Horova 21
21
Miletus aiai Tyre
1Ela erero haitapai vevaea horeavi ehoe hiki Cos hiru aupe. La opoa hare Rhodes pekahavi, Patara kara aire auvahaeape. 2Ela Phoenicia vevaea elauvila koarai horeavi auvahaeape. 3Ela Cyprus eavi mai keva ukai ve hakurepai: Tyre karikara pekahavape, ehovea vevaea ve eharu oaria ve aipekaki karikara la. 4Ela ekalesia haela eavi leia hare seven apearoape. Ma haela ove v'ila maeape — are Jerusalem peka va arekaea. 5Ela va la hare 7 kari lei, erero haitapai hahi kai auvahaeape. Ere oaria i uavila i akoremari ila ela i hareho karikara mahokaea ve auvahaeape. 6Ela oaria miri ve loa ari avi ivaiva leivahaeai mai paeape. Ela vevaea horeavi ere va helari karikara ve pekahavape.
Aiai Caesarea
7Ela Tyre hakurepai ai Ptolemai pekahavape., Leia ela apavara ovohae eavavahaeai hare haroapo ere i hareho apeape. 8La opoa hare ela horeavi Caeasarea auvahaeape. Ela va evanelia haela Philip (7 haela ae la) ve uvi pekahavi apeape. 9Ma haela ve marita hari ila, peroveta oharo arula marita. 10Ela leia hare oaria apearoape. Peroveta haela ae rare Agabus, Judea ve kihoaupe. 11Are iki elave leia Paul ve erekai kaivi elare loa i mai ila hahai mari maeape, Ove Veveke mari maeaive, Ma erekai ila haela Jerusalem apealula Jew haela laria hahai arero haela lahua ve mai ve avarakilai. 12Ela ma oharo iapai ela i la ita haela ila hareho arero ape karava velavela leipe are Jerusalem peka va arekaea. 13Paul kavale maeaeape, Eva hivavara i arave iki kakare leikive ehovealeve ha? Ara ikihairihairi leiva ka ere va araro hahakilai. Kaire, ara Amua Iesu v'ila apakilai kara, heroe. 14Are elave oharo ikivere au leila, laelave elave oharo kari lei mari maeape, Amua ve ikivere hiki leikilai.
Aiai Jerusalem
15La hare kari lei ela elare eharu kaili Jerusalem pekahavape. 16Caesarea kilea haela uku elaro koarai pekahavape. Ere Cyprus haela ae rare Mnason lai pekape, ehovea ela va areve uvi aeakive pekakilai.
17Ela Jerusalem pekahavi apavara elaro auhohi leivahaeape.
Paul Judea Ekalesia hakakaeape
18La opoa hare Paul ela i hareho James eavakive aupe. Haela hoaha kara leia apeape. 19Are erero ikiheroe oharo maeaeai Aualari areve horova v'ila ita lahua haela ve leia leivahaeape. Eharu oaria are haroapoharoapo kileavahaeape. 20Ere la oharo iapai Aualari morapaeape. Ere arero maeape, Apoheari, a eavaki ikikelavalula Jew haela maeokoko apearo. Ere oaria Moses ve pupu ikivere eapapo leilula. 21Ere a v'ila iapape a va ita lahua haela ve leia apealula, Jew haela maria kileavahaeavila Moses ve pupu hakurepakive, aeva mai oaria kara kiva leve leikive. 22A leari leikilai ha? Haela oaria korukaiakilai, ehovea a leikila la oharo ere iapakilai. 23Ela aro maeaki horova leiki — elave haela hari ila ma — ere va maea morava okoare leivahaeape. 24A ma haela ila hareho maea morava lei veveroro leikive, ereve la moni kavale a havahu leiki, ere ereve haro koro hailaeakilai; laelave haela oaria ore leivahaeakilai ere a v'ila iapavahaeape la oharo iele karia le leikilai, ehovea a va pupu mai kiva auhohi leivila haela. 25Aka ikikelavalula la ita lahua haela v'ila elave ikikekela oharo ela overa paraeape — maria ere va opore aualari aiarape la eharu i apu, i haihaharoape eharu i mai heahaha oaria ere hahaure leivahaeakilai. 26Paul la haela karape: la opoa hare are ere i hareho Hehe Uvi ureve maea veveroro leivahaeape. Are maea veveroro leivahaeaki hoa ve vavavape, kai ere oaria ve moni kavale leivahaeape.
Jerusalem urukuku: Gavana haela Paul mai paeape
27La hare 7 kari leila Asia ve ekevahaeape la Jew haela arero Hehe Uvi ureve eavi haela oaria au amuraeape. 28Ere arero mai pai āra mari hape, Israel haela oaria ekeila, ma haela va ita oaria haela Jew haela ve mai i pupu i Hehe Uvi v'ila opopoe oharo kileavahaeape. Are kai Greek haela ma Hehe Uvi ureve lai leikila: are ma hehe ita heaha laleila. 29Ehovea ere va overa are i Ephesian haela Trophimus ila hareho loaloalula eavape: ereve ikikekela Paul arero Hehe Uvi lai pekape. 30Karikara haela oaria hareha iki ahea leivahaeape. Ere Paul mai pai Hehe Uvi mahokaea ve hakeavape. La hoa haroapo okiape le kokaukape. 31Ere ikivere arero harive: aka hevehe haela ve kapena Jerusalem hareho urukuku leivila iapape. 32Are hevehe haela i centurion haela uku kari ai leia vivilape — la haela kapena i hevehe haela ila eavi Paul ve hahari le haerapape. 33Akea kapena iki Paul mai pai arero auri horou orahokaila hahakive maeaeape, are velavela leipe are leita la, kai le haeae laleila. 34Uku haela oharo ae maeaeape, uku oharo ae; are oharo iele ore au leila, ehovea ikihahika eapapo — laelave are arero gavana uvi ureve lai pekakive maeaeape. 35Ere papaita pekahavape la hoa hevehe haela Paul oraiavi pekape, ehovea haela oaria arero aeha iele leivahaeape. 36Ehovea haela oaria ereve aire pekahavi āra mari hape, Arero hareava.
37Ere Paul gavana uvi lai pekape la hoa are akea kapena maeape, Ara aro oharo perehekai maeakilai heroe? 38Are arero maeape, A Greek uri ore ha? A va Egyptian haela ka ha? Oropaki hoa karikara haela haeae leikive amuraeai haela haealula haela 4,000 huakara ita kari aupe la haela? 39Aka Paul arero maeape, Ara Jew haela, arave karikara Tarsus, Cilicia ve karikara: La karikara ve hari heaha ka. Ara aro here leive, ara ma haela oharo perehekai maeaeakive heroe. 40Are areve oharo iapape. Paul papaita epavi mai laruape, Haela la eavi oharo kari lei Paul erero Hebrew uri oharo maria maeaeape:
Currently Selected:
Horova 21: ORO
Highlight
Share
Compare
Copy
Want to have your highlights saved across all your devices? Sign up or sign in
Published by the British and Foreign Bible Society 1963-1972
Horova 21
21
Miletus aiai Tyre
1Ela erero haitapai vevaea horeavi ehoe hiki Cos hiru aupe. La opoa hare Rhodes pekahavi, Patara kara aire auvahaeape. 2Ela Phoenicia vevaea elauvila koarai horeavi auvahaeape. 3Ela Cyprus eavi mai keva ukai ve hakurepai: Tyre karikara pekahavape, ehovea vevaea ve eharu oaria ve aipekaki karikara la. 4Ela ekalesia haela eavi leia hare seven apearoape. Ma haela ove v'ila maeape — are Jerusalem peka va arekaea. 5Ela va la hare 7 kari lei, erero haitapai hahi kai auvahaeape. Ere oaria i uavila i akoremari ila ela i hareho karikara mahokaea ve auvahaeape. 6Ela oaria miri ve loa ari avi ivaiva leivahaeai mai paeape. Ela vevaea horeavi ere va helari karikara ve pekahavape.
Aiai Caesarea
7Ela Tyre hakurepai ai Ptolemai pekahavape., Leia ela apavara ovohae eavavahaeai hare haroapo ere i hareho apeape. 8La opoa hare ela horeavi Caeasarea auvahaeape. Ela va evanelia haela Philip (7 haela ae la) ve uvi pekahavi apeape. 9Ma haela ve marita hari ila, peroveta oharo arula marita. 10Ela leia hare oaria apearoape. Peroveta haela ae rare Agabus, Judea ve kihoaupe. 11Are iki elave leia Paul ve erekai kaivi elare loa i mai ila hahai mari maeape, Ove Veveke mari maeaive, Ma erekai ila haela Jerusalem apealula Jew haela laria hahai arero haela lahua ve mai ve avarakilai. 12Ela ma oharo iapai ela i la ita haela ila hareho arero ape karava velavela leipe are Jerusalem peka va arekaea. 13Paul kavale maeaeape, Eva hivavara i arave iki kakare leikive ehovealeve ha? Ara ikihairihairi leiva ka ere va araro hahakilai. Kaire, ara Amua Iesu v'ila apakilai kara, heroe. 14Are elave oharo ikivere au leila, laelave elave oharo kari lei mari maeape, Amua ve ikivere hiki leikilai.
Aiai Jerusalem
15La hare kari lei ela elare eharu kaili Jerusalem pekahavape. 16Caesarea kilea haela uku elaro koarai pekahavape. Ere Cyprus haela ae rare Mnason lai pekape, ehovea ela va areve uvi aeakive pekakilai.
17Ela Jerusalem pekahavi apavara elaro auhohi leivahaeape.
Paul Judea Ekalesia hakakaeape
18La opoa hare Paul ela i hareho James eavakive aupe. Haela hoaha kara leia apeape. 19Are erero ikiheroe oharo maeaeai Aualari areve horova v'ila ita lahua haela ve leia leivahaeape. Eharu oaria are haroapoharoapo kileavahaeape. 20Ere la oharo iapai Aualari morapaeape. Ere arero maeape, Apoheari, a eavaki ikikelavalula Jew haela maeokoko apearo. Ere oaria Moses ve pupu ikivere eapapo leilula. 21Ere a v'ila iapape a va ita lahua haela ve leia apealula, Jew haela maria kileavahaeavila Moses ve pupu hakurepakive, aeva mai oaria kara kiva leve leikive. 22A leari leikilai ha? Haela oaria korukaiakilai, ehovea a leikila la oharo ere iapakilai. 23Ela aro maeaki horova leiki — elave haela hari ila ma — ere va maea morava okoare leivahaeape. 24A ma haela ila hareho maea morava lei veveroro leikive, ereve la moni kavale a havahu leiki, ere ereve haro koro hailaeakilai; laelave haela oaria ore leivahaeakilai ere a v'ila iapavahaeape la oharo iele karia le leikilai, ehovea a va pupu mai kiva auhohi leivila haela. 25Aka ikikelavalula la ita lahua haela v'ila elave ikikekela oharo ela overa paraeape — maria ere va opore aualari aiarape la eharu i apu, i haihaharoape eharu i mai heahaha oaria ere hahaure leivahaeakilai. 26Paul la haela karape: la opoa hare are ere i hareho Hehe Uvi ureve maea veveroro leivahaeape. Are maea veveroro leivahaeaki hoa ve vavavape, kai ere oaria ve moni kavale leivahaeape.
Jerusalem urukuku: Gavana haela Paul mai paeape
27La hare 7 kari leila Asia ve ekevahaeape la Jew haela arero Hehe Uvi ureve eavi haela oaria au amuraeape. 28Ere arero mai pai āra mari hape, Israel haela oaria ekeila, ma haela va ita oaria haela Jew haela ve mai i pupu i Hehe Uvi v'ila opopoe oharo kileavahaeape. Are kai Greek haela ma Hehe Uvi ureve lai leikila: are ma hehe ita heaha laleila. 29Ehovea ere va overa are i Ephesian haela Trophimus ila hareho loaloalula eavape: ereve ikikekela Paul arero Hehe Uvi lai pekape. 30Karikara haela oaria hareha iki ahea leivahaeape. Ere Paul mai pai Hehe Uvi mahokaea ve hakeavape. La hoa haroapo okiape le kokaukape. 31Ere ikivere arero harive: aka hevehe haela ve kapena Jerusalem hareho urukuku leivila iapape. 32Are hevehe haela i centurion haela uku kari ai leia vivilape — la haela kapena i hevehe haela ila eavi Paul ve hahari le haerapape. 33Akea kapena iki Paul mai pai arero auri horou orahokaila hahakive maeaeape, are velavela leipe are leita la, kai le haeae laleila. 34Uku haela oharo ae maeaeape, uku oharo ae; are oharo iele ore au leila, ehovea ikihahika eapapo — laelave are arero gavana uvi ureve lai pekakive maeaeape. 35Ere papaita pekahavape la hoa hevehe haela Paul oraiavi pekape, ehovea haela oaria arero aeha iele leivahaeape. 36Ehovea haela oaria ereve aire pekahavi āra mari hape, Arero hareava.
37Ere Paul gavana uvi lai pekape la hoa are akea kapena maeape, Ara aro oharo perehekai maeakilai heroe? 38Are arero maeape, A Greek uri ore ha? A va Egyptian haela ka ha? Oropaki hoa karikara haela haeae leikive amuraeai haela haealula haela 4,000 huakara ita kari aupe la haela? 39Aka Paul arero maeape, Ara Jew haela, arave karikara Tarsus, Cilicia ve karikara: La karikara ve hari heaha ka. Ara aro here leive, ara ma haela oharo perehekai maeaeakive heroe. 40Are areve oharo iapape. Paul papaita epavi mai laruape, Haela la eavi oharo kari lei Paul erero Hebrew uri oharo maria maeaeape:
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
Published by the British and Foreign Bible Society 1963-1972