Horova 10
10
Peter i Cornelius ila
1Haela ae Caesarea aeaveape — areve rare Cornelius — are va Italia hevehe hiru aeva kapena. 2Are hehe haela iele, are Aualari oaoka lei kekela merava haela meru oaria aiari mea oaria ivaiva kiva auhohi leipe. 3Are ivahi hoa, hare 3 o’clock hovea, Aualari ve aneru areve leia ekevila hihika eavape. Aneru areromaeape, Cornelius! 4Are arero eavi oaoka lei mariape, Amua, le ha? Are arero maeape, Ave ivaiva i meru oaria ila aro morapaeaki — Aualari ve leia pekape. 5A haela uku Joppa paraeaki Simon rare Peter lai ekekive. 6Are Simon loa iilu hahavila haela ve mirikoaka uvi aeavila. 7Arero oharo maeape la aneru hoaupe la hoa, are uvi horova haela orahoka i areve horova koaravila mai ehoe hevehe haela ila itavavahaeape. 8Are oharo oaria erero kileai Joppa la paparaehape.
9La opoa hare, ere hahi auvahaeai karikara maeamaea ve ekevahaeape la hoa, Peter uvi akea ve ivaiva arive pekape — hare hihi hovea. 10Are eroa ha eapai ikivere leipe. Aka ere eapai karikipe la hoa are avuku i ivahi eavape. 11Are kaia hapai eharu eara eapapo hovea kaokao hahai akea ve kihoauvila eavape. 12Areve ureve loaloalula i hai vealula eharu i kaia ve ori oaria ila apearoape. 13Ara kaia ve ha arero maeape, Peter, urou, eharu hai lela. 14Aka Peter maeape, Amua, arekaea, ehovea ara va eharu lahua aka hirihiri le va haveva. 15Ara aeka arero maeape, Aualari veveroro leipe la eharu, lahua oharo kamaealue. 16Ma horova hoa 3 leipe — eara kai elavelave kaia ve le lai pekape.
17Peter va ikihorahora eapapo are eavape la eharu ve iele le; la hoa Cornelius Simon ve uvi ve velavela leikive kiparaeape la haela iki okiape mahokaea ve epavape. 18Ere āra hai velavela leipe — Simon rare aea Peter la haela la uvi aeavila ha? 19Peter ivahi ve eavape la eharu ikikekelape la hoa Ove arero maeape, Iapai — haela ilehoila aro haroparo. 20Urou, ipi hoai ere i hareho aukive, ikihorahora kalailue, ehovea ara erero paparaehape. 21Peter hoai la haela eavi mari ape, Eavaila, e haroparo la haela, ara ma. E va leve leikevahaeaila ha? 22Ere maeape, Cornelius — mai ehoe i Aualari ve oharo iapavila haela, Jew haela oaria morapaealula haela, Aualari ve aneru au maeape — are aro areve uvi ekekive maeakive, ehovea ave oharo iapakive. 23Laelave Peter erero uvi ve auhohi leivahaeape.
La opoa hare are urai ere i hareho auvahaeape. Joppa apavara uku kara erero koarai auvahaeape. 24Avea hare ere Caesarea pekahavape. Cornelius i apavara haela oaria ila erero karipe. 25Peter uvi pekape la hoa Cornelius iki areve oropa ve ekaopi morapaeape. 26Peter arero lai urapai mari maeape, Urou, ara kara haela. 27Are oharo hukavila uvi pekai au korukaiape la haela oaria eavape. 28Are erero maeaeape, E va ore Jew haela ita lahua haela koarai aeakive pupu eapapo leipe. Aka Aualari araro mari kileape ara haela aeva merava aka hirihiri oharo maea va arekaea. 29Laelave ara ikihairihairi au leila, eve oharo iapai le ekepe. Ara ero velavela leive, Ehovealeve e araro itavape?
30Cornelius maeape, Hare 4 kari mave leive, ara hare hoa 3 o'clock elare uvi ivaiva kiva leipe. Iapai — pura veveke haela ae arave oropa ve epavi, 31mari maeape, Cornelius, ave ivaiva overa iapai, ave meru oaria Aualari iki le kelavape. 32Haela Joppa paparaehaki, ehovea Simon rare aea Peter itavakive: are Simon loa iilu hahavila haela ve mirikoaka uvi aeavila. 33Laelave ara haela elavelave paparaehape: a va veveke leipe ehovea a elavelave ekepe. Ela oaria va Aualari oropa mave korukaeaive ehovea Amua aro maeape oharo iapakive.
Peter ve iroro oharo
34Peter ape ha mari ape, O iele, ara va ore lei Aualari haela oaria hoveahovea kelavila. 35Are vilaipipi oaria ve arero kelavalula haela i mai ehoe leilula haela oaria ikivere leivahaevila. 36Are Israel akoremari ve paraeape la oharo veveke, ehovea Iesu haela oaria ve Amua, havila veveke avikepe la iroro oharo, e kara ore leivahaeape. 37Ehovea la oharo Judea ita oaria kopurapape, Galilee hoa, (John kileape hoa oropa), Iesu Nazareth haela kai kileape. 38Ehovea Aualari arero Ove Veveke i aheke ila paraeape. Are ita oaria horova veveke leivila veavelaripe, ovehahu ila la haela iki ovava leivahaeape, ehovea Aualari are i hareho veape. 39Are Jew haela ve ita oaria i Jerusalem ila leivahaeape la eharu oaria ela ka vavavaki haela. Ere arero kora akea ve avika huru le hape. 40Aualari arero hare 3 hoa lai urapape, kai arero haela hihika eavakive avarape; 41Are haela oaria eavakive au avaraila, are ikivere leivahaeape vavavaki haela hiki, Kaire, ela ma, ela areve apai kai uroupe hoa are i hareho eapai i ma ila lalavahaeape. 42Are elaro ape karava maeaeape, haela oaria la iroro arive, kai are Aualari ovokake i apihaeape haela ve heheavaki haela leipe la oharo vavavakive. 43Are v'ila peroveta haela oaria vavavalula ehovea areve rare v'ila ikikekela haela oaria ve mai heahaha le hapurururukakilai.
Ita lahua haela Ove Veveke i Bapatiso mai ila avape
44Peter ma oharo avi areve oharo iapavahaeape haela oaria Ove Veveke le avape. 45Peter i hareho ekevahaeape ikikekelalula Jew haela va ikihorahora eapapo leivahaeape, ehovea ita lahua haela kara Ove Veveke la meru le avape. 46Ehovea ere ma haela uri lahua oharo hukavalula i Aualari momorapulula iapavahaeape. 47Peter kavale maeaeape, Elaro leita hereavakilai ela ma haela ma v'ila bapatiso leivahaeakilai ha, elaro leivahaeape la bapatiso hoveahovea. 48Are ape karava mari ape erero Iesu Keriso ve rare v'ila bapatiso leivahaeakilai. Ere arero hare uku ere i hareho apeakive velavela leipe.
Currently Selected:
Horova 10: ORO
Highlight
Share
Compare
Copy
Want to have your highlights saved across all your devices? Sign up or sign in
Published by the British and Foreign Bible Society 1963-1972
Horova 10
10
Peter i Cornelius ila
1Haela ae Caesarea aeaveape — areve rare Cornelius — are va Italia hevehe hiru aeva kapena. 2Are hehe haela iele, are Aualari oaoka lei kekela merava haela meru oaria aiari mea oaria ivaiva kiva auhohi leipe. 3Are ivahi hoa, hare 3 o’clock hovea, Aualari ve aneru areve leia ekevila hihika eavape. Aneru areromaeape, Cornelius! 4Are arero eavi oaoka lei mariape, Amua, le ha? Are arero maeape, Ave ivaiva i meru oaria ila aro morapaeaki — Aualari ve leia pekape. 5A haela uku Joppa paraeaki Simon rare Peter lai ekekive. 6Are Simon loa iilu hahavila haela ve mirikoaka uvi aeavila. 7Arero oharo maeape la aneru hoaupe la hoa, are uvi horova haela orahoka i areve horova koaravila mai ehoe hevehe haela ila itavavahaeape. 8Are oharo oaria erero kileai Joppa la paparaehape.
9La opoa hare, ere hahi auvahaeai karikara maeamaea ve ekevahaeape la hoa, Peter uvi akea ve ivaiva arive pekape — hare hihi hovea. 10Are eroa ha eapai ikivere leipe. Aka ere eapai karikipe la hoa are avuku i ivahi eavape. 11Are kaia hapai eharu eara eapapo hovea kaokao hahai akea ve kihoauvila eavape. 12Areve ureve loaloalula i hai vealula eharu i kaia ve ori oaria ila apearoape. 13Ara kaia ve ha arero maeape, Peter, urou, eharu hai lela. 14Aka Peter maeape, Amua, arekaea, ehovea ara va eharu lahua aka hirihiri le va haveva. 15Ara aeka arero maeape, Aualari veveroro leipe la eharu, lahua oharo kamaealue. 16Ma horova hoa 3 leipe — eara kai elavelave kaia ve le lai pekape.
17Peter va ikihorahora eapapo are eavape la eharu ve iele le; la hoa Cornelius Simon ve uvi ve velavela leikive kiparaeape la haela iki okiape mahokaea ve epavape. 18Ere āra hai velavela leipe — Simon rare aea Peter la haela la uvi aeavila ha? 19Peter ivahi ve eavape la eharu ikikekelape la hoa Ove arero maeape, Iapai — haela ilehoila aro haroparo. 20Urou, ipi hoai ere i hareho aukive, ikihorahora kalailue, ehovea ara erero paparaehape. 21Peter hoai la haela eavi mari ape, Eavaila, e haroparo la haela, ara ma. E va leve leikevahaeaila ha? 22Ere maeape, Cornelius — mai ehoe i Aualari ve oharo iapavila haela, Jew haela oaria morapaealula haela, Aualari ve aneru au maeape — are aro areve uvi ekekive maeakive, ehovea ave oharo iapakive. 23Laelave Peter erero uvi ve auhohi leivahaeape.
La opoa hare are urai ere i hareho auvahaeape. Joppa apavara uku kara erero koarai auvahaeape. 24Avea hare ere Caesarea pekahavape. Cornelius i apavara haela oaria ila erero karipe. 25Peter uvi pekape la hoa Cornelius iki areve oropa ve ekaopi morapaeape. 26Peter arero lai urapai mari maeape, Urou, ara kara haela. 27Are oharo hukavila uvi pekai au korukaiape la haela oaria eavape. 28Are erero maeaeape, E va ore Jew haela ita lahua haela koarai aeakive pupu eapapo leipe. Aka Aualari araro mari kileape ara haela aeva merava aka hirihiri oharo maea va arekaea. 29Laelave ara ikihairihairi au leila, eve oharo iapai le ekepe. Ara ero velavela leive, Ehovealeve e araro itavape?
30Cornelius maeape, Hare 4 kari mave leive, ara hare hoa 3 o'clock elare uvi ivaiva kiva leipe. Iapai — pura veveke haela ae arave oropa ve epavi, 31mari maeape, Cornelius, ave ivaiva overa iapai, ave meru oaria Aualari iki le kelavape. 32Haela Joppa paparaehaki, ehovea Simon rare aea Peter itavakive: are Simon loa iilu hahavila haela ve mirikoaka uvi aeavila. 33Laelave ara haela elavelave paparaehape: a va veveke leipe ehovea a elavelave ekepe. Ela oaria va Aualari oropa mave korukaeaive ehovea Amua aro maeape oharo iapakive.
Peter ve iroro oharo
34Peter ape ha mari ape, O iele, ara va ore lei Aualari haela oaria hoveahovea kelavila. 35Are vilaipipi oaria ve arero kelavalula haela i mai ehoe leilula haela oaria ikivere leivahaevila. 36Are Israel akoremari ve paraeape la oharo veveke, ehovea Iesu haela oaria ve Amua, havila veveke avikepe la iroro oharo, e kara ore leivahaeape. 37Ehovea la oharo Judea ita oaria kopurapape, Galilee hoa, (John kileape hoa oropa), Iesu Nazareth haela kai kileape. 38Ehovea Aualari arero Ove Veveke i aheke ila paraeape. Are ita oaria horova veveke leivila veavelaripe, ovehahu ila la haela iki ovava leivahaeape, ehovea Aualari are i hareho veape. 39Are Jew haela ve ita oaria i Jerusalem ila leivahaeape la eharu oaria ela ka vavavaki haela. Ere arero kora akea ve avika huru le hape. 40Aualari arero hare 3 hoa lai urapape, kai arero haela hihika eavakive avarape; 41Are haela oaria eavakive au avaraila, are ikivere leivahaeape vavavaki haela hiki, Kaire, ela ma, ela areve apai kai uroupe hoa are i hareho eapai i ma ila lalavahaeape. 42Are elaro ape karava maeaeape, haela oaria la iroro arive, kai are Aualari ovokake i apihaeape haela ve heheavaki haela leipe la oharo vavavakive. 43Are v'ila peroveta haela oaria vavavalula ehovea areve rare v'ila ikikekela haela oaria ve mai heahaha le hapurururukakilai.
Ita lahua haela Ove Veveke i Bapatiso mai ila avape
44Peter ma oharo avi areve oharo iapavahaeape haela oaria Ove Veveke le avape. 45Peter i hareho ekevahaeape ikikekelalula Jew haela va ikihorahora eapapo leivahaeape, ehovea ita lahua haela kara Ove Veveke la meru le avape. 46Ehovea ere ma haela uri lahua oharo hukavalula i Aualari momorapulula iapavahaeape. 47Peter kavale maeaeape, Elaro leita hereavakilai ela ma haela ma v'ila bapatiso leivahaeakilai ha, elaro leivahaeape la bapatiso hoveahovea. 48Are ape karava mari ape erero Iesu Keriso ve rare v'ila bapatiso leivahaeakilai. Ere arero hare uku ere i hareho apeakive velavela leipe.
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
Published by the British and Foreign Bible Society 1963-1972