Horova 22
22
Paul Jew haela oropa ve iroro ape
1Apavara, i oalou haela, araro lahahaeila la oharo ve kavale oharo iapai
2Ere arero Hebrew uri hukavavila iapai ere oharo haerapape. Are erero maeaeape,
3Ara Tarsus Cilicia karikara epape Jew haela — aka ara ma karikara ve ahape, Gamaliel araro Aualau ve pupu oharo aheke iele auhohi kiriveape. Ara Aualari ve pupu oaria ikivere havahu leipe, e oaria kara mahau laria. 4Ara ma okiharo ikivere haela hararua erero haeakive kara haropape: ara kai vilaita i uavila ila hareho hahaea?-?vahai uvi muru paparaehape. 5Ma oharo akea oharo haela i haela hoaha ve council haela oaria kara ore overa leivahaeape, ehovea ara ere v'ila hohoa pepa avi Damascus aupe, ehovea leia apealula ikikelavalula haela hahaeavahaeai Jerusalem haeae ve kavale ve kari ekekive.
6Iapai, ara hahi ai Damascus maeamaea pekape la hoa, hare hihi hoa hovea — kaia ve ovava eapapo araro heaoapape. 7Ara mea ve hilai araro kimaeaki oharo mari iapape, Saul, Saul, a va araro hararuavila ehovealeve ha? 8Ara kavale maeape, Amua, a leita ha? Are araro kavale kimaeape, Ara Iesu, a hararuavila la haela. 9Ara i hareho loaloape la haela ovava eavi araro oharo kimaeape la āra au iapaila. 10Ara maeape, Amua, ara leari leikilai ha? Amua araro kimaeape, Urou, Damascus pekaki — leia a va aireaki la horova ve oharo iapakilai. 11Ehovea la ovava haharika iele, ara ovohae kariri leipe, laelave haela araro mai pai Damascus lai pekape.
12Haela ae rare Ananias, pupu kiva leivahaevila haela i Jew haela v'ila hari veveke avape haela leia aeaveape. 13Are iki arave leia, arave maeamaea ve epavi mari maeape, Apoheari Saul, ave ovohae veveke leiki. La hoa havahu ara ovohae kohelaukai arero eavape. 14Are maeape, Elaviilave Aualau haela ve Aualari aro ikivere leipe ehovea areve horova leikive, mai ehoe eavakive i areve ape ve oharo iapakive. 15Ehovea a iapai laeavila la eharu a arev'ila haela oaria oropa ve vavakilai. 16A haiapo kaealue — Urou, bapatiso lei ave mai heahaha hapururukakive, kai areve rare v'ila ivaiva leiki.
17Iapai, ara ai Jerusalem pekai Hehe Uvi ivaiva leipe. 18La hoa ara ivahi eavi are araro kimaeape oharo mari iapape — Jerusalem elavelave hakurepa, eharu a ara v'ila kileakilai la oharo ere hahaure leivahaeakilai. 19Ara maeape, Amua, ere havahu ore, ara synagogue oaria ureve aro kelavape la haela haru hai uvi muru paparaehape. 20Ave oharo haela Stephen ve apu kaitape la hoa, ara kara maea iele epavi ikivere lei arero haeape la haela ve pura kiva leivahaeape. 21Are araro kimaeape, Aula, ara va aro ita apehai ve ita lahua haela ve leia paraeakilai.
Paul va Rome Basileia haela
22Ere areve oharo oaria aiai ma oharo i, kahara, ere āra hai mari kitavape, Arero hareava — are ovokake leve leikilai. 23Ere āra mari hai elare pura hehelaukai aikilapai i loa ve kekele mahumu koavape. 24La hoa Akea hevehe kapena ape karava maeaeape, Arero gavana uvi ureve lai pekakive. Are erero arero haru harive oharo maeaeape — are ikivere ore leikive ehovea haela oaria arero hihiri laria leivahaeape. 25Ere arero horou hahape la hoa Paul mariape, Au heheavakue Rome basileia haela haru harive pupu karia ha? 26Hevehe centurion la oharo iapai ai akea kapena kai maeape, A va leari leikilai — ma haela Rome basileia haela? 27Akea kapena iki areve leia arero velavela leipe, Araro kimaeaki — a Rome basileia haela ha? Are maeape, E. 28Akea kapena maeape, Ara kavale eapapo lei Rome basileia haela hovea leipe. Paul arero kavale maeape, Arave epape hoa ve, ara va Rome basileia haela. 29Arero oropa heheavaki kelavape la haela arero elavelave harepape. Akea kapena kara oaoka leipe ehovea are v'ore are Rome basileia haela horou hahape.
Paul Sanhedrin oropa ve
30La opoa hare, ehovea are ikivere ore leikive ehovealeve Jew haela are v'ila hahaki oharo maeape, are horou helaukai, oharo haela i council haela oaria ila korukaiakive oharo maeape. Are Paul lai kihoai ereve aru hihi ve aepape.
Currently Selected:
Horova 22: ORO
Highlight
Share
Compare
Copy
Want to have your highlights saved across all your devices? Sign up or sign in
Published by the British and Foreign Bible Society 1963-1972
Horova 22
22
Paul Jew haela oropa ve iroro ape
1Apavara, i oalou haela, araro lahahaeila la oharo ve kavale oharo iapai
2Ere arero Hebrew uri hukavavila iapai ere oharo haerapape. Are erero maeaeape,
3Ara Tarsus Cilicia karikara epape Jew haela — aka ara ma karikara ve ahape, Gamaliel araro Aualau ve pupu oharo aheke iele auhohi kiriveape. Ara Aualari ve pupu oaria ikivere havahu leipe, e oaria kara mahau laria. 4Ara ma okiharo ikivere haela hararua erero haeakive kara haropape: ara kai vilaita i uavila ila hareho hahaea?-?vahai uvi muru paparaehape. 5Ma oharo akea oharo haela i haela hoaha ve council haela oaria kara ore overa leivahaeape, ehovea ara ere v'ila hohoa pepa avi Damascus aupe, ehovea leia apealula ikikelavalula haela hahaeavahaeai Jerusalem haeae ve kavale ve kari ekekive.
6Iapai, ara hahi ai Damascus maeamaea pekape la hoa, hare hihi hoa hovea — kaia ve ovava eapapo araro heaoapape. 7Ara mea ve hilai araro kimaeaki oharo mari iapape, Saul, Saul, a va araro hararuavila ehovealeve ha? 8Ara kavale maeape, Amua, a leita ha? Are araro kavale kimaeape, Ara Iesu, a hararuavila la haela. 9Ara i hareho loaloape la haela ovava eavi araro oharo kimaeape la āra au iapaila. 10Ara maeape, Amua, ara leari leikilai ha? Amua araro kimaeape, Urou, Damascus pekaki — leia a va aireaki la horova ve oharo iapakilai. 11Ehovea la ovava haharika iele, ara ovohae kariri leipe, laelave haela araro mai pai Damascus lai pekape.
12Haela ae rare Ananias, pupu kiva leivahaevila haela i Jew haela v'ila hari veveke avape haela leia aeaveape. 13Are iki arave leia, arave maeamaea ve epavi mari maeape, Apoheari Saul, ave ovohae veveke leiki. La hoa havahu ara ovohae kohelaukai arero eavape. 14Are maeape, Elaviilave Aualau haela ve Aualari aro ikivere leipe ehovea areve horova leikive, mai ehoe eavakive i areve ape ve oharo iapakive. 15Ehovea a iapai laeavila la eharu a arev'ila haela oaria oropa ve vavakilai. 16A haiapo kaealue — Urou, bapatiso lei ave mai heahaha hapururukakive, kai areve rare v'ila ivaiva leiki.
17Iapai, ara ai Jerusalem pekai Hehe Uvi ivaiva leipe. 18La hoa ara ivahi eavi are araro kimaeape oharo mari iapape — Jerusalem elavelave hakurepa, eharu a ara v'ila kileakilai la oharo ere hahaure leivahaeakilai. 19Ara maeape, Amua, ere havahu ore, ara synagogue oaria ureve aro kelavape la haela haru hai uvi muru paparaehape. 20Ave oharo haela Stephen ve apu kaitape la hoa, ara kara maea iele epavi ikivere lei arero haeape la haela ve pura kiva leivahaeape. 21Are araro kimaeape, Aula, ara va aro ita apehai ve ita lahua haela ve leia paraeakilai.
Paul va Rome Basileia haela
22Ere areve oharo oaria aiai ma oharo i, kahara, ere āra hai mari kitavape, Arero hareava — are ovokake leve leikilai. 23Ere āra mari hai elare pura hehelaukai aikilapai i loa ve kekele mahumu koavape. 24La hoa Akea hevehe kapena ape karava maeaeape, Arero gavana uvi ureve lai pekakive. Are erero arero haru harive oharo maeaeape — are ikivere ore leikive ehovea haela oaria arero hihiri laria leivahaeape. 25Ere arero horou hahape la hoa Paul mariape, Au heheavakue Rome basileia haela haru harive pupu karia ha? 26Hevehe centurion la oharo iapai ai akea kapena kai maeape, A va leari leikilai — ma haela Rome basileia haela? 27Akea kapena iki areve leia arero velavela leipe, Araro kimaeaki — a Rome basileia haela ha? Are maeape, E. 28Akea kapena maeape, Ara kavale eapapo lei Rome basileia haela hovea leipe. Paul arero kavale maeape, Arave epape hoa ve, ara va Rome basileia haela. 29Arero oropa heheavaki kelavape la haela arero elavelave harepape. Akea kapena kara oaoka leipe ehovea are v'ore are Rome basileia haela horou hahape.
Paul Sanhedrin oropa ve
30La opoa hare, ehovea are ikivere ore leikive ehovealeve Jew haela are v'ila hahaki oharo maeape, are horou helaukai, oharo haela i council haela oaria ila korukaiakive oharo maeape. Are Paul lai kihoai ereve aru hihi ve aepape.
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
Published by the British and Foreign Bible Society 1963-1972