o sava iloke wa si, Na we maros o magarosa, wa o oloolo tagai; ape na gate mule ma si a loglog ira taniniga, nava ira ganganor.
14Naŋ alo ilone ira tiŋqoro anan i John we van ma suria, we vet wa, Ape sava ikamam wa ira Pharise ŋaŋ kamam we garagara mamasa vagaqoqo, pa ira tiŋqoro anama tete garagara mamasa lai? 15Naŋ i Jesus ti vet mun neira wa, Pa ira reremera tape iman i lag te lolowono lai tea alo i lag amaira? pa o qoŋ ŋaŋ te rowo ma te lareag i lag nan neira, wa neira qara garagara mamasa. 16Isei tete wono lai o siopa me tuai veta mun o siopa gate wurvag taurmate tiqa, ape o wonowono ilone te ge raka nan o siopa, wa te masare we tatas nan amoa apena. 17Wa mulaŋ irasei tete vaniŋ lai o wine garaqa ilo wetov vinqoe we tuai: si ta tamaike, o wetov ŋaŋ te maworawora wa o wine ti sale qega, wa o wetov ŋaŋ ti pea qet: pa neira we vaniŋ o wine garaqa ilo wetov vinqoe we garaqa, wa te toga tatapuga nol apena.
18Naŋ alo ni me vava tamaike ŋaŋ mun neira, ilo, isei o tanun liwoa goro ti mule pata ma suria, ti vatieqau goroa, ti vet wa, Natuk o malamala me mate veta; pa mule ma ka map napanema avunana, wa ni te esu. 19Wa i Jesus me tavaraka, wa tara tiŋqoro anana me tataga neia. 20Wa ilo, o tavine o nara laqelaqe me ge neia o tau saŋavul tuwale o numei nirua veta, me van ma ape kulana, wa me taŋo retret ape non o golgolo siopa. 21Ape ni me vava alo ineia kel wa, Si na qe taŋo vires ape non o siopa, te ge esu nau apena. 22Pa i Jesus me gole ris, wa ti iloa ti vet wa, Ka toga masur, natuk, nom o nomtup me vaesu ko. Wa me vaesu o tavine ilone alo masao qoŋ ran ilone. 23Naŋ i Jesus me niŋa naiman i liwoa goro, wa we ilo ira gege vigo wa o sul nol we qorogatagata, 24ti vet mun neira wa, Toa reag, ape malamala iloke gate mate, pa we maturu. Pa neira me marmaraesagia. 25Pa me vurereag paso o sul, ti kalo pata, ti taur goro napanena, wa o malamala me tavaraka. 26Wa o roro ike me roro ilo vanua nol ilone.
27Naŋ alo i Jesus me mule taso at nan aia, ira matapei pulrua me tataga neia, we loglog we vet wa, Natun David, ka magarosa ikara. 28Wa ni me kalo pata veta lele ima ira matapei me van ma suria. Naŋ i Jesus ti vet mun rara wa, Kamurua we nomtup si na we mana we ge o ike? Naŋ rara wa, We nun, Lord. 29Naŋ ti taŋo namatanrara ti vet wa, Ni lai mun kamurua we sar ape nomurua o nomtup. 30Wa namatanrara me lik kel: wa i Jesus ti ŋir goro maremare rara, ti vet wa, Ura ilogoro nansei wa gilala apena. 31Pa irara me rowolue at, me sororo narorona alo vanua nol ilone.
32Wa irara we rowolue at, wa ilo, neira me tak ma suria isei o luto, o vui we tatas we gege ineia. 33Wa ni me vasaug lue o vui we tatas, wa o luto ti vava laqa; wa o sul nol we mamakei lava, we vet wa, Gate ilo tuai tea tamaike amen Israel. 34Nava ira Pharise me vet wa, Ni we vasaug lue o vui we tatas mun i moai goro o vui we tatas.
35Wa i Jesus me mule kelkel val laqlaqe vanua ŋaŋ, wa val vanua ŋaŋ, ti vatvatogo alo ima siwo tuwale ŋaŋ tamaira, wa ti toretore goro ape lea we wia tape marana, wa ti vaesu o sale gopae ŋaŋ wa o sale mageregere ŋaŋ. 36Wa ni me ilo o sul nol, ni me magarosa lava neira ape we saŋragira, wa me salsaleŋa tama o sheep ŋaŋ o ilogoro tagai apena. 37Naŋ ti vet mun ra tiŋqoro wa, O gorogoro we poa, pa ira mawmawuitag o tapai. 38Tur paere mun i tag gorogoro, si ni suware ma ira mawmawuitag ilo non o gorogoro.
Currently Selected:
Mathew 9: MOTA
Highlight
Share
Copy
Want to have your highlights saved across all your devices? Sign up or sign in
New Testament was published by the British and Foreign Bible Society in 1931.
Mathew 9
9
1Wa ni me rap kalo vawo aka, wa me levegao me niŋa siwo ape tur vanuana. 2Wa ilo, neira me sasa ma munia isei o mawea, we risa alo tano epana. Naŋ i Jesus ti ilo nor o nomtup, ti vet mun o mawea wa, Natuk, toga masur, me nomvitag napugama ŋaŋ. 3Wa ilo, o tuan vatvatogo me vava alo toqara wa, I gene iloke we vava nawono. 4Pa i Jesus me gilala nor o nonomia wa ti vet wa, Ape sava kam we nonom tatas alo toqamiu? 5Pa avea we toga wora, si qe vet, Me nomvitag napugama: si qe vet, Tavaraka, ka tatatale? 6Pa si kamiu a gilala si i Nat tanun we mana a marama si a nomvitag o pugai, naŋ ti vet mun o mawea wa, Ka tavaraka, ka la kalo natanoepama, wa ka van ilo imama. 7Wa ti tavaraka, ti van at ilo imana. 8Pa o sul nol me ilo we gogogolo apena; wa me log ronoga God, ni me la o mana tamaike mun o tanun.
9Naŋ alo i Jesus we mule taso at nan aia, ni me ilo o tanun, nasasana i Mathew, we pute ape tano lele som; naŋ ti vet munia wa, Ka tataga nau. Wa ti tavaraka ti tataga neia.
10Wa me ge tamaike, i Jesus we pute ape ganagana alele ima, ilo, ira rowoagtalsom tara ganganor we qoqo me mule ma we pute tuwale amen Jesus tara tiŋqoro anana. 11Naŋ ira Pharise we ilo neira me vet mun ra tiŋqoro anana wa, Ape sava i Vatogo kamiu we ganagana tuwale amaira rowoagtalsom tara ganganor? 12Naŋ ti roŋotag apena, ti vet wa, Iragai qale esu gate maros ran i gismana, nava iragai we gopa. 13Pa tur mule tur sikesike si o sava iloke wa si, Na we maros o magarosa, wa o oloolo tagai; ape na gate mule ma si a loglog ira taniniga, nava ira ganganor.
14Naŋ alo ilone ira tiŋqoro anan i John we van ma suria, we vet wa, Ape sava ikamam wa ira Pharise ŋaŋ kamam we garagara mamasa vagaqoqo, pa ira tiŋqoro anama tete garagara mamasa lai? 15Naŋ i Jesus ti vet mun neira wa, Pa ira reremera tape iman i lag te lolowono lai tea alo i lag amaira? pa o qoŋ ŋaŋ te rowo ma te lareag i lag nan neira, wa neira qara garagara mamasa. 16Isei tete wono lai o siopa me tuai veta mun o siopa gate wurvag taurmate tiqa, ape o wonowono ilone te ge raka nan o siopa, wa te masare we tatas nan amoa apena. 17Wa mulaŋ irasei tete vaniŋ lai o wine garaqa ilo wetov vinqoe we tuai: si ta tamaike, o wetov ŋaŋ te maworawora wa o wine ti sale qega, wa o wetov ŋaŋ ti pea qet: pa neira we vaniŋ o wine garaqa ilo wetov vinqoe we garaqa, wa te toga tatapuga nol apena.
18Naŋ alo ni me vava tamaike ŋaŋ mun neira, ilo, isei o tanun liwoa goro ti mule pata ma suria, ti vatieqau goroa, ti vet wa, Natuk o malamala me mate veta; pa mule ma ka map napanema avunana, wa ni te esu. 19Wa i Jesus me tavaraka, wa tara tiŋqoro anana me tataga neia. 20Wa ilo, o tavine o nara laqelaqe me ge neia o tau saŋavul tuwale o numei nirua veta, me van ma ape kulana, wa me taŋo retret ape non o golgolo siopa. 21Ape ni me vava alo ineia kel wa, Si na qe taŋo vires ape non o siopa, te ge esu nau apena. 22Pa i Jesus me gole ris, wa ti iloa ti vet wa, Ka toga masur, natuk, nom o nomtup me vaesu ko. Wa me vaesu o tavine ilone alo masao qoŋ ran ilone. 23Naŋ i Jesus me niŋa naiman i liwoa goro, wa we ilo ira gege vigo wa o sul nol we qorogatagata, 24ti vet mun neira wa, Toa reag, ape malamala iloke gate mate, pa we maturu. Pa neira me marmaraesagia. 25Pa me vurereag paso o sul, ti kalo pata, ti taur goro napanena, wa o malamala me tavaraka. 26Wa o roro ike me roro ilo vanua nol ilone.
27Naŋ alo i Jesus me mule taso at nan aia, ira matapei pulrua me tataga neia, we loglog we vet wa, Natun David, ka magarosa ikara. 28Wa ni me kalo pata veta lele ima ira matapei me van ma suria. Naŋ i Jesus ti vet mun rara wa, Kamurua we nomtup si na we mana we ge o ike? Naŋ rara wa, We nun, Lord. 29Naŋ ti taŋo namatanrara ti vet wa, Ni lai mun kamurua we sar ape nomurua o nomtup. 30Wa namatanrara me lik kel: wa i Jesus ti ŋir goro maremare rara, ti vet wa, Ura ilogoro nansei wa gilala apena. 31Pa irara me rowolue at, me sororo narorona alo vanua nol ilone.
32Wa irara we rowolue at, wa ilo, neira me tak ma suria isei o luto, o vui we tatas we gege ineia. 33Wa ni me vasaug lue o vui we tatas, wa o luto ti vava laqa; wa o sul nol we mamakei lava, we vet wa, Gate ilo tuai tea tamaike amen Israel. 34Nava ira Pharise me vet wa, Ni we vasaug lue o vui we tatas mun i moai goro o vui we tatas.
35Wa i Jesus me mule kelkel val laqlaqe vanua ŋaŋ, wa val vanua ŋaŋ, ti vatvatogo alo ima siwo tuwale ŋaŋ tamaira, wa ti toretore goro ape lea we wia tape marana, wa ti vaesu o sale gopae ŋaŋ wa o sale mageregere ŋaŋ. 36Wa ni me ilo o sul nol, ni me magarosa lava neira ape we saŋragira, wa me salsaleŋa tama o sheep ŋaŋ o ilogoro tagai apena. 37Naŋ ti vet mun ra tiŋqoro wa, O gorogoro we poa, pa ira mawmawuitag o tapai. 38Tur paere mun i tag gorogoro, si ni suware ma ira mawmawuitag ilo non o gorogoro.
Currently Selected:
:
Highlight
Share
Copy
Want to have your highlights saved across all your devices? Sign up or sign in
New Testament was published by the British and Foreign Bible Society in 1931.