Matthew 23
23
Iesu Hohoa haela i Pharisee haela ila au hahape
1Iesu haela oaria i kilea haela ila mari maeaeape: 2Hohoa haealula haela i Pharisee haela ila Moses ve haha avape. 3Laelave ere ero maeaeaki la pupu oaria kiva leivahaeaila — aka ereve horova hovea kalaivahaelue — ehovea ere kileavahaelula la pupu ere kiva leivahaea va ka. 4Ehovea ere pupu mehau ila haela ve horo ve hahaealula — aka ere havahu la mehau lekoka haroapo v'ila hareava va ka. 5Aka ereve horova oaria ere va ikivere haela hihika eavakive — ereve phylactery huraha leivahaelula, ereve pura kao oaria kara. 6Ere va ikivere eapapo hurai ve akea avaki ita — ae va synagogue ve la oropa ita oaria. 7Ae va karikara hihi ve morapaea oharo oaria — ae va haela erero Rabbi rare itavakive. 8Aka e Rabbi rare ikivere kalaivahaelue — ehovea haroapo hiki eve haelapo la — Keriso hiki — e oaria apoheari. 9Ae va meahaiapo hoa haela oa rare ka itavalue — ehovea e va Oa haroapo hiki — kaia akea ve la Oa. 10E va haelapo rare kavarue — ehovea eve haelapo haroapo hiki, Keriso la. 11Aka eve akea ve ikivere la haela — are eve horova haela va heroe. 12Elare akea ve leiki la haela ae va ipi leikilai. Maioka leiki la haela are va oropa ve leikilai.
13Aka — Ikihuru e, hohoa haealula haela i Pharisee haela ila, opore haela e, ehovea e va kaia ve basileia haela v'ila kokauvahaelula: ehovea e kara leia arahava va ka — e va haela ae kara ve oki hereavalula. 14Ikihuru e, hohoa haealula haela i Pharisee haela ila, opore haela e, ehovea e va uavila maitava ve uvi korea leivahaelula — ae va opore ivaiva leivahaelula — e va aireaki heheavaki hoa heaha ila koarakilai. 15Ikihuru e, hohoa haealula haela i Pharisee haela ila, opore haela e, ehovea e ahea i mea ila helari hupakai ikihelariki haela haroapo paeakive — aka e arero paeaki la hoa e va arero heaha havahu leivahaelula — e havahu ve la heaha hoveahovea.
16Ikihuru e, ovohae kariri kari auki haela — ehovea e maria arura, Haela Hehe Uvi v'ila okoare la maeakilava, iele karia, aka haela Hehe Uvi ve gold v'ila okoare la maeakilava, areve apekorea eapapo. 17E ihape haela i ovohae kariri haela e, le la eharu eapapo — la Hehe Uvi ve gold, aka gold ve hehe leiki la Hehe Uvi ha? 18Ae va haela morapulula haha ve rare okoare ra maeakilava, leia iele va ka, aka haela la haha akea ve la meru ve rare okoare ra maeakilava, la va haeae iele. 19E va iki haveva ovohae kariri haela e — eapapo le la hoa ha? La meru, aka arero pupu leipe la morapulula haha ha? 20Laelave, haela morapulula haha ve rare okoare ra maeakilava, are va haha areve eharu oaria ila ve rare okoare maeavila. 21Hehe Uvi ve rare okoare maeavila la haela are va Hehe Uvi, areve ureve aeavila haela ila ve rare okoare maeavila. 22Kaia ve rare okoare maeavila la haela are va Aualari ve terona ve avavila haela ila ve rare okoare maeavila.
23Oea, hohoa haealula haela, Pharisee haela ila, e va opore iele, ehovea e va mint, anise, cummin ila Hehe Uvi meru leivahaelula, aka pupu ve iele maria, ehoe heheava mai, ikiheroe mai, iapa veveke mai — e va hahaure leivahaealula. Veveke e va ma eharu kara leivahaeaki, ae va oropa la eharu kara hahaure leiva ka. 24E ovohae kariri oki kileaki haela — e va ehare au eavailula, e va kamela au hiki iropalula.
25Oea, hohoa haealula haela, Pharisee haela ila, e va opore iele, ehovea e va hekako haita ila ve kaikavaki huhelavahaelula, aka ereve ureve korea mai, maea pelaea mai ila ve hiri oaria le apearo. 26E ovohae kariri Pharisee haela e, oropa hekako haita ila ve ureve ma huhelavaila, aireaki ereve kaikavape aire huhelaki veveroro la leikive.
27Oea, e hohoa haealula haela, Pharisee haela ila, e va opore iele, ehovea e va au karikipe kapu ita houkuka hovea. Iele, ereve akea ve maupa ila, aka ureve apihaeape haela ve uki haro oaria, hirihiri eapapo. 28Lahovea e kara haela ve oropa ve mai ehoe haela hovea leilula, aka eve iki ureve opore oaria mai heahaha oaria ila heheloekoavi apearo.
29Oea, hohoa haealula haela, Pharisee haela ila, e va opore iele, ehovea e va peroveta haela ve kapu ita karikivahaealula, kai mai ehohoe haela ve kapu ita maupa leivahaelula: 30E kara mari maeaelula, Ela va houva hoa apea maea va laila, ela ereve peroveta haela ve apu hakaitapaki horova lei va ka. 31Laelave — e va ore iele haela, e havahu va peroveta haela haeape la haela ve akoremari. 32E va houva haela ve haeae e havahu hovea leikive. 33Ekaroa e, ekaroa ve vilakao e, eve Gehena va heaha leiki hoa leari ovokake lei hukaukilai ha? 34Laelave — ara peroveta haela, ikiore haela, pupu haealula haela ero paparaehaevila. E va uku au haeakilai, uku va kai satauro ve haeakilai, uku e va synagogue ureve haru haeakilai, ae va karikara karikara ve haruapakilai. 35Ehoveala, mai ehohoe haela oaria ve hakaitapape apu ve haeae, e hiki aeakilai, mai ehohoe haela Abel ve hoa aiai Zacharius, Barachias ve akore ve hoa, Hehe Uvi morapulula haha ila aru hihi hape la haela. 36O iele ara ero maeaeaive, Ma haeae oaria ve mehau ma vilakao aeakilai.
Iesu Jerusalem ve aireaki heraho ikihuru leipe
37Jerusalem e, Jerusalem e, a va peroveta haela haeavila, aro paparaehape la haela oaria have haealula — ara va hoa leavaila ave akoremari korukaeaki ikivere leipe, kokora lou areve akoremari maho ureve vovoro leivahaeavila hovea, aka a va ikivere au leila. 38A iapai, ave uvi haua ka. 39Ehovea ara ero maeaeaive, E va araro aireaki eava va ka aiai e va mari maeakilai, Amua ve rare ve ekeki la haela morapaeaki.
Currently Selected:
Matthew 23: ORO
Highlight
Share
Compare
Copy
Want to have your highlights saved across all your devices? Sign up or sign in
Published by the British and Foreign Bible Society 1963-1972
Matthew 23
23
Iesu Hohoa haela i Pharisee haela ila au hahape
1Iesu haela oaria i kilea haela ila mari maeaeape: 2Hohoa haealula haela i Pharisee haela ila Moses ve haha avape. 3Laelave ere ero maeaeaki la pupu oaria kiva leivahaeaila — aka ereve horova hovea kalaivahaelue — ehovea ere kileavahaelula la pupu ere kiva leivahaea va ka. 4Ehovea ere pupu mehau ila haela ve horo ve hahaealula — aka ere havahu la mehau lekoka haroapo v'ila hareava va ka. 5Aka ereve horova oaria ere va ikivere haela hihika eavakive — ereve phylactery huraha leivahaelula, ereve pura kao oaria kara. 6Ere va ikivere eapapo hurai ve akea avaki ita — ae va synagogue ve la oropa ita oaria. 7Ae va karikara hihi ve morapaea oharo oaria — ae va haela erero Rabbi rare itavakive. 8Aka e Rabbi rare ikivere kalaivahaelue — ehovea haroapo hiki eve haelapo la — Keriso hiki — e oaria apoheari. 9Ae va meahaiapo hoa haela oa rare ka itavalue — ehovea e va Oa haroapo hiki — kaia akea ve la Oa. 10E va haelapo rare kavarue — ehovea eve haelapo haroapo hiki, Keriso la. 11Aka eve akea ve ikivere la haela — are eve horova haela va heroe. 12Elare akea ve leiki la haela ae va ipi leikilai. Maioka leiki la haela are va oropa ve leikilai.
13Aka — Ikihuru e, hohoa haealula haela i Pharisee haela ila, opore haela e, ehovea e va kaia ve basileia haela v'ila kokauvahaelula: ehovea e kara leia arahava va ka — e va haela ae kara ve oki hereavalula. 14Ikihuru e, hohoa haealula haela i Pharisee haela ila, opore haela e, ehovea e va uavila maitava ve uvi korea leivahaelula — ae va opore ivaiva leivahaelula — e va aireaki heheavaki hoa heaha ila koarakilai. 15Ikihuru e, hohoa haealula haela i Pharisee haela ila, opore haela e, ehovea e ahea i mea ila helari hupakai ikihelariki haela haroapo paeakive — aka e arero paeaki la hoa e va arero heaha havahu leivahaelula — e havahu ve la heaha hoveahovea.
16Ikihuru e, ovohae kariri kari auki haela — ehovea e maria arura, Haela Hehe Uvi v'ila okoare la maeakilava, iele karia, aka haela Hehe Uvi ve gold v'ila okoare la maeakilava, areve apekorea eapapo. 17E ihape haela i ovohae kariri haela e, le la eharu eapapo — la Hehe Uvi ve gold, aka gold ve hehe leiki la Hehe Uvi ha? 18Ae va haela morapulula haha ve rare okoare ra maeakilava, leia iele va ka, aka haela la haha akea ve la meru ve rare okoare ra maeakilava, la va haeae iele. 19E va iki haveva ovohae kariri haela e — eapapo le la hoa ha? La meru, aka arero pupu leipe la morapulula haha ha? 20Laelave, haela morapulula haha ve rare okoare ra maeakilava, are va haha areve eharu oaria ila ve rare okoare maeavila. 21Hehe Uvi ve rare okoare maeavila la haela are va Hehe Uvi, areve ureve aeavila haela ila ve rare okoare maeavila. 22Kaia ve rare okoare maeavila la haela are va Aualari ve terona ve avavila haela ila ve rare okoare maeavila.
23Oea, hohoa haealula haela, Pharisee haela ila, e va opore iele, ehovea e va mint, anise, cummin ila Hehe Uvi meru leivahaelula, aka pupu ve iele maria, ehoe heheava mai, ikiheroe mai, iapa veveke mai — e va hahaure leivahaealula. Veveke e va ma eharu kara leivahaeaki, ae va oropa la eharu kara hahaure leiva ka. 24E ovohae kariri oki kileaki haela — e va ehare au eavailula, e va kamela au hiki iropalula.
25Oea, hohoa haealula haela, Pharisee haela ila, e va opore iele, ehovea e va hekako haita ila ve kaikavaki huhelavahaelula, aka ereve ureve korea mai, maea pelaea mai ila ve hiri oaria le apearo. 26E ovohae kariri Pharisee haela e, oropa hekako haita ila ve ureve ma huhelavaila, aireaki ereve kaikavape aire huhelaki veveroro la leikive.
27Oea, e hohoa haealula haela, Pharisee haela ila, e va opore iele, ehovea e va au karikipe kapu ita houkuka hovea. Iele, ereve akea ve maupa ila, aka ureve apihaeape haela ve uki haro oaria, hirihiri eapapo. 28Lahovea e kara haela ve oropa ve mai ehoe haela hovea leilula, aka eve iki ureve opore oaria mai heahaha oaria ila heheloekoavi apearo.
29Oea, hohoa haealula haela, Pharisee haela ila, e va opore iele, ehovea e va peroveta haela ve kapu ita karikivahaealula, kai mai ehohoe haela ve kapu ita maupa leivahaelula: 30E kara mari maeaelula, Ela va houva hoa apea maea va laila, ela ereve peroveta haela ve apu hakaitapaki horova lei va ka. 31Laelave — e va ore iele haela, e havahu va peroveta haela haeape la haela ve akoremari. 32E va houva haela ve haeae e havahu hovea leikive. 33Ekaroa e, ekaroa ve vilakao e, eve Gehena va heaha leiki hoa leari ovokake lei hukaukilai ha? 34Laelave — ara peroveta haela, ikiore haela, pupu haealula haela ero paparaehaevila. E va uku au haeakilai, uku va kai satauro ve haeakilai, uku e va synagogue ureve haru haeakilai, ae va karikara karikara ve haruapakilai. 35Ehoveala, mai ehohoe haela oaria ve hakaitapape apu ve haeae, e hiki aeakilai, mai ehohoe haela Abel ve hoa aiai Zacharius, Barachias ve akore ve hoa, Hehe Uvi morapulula haha ila aru hihi hape la haela. 36O iele ara ero maeaeaive, Ma haeae oaria ve mehau ma vilakao aeakilai.
Iesu Jerusalem ve aireaki heraho ikihuru leipe
37Jerusalem e, Jerusalem e, a va peroveta haela haeavila, aro paparaehape la haela oaria have haealula — ara va hoa leavaila ave akoremari korukaeaki ikivere leipe, kokora lou areve akoremari maho ureve vovoro leivahaeavila hovea, aka a va ikivere au leila. 38A iapai, ave uvi haua ka. 39Ehovea ara ero maeaeaive, E va araro aireaki eava va ka aiai e va mari maeakilai, Amua ve rare ve ekeki la haela morapaeaki.
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
Published by the British and Foreign Bible Society 1963-1972