2 Corinth 9
9
1O iele, ara ma hehe haela ve meru leikive oharo ero leve paraeakive? 2Ehovea ara v'ore eve ikivere mai. Ara e v'ila Macedonia haela morapaeaki oharo overa maeaeape. Ara mariape — Achaia ma horova overa hitolo ikivere leipe, kai haela oaria e v'ila la oharo iapai ikivere le leivahaeape. 3Aka ara apavara uku paparaehape, ehovea ara ikivere ka ero naoae momorapukive — e va hoveahovea hela leivahaeakive; 4Macedonia haela araro koarai auvahaeaki la hoa, e va hoveahovea leivahaeaki aue la leikilava, (ela hiki ka) ela kara ma oharo v'ila makiri leivahaeaki ave. 5Laelave ara apavara oropa auvahaeakive maeaeape, ehovea e va okoare maeaeape la meru overa korukaiavahaeakive: laria la leikilava, eve meru ikiheroe iele le leikilai, ape karava va ka.
Meru avaraki mai
6Ara maria maeaive — hae perehekai puravaivelariki la haela, iele kara perehekai hovare hoa haerapakilai. Hae oaria puravaivelariki la haela, hovare hoa iele oaria koarakilai. 7Haela oaria elave ikikekela hovea avaraki: ikihairihairi mai aikararue, aeva ehovea ape karava hiki ka, Aualari ikiveveke aiaravila la haela ikivere eapapo leivila. 8Aualari ikiheroe meru oaria ero hare oaria aiaravila. Laelave, ehovea e va eharu oaria ila, e meru oaria hare oaria aiarakive ore, ehovea horova veveke hukapakive. 9Overa hape hohoa maria,
Are va eharu oaria merava haela oaria aiaravila:
areve ikiheroe aiai karia lei va ka.
10Au apoporauki la hae oaria aiaraki la Aualari are va eve eapai eapapo aiarakilai, kai apoporauki la hae oaria kara, iele maeokoko leivahaeakilai: eve mai ehoe ve, iele kara oaria le horeavakilai. 11E va mea oaria erohoho leivahaeakilai, laelave, eve meru kara oaria aiarakilai. Ehoveala, ela kara Aualari v'ila ikiveveke eapapo leivahaeakilai. 12Ehovea meru maria la leikilava, hehe haela veveke koarakilai, aeva Aualari kara le morapaeakilai. 13E va ma horova la leivahaeakilava, haela oaria Aualari morapaeakilai, ehovea e va areve horova iele koarailula, Keriso ve iroro ve okiharo ve, aeka, ehovea e va la haela kara ikiheroe eapapo leivahaelula. 14Ere va ero ikivere. Ere e v'ila ivaiva leivahaeakilai, ehovea Aualari ve ikiheroe e v'ila hihika leipe. 15Aualari ve rare lei morapaeaki, ehovea areve meru mekakure iele.
Currently Selected:
2 Corinth 9: ORO
Highlight
Copy
Compare
Share
Want to have your highlights saved across all your devices? Sign up or sign in
Published by the British and Foreign Bible Society 1963-1972