Horova 11
11
Peter leipe mai ve iele
1Judea apearoape aposetolo haela i apavara oaria, ita lahua haela Aualari ve oharo iapape la oharo ore leivahaeape. 2Peter Jerusalem pekape la hoa — peritome mai kiva leilula la haela arero ape hahari mari ape, 3A peritome leiki aue haela i hareho pekai eapai lape. 4Peter la oharo ehoe hiki mari kileavahaeape: 5Ara Joppa karikara ivaiva leivila aeape. Ara ivahi hoa eara eapapo hovea areve kao ela hahai Kaia ve kihoauvila eavape, are arave leia kihoaupe: 6Ara loaloalula eharu oaria i mea ve eharu merava i hae vealula eharu i kaia ve ori oaria ila areve ureve eavavahaeape. 7Ara āra iapape maria, Peter, urou, ha larive. 8Ara maeape, Amua, arekaea, ehovea eharu merava i hirihiri ila arave ape haveva. 9Aka āra aeka hape maria, Aualari huhelape la eharu v'ila a merava oharo kailue. 10Hoa ilehoila mari lei eharu oaria kaia akea ve kai le pekahavape. 11Iapai — haela ilehoila ela apeape la uvi pearoape: ere ara v'ila Caesarea ve ekevahaeape. 12Ove araro erero koarai aukive maeape, kai horahora va arekaea. Apavara 6 araro koarai auvahaeape — ela oaria hareho ma haela ve uvi pekahavape. 13Are elaro mari maeaeape — are aneru areve uvi ureve peavila eavape — aneru kai arero maeape, A haela Joppa paparaehaki Simon rare aeva Peter lai ekeki. 14Are a i ave uvi haela oaria hareho ovokake leiki oharo maeaeakilai. 15Ara oharo maeape la hoa Ove Veveke ere i hareho aeape, elaviila avare koai leivahaeape hoveahovea. 16Ara Amua ve oharo ikikekelape maria — John ma v'ila bapatiso leivahaeape, aka e va Ove Veveke v'ila bapatiso leivahaeakilai. 17Aualari, ehovea ela Amua Iesu Keriso ikikelavape, elaro leivahaeape meru, hoveahovea erero va laila, ara va leari erero hereavakilai? 18Ere ma oharo iapai oharo kari lei Aualari morapaeape maria, Aualari ita lahua haela kara haeae ve ikihuru leivahaeai ovokake kara le avarape.
Antioch ita lahua haela ve Ekalesia
19Stephen v'ila horerape la heraho hoa kopurapape la haela oaria aiai Phoenicia i Cyprus i Antioch ila Jew haela hiki iroro oharo ape. 20Aka Cyprus i Cyrene haela uku iki Antioch leia Greek haela kara oharo kileavahaeai Amua Iesu ve iroro kara ape. 21Aualari ve mai erev'ila aeape, haela oaria kai Amua ve ukaki helarivahaeape. 22La hari Jerusalem apearoape ekalesia haela iapavahaeape, laelave ere Barnabas Antioch hoa paraeape. 23Are iki leia Aualari ve ikiheroe eapapo eavi ikiveveke leipe. Are erero oaria iki ehohoe ila Amua ve horova kiva auhohi leivahaeakive ape karava maeaeape. 24Ehovea are mai ehoe i Ove Veveke ikikekela aheke haela. Haela oaria kara Amua ve ukai helari kelavape. 25Are ai Tarsus leia Saul haropape. Are arero koarai Antioch lai ekepe. 26Iapai, hitolo haroapo hovea erealila leia ekalesia i hareho apeapea haela oaria kileavahaeape. Kilea haela Antioch ve Christian rare oropa avape.
Paul i Barnabas ila Jerusalem paparaehape
27La hoa Jerusalem ve peroveta haela uku Antioch auvahaeape. 28Haela ae rare Agabus urai Ove Veveke v'ila vavavape — meahaiapo ita oaria hareho hohera eapapo leikilai. Claudius ve hoa iele le leipe. 29Kilea haela oaria elare maea hovea, ikivere eharu uku Judea apealula haela oaria koarakive paparaehakive. 30Ere la horova lei Barnabas i Saul ila ve mai v'ila la eharu haela hoaha ve leia paparaehape.
Currently Selected:
Horova 11: ORO
Highlight
Share
Compare
Copy
Want to have your highlights saved across all your devices? Sign up or sign in
Published by the British and Foreign Bible Society 1963-1972
Horova 11
11
Peter leipe mai ve iele
1Judea apearoape aposetolo haela i apavara oaria, ita lahua haela Aualari ve oharo iapape la oharo ore leivahaeape. 2Peter Jerusalem pekape la hoa — peritome mai kiva leilula la haela arero ape hahari mari ape, 3A peritome leiki aue haela i hareho pekai eapai lape. 4Peter la oharo ehoe hiki mari kileavahaeape: 5Ara Joppa karikara ivaiva leivila aeape. Ara ivahi hoa eara eapapo hovea areve kao ela hahai Kaia ve kihoauvila eavape, are arave leia kihoaupe: 6Ara loaloalula eharu oaria i mea ve eharu merava i hae vealula eharu i kaia ve ori oaria ila areve ureve eavavahaeape. 7Ara āra iapape maria, Peter, urou, ha larive. 8Ara maeape, Amua, arekaea, ehovea eharu merava i hirihiri ila arave ape haveva. 9Aka āra aeka hape maria, Aualari huhelape la eharu v'ila a merava oharo kailue. 10Hoa ilehoila mari lei eharu oaria kaia akea ve kai le pekahavape. 11Iapai — haela ilehoila ela apeape la uvi pearoape: ere ara v'ila Caesarea ve ekevahaeape. 12Ove araro erero koarai aukive maeape, kai horahora va arekaea. Apavara 6 araro koarai auvahaeape — ela oaria hareho ma haela ve uvi pekahavape. 13Are elaro mari maeaeape — are aneru areve uvi ureve peavila eavape — aneru kai arero maeape, A haela Joppa paparaehaki Simon rare aeva Peter lai ekeki. 14Are a i ave uvi haela oaria hareho ovokake leiki oharo maeaeakilai. 15Ara oharo maeape la hoa Ove Veveke ere i hareho aeape, elaviila avare koai leivahaeape hoveahovea. 16Ara Amua ve oharo ikikekelape maria — John ma v'ila bapatiso leivahaeape, aka e va Ove Veveke v'ila bapatiso leivahaeakilai. 17Aualari, ehovea ela Amua Iesu Keriso ikikelavape, elaro leivahaeape meru, hoveahovea erero va laila, ara va leari erero hereavakilai? 18Ere ma oharo iapai oharo kari lei Aualari morapaeape maria, Aualari ita lahua haela kara haeae ve ikihuru leivahaeai ovokake kara le avarape.
Antioch ita lahua haela ve Ekalesia
19Stephen v'ila horerape la heraho hoa kopurapape la haela oaria aiai Phoenicia i Cyprus i Antioch ila Jew haela hiki iroro oharo ape. 20Aka Cyprus i Cyrene haela uku iki Antioch leia Greek haela kara oharo kileavahaeai Amua Iesu ve iroro kara ape. 21Aualari ve mai erev'ila aeape, haela oaria kai Amua ve ukaki helarivahaeape. 22La hari Jerusalem apearoape ekalesia haela iapavahaeape, laelave ere Barnabas Antioch hoa paraeape. 23Are iki leia Aualari ve ikiheroe eapapo eavi ikiveveke leipe. Are erero oaria iki ehohoe ila Amua ve horova kiva auhohi leivahaeakive ape karava maeaeape. 24Ehovea are mai ehoe i Ove Veveke ikikekela aheke haela. Haela oaria kara Amua ve ukai helari kelavape. 25Are ai Tarsus leia Saul haropape. Are arero koarai Antioch lai ekepe. 26Iapai, hitolo haroapo hovea erealila leia ekalesia i hareho apeapea haela oaria kileavahaeape. Kilea haela Antioch ve Christian rare oropa avape.
Paul i Barnabas ila Jerusalem paparaehape
27La hoa Jerusalem ve peroveta haela uku Antioch auvahaeape. 28Haela ae rare Agabus urai Ove Veveke v'ila vavavape — meahaiapo ita oaria hareho hohera eapapo leikilai. Claudius ve hoa iele le leipe. 29Kilea haela oaria elare maea hovea, ikivere eharu uku Judea apealula haela oaria koarakive paparaehakive. 30Ere la horova lei Barnabas i Saul ila ve mai v'ila la eharu haela hoaha ve leia paparaehape.
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
Published by the British and Foreign Bible Society 1963-1972