Rome 12
12
Ovokake are
1Ara ero here leive, apavara e. E va maea morava iele leikive, Aualari ve ikihuru oki ve: eve maea va ovokake i hehe i mekaka ila, Aualari ve meru hovea leikive, ehovea eve horova veveke iele la. 2E meahaiapo hiki hovea kalailue: eve iki helari auhohi kelavaki, iki are leikive: laria e va Aualari ve ikivere mai ehoe i mekakure ila hihika amoeakilai.
Ove ve meru ve horova iele
3Ehovea Aualari araro avikiarape la ikiheroe meru ve oki ve, ara ero maeaeaive, e haela oaria elare maea hiki kelava va arekaea, aka iki ehoe hiki kelavaki, Aualari haela oaria kileavahaeape la hovea, 4Ehovea elaviilave maea va ukuku oaria, aeva maea ve la ukuku horova hoveahovea leivahaea va ka, 5Laria kara, ehovea elaviila haela oaria, elaviila hareho Iesu Keriso ve maea haroapo hovea, elarelare apavara iele. 6Laelave, elaviila oaria ikiore lahua lahua, ehovea Aualari ve meru lae, elaviila ve iki ovava hovea horova leivahaeakilai: peroveta oharo la avahaeakilava, veveke avahaeakive heroe; 7La horova haela, horova veveke leivahaeakilai, kilea haela, kilea horova kara veveke leivahaeakilai; 8Oharo Haela, oharo veveke o iele avahaeakilai. Meru avaraki la horova kara, pelaea ila v'arekaea: Amua horova leivahaeaki la haela, kiva auhohi leivahaeakilai. Ikiheroe leivahaeaki la haela, iki veveke ila la mai leivahaeakilai.
Keriso ve okiharo ve pupu iele
9Ikiheroe mai hehepo kalaivahaelue: mai heaha hahaure leivahaeaki, mai veveke ikivere leivahaeaki. 10Elarelare ikiheheroe leivahaeaki, apavara hovea, elarelare momorapu va heroe. 11Horova hoa mahuka v'arekaea, ove aheke leivahaeaki, Aualari ve horova auhohi leivahaeaki. 12Ikiveveke lei ikihorahora kalaivahaealue, heraho hoa ikihairihairi v'arekaea, ivaiva kiva auhohi leivahaeaki. 13Merava haela ve ikivere eharu aiaraki; hahi haela ikiheheroe leivahaeaki.
14Ero hararualula la haela momorapuki, o heaha kamaeaealue. 15Ikiveveke ila la haela i hareho ikiveveke leivahaeakilai, ikihuru ila la haela i hareho ikihuru leivahaeaki. 16Elarelare ikikekela hoveahovea leivahaeaki. Akea haela hiki kakelavarue, ipi la haela kara kelavaki. Elare ikiore ve pelaea kalaivahaelue. 17Heaha leiki la haela kavale heaha leivahaea va arekaea. Haela oaria ve oropa ve mai ehoe leivahaeaki. 18Eve maea hovea, haela oaria i hareho ila havila ila apeaki. 19Ikiheroe, apavara e, hihiri ve kavale hihiri kalaivahaelue; la horova Aualari la avaraki. Ehovea overa buka maria hape:
Heaha ve kavale leiki horova ara havahu!
Aualari ve oharo maria: Ara havahu horova heaha ve kavale avarakilai.
20Laelave, ave iri haela eroa la leikilava, arero eapai avaraki. Are ma karave koa la leikilava, arero ma kara avaraki. Laria, a va areve haro ve a kai hovea la korakilai. 21Mai heaha ero heaorapa va arekaea. E havahu mai heaha heaorapa va heroe.
Currently Selected:
Rome 12: ORO
Highlight
Copy
Compare
Share
Want to have your highlights saved across all your devices? Sign up or sign in
Published by the British and Foreign Bible Society 1963-1972
Rome 12
12
Ovokake are
1Ara ero here leive, apavara e. E va maea morava iele leikive, Aualari ve ikihuru oki ve: eve maea va ovokake i hehe i mekaka ila, Aualari ve meru hovea leikive, ehovea eve horova veveke iele la. 2E meahaiapo hiki hovea kalailue: eve iki helari auhohi kelavaki, iki are leikive: laria e va Aualari ve ikivere mai ehoe i mekakure ila hihika amoeakilai.
Ove ve meru ve horova iele
3Ehovea Aualari araro avikiarape la ikiheroe meru ve oki ve, ara ero maeaeaive, e haela oaria elare maea hiki kelava va arekaea, aka iki ehoe hiki kelavaki, Aualari haela oaria kileavahaeape la hovea, 4Ehovea elaviilave maea va ukuku oaria, aeva maea ve la ukuku horova hoveahovea leivahaea va ka, 5Laria kara, ehovea elaviila haela oaria, elaviila hareho Iesu Keriso ve maea haroapo hovea, elarelare apavara iele. 6Laelave, elaviila oaria ikiore lahua lahua, ehovea Aualari ve meru lae, elaviila ve iki ovava hovea horova leivahaeakilai: peroveta oharo la avahaeakilava, veveke avahaeakive heroe; 7La horova haela, horova veveke leivahaeakilai, kilea haela, kilea horova kara veveke leivahaeakilai; 8Oharo Haela, oharo veveke o iele avahaeakilai. Meru avaraki la horova kara, pelaea ila v'arekaea: Amua horova leivahaeaki la haela, kiva auhohi leivahaeakilai. Ikiheroe leivahaeaki la haela, iki veveke ila la mai leivahaeakilai.
Keriso ve okiharo ve pupu iele
9Ikiheroe mai hehepo kalaivahaelue: mai heaha hahaure leivahaeaki, mai veveke ikivere leivahaeaki. 10Elarelare ikiheheroe leivahaeaki, apavara hovea, elarelare momorapu va heroe. 11Horova hoa mahuka v'arekaea, ove aheke leivahaeaki, Aualari ve horova auhohi leivahaeaki. 12Ikiveveke lei ikihorahora kalaivahaealue, heraho hoa ikihairihairi v'arekaea, ivaiva kiva auhohi leivahaeaki. 13Merava haela ve ikivere eharu aiaraki; hahi haela ikiheheroe leivahaeaki.
14Ero hararualula la haela momorapuki, o heaha kamaeaealue. 15Ikiveveke ila la haela i hareho ikiveveke leivahaeakilai, ikihuru ila la haela i hareho ikihuru leivahaeaki. 16Elarelare ikikekela hoveahovea leivahaeaki. Akea haela hiki kakelavarue, ipi la haela kara kelavaki. Elare ikiore ve pelaea kalaivahaelue. 17Heaha leiki la haela kavale heaha leivahaea va arekaea. Haela oaria ve oropa ve mai ehoe leivahaeaki. 18Eve maea hovea, haela oaria i hareho ila havila ila apeaki. 19Ikiheroe, apavara e, hihiri ve kavale hihiri kalaivahaelue; la horova Aualari la avaraki. Ehovea overa buka maria hape:
Heaha ve kavale leiki horova ara havahu!
Aualari ve oharo maria: Ara havahu horova heaha ve kavale avarakilai.
20Laelave, ave iri haela eroa la leikilava, arero eapai avaraki. Are ma karave koa la leikilava, arero ma kara avaraki. Laria, a va areve haro ve a kai hovea la korakilai. 21Mai heaha ero heaorapa va arekaea. E havahu mai heaha heaorapa va heroe.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Published by the British and Foreign Bible Society 1963-1972