Horova 12
12
Herod Ekalesia haela hararuape: Peter uvi muru ve kihoaupe hari
1La hoa hovea Herod amua ikivere ekalesia haela uku hararuakive. 2Are James ve akoreapo John lelao hape. 3Are eavi Jew haela la mai v'ila ikiveveke leivahaeape, are Peter kara hareavape — La va muramura aue pai ve hurai hoa. 4Are arero kaivi uvi muru paraeai hevehe haela ve hiru 4 kiva leikive avarape. Areve ikikekela hurai kari leiki la hoa arero haela oaria avarakive. 5Ere Peter uvi muru kokauka kiva leipe, aka ekalesia haela oaria hareho Aualari are v'ila ivaiva leivahaeape.
6Oroa aea Herod arero lai kihoaukive kekelape, la oroa, Peter hevehe haela orahokaila ve aru hihi ve auri horou ila hahai uavape. Kiva hevehe haela okiape oropa ve epavi kiva leipe. 7Iapai, Amua ve aneru are i hareho pavape: ovava kara lalava heaoapape. Are Peter kararapi koa hurapai maeape, Elavelave urou. Areve auri horou kara areve mai ve helauka hohoape. 8Aneru arero maeape, Erekai hopa hahai, loa iilu oreuvahaeaki. Are lari leipe. Are arero maeape, Ave maea pura kohahai arave airekai ekeki. 9Are areve aire aupe. Are va horahora aneru leipe la horova iele la, aka ivahi hiki. 10Erealila ure kiva leipe haela i mahokaea ve kiva leipe la haela haitapai karikara horeraki la okiape ve le kihoaupe. La okiape erev'ila hapape, haela au leila, erealila mahokaea ve hoahuka — aneru arero elavelave harepape. 11Peter iki auhohi kekelape la hoa — are maeape, Ara v'ore iele, Amua aneru lakiparaeaila, ehovea araro Herod ve mai ve i Jew haela oaria ve ikivere ve hareavakive.
12Are lari kekelavila, Mary, John rare aeva Mark, ve lou ve uvi ve aupe. La uvi haela oaria ivaiva leivila korukaiavahaeape. 13Are okiape kokoea, mari hekai rare Rhoda iapakive ekepe. 14Are Peter ve āra iapai ore lei ikiveveke lei okiape au hapaila, are uvi ureve harava pekai erero maeaeape — Peter okiape mahokaea ve epavape. 15Ere arero maeape, A va ikihaveva iele — aka, are ape aheke maeape, Are va iele la. Ere maeape, Areve aneru la. 16Peter au hiki kokoeape, laelave ere okiape hapai arero eavi ikihorahora eapapo leivahaeape. 17Aka are erero mai larua ereve oharo oaria la haerapai, erero Amua arero uvi muru lai kihoaupe la oharo maeaeape. Are kai maeaeape — ma oharo James i apavara oaria maeaeaki. Are leia harepai ita lahua hoaupe. 18La opoa vevelare havahu hevehe haela oaria va horahora leivahaeape ehovea Peter learia leipe la. 19Herod arero haropi au koaraila, laelave are kiva haela heheavi erero huru haeakive maeaeape. Are Judea hakorepa Caesarea ve leia hoai aeaveape.
Herod apape hari
20Herod Tyre i Sidon ila haela hihiri leivahaeape. Ere hoa haroapo iki areve leia hoahukape. Ere Blastus, amua ve uvi kiva haela, kake lei havila leikive velavela leipe, ehovea ereve eapai avaki ita la amua ve ita. 21Herod oropa maeaeape hare elare maea maupa pura veveke oreuvahaeai, terona akea pekai, erero oharo eapapo ape. 22Haela oaria āra maria hape, Haela ve āra ka, Aualari ve āra la. 23La hoa haroapo Amua ve aneru arero koape, ehovea are Aualari au morapaeaila; areve maea hehe lala, are le apape.
24Aualari ve oharo aheke lei ikikekela haela oaria leivahaeape.
25Barnabas i Saul ila Jerusalem ve horova karia lei helari auvahaepe. Ere John, rare aeva Mark, lai aupe.
Currently Selected:
Horova 12: ORO
Highlight
Share
Compare
Copy
Want to have your highlights saved across all your devices? Sign up or sign in
Published by the British and Foreign Bible Society 1963-1972
Horova 12
12
Herod Ekalesia haela hararuape: Peter uvi muru ve kihoaupe hari
1La hoa hovea Herod amua ikivere ekalesia haela uku hararuakive. 2Are James ve akoreapo John lelao hape. 3Are eavi Jew haela la mai v'ila ikiveveke leivahaeape, are Peter kara hareavape — La va muramura aue pai ve hurai hoa. 4Are arero kaivi uvi muru paraeai hevehe haela ve hiru 4 kiva leikive avarape. Areve ikikekela hurai kari leiki la hoa arero haela oaria avarakive. 5Ere Peter uvi muru kokauka kiva leipe, aka ekalesia haela oaria hareho Aualari are v'ila ivaiva leivahaeape.
6Oroa aea Herod arero lai kihoaukive kekelape, la oroa, Peter hevehe haela orahokaila ve aru hihi ve auri horou ila hahai uavape. Kiva hevehe haela okiape oropa ve epavi kiva leipe. 7Iapai, Amua ve aneru are i hareho pavape: ovava kara lalava heaoapape. Are Peter kararapi koa hurapai maeape, Elavelave urou. Areve auri horou kara areve mai ve helauka hohoape. 8Aneru arero maeape, Erekai hopa hahai, loa iilu oreuvahaeaki. Are lari leipe. Are arero maeape, Ave maea pura kohahai arave airekai ekeki. 9Are areve aire aupe. Are va horahora aneru leipe la horova iele la, aka ivahi hiki. 10Erealila ure kiva leipe haela i mahokaea ve kiva leipe la haela haitapai karikara horeraki la okiape ve le kihoaupe. La okiape erev'ila hapape, haela au leila, erealila mahokaea ve hoahuka — aneru arero elavelave harepape. 11Peter iki auhohi kekelape la hoa — are maeape, Ara v'ore iele, Amua aneru lakiparaeaila, ehovea araro Herod ve mai ve i Jew haela oaria ve ikivere ve hareavakive.
12Are lari kekelavila, Mary, John rare aeva Mark, ve lou ve uvi ve aupe. La uvi haela oaria ivaiva leivila korukaiavahaeape. 13Are okiape kokoea, mari hekai rare Rhoda iapakive ekepe. 14Are Peter ve āra iapai ore lei ikiveveke lei okiape au hapaila, are uvi ureve harava pekai erero maeaeape — Peter okiape mahokaea ve epavape. 15Ere arero maeape, A va ikihaveva iele — aka, are ape aheke maeape, Are va iele la. Ere maeape, Areve aneru la. 16Peter au hiki kokoeape, laelave ere okiape hapai arero eavi ikihorahora eapapo leivahaeape. 17Aka are erero mai larua ereve oharo oaria la haerapai, erero Amua arero uvi muru lai kihoaupe la oharo maeaeape. Are kai maeaeape — ma oharo James i apavara oaria maeaeaki. Are leia harepai ita lahua hoaupe. 18La opoa vevelare havahu hevehe haela oaria va horahora leivahaeape ehovea Peter learia leipe la. 19Herod arero haropi au koaraila, laelave are kiva haela heheavi erero huru haeakive maeaeape. Are Judea hakorepa Caesarea ve leia hoai aeaveape.
Herod apape hari
20Herod Tyre i Sidon ila haela hihiri leivahaeape. Ere hoa haroapo iki areve leia hoahukape. Ere Blastus, amua ve uvi kiva haela, kake lei havila leikive velavela leipe, ehovea ereve eapai avaki ita la amua ve ita. 21Herod oropa maeaeape hare elare maea maupa pura veveke oreuvahaeai, terona akea pekai, erero oharo eapapo ape. 22Haela oaria āra maria hape, Haela ve āra ka, Aualari ve āra la. 23La hoa haroapo Amua ve aneru arero koape, ehovea are Aualari au morapaeaila; areve maea hehe lala, are le apape.
24Aualari ve oharo aheke lei ikikekela haela oaria leivahaeape.
25Barnabas i Saul ila Jerusalem ve horova karia lei helari auvahaepe. Ere John, rare aeva Mark, lai aupe.
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
Published by the British and Foreign Bible Society 1963-1972