Luka 1
1
Amadzwi ga kutala
1Ve mutambule Tyofilo.
Avaanu voloofu vásimbile imola idza Yesu Kilisiti,#1:1 Kilisiti Kwe kutigila Mesiya, umuunu ye aahaaguliilwe nu kutumwa nu Nguluvi kuvapoka avaanu vonda ngita Mupoki, nu kutema avaanu mu wutwa waakwe ngita Mutwa. Lole UKilisiti ku Figanulo. ngita kye dzaalimiike ukwesu. 2Vásimbile imola idzi ngita kye tóoleliilwe navo avaalolaga na miiho gaawo, nu kudzidalika ukuhuma uwutalilo waakwe. 3Lino ndíweene lunofu ukukusimbila dzonda idzi, pakuva ndítemuwe wunofu indakyene iya mola dza Yesu ukuvangila pa wutalilo, 4ukuta uyikagulage indakyene iya mola dzonda dze úwulaniidzwe.
Uwuvidzi wa kuholwa kwa Yohana uMudzabisi
5Mu musika Helode#1:5 Helode Uyu ye Helode uMuvina, umutemi va Yudeya, Galilaya, Peleya, Samalya ni Tulakonitisi. AVayahudi voloofu vamuviipiye wiimila wa wusali waakwe. pe aali mutwa va mugoola gwa Yudeya, aali kwali umuteekedzi#1:5 Umuteekedzi Lole Avateekedzi ku Figanulo. yumwinga ye aatambulwaga Sakalya, va kiwungu kya wuteekedzi ikya Abiya. Umudala va Sakalya aatambulwaga Elisabeti. Uyo aali va lukolo lwa wuteekedzi wa Aloni.#1:5 Aloni Uyu aali maamiye va Mose, kangi muteekedzi umuvina va kutala, Kuhega 28:1-3. 6USakalya nu Elisabeti vaali vagolofu pa miiho ga Nguluvi, vadzigendelaga wunofu indagi ni milagililwe gyonda gya Mutwa Nguluvi kingaya lugomehedzo. 7Avaanu avo vaali vangaya mwana, pakuva uElisabeti aali mugumba, kangi vaali vagogolo.
8Kwali ni mivedzehedze igya kulima amalimo ga wuteekedzi mu tembeli.#1:8 Tembeli Lole Itembeli ku Figanulo. Umwanuungʼano gwa kiwungu kya Abiya gwifikaga. 9Mu mivedzehedze igya wuteekedzi igyo, uSakalya aahaaguliilwe mu lusolo#Malimo ga Vatume 1:26 ukwingila aPiimike mu tembeli#1:9 APiimike mu tembeli Lole Itembeli ku Figanulo. ya Mutwa Nguluvi, ukuta afuungʼilidze uwufumba pa kiteekelelo. 10Pe ali mugati iifuungʼilidza, avaanu voloofu vaali mu lipaala lya tembeli mu kulapangila.
11Neke umunyamwandza#1:11 Umunyamwandza Lole Avanyamwandza ku Figanulo. va Mutwa Nguluvi amuhumilage uSakalya. Umunyamwandza uyo iikwimaga ulubali ulwa kundiyo ulwa kiteekelelo. 12USakalya pe amuweene, iikwibatwaga ni kitulo kikomi. 13Umunyamwandza uyo akumulongelaga iitigilaga, “Utane ukoogopa Sakalya, pakuva uNguluvi ápuliike ululapangilo lwako, umudala vaako uElisabeti ahadza akukuvegalila umwana, uyo umupeelage ilitaawa Yohana. 14Na yuuve uhadza wiivedza nu lukeelo, nava vaanu voloofu viivedza nu lukeelo pe iivedza áholiilwe, 15pakuva iivedza mukomi pa miiho ga Mutwa Nguluvi. Uyo asinywedzaga idifwayi#1:15 Asinywedzaga idifwayi UYohana uMudzabisi asaanywedzaga idifwayi, pakuva uNguluvi amuhaaguwe wiimila wa kulima amalimo amiimike. Lole Idifwayi ku Figanulo. nambe kikivedzaga ikiigaadza, iimema uMubepo uMwimike ukuhuma pe ali mu lileme lya ngʼina. 16Akuvapilusaga aVaisilaheli voloofu kwa Mutwa Nguluvi vaawo. 17Uyo ahadza iitumwa pa miiho ga Mutwa, ahadza iilongodzwa nu Mubepo uMwimike mu ngufu ngita kye aali uEliya,#1:17 UEliya AVayahudi vaahuuvilaga ukutigila, alaadza kangi umuvidzi uEliya, kugelanidza ukwadza kwa Kilisiti, Malaki 3:1; 4:5-6. akuvateepulaga avavaha na vaana vaawo. Kangi akuvapilusaga mu ngʼaasi ya wugolofu avaanu avasikumwidika uNguluvi, nu kuvagelanidza avaanu ukumwanukila uMutwa.”
18Neke uSakalya amulongelage umunyamwandza atigilage, “Uneene nu mudala vangu tuli vagogolo. Ndiidzeela wuli ukutigila amadzwi aga ga ndakyene?” 19Pe aaviye álongile ulo, umunyamwandza akumulongelaga iitigilaga, “Uneene yuune Gabulyeli, ye ndiikwima pa miiho ga Nguluvi, ye áanumile ukukulongela imola inofu iyi. 20Lino, pakuva usifuuviilwe lwe ndíkulongiye, wiivedza mukitalonga. Usilongaga ukufikila ikigono pe dzilaavedza dziihumila idzi, ndakyene dzilaahumila pe gulaavedza gúfikile umusika gwakwe!”
21Umusika guugo, avaanu avo avaali mu lipaala lya tembeli, vamudzindilaga uSakalya kuno viidzuma, pakuva aahweleliye aPiimike. 22Pe áhumile, aalemwaga ukulonga navo, neke aveene valufikage ukutigila, kuli lukaani lúhumiye umo. Na yumwene iisigalaga akuvavingila amawoko, iivedzaga mukitalonga. 23Fyaviye físilile ifigono fyakwe ifya kulima amalimo ga wuteekedzi, iipilukaga ku kaaya.
24Pambele uElisabeti mudala vaakwe, iivedzaga munya wuvaha, iifihamaga mu kaaya myedzi gihaanu. Akwilondzaga mwene iitigilaga, 25“Ulu lwe lwene lwe áandimiye uMutwa Nguluvi, áandziwiike nu kuunyedzehedza inyoni pa miiho ga vaanu.”
Uwuvidzi wa mola ya kuholwa kwa Kilisiti
26Gwaviye gúfikile umwedzi gwa mutanda (6) gwa wuvaha wa Elisabeti, uNguluvi akumutumaga umunyamwandza uGabulyeli ku wudzenge wa Nasaleti uwaali mu mugoola gwa Galilaya, 27kwa muhindza ye asimudzeeliye umugoosi, ye aatambulwaga Maliya. Umuhindza uyo aali ábaanyiilwe nu Yosefu ye aali va lukolo lwa mutwa Dawudi. 28Umunyamwandza pe aafikile kwa Maliya iitigilaga, “Saavo uveeve ye úsavile ulusungu, uMutwa Nguluvi ali naave.”
29UMaliya pe aapuliike ilidzwi ilyo, iikwibatwaga hiilo ni kitulo mu numbula yaakwe, akwiwuudzaga iitigilaga, “Uluhungilo ulu, kwe kutigila kiki?” 30Neke umunyamwandza amulongelage atigilage, “Maliya, utane ukoogopa, pakuva uNguluvi ákuwoniye ulusungu. 31Lolage, uhadza wiikwingililwa, nu kuhola umwana mugoosi, umupeelage ilitaawa Yesu. 32Umwana uyo iivedzaga mukomi, kangi iitambulwaga Muswamuve va Nguluvi uMukomi. UMutwa Nguluvi ahadza akumupeela uwutawulilwe wa wutwa wa kuuhwe uDawudi.#1:32 Kuuhwe uDawudi Uluhuuvidzo lwa Mesiya ukuhuma ulukolo lwa Dawudi lúkwiliye, 2 Samweli 7:12-14, 16; Isaya 9:7. 33Kangi ahadza iitemaga aVaisilaheli#1:33 Ahadza iitemaga aVaisilaheli Ikikelo pa kikelo, ahadza iitema ikaaya ya Yakobo. AVaisilaheli vaahumile ulukolo ulwa Yakobo. ifigono fyonda, uwutwa waakwe wusivedza nu wusililo.”#Danyeli 7:14
34UMaliya akumuwuudzaga umunyamwandza iitigilaga, “Uneene sindimudzeeliye umugoosi, lino ulu lwivedza wuli?” 35Umunyamwandza akumuhigaga iitigilaga, “UMubepo uMwimike akukwadzila, ni ngufu dza Nguluvi uMukomi dzikukugubika ngita mwigisila, neke umwana ye wiihola iivedza mwimike, iitambulwaga Muswamuve va Nguluvi. 36Lolage! Nayu munyalukolo vaako uElisabeti mu wugogolo waakwe, ali nu wuvaha wa mwana mugoosi. Kangi uyo ye vaatigilaga mugumba, ugu mwedzi gwa mutanda! 37Sikookili ikikumulema uNguluvi.” 38UMaliya iitigilaga, “Lolage, uneene ndili mulimila-vangi va Mutwa Nguluvi, luvedzage ewo ukwangu ngita kye úlongile.” Neke umunyamwandza uyo ahegage.
UMaliya iihelela kumuhungila uElisabeti
39Mu figono fikeefu pambele, uMaliya iihegaga kuhelela kisaatu ku wudzenge wumwinga uwaali mu fidunda ifya mugoola gwa Yudeya. 40Neke iingilage mu nyumba ya Sakalya, amuhungilage uElisabeti. 41UElisabeti pe iipulika inyungila ya Maliya, umwana iikinaga mugati mu lileme lyakwe. UElisabeti iimemywaga uMubepo uMwimike, 42neke anywilidzage ukugengedula, atigilage, “Úfuunyiliilwe uveeve ukulutila avamwayuuva vonda, kangi áfuunyiliilwe nayu mwana ye uhadza wiihola. 43Uneene ndili ani nambe ngʼina va Mutwa Nguluvi vangu aadze ukwangu? 44Umusika pe ndivedziige ndiipulika inyungila yaako, baaho kyali ákinile wudzegelafu mugati mu lileme lyangu. 45Úfuunyiliilwe uveeve ye úfuuviilwe ukutigila idzo dze álongile uMutwa Nguluvi ukwako, dziilimika.”
Ulwimbo lwa Maliya
46Neke uMaliya atigilage,
“Ndikumuginiya uMutwa Nguluvi,
ni numbula yangu yonda,
47inumbula yangu yili nu lukeelo
mwa Nguluvi uMupoki vangu,
48pakuva áwiiwiike uwuleele
wa mulimila-vangi vaakwe.
Lolage, ukuhuma lino avaanu va fivegalo fyonda,
viitigilaga uneene ndili mufuunywa,
49pakuva uMutwa Nguluvi uMunya Ngufu Dzonda
áandimiye ingomi,
ilitaawa lyakwe liimike.
50Ulupyana lwakwe ku fivegalo fyonda,
ku vonda avakumoogopa.
51Wiimila wa liwoko lyakwe ilinya ngufu,
álimile amalimo makomi,
avanya wiiginisi mu numbula dzaawo, ávapalaangʼiise.
52Avatwa ávahedziidze mu fideego fyawo ifya wutwa,
neke avaleele áviinwise.
53Avadagiine ávamosiidze ifiinu finofu,
avamosi ávalekile vahelelage mawoko geene.
54Ávatangile avalimila-vangi vaakwe aVaisilaheli,
íiwiike ulufingo lwakwe lwa kuvapyanila,
55ngita kye aalongile mbeepali ku vakuhwesu,
uAbulahamu ni kipelela kyakwe kyonda.”#1:46-55 Amadzwi ga lwimbo ulu giihwanana nu lulapangilo lwa Hana, 1 Samweli 2:1-10.#Wutalilo 17:7
56Neke uMaliya iikalage nu Elisabeti ngita myedzi gidatu, pambele iipilukaga ukwawo.
Ukuholwa kwa Yohana uMudzabisi
57Umusika gwafikile uElisabeti ukuhola, neke amuholage umwana mugoosi. 58Avadzeela na vanyangʼolo vaakwe pe vaapuliike ukutigila uMutwa Nguluvi ámupyaniye, viikeelaga pamwinga nave.
59Ikigono ikya munaana (8) ukuhuma pe iiholwa umwana, viikwadzaga mu kumusinga,#1:59 Kumusinga Lole Uwusinge ku Figanulo. kangi viisakaga ukumupeela ilitaawa Sakalya ilya daadiye. 60Ungʼina iikaanaga iitigilaga, “Nambi, iikemeelwaga Yohana!” 61Aveene viipilusaga viitigilaga, “Mu lukolo lwako sikwali umuunu umunya litaawa ilyo.” 62Neke vamusinidzage udaadiye ukutigila, akumupeela ilitaawa umuswamuve avedzage ye ani. 63USakalya iinyilikaga akabawo ka kusimba, iisimbaga endee, “Ilitaawa lyakwe ye Yohana.” Avaanu vonda viidzumaga. 64Umusika guugo, umulomo gwakwe gwidindukaga nu lulimi lwakwe lwiwopokaga, iivangaga ukulonga nu kumulumba uNguluvi. 65Avafudiingʼano vonda va Sakalya, wukuvagwilaga uwoogofi. Imola idzo dziitagalilaga konda ku fidunda ifya mu Yudeya. 66Avaanu vonda avaapuliike, vaahoodzaga mu numbula dzaawo ukutigila, “Umwana uyu ahadza iivedza ali wuli?” Vaahoodziidze ulo, pakuva vaadzeelaga ukutigila uMutwa Nguluvi ali pamwinga nu mwene.
Ulwimbo lwa Sakalya
67USakalya, udaadiye va mwana, iimemywaga uMubepo uMwimike, iivilaga iitigilaga,
68“Alumbwage uMutwa Nguluvi va Isilaheli,
pakuva áadzile mu kuvakombodza avaanu vaakwe.
69Átupeeliye uMupoki uMunya Ngufu,#1:69 UMupoki uMunya Ngufu Ikikelo pa kikelo, ulupembe lwa wupoki. Mu Wusimbe uWiimike, ulupembe lwa fikanu kye kihwananidzo kya muunu umunya ngufu ndzoloofu, Ndzimbililo 18:2; 132:17.
ukuhuma mu lukolo lwa mulimila-vangi vaakwe uDawudi.
70Álimile ngita kye aalongile ukuvangila kataali,
ukugendela mu vavidzi vaakwe aviimike ukutigila,
71akutupoka ukuhuma ku vatavangwa veesu,
na mu mawoko ga vaanu vonda avakutusuula.
72Álimile idzo ukupyanila avakuhwesu,
ifigono fyonda iikwiwukaga ulufingo lwakwe ulwimike.#Wutalilo 17:7; Ndzimbililo 105:8-11; 106:45
73Ulufingo ulo lwe lwene lwe aayiigile kwa kuhwesu uAbulahamu ukutigila,
akutupeelaga ulufuunyo,#Wutalilo 12:1-3; 22:15-18
74lwa kutupoka mu mawoko ga vatavangwa veesu,
tumutovelage iligendwa kingaya woogofi,
75tugendelage mu wiimike nu wugolofu pa miiho gaakwe,
mu figono fyonda ifya wuumi weesu.
76Lino uveeve muswamu-vangu,
wiitambulwaga muvidzi va Nguluvi uMukomi,
pakuva ulamulongolela uMutwa Yesu, ukuta
umuwuyapile ingʼaasi.
77Ulavalongela avaanu vaakwe vadzeele ukutigila,
uNguluvi akuvapoka wiimila wa kuwodzwa indzanangifu dzaawo,
78pakuva uNguluvi veesu ye munya lupyana.
Mu lupyana ulo, ulumuli lwakwe ukuhuma kukyanya lukutwadzila,
79ukutumulikila twivonda,
ye tuli mu kiisi kya luhigo ulwa kufuwa,
nu kutulongodza mu ngʼaasi ya lutengamaso.”#Isaya 9:2; 60:1-3; Malaki 4:2
80Umwana uyo iikulaga, iikoongelelaga ingufu mu Mubepo uMwimike. Iikalaga ku lungʼalangʼala ukufikila umusika gwe aavilatukiye ku Vaisilaheli.
Currently Selected:
Luka 1: BEZ
Highlight
Share
Copy
Want to have your highlights saved across all your devices? Sign up or sign in
© 2022 Wycliffe Bible Translators, Inc. All rights reserved.
