Mark 1
1
1O qeteg lea we wia non i Jesus Christ, Natun God. 2Tama me rave veta ti alo Isaia i prophet, wa si,
Ilo, na we suware nasalak at goro nanagoma,
Wa ni te wurvag moai ko namatesalama.
3Naliŋansei we awoawo alo vanua vanameag, wa si,
Tur ge taurmate namatesalan i Lord,
Tur wurvag taniniga non o tano vanoga ŋaŋ;
4I John me qeteg vasvasugroŋo alo vanua vanameag, we toretore ape vasugroŋo nomleas si a nomvitag pugai ŋaŋ. 5Naŋ we rowrowolue suria o vanua nol a Judea, wa ra ta Jerusalem; wa me la mora nol o vasugroŋo amaia alo pei lava Jordan, we gaganag ulul napugara ŋaŋ. 6Pa me saru goro i John mun o ul kamel, wa o rotig vin kau goro nawerena; wa ti pigpig o pautu wa ti ganagana o lig telepue pulemot. 7Naŋ ni me toretore, we vet wa, I gene we mana nan nau we mule ma ape kulak, wa na gate sasarita si na taqaloŋ siwo si a ul o gae qoaqoas raŋona. 8Nau me vasugroŋo moksa kamiu mun o pei; nava ni te vasugroŋo mona kamiu mun o Vui we Roŋo.
9Wa me ge alo qoŋ ŋaŋ ilone, si Jesus me mule ma a Nasaret takele Galilea, wa i John me vasugroŋoa alo Jordan. 10Wa gaplot alo ni we vara kalo nan o pei, ni me ilo o tuka we rave wora, wa o Vui tama o qona we siwo ma ivunana; 11wa o liŋai nan o tuka ma, wa si, Iniko Natuk o meratape, nau me ilo mana iniko.
12Wa gaplot o Vui ti vasurat luea ilo vanua vanameag. 13Wa ni me toga alo vanua vanameag o qoŋ saŋavul vat, i Satan we gale iloa aia, wa ineia amaira qoe turtur; pa o angel ŋaŋ we tatataga suria.
14Naŋ me ukeg vano paso i John, wa i Jesus me vano i Galilea, ti toretore mun o lea we wia tape marana non God, 15ti vava wa si, O masaoi me wesu vunvun, wa o marana non God we rivtag veta ma; tur nomleas, wa tur nomtup o lea we wia.
16Naŋ alo ni we mulemule sir pan qilo ta Galilea, ni me ilo i Simon tana i Andrew i tasina we tul siwo o gape tultul ilo qilo, apen rara o vaŋvaŋona. 17Naŋ i Jesus ti vet munrara wa, Ura mule ma ape kulak, wa na te ge kamurua sia qeteg vaŋvaŋona o tanun. 18Wa gaplot rara me toavtag morara o gape ŋaŋ, wa me tataga ineia. 19Naŋ ni me van kalo mantagai nan o vatine, wa ti ilo i James natun Sebede tana John i tasina, wa irara avawo aka we wurwurvag o gape ŋaŋ. 20Naŋ ti log gaplot rarua; wa rara me toavtag i tamanrara i Sebede alo aka tara rowrowovag anana me qil, we vano ape kulana.
21Naŋ neira we mule pata i Kapernaum; wa gaplot alo qoŋ mapsag ni me kalo pata ilo ima siwo tuwale, ti vatogo. 22Wa neira we mamakei lava ape non o liŋe vatogo; o manigiu ni me vatvatogora tama si o mana amaia, wa gate tama ira vatogo. 23Naŋ alo nor o ima siwo tuwale o tanun o vui gagavu amaia: wa ni me awoawo, 24we vet wa, Awo, o sava amen kamam wa amaiko, Jesus ta Nasaret? Ko me mule ma gai si a ge tagea ikamam? Na we gilala iniko si isei, i Roŋo anan God. 25Naŋ i Jesus me ŋorov goroa, we vet wa, Toga roroŋo, wa ka rowolue nania. 26Naŋ o vui gagavu me sarea, we awoawo mun o liŋai we poa, we rowolue nania. 27Wa neira nol we mamakei aneane, wa we varsike vires neira apena, we vava si, O sava gai iloke? gate liŋe vatogo iloke we garaqa! ape ni we vatraŋ o vui gagavu ŋaŋ mulaŋ mun o mana, wa neira we roŋotagia. 28Wa narorona me gao lue gaplot valval ilo vanua nol we toga waliog a Galilea.
29Naŋ neira me rowolue nan o ima siwo tuwale wa rigrig neira me niŋa ilo imanra Simon tana i Andrew wa i James tana i John amenrara. 30Wa qalgan Simon o tavine we risa, o gopae tutunsag me qaloa, wa rigrig neira we gaganag munia ape neia. 31Naŋ ni me niŋa we taur goro napanena, we lav kaloa; wa gaplot o gopae tutunsag me tagea nania; wa ni me lapasag muneira.
32Wa me ravrav veta, wa o loa sin tul, wa neira we sasasa ma suria ira gopae nol, tarasei o vui we tatas ŋaŋ we gege neira; 33wa o laqlaqe vanua nol me gogorag tuwale ape mateima. 34Wa ni me ge esura we qoqo we gopavag o gopae ŋaŋ we seasea; wa ni me vure lue o vui we tatas we qoqo, pa ni gate ukeg o vui ŋaŋ ilone si a vava, ape neira me gilala veta ineia.
35Naŋ tavala maran, te qale silsiliga ran ti, ni we rowolue; wa me vano niŋa o masao vanua vanameag, wa me tataro aia. 36Wa i Simon me tataga ineia, tarasei ŋaŋ amaia. 37Naŋ me ilo suaria, we gaganag munia si, Iragai nol we sike iniko. 38Pa ni we vet muneira wa si, Nina mule reag at ilo laqlaqe vanua ŋaŋ we toga rivtag, si na toretore mulaŋ alolora; ape o manigiu o ine na me rowolue veta ma apena. 39Naŋ neia alo ima siwo tuwale ŋaŋ tamaira, alo Galilea nan qa nol, we toretore wa we vurevure lue o vui we tatas ŋaŋ.
40Naŋ o tuarasei o resresmavin ti mule ma suria, ti tiasia, ti vatieqau goroa ti vet munia wa si, Ko ta maros ko we mana si a ge wenewene kel inau. 41Wa i Jesus me lolomagarosa ineia, me kaka lue napanena, me taŋo vano ape neia, we vava munia wa, Nau we maros, ka wenewene kel. 42Wa gaplot alo ni te qale vava ti, o resresmavin me saru nania, wa me ge wenewene kelua apena. 43Wa ni me ŋir goro maremarea, me ukeg savrag gaplotua, 44we vava munia wa, Ilo si nipea vava munsei apena; nava mule at, gaganag keluko mun i oloolo, wa ka map kalo o gene ŋaŋ ape we ge wenewene keluko i Moses me vatraŋ ti apena, mun vaglala mun neira. 45Nava i gene me rowolue, me qeteg toretore vagaqoqo wa we sororog o roroi; o manigiu si ni gate mule pata lai ilo laqlaqe vanua alo maea; nava me togatoga alo masao vanua vanameag ŋaŋ, wa o tanun ŋaŋ we vugvug suria nan o valvanua ŋaŋ.
Currently Selected:
Mark 1: MOTA
Highlight
Share
Copy
Want to have your highlights saved across all your devices? Sign up or sign in
New Testament was published by the British and Foreign Bible Society in 1931.
Mark 1
1
1O qeteg lea we wia non i Jesus Christ, Natun God. 2Tama me rave veta ti alo Isaia i prophet, wa si,
Ilo, na we suware nasalak at goro nanagoma,
Wa ni te wurvag moai ko namatesalama.
3Naliŋansei we awoawo alo vanua vanameag, wa si,
Tur ge taurmate namatesalan i Lord,
Tur wurvag taniniga non o tano vanoga ŋaŋ;
4I John me qeteg vasvasugroŋo alo vanua vanameag, we toretore ape vasugroŋo nomleas si a nomvitag pugai ŋaŋ. 5Naŋ we rowrowolue suria o vanua nol a Judea, wa ra ta Jerusalem; wa me la mora nol o vasugroŋo amaia alo pei lava Jordan, we gaganag ulul napugara ŋaŋ. 6Pa me saru goro i John mun o ul kamel, wa o rotig vin kau goro nawerena; wa ti pigpig o pautu wa ti ganagana o lig telepue pulemot. 7Naŋ ni me toretore, we vet wa, I gene we mana nan nau we mule ma ape kulak, wa na gate sasarita si na taqaloŋ siwo si a ul o gae qoaqoas raŋona. 8Nau me vasugroŋo moksa kamiu mun o pei; nava ni te vasugroŋo mona kamiu mun o Vui we Roŋo.
9Wa me ge alo qoŋ ŋaŋ ilone, si Jesus me mule ma a Nasaret takele Galilea, wa i John me vasugroŋoa alo Jordan. 10Wa gaplot alo ni we vara kalo nan o pei, ni me ilo o tuka we rave wora, wa o Vui tama o qona we siwo ma ivunana; 11wa o liŋai nan o tuka ma, wa si, Iniko Natuk o meratape, nau me ilo mana iniko.
12Wa gaplot o Vui ti vasurat luea ilo vanua vanameag. 13Wa ni me toga alo vanua vanameag o qoŋ saŋavul vat, i Satan we gale iloa aia, wa ineia amaira qoe turtur; pa o angel ŋaŋ we tatataga suria.
14Naŋ me ukeg vano paso i John, wa i Jesus me vano i Galilea, ti toretore mun o lea we wia tape marana non God, 15ti vava wa si, O masaoi me wesu vunvun, wa o marana non God we rivtag veta ma; tur nomleas, wa tur nomtup o lea we wia.
16Naŋ alo ni we mulemule sir pan qilo ta Galilea, ni me ilo i Simon tana i Andrew i tasina we tul siwo o gape tultul ilo qilo, apen rara o vaŋvaŋona. 17Naŋ i Jesus ti vet munrara wa, Ura mule ma ape kulak, wa na te ge kamurua sia qeteg vaŋvaŋona o tanun. 18Wa gaplot rara me toavtag morara o gape ŋaŋ, wa me tataga ineia. 19Naŋ ni me van kalo mantagai nan o vatine, wa ti ilo i James natun Sebede tana John i tasina, wa irara avawo aka we wurwurvag o gape ŋaŋ. 20Naŋ ti log gaplot rarua; wa rara me toavtag i tamanrara i Sebede alo aka tara rowrowovag anana me qil, we vano ape kulana.
21Naŋ neira we mule pata i Kapernaum; wa gaplot alo qoŋ mapsag ni me kalo pata ilo ima siwo tuwale, ti vatogo. 22Wa neira we mamakei lava ape non o liŋe vatogo; o manigiu ni me vatvatogora tama si o mana amaia, wa gate tama ira vatogo. 23Naŋ alo nor o ima siwo tuwale o tanun o vui gagavu amaia: wa ni me awoawo, 24we vet wa, Awo, o sava amen kamam wa amaiko, Jesus ta Nasaret? Ko me mule ma gai si a ge tagea ikamam? Na we gilala iniko si isei, i Roŋo anan God. 25Naŋ i Jesus me ŋorov goroa, we vet wa, Toga roroŋo, wa ka rowolue nania. 26Naŋ o vui gagavu me sarea, we awoawo mun o liŋai we poa, we rowolue nania. 27Wa neira nol we mamakei aneane, wa we varsike vires neira apena, we vava si, O sava gai iloke? gate liŋe vatogo iloke we garaqa! ape ni we vatraŋ o vui gagavu ŋaŋ mulaŋ mun o mana, wa neira we roŋotagia. 28Wa narorona me gao lue gaplot valval ilo vanua nol we toga waliog a Galilea.
29Naŋ neira me rowolue nan o ima siwo tuwale wa rigrig neira me niŋa ilo imanra Simon tana i Andrew wa i James tana i John amenrara. 30Wa qalgan Simon o tavine we risa, o gopae tutunsag me qaloa, wa rigrig neira we gaganag munia ape neia. 31Naŋ ni me niŋa we taur goro napanena, we lav kaloa; wa gaplot o gopae tutunsag me tagea nania; wa ni me lapasag muneira.
32Wa me ravrav veta, wa o loa sin tul, wa neira we sasasa ma suria ira gopae nol, tarasei o vui we tatas ŋaŋ we gege neira; 33wa o laqlaqe vanua nol me gogorag tuwale ape mateima. 34Wa ni me ge esura we qoqo we gopavag o gopae ŋaŋ we seasea; wa ni me vure lue o vui we tatas we qoqo, pa ni gate ukeg o vui ŋaŋ ilone si a vava, ape neira me gilala veta ineia.
35Naŋ tavala maran, te qale silsiliga ran ti, ni we rowolue; wa me vano niŋa o masao vanua vanameag, wa me tataro aia. 36Wa i Simon me tataga ineia, tarasei ŋaŋ amaia. 37Naŋ me ilo suaria, we gaganag munia si, Iragai nol we sike iniko. 38Pa ni we vet muneira wa si, Nina mule reag at ilo laqlaqe vanua ŋaŋ we toga rivtag, si na toretore mulaŋ alolora; ape o manigiu o ine na me rowolue veta ma apena. 39Naŋ neia alo ima siwo tuwale ŋaŋ tamaira, alo Galilea nan qa nol, we toretore wa we vurevure lue o vui we tatas ŋaŋ.
40Naŋ o tuarasei o resresmavin ti mule ma suria, ti tiasia, ti vatieqau goroa ti vet munia wa si, Ko ta maros ko we mana si a ge wenewene kel inau. 41Wa i Jesus me lolomagarosa ineia, me kaka lue napanena, me taŋo vano ape neia, we vava munia wa, Nau we maros, ka wenewene kel. 42Wa gaplot alo ni te qale vava ti, o resresmavin me saru nania, wa me ge wenewene kelua apena. 43Wa ni me ŋir goro maremarea, me ukeg savrag gaplotua, 44we vava munia wa, Ilo si nipea vava munsei apena; nava mule at, gaganag keluko mun i oloolo, wa ka map kalo o gene ŋaŋ ape we ge wenewene keluko i Moses me vatraŋ ti apena, mun vaglala mun neira. 45Nava i gene me rowolue, me qeteg toretore vagaqoqo wa we sororog o roroi; o manigiu si ni gate mule pata lai ilo laqlaqe vanua alo maea; nava me togatoga alo masao vanua vanameag ŋaŋ, wa o tanun ŋaŋ we vugvug suria nan o valvanua ŋaŋ.
Currently Selected:
:
Highlight
Share
Copy
Want to have your highlights saved across all your devices? Sign up or sign in
New Testament was published by the British and Foreign Bible Society in 1931.