Mark 2
2
1Naŋ me paso o tuan qoŋ ni me mule pata mulaŋ i Kapernaum; wa me sororo si neia alo ima veta. 2Wa gaplot o tanun we qoqo me vug tuwale, o manigiu si gate maea ilo, si ape mateima wa tagai; wa ni me gagaganag o vavae muneira. 3Naŋ irasei we mule ma suria we tak ma o mawea, o tanun pul vat we sasasa ineia. 4Wa neira gate peteŋ laia ape sul, wa neira me sese wora o noota alo masaoi ineia aia, wa me waka paso, qara varoro siwo o tanoepa i mawea we risa avunana. 5Naŋ i Jesus we ilo nor o nomtup ti vava mun i mawea wa, Natuk, me nomvitag muniko napugama ŋaŋ. 6Pa o tuan vatvatogo we putepute aia, wa we lealeasag roroŋo alo toqara wa si, 7Ape sava i gene we vava tamaike? we vava nawono: isei we nomvitag lai o pugai ŋaŋ, nava i tuwale, i God nane? 8Wa gaplot i Jesus we lolomaran alo atana apena, si neira we leasag tamaike alo lolora; naŋ ti vet muneira wa, Ape sava kamiu we leasag tamaine alo toqamiu? 9Avea we togawora, si we vava mun i mawea si, Me nomvitag napugama ŋaŋ; si we vava si, Tavaraka, wa taur kalo natanoepama, wa mule atalia. 10Nava si kamiu a ilo vaglala si amen i Nat tanun o mana apena si a nomvitag pugai ŋaŋ vawo tano; naŋ ti vet mun i mawea wa, 11Nau we vava muniko, Tavaraka, wa taur kalo natanoepama, wa ka kel sage ilo imama. 12Wa ni me tavaraka gaplot, wa me taur kalo natanoepana, wa me rowolue alo nagora nol. O manigiu si neira we mamakei nol, wa we log ronoga God, we vava wa si, Kamam gate ilo tuai tea we tamaike.
13Naŋ ni me rowolue mulaŋ pan qilo; wa o sul nol we vug suria, wa ni we vatvatogo neira. 14Wa alo ni we mule tal ni me ilo i Levi natun Alpheus we pute ape tano lele som; naŋ ti vava munia wa, Tataga inau. Naŋ ti tavaraka, ti tataga ineia. 15Naŋ me ge tamaike, ni we pute siwo ape ganagana alo iman i gene iloke, wa ira rowoagtalsom wa ira ganganor we qoqo me pute tuwale siwo amen Jesus tara tiŋqoro anana; ape neira we qoqo wa me tataga ineia ma ti. 16Naŋ ira vatvatogo tara Pharise me iloa we ganagana tuwale amaira rowoagtalsom tara ganganor, wa me vava munra tiŋqoro anana wa si, O sava nake, si ni we ganagana wa we imaima tuwale amaira rowoagtalsom tara ganganor? 17Pa i Jesus me roŋotag, me vava muneira wa, Irasei we esuesu gate maros ran i gismana, nava irasei we gopagopa. Na gate mule ma si na log ira taniniga, nava ira ganganor ape nomleas.
18Naŋ ira tiŋqoro anan John wa anara Pharise me togatoga we garagara mamasa; wa neira we mule ma we vava munia wa, Ape sava ira tiŋqoro anan John wa anara Pharise we garagara mamasa, nava ira tiŋqoro anama gate garagara mamasa mora? 19Wa i Jesus me vava muneira wa, Ira nanat ima wosolagia, alo masaoi i lag amaira, was we garagara mamasa lai? Tagai; alo masaoi i lag qale amaira neira tete garagara mamasa lai. 20Nava o qoŋ ŋaŋ te rasu ma aŋaisa, te lareag i lag nan neira alolora, wa neira te qara garagara mamasa mora alo qoŋ nane ilone. 21Wa isei gate susur o masarei gate wurvag taurmate tiqa sin wono o siopa me tuai veta nia; pa si ta tamaine o wonowono ilone we garaqa te ge raka nan o siopa we tuai, wa te qeteg masare we tatas nan amoa apena. 22Wa mulaŋ, isei gate vaniŋ o wine we garaqa ilo wetov vinqoe ŋaŋ we tuai; pa si ta tamaine, o wine we garaqa te sis wora o vinqoe, wa o wine te sale lue, wa o wetov ŋaŋ te tagea ran apena. Nava te vaniŋ ran o wine garaqa ilo wetov vinqoe we garaqa.
23Naŋ me ge alo ni we taletale alo tuqei ŋaŋ alo qoŋ mapsag, si ra tiŋqoro anana we mulemule we qeteg tawotawo o wutui ŋaŋ. 24Nava ira Pharise me vava munia wa, Ilo, ape sava neira we ge tamaike alo qoŋ mapsag, wa gate tira ape lea? 25Naŋ neia muneira wa, Pa kamiu gate vasogo tiqa si David me ge mona o sava, alo ni me maros ran, wa me maliŋsala, ineia tarasei amaia? 26Si ni me kalo pata qa ilo iman God alo qoŋin i Abiathar i moe oloolo, wa me gana o bread we mapmap lue, gate tira ape lea si a gana nava nagara oloolo magesera; wa si ni me tirag mulaŋ munragai amaia? 27Wa ni me vava muneira si, O qoŋ mapsag me qeteg raka o manigiu o tanun, wa gate o tanun o manigiu o qoŋ mapsag. 28Wa o manigiu o ine i Nat tanun we lord goro mulaŋ o qoŋ mapsag.
Currently Selected:
Mark 2: MOTA
Highlight
Share
Copy
Want to have your highlights saved across all your devices? Sign up or sign in
New Testament was published by the British and Foreign Bible Society in 1931.
Mark 2
2
1Naŋ me paso o tuan qoŋ ni me mule pata mulaŋ i Kapernaum; wa me sororo si neia alo ima veta. 2Wa gaplot o tanun we qoqo me vug tuwale, o manigiu si gate maea ilo, si ape mateima wa tagai; wa ni me gagaganag o vavae muneira. 3Naŋ irasei we mule ma suria we tak ma o mawea, o tanun pul vat we sasasa ineia. 4Wa neira gate peteŋ laia ape sul, wa neira me sese wora o noota alo masaoi ineia aia, wa me waka paso, qara varoro siwo o tanoepa i mawea we risa avunana. 5Naŋ i Jesus we ilo nor o nomtup ti vava mun i mawea wa, Natuk, me nomvitag muniko napugama ŋaŋ. 6Pa o tuan vatvatogo we putepute aia, wa we lealeasag roroŋo alo toqara wa si, 7Ape sava i gene we vava tamaike? we vava nawono: isei we nomvitag lai o pugai ŋaŋ, nava i tuwale, i God nane? 8Wa gaplot i Jesus we lolomaran alo atana apena, si neira we leasag tamaike alo lolora; naŋ ti vet muneira wa, Ape sava kamiu we leasag tamaine alo toqamiu? 9Avea we togawora, si we vava mun i mawea si, Me nomvitag napugama ŋaŋ; si we vava si, Tavaraka, wa taur kalo natanoepama, wa mule atalia. 10Nava si kamiu a ilo vaglala si amen i Nat tanun o mana apena si a nomvitag pugai ŋaŋ vawo tano; naŋ ti vet mun i mawea wa, 11Nau we vava muniko, Tavaraka, wa taur kalo natanoepama, wa ka kel sage ilo imama. 12Wa ni me tavaraka gaplot, wa me taur kalo natanoepana, wa me rowolue alo nagora nol. O manigiu si neira we mamakei nol, wa we log ronoga God, we vava wa si, Kamam gate ilo tuai tea we tamaike.
13Naŋ ni me rowolue mulaŋ pan qilo; wa o sul nol we vug suria, wa ni we vatvatogo neira. 14Wa alo ni we mule tal ni me ilo i Levi natun Alpheus we pute ape tano lele som; naŋ ti vava munia wa, Tataga inau. Naŋ ti tavaraka, ti tataga ineia. 15Naŋ me ge tamaike, ni we pute siwo ape ganagana alo iman i gene iloke, wa ira rowoagtalsom wa ira ganganor we qoqo me pute tuwale siwo amen Jesus tara tiŋqoro anana; ape neira we qoqo wa me tataga ineia ma ti. 16Naŋ ira vatvatogo tara Pharise me iloa we ganagana tuwale amaira rowoagtalsom tara ganganor, wa me vava munra tiŋqoro anana wa si, O sava nake, si ni we ganagana wa we imaima tuwale amaira rowoagtalsom tara ganganor? 17Pa i Jesus me roŋotag, me vava muneira wa, Irasei we esuesu gate maros ran i gismana, nava irasei we gopagopa. Na gate mule ma si na log ira taniniga, nava ira ganganor ape nomleas.
18Naŋ ira tiŋqoro anan John wa anara Pharise me togatoga we garagara mamasa; wa neira we mule ma we vava munia wa, Ape sava ira tiŋqoro anan John wa anara Pharise we garagara mamasa, nava ira tiŋqoro anama gate garagara mamasa mora? 19Wa i Jesus me vava muneira wa, Ira nanat ima wosolagia, alo masaoi i lag amaira, was we garagara mamasa lai? Tagai; alo masaoi i lag qale amaira neira tete garagara mamasa lai. 20Nava o qoŋ ŋaŋ te rasu ma aŋaisa, te lareag i lag nan neira alolora, wa neira te qara garagara mamasa mora alo qoŋ nane ilone. 21Wa isei gate susur o masarei gate wurvag taurmate tiqa sin wono o siopa me tuai veta nia; pa si ta tamaine o wonowono ilone we garaqa te ge raka nan o siopa we tuai, wa te qeteg masare we tatas nan amoa apena. 22Wa mulaŋ, isei gate vaniŋ o wine we garaqa ilo wetov vinqoe ŋaŋ we tuai; pa si ta tamaine, o wine we garaqa te sis wora o vinqoe, wa o wine te sale lue, wa o wetov ŋaŋ te tagea ran apena. Nava te vaniŋ ran o wine garaqa ilo wetov vinqoe we garaqa.
23Naŋ me ge alo ni we taletale alo tuqei ŋaŋ alo qoŋ mapsag, si ra tiŋqoro anana we mulemule we qeteg tawotawo o wutui ŋaŋ. 24Nava ira Pharise me vava munia wa, Ilo, ape sava neira we ge tamaike alo qoŋ mapsag, wa gate tira ape lea? 25Naŋ neia muneira wa, Pa kamiu gate vasogo tiqa si David me ge mona o sava, alo ni me maros ran, wa me maliŋsala, ineia tarasei amaia? 26Si ni me kalo pata qa ilo iman God alo qoŋin i Abiathar i moe oloolo, wa me gana o bread we mapmap lue, gate tira ape lea si a gana nava nagara oloolo magesera; wa si ni me tirag mulaŋ munragai amaia? 27Wa ni me vava muneira si, O qoŋ mapsag me qeteg raka o manigiu o tanun, wa gate o tanun o manigiu o qoŋ mapsag. 28Wa o manigiu o ine i Nat tanun we lord goro mulaŋ o qoŋ mapsag.
Currently Selected:
:
Highlight
Share
Copy
Want to have your highlights saved across all your devices? Sign up or sign in
New Testament was published by the British and Foreign Bible Society in 1931.