Matthew 22
22
Uva laeaki hurae ve parabole
1Iesu erero aeka kavale parabole mari maeaeape: 2Kaia ve basileia maria — amua ae areve akore ve uva maepaki hurai leipe. 3Are horova haela paparaehape ehovea apavara haela la hurai eapai larive itavavahaeakive. Ere ikivere au leila. 4Are kai haela uku paparaehae erero mari maeaeape, Au itavape la haela maeaeakive, Iapai — ara va eapai overa kariki karia leilai — arave boromakau ehoaha titaeka ila overa hai — eharu oaria overa kariki hovea hukavi — eapai larive ekeila. 5Ere va la oharo auhohi au iapaila kai elarelare oki le auvahaeape: haroapo areve kovo ita, haroapo areve store. 6La kepea haela areve horova akoremari kaili hararuavahaeape, uku ere haeape. 7Amua la oharo iapai hihiri leipe — areve maora hevehe haela oaria paparaehae la haela heahaha haekive, kai ereve karikara a aroukive. 8Are areve horova haela maeaeape, Eapai overa kariki karai, aka au itavavahaeape la haela oaria, ere va hovea au leila. 9E va okiharo auila, e va leia koaraki haela oaria kari ekeila, eapai larive. 10Laelave la horova haela okiharo auvahaeape — ere koarape haela oaria maea mekaka i maea heahaha haela ila korukaiavahaeape. Hurai ve eapai haela oaria lalavahaeape
11Amua kihoaupe eapai laralula haela ovohae eavakive. Are hurai pura karia haela haroapo eavape. 12Are arero maeape, Haelakaru e, a va hurai pura karia learia la maia lakivikaila ha? Are oharo karia. 13Amua horova haela maeaeape, Arero mai loa ila hahai lai hoauki muru ita aukapaila. Leia hivavara oaria, kao kara heheavakilai. 14Ehovea itavavahaeape haela oaria, ikivere leivahaeape haela va perehekai.
Tax moni ve oharo
15Pharisee haela hoahuka elarelare oharo hukavape ehovea areve oharo haeae leikive. 16Ere Herodian haela, ereve kilea haela ila arero kai paparaehape, ere mari maeape, Haelapo, ela v'ore ave oharo iele, a va Aualari ve okiharo iele havahu kileavila kai haela ve oharo oaoka lei kekela va ka, ehovea a haela hiki kekela va ka. 17A va elaro ehoe kimaeaki — ave iki lehae — tax moni Caesar la avarakive, pupu ila, aka ela v'ila pupu ka ha? 18Aka Iesu ereve heaha iki kekela mari maeaeape, E opore haela e, e va araro amuraeaki ehovealeve ha? 19Tax moni araro amoeki. Ere denarius#22:19 See Mat 18:28 haroapo arero avarape. 20Are erero maeaeape, Ove i hohoa ila leita ve ha? 21Ere maeaeape, Caesar ve. Are erero maeaeape, Caesar ve eharu Caesar avaraki — Aualari ve eharu Aualari avaraki. 22Ere ma oharo iapai ikihorahora leivahaeai arero harepai elare oki auvahaeape.
Api kai urouki oharo
23La hare kara Sadducee haela iki areve leia (ma haela mari arura — Apihaeaki haela aireaki urahuka va ka). 24Ere arero velavela leivahaeape maria, Haelapo, Moses mari ape, Uva ila haela la apakilava, akoremari karia va laila, areve akoreheari uva maitava laeai akoreapo v'ila akoremari erakive. 25Apoheari 7 ila apearoape. Akoreapo uva lae le apape, akoremari karia — akoreheari la uva maitava le laeape. 26Aireaki la akoreheari lahovea — aireaki apoheari oaria, ere apihaeai aiai haela 7 hareho karia leilai, akoremari karia. 27Aireaki uamari kara apape. 28Api kai urouki la hoa areva leita haela ve uva — ehovea apoheari 7 ila arero laeape?
29Iesu erero kavale maeaeape, E va haeae eapapo, ehovea e buka hape la oharo i Aualari ve aheke ila haveva iele. 30Ehovea api kai urouki la hoa ere uavila maepai kara va ka — ere va kaia ve apealula Aualari ve aneru hovea hovea. 31Aka api kai uroukive la oharo v'ila e va Aualari kileape la oharo au mureaila ha — oharo maria, 32Ara va Abraham ve Aualari i Isaac ve Aualari i Jacob ila ve Aualari? Aualari va apihaeape haela ve Aualari va ka — are va ovokake haela ve Aualari. 33Haela oaria ma oharo iapai iki horahora eapapo leivahaeape — ehovea areve kilea oharo veveke iele.
Pupu oaria ve oropa pupu
34Aka Pharisee haela iapape are va Sadducee haela laria hahape — ere hareho korukaiape. 35Ereve pupu haeavila haela ae arero au amuraeape maria, 36Haelapo — le la pupu oharo va pupu oaria oropa ve ha? 37Iesu maeape, Ava Amua ave Aualari ave iki hareho, ave ove hareho, ave ikikekela hareho ikivere iele leikive. 38Ma pupu eapapo oropa pupu iele. 39Areve aire pupu are hovea hovea, A va a i hareho aeavila la haela ikiheroe leiki. 40Ma pupu orahokaila va aireaki pupu i peroveta oharo oaria ve ipi iele.
Messiah ve apevelavela oharo
41Pharisee haela hareho korukaiavahaeape la hoa Iesu erero velavela leivahaeape maria, 42E va Keriso learia kelavaro ha? Are va leita ve akore? Ere arero kavale maeape, Are David ve Akore. 43Are erero mari maeaeape, Laelave David learia arero iki ureve Amua rare avila maria:
44Amua arave Amua maeape — Arave mai ore ukai ve haiavaki,
Aiai ara ave iri haela ave loa pavaki haha hovea leikive.
45David arero Amua rare la arilava, are learia areve akore ha? 46Haela oaria arero kavale oharo maeaki hovea ka — aireaki hare oaria haela arero eharu ae va velavela au leila.
Currently Selected:
Matthew 22: ORO
Highlight
Share
Compare
Copy
Want to have your highlights saved across all your devices? Sign up or sign in
Published by the British and Foreign Bible Society 1963-1972
Matthew 22
22
Uva laeaki hurae ve parabole
1Iesu erero aeka kavale parabole mari maeaeape: 2Kaia ve basileia maria — amua ae areve akore ve uva maepaki hurai leipe. 3Are horova haela paparaehape ehovea apavara haela la hurai eapai larive itavavahaeakive. Ere ikivere au leila. 4Are kai haela uku paparaehae erero mari maeaeape, Au itavape la haela maeaeakive, Iapai — ara va eapai overa kariki karia leilai — arave boromakau ehoaha titaeka ila overa hai — eharu oaria overa kariki hovea hukavi — eapai larive ekeila. 5Ere va la oharo auhohi au iapaila kai elarelare oki le auvahaeape: haroapo areve kovo ita, haroapo areve store. 6La kepea haela areve horova akoremari kaili hararuavahaeape, uku ere haeape. 7Amua la oharo iapai hihiri leipe — areve maora hevehe haela oaria paparaehae la haela heahaha haekive, kai ereve karikara a aroukive. 8Are areve horova haela maeaeape, Eapai overa kariki karai, aka au itavavahaeape la haela oaria, ere va hovea au leila. 9E va okiharo auila, e va leia koaraki haela oaria kari ekeila, eapai larive. 10Laelave la horova haela okiharo auvahaeape — ere koarape haela oaria maea mekaka i maea heahaha haela ila korukaiavahaeape. Hurai ve eapai haela oaria lalavahaeape
11Amua kihoaupe eapai laralula haela ovohae eavakive. Are hurai pura karia haela haroapo eavape. 12Are arero maeape, Haelakaru e, a va hurai pura karia learia la maia lakivikaila ha? Are oharo karia. 13Amua horova haela maeaeape, Arero mai loa ila hahai lai hoauki muru ita aukapaila. Leia hivavara oaria, kao kara heheavakilai. 14Ehovea itavavahaeape haela oaria, ikivere leivahaeape haela va perehekai.
Tax moni ve oharo
15Pharisee haela hoahuka elarelare oharo hukavape ehovea areve oharo haeae leikive. 16Ere Herodian haela, ereve kilea haela ila arero kai paparaehape, ere mari maeape, Haelapo, ela v'ore ave oharo iele, a va Aualari ve okiharo iele havahu kileavila kai haela ve oharo oaoka lei kekela va ka, ehovea a haela hiki kekela va ka. 17A va elaro ehoe kimaeaki — ave iki lehae — tax moni Caesar la avarakive, pupu ila, aka ela v'ila pupu ka ha? 18Aka Iesu ereve heaha iki kekela mari maeaeape, E opore haela e, e va araro amuraeaki ehovealeve ha? 19Tax moni araro amoeki. Ere denarius#22:19 See Mat 18:28 haroapo arero avarape. 20Are erero maeaeape, Ove i hohoa ila leita ve ha? 21Ere maeaeape, Caesar ve. Are erero maeaeape, Caesar ve eharu Caesar avaraki — Aualari ve eharu Aualari avaraki. 22Ere ma oharo iapai ikihorahora leivahaeai arero harepai elare oki auvahaeape.
Api kai urouki oharo
23La hare kara Sadducee haela iki areve leia (ma haela mari arura — Apihaeaki haela aireaki urahuka va ka). 24Ere arero velavela leivahaeape maria, Haelapo, Moses mari ape, Uva ila haela la apakilava, akoremari karia va laila, areve akoreheari uva maitava laeai akoreapo v'ila akoremari erakive. 25Apoheari 7 ila apearoape. Akoreapo uva lae le apape, akoremari karia — akoreheari la uva maitava le laeape. 26Aireaki la akoreheari lahovea — aireaki apoheari oaria, ere apihaeai aiai haela 7 hareho karia leilai, akoremari karia. 27Aireaki uamari kara apape. 28Api kai urouki la hoa areva leita haela ve uva — ehovea apoheari 7 ila arero laeape?
29Iesu erero kavale maeaeape, E va haeae eapapo, ehovea e buka hape la oharo i Aualari ve aheke ila haveva iele. 30Ehovea api kai urouki la hoa ere uavila maepai kara va ka — ere va kaia ve apealula Aualari ve aneru hovea hovea. 31Aka api kai uroukive la oharo v'ila e va Aualari kileape la oharo au mureaila ha — oharo maria, 32Ara va Abraham ve Aualari i Isaac ve Aualari i Jacob ila ve Aualari? Aualari va apihaeape haela ve Aualari va ka — are va ovokake haela ve Aualari. 33Haela oaria ma oharo iapai iki horahora eapapo leivahaeape — ehovea areve kilea oharo veveke iele.
Pupu oaria ve oropa pupu
34Aka Pharisee haela iapape are va Sadducee haela laria hahape — ere hareho korukaiape. 35Ereve pupu haeavila haela ae arero au amuraeape maria, 36Haelapo — le la pupu oharo va pupu oaria oropa ve ha? 37Iesu maeape, Ava Amua ave Aualari ave iki hareho, ave ove hareho, ave ikikekela hareho ikivere iele leikive. 38Ma pupu eapapo oropa pupu iele. 39Areve aire pupu are hovea hovea, A va a i hareho aeavila la haela ikiheroe leiki. 40Ma pupu orahokaila va aireaki pupu i peroveta oharo oaria ve ipi iele.
Messiah ve apevelavela oharo
41Pharisee haela hareho korukaiavahaeape la hoa Iesu erero velavela leivahaeape maria, 42E va Keriso learia kelavaro ha? Are va leita ve akore? Ere arero kavale maeape, Are David ve Akore. 43Are erero mari maeaeape, Laelave David learia arero iki ureve Amua rare avila maria:
44Amua arave Amua maeape — Arave mai ore ukai ve haiavaki,
Aiai ara ave iri haela ave loa pavaki haha hovea leikive.
45David arero Amua rare la arilava, are learia areve akore ha? 46Haela oaria arero kavale oharo maeaki hovea ka — aireaki hare oaria haela arero eharu ae va velavela au leila.
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
Published by the British and Foreign Bible Society 1963-1972