Rome 11
11
Israel hahaure leiki hoa va are
1Laelave ara maeaive: Aualari areve haela hahaure leipe ha? Arekaea! Ehovea ara kara Israel haela, Abraham ve meavari, Benjamin ve eravo haela. 2Are ore overa leivahaeape la haela Aualari hahaure au leila. E va Elias v'ila hape la hohoa haveva ha? Are va Aualari Israel v'ila apevelavela leivila maria, 3Amua, ere ave peroveta haela haeape: ave arura haha oaria ere va kopararapape — ara lahua aeave — ere va ikivere araro kara harive. 4Aka Aualari va arero kavale learia maeape, Ara va arave haela 7,000 kiva leivahaeape. Ma haela ere Baal ve Ove ve oropa ve ari loa au ekaopaila. 5O iele, ma hoa kara, ehovea Areve ikiheroe meru iele, are v'ikivere haela uku haela v'apearo, 6Ikiheroe meru ve oki la leikilava, are va horova ve okiharo hiki va ka; laria leiki aue la leikilava, ikiheroe meru va iele karia. Aeka, horova kara iele karia. 7Learia? Israel haela haropape la eharu ere au eavaila aka are ikivere leivahaeape la haela le avape, haela aea va ovohae ororo leivahaeape.
8Laria overa hape:
Aualari erero maea haveva hovea leivahaeape.
Ere va ovohae ila, aka au eavaila,
Avako ila, aka au iapaila
Aiai ma hoa kara.
9David kara maeaeape:
Ereve maea morava eapai haha erero amuraeai au hereavakilai,
Ehovea lei hihilaukive, ereve kavale la.
10Ereve ovohae murumuru leivahaeakilai ere kai eavavahaeaki ave.
Ere va mea oaria au hiki ekakaopi avalula.
11Ara velavela maria leive — ere va haiae lei ipi iele hihilaupe ha? Arekaea! Aka, ehovea ereve haiae ve la okiharo, ita lahua haela lei ovokake leivahaearo, ehovea erero lei iki kakare leivahaeakive. 12Laelave ereve hihilaupe hoa meahaiapo la makukurikilava, aeva ereve merava leivahaeaki hoa, ita lahua haela erohoho la koarakilava, ere havahu erohoho eapapo iele koaravahaeakilai.
Ita lahua haela ve ovokake. Mamaeako are koperereaki oharo
13Ara ma oharo ita lahua haela kara maeaeaive, ehovea ara va ita lahua haela ve aposetolo haela: ara va la horova v'ila pelaea leivila. 14Ehovea ara va ikivere maria, ara havahu ve la ita haela arave ma ikikekela hovea leikive, kai ereve haela uku lei ovokake leivahaeakive. 15Ehovea ereve hihilauki hoa meahaiapo haela ve ovokake oki la leikilava, o iele, ereve lei makukuriki la hoa iele va api kai urouki hoa hoveahovea leikilai, la? 16Ehovea oropa la uku hehe la leikilava, o iele la maeokoko kara hareho hehe iele leivahaeakilai. Elele hehe la leikilava, mamaeako oaria kara hehe leivahaeakilai.
17Mamaeako uku haela koelalaeakilava, kai a havahu, merava kora ve maeako hovea, ere aro maeako hovea ikupa kolaperereakilava, kai la kora ve elele i iele ila a herehere la leikilava, 18Mamaeako ve oropa ve pelaea kalailue, aka a va pelaea la leikilava, a va iki kekela, elele ave mehau le avi, a va areve mehau ava ka. 19A va aireaki maeakilai, Mamaeako au koelaeape, ehovea ara ereve ita la avakilai. 20Heroe! Erero koelaeape iele ehovea ere iki au kelavaila, kai ave aheke va ave ikikekela aheke la. Laelave, iki pelaea kalailue, iki maraha hiki va heroe. 21Ehovea Aualari la kora ve mamaeako havahu ovokake haitapakiaue va laila, a kiva leila Are ave ovokake hareavaki ave. 22Aualari ve mai mekakure i aheke ila eavaki. Au hihilaupe la haela areve aheke le koavape, aka a va Are i hareho la veakilava, areve veveke are aro avarakilai. A kiva leiki aue la leikilava, are aro koelaeakilai. 23Ere kara, ere ikikekelaki aue okiharo haure la leikilava, erero ikupa ve aeka le koperereakilai: ehovea Aualari erero aeka koperereakive ore. 24Ere aro kora merava ve hareavape: la kora va merava overa leipe. Ere kai aro oru ve la kora veveke kolaperereakilava, o iele, ma haela, ehovea ere va oru kora ve mamaeako iele, erero elare kora la kopererea va heroe.
Aualari ikivere haela oaria ikiheheroe leivahaeakive
25Ara va ikivere ka e va ma muruhari eharu haveva leikive — e va elare ikiore ve pelaea leiki ave — Iele ma, Israel haela perehekai ovohae kariri leivahaeape, aiai ita lahua haela hareho korukaiavahaeaki la hoa. 26Laelave, Israel haela hareho ovokake leivahaeakilai. Overa hape oharo maria:
Zion ve leia lei ovokake leiki haela kihoaukilai.
Are Jacob ve hiru haela ve hoaha hapururukakilai.
27Ehovea erero okoare maria maeape:
Ara ereve heaha hapururukaki la hoa.
28Ehovea iroro oharo ve la oki ve ere va eve iri haela. Aka Aualari erero ikivere leikilai, ehovea ere va houva hoa ve meavohula. 29Ehovea Aualari avaravila la meru are iki helari hareava va ka. 30Hoveahovea, e va overa hoa Aualari ve rare iki au kelavaila, aka e va ma hoa Aualari ve ikihuru koaraive, ehovea ereve ikikekelaki aue mai. 31Kaire, ma haela ma hoa iki au kelavaila, ehovea ere va eve ikihuru v'ila ere kara ikihuru la koarakilai. 32Ehovea Aualari erero oaria hoa haroapo ikikelavaki aue rare haela rare maeaeape — laelave are kai erero oaria hareho ikiheheroe leivahaeakilai.
33O iele, Aualari ve ikiore mekakure va eapapo havahu iele. Areve heheavaki mai veveke haela oaria haveva hiki — areve okiharo haela ore lei va ka.
34Ehovea Aualari ve ikikekela leita haela ore leipe ha?
Areve kilea haela leita ha?
35Leita haela arero eharu aiarape,
kai aireaki areve la kavale avape ha?
36Ehovea eharu oaria areve oki ve kihoreavape. Areve rare mea oaria morapaeaki — aiai karia lei va ka — Amene.
Currently Selected:
Rome 11: ORO
Highlight
Copy
Compare
Share
Want to have your highlights saved across all your devices? Sign up or sign in
Published by the British and Foreign Bible Society 1963-1972
Rome 11
11
Israel hahaure leiki hoa va are
1Laelave ara maeaive: Aualari areve haela hahaure leipe ha? Arekaea! Ehovea ara kara Israel haela, Abraham ve meavari, Benjamin ve eravo haela. 2Are ore overa leivahaeape la haela Aualari hahaure au leila. E va Elias v'ila hape la hohoa haveva ha? Are va Aualari Israel v'ila apevelavela leivila maria, 3Amua, ere ave peroveta haela haeape: ave arura haha oaria ere va kopararapape — ara lahua aeave — ere va ikivere araro kara harive. 4Aka Aualari va arero kavale learia maeape, Ara va arave haela 7,000 kiva leivahaeape. Ma haela ere Baal ve Ove ve oropa ve ari loa au ekaopaila. 5O iele, ma hoa kara, ehovea Areve ikiheroe meru iele, are v'ikivere haela uku haela v'apearo, 6Ikiheroe meru ve oki la leikilava, are va horova ve okiharo hiki va ka; laria leiki aue la leikilava, ikiheroe meru va iele karia. Aeka, horova kara iele karia. 7Learia? Israel haela haropape la eharu ere au eavaila aka are ikivere leivahaeape la haela le avape, haela aea va ovohae ororo leivahaeape.
8Laria overa hape:
Aualari erero maea haveva hovea leivahaeape.
Ere va ovohae ila, aka au eavaila,
Avako ila, aka au iapaila
Aiai ma hoa kara.
9David kara maeaeape:
Ereve maea morava eapai haha erero amuraeai au hereavakilai,
Ehovea lei hihilaukive, ereve kavale la.
10Ereve ovohae murumuru leivahaeakilai ere kai eavavahaeaki ave.
Ere va mea oaria au hiki ekakaopi avalula.
11Ara velavela maria leive — ere va haiae lei ipi iele hihilaupe ha? Arekaea! Aka, ehovea ereve haiae ve la okiharo, ita lahua haela lei ovokake leivahaearo, ehovea erero lei iki kakare leivahaeakive. 12Laelave ereve hihilaupe hoa meahaiapo la makukurikilava, aeva ereve merava leivahaeaki hoa, ita lahua haela erohoho la koarakilava, ere havahu erohoho eapapo iele koaravahaeakilai.
Ita lahua haela ve ovokake. Mamaeako are koperereaki oharo
13Ara ma oharo ita lahua haela kara maeaeaive, ehovea ara va ita lahua haela ve aposetolo haela: ara va la horova v'ila pelaea leivila. 14Ehovea ara va ikivere maria, ara havahu ve la ita haela arave ma ikikekela hovea leikive, kai ereve haela uku lei ovokake leivahaeakive. 15Ehovea ereve hihilauki hoa meahaiapo haela ve ovokake oki la leikilava, o iele, ereve lei makukuriki la hoa iele va api kai urouki hoa hoveahovea leikilai, la? 16Ehovea oropa la uku hehe la leikilava, o iele la maeokoko kara hareho hehe iele leivahaeakilai. Elele hehe la leikilava, mamaeako oaria kara hehe leivahaeakilai.
17Mamaeako uku haela koelalaeakilava, kai a havahu, merava kora ve maeako hovea, ere aro maeako hovea ikupa kolaperereakilava, kai la kora ve elele i iele ila a herehere la leikilava, 18Mamaeako ve oropa ve pelaea kalailue, aka a va pelaea la leikilava, a va iki kekela, elele ave mehau le avi, a va areve mehau ava ka. 19A va aireaki maeakilai, Mamaeako au koelaeape, ehovea ara ereve ita la avakilai. 20Heroe! Erero koelaeape iele ehovea ere iki au kelavaila, kai ave aheke va ave ikikekela aheke la. Laelave, iki pelaea kalailue, iki maraha hiki va heroe. 21Ehovea Aualari la kora ve mamaeako havahu ovokake haitapakiaue va laila, a kiva leila Are ave ovokake hareavaki ave. 22Aualari ve mai mekakure i aheke ila eavaki. Au hihilaupe la haela areve aheke le koavape, aka a va Are i hareho la veakilava, areve veveke are aro avarakilai. A kiva leiki aue la leikilava, are aro koelaeakilai. 23Ere kara, ere ikikekelaki aue okiharo haure la leikilava, erero ikupa ve aeka le koperereakilai: ehovea Aualari erero aeka koperereakive ore. 24Ere aro kora merava ve hareavape: la kora va merava overa leipe. Ere kai aro oru ve la kora veveke kolaperereakilava, o iele, ma haela, ehovea ere va oru kora ve mamaeako iele, erero elare kora la kopererea va heroe.
Aualari ikivere haela oaria ikiheheroe leivahaeakive
25Ara va ikivere ka e va ma muruhari eharu haveva leikive — e va elare ikiore ve pelaea leiki ave — Iele ma, Israel haela perehekai ovohae kariri leivahaeape, aiai ita lahua haela hareho korukaiavahaeaki la hoa. 26Laelave, Israel haela hareho ovokake leivahaeakilai. Overa hape oharo maria:
Zion ve leia lei ovokake leiki haela kihoaukilai.
Are Jacob ve hiru haela ve hoaha hapururukakilai.
27Ehovea erero okoare maria maeape:
Ara ereve heaha hapururukaki la hoa.
28Ehovea iroro oharo ve la oki ve ere va eve iri haela. Aka Aualari erero ikivere leikilai, ehovea ere va houva hoa ve meavohula. 29Ehovea Aualari avaravila la meru are iki helari hareava va ka. 30Hoveahovea, e va overa hoa Aualari ve rare iki au kelavaila, aka e va ma hoa Aualari ve ikihuru koaraive, ehovea ereve ikikekelaki aue mai. 31Kaire, ma haela ma hoa iki au kelavaila, ehovea ere va eve ikihuru v'ila ere kara ikihuru la koarakilai. 32Ehovea Aualari erero oaria hoa haroapo ikikelavaki aue rare haela rare maeaeape — laelave are kai erero oaria hareho ikiheheroe leivahaeakilai.
33O iele, Aualari ve ikiore mekakure va eapapo havahu iele. Areve heheavaki mai veveke haela oaria haveva hiki — areve okiharo haela ore lei va ka.
34Ehovea Aualari ve ikikekela leita haela ore leipe ha?
Areve kilea haela leita ha?
35Leita haela arero eharu aiarape,
kai aireaki areve la kavale avape ha?
36Ehovea eharu oaria areve oki ve kihoreavape. Areve rare mea oaria morapaeaki — aiai karia lei va ka — Amene.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Published by the British and Foreign Bible Society 1963-1972