Yohana 2
2
1Musi wa katatu heokie na ngasu ghati ya Kana ya Galilaya, mee Isa eokieho.
2Isa akaitangwa na waanaloshwa wakwe ha ngasu.
3Na mvinyo ukiduhuka, mee Isa akamburra, Tewena mvinyo.
4Isa akamburra, Mi nina nikini nawe, mche, saa yangu temefikayo.
5Mee wakwe akawawurra wainda, Sandu enemburra, mwarehe.
6Heokie mawere matandatu ma mabwe hena kuzerrija kwawo Wayahudi, ma vighesho viri kana vitatu.
7Isa akawawurra, Izujeni mawere ma mbombe; wakamaizuja pia.
8Akawawurra, Taheni mmtike hena mbaha wa meza. Wakatika.
9Mbaha wa meza ekinachame mbombe ikaoka mvinyo, na tetisiwa handu ufumicho (kake wainda wakatisiwa wetahie mbombe), mbaha wa meza akamwitanga mwenyi ngasu,
10Akamburra, Wandu wose wawoka kung’ola mvinyo ula wedi, na wandu wekinywa, ula mbiwi; kake we wawika ula wedi mtano ngeriaha.
11Kuwuka uku kwa vindu vya kurighia akaareha Isa ghati ya Kana ya Galilaya, akauwonyanya ubaha wakwe, waanaloshwa wakwe wakamwitikija.
12Kutera akasea, akafika Kapernaum, ye na mee wakwe, na wandwawo na waanaloshwa wakwe, wakaikaa uko misi si mingi.
13Ikasongeria Pasaka ya Wayahudi, Isa akakwea, akafika Yerusalemi.
14Akawona ghati ya hekalu wetagha ng’ombe, na mabeta, na wekoranya fetha wakaikaasi.
15Akaarehe msenge wa luzige, akawakinya ghati ya hekalu, najo magonji na ng’ombe, akaitisha pesa ja wekoranya fetha, akagharusha meza yawo.
16Akawawurra wala wetagha mabeta, Tikeni ama, msioshe nyumba ya Apa wangu nyumba ya zora.
17Waanaloshwa wakakumbuka ti itamiwe, Luneng’o lwa nyumba yako lwanla.
18Wayahudi wakatalwa wakamburra, Nikini utuwondja, waareha ama?
19Isa akatalwa, akawawurra, Nyamareni hekalu ili, nami misi mitatu nineliareha.
20Wayahudi wakateta, Miaka makumanne na mitandatu hekalu ili leokie ghati ya kujengwa, na wee uneliareha na misi mitatu?
21Naye etetie hekalu la muri wakwe.
22Na ekinawuka hena kufwa waanaloshwa wakwa wakakumbuka ti etetie ama, wakaitikija matamo na kiteto ekitetie Isa.
23Ekinaoka ghati ya Yerusalemi hena Pasaka hena musi mbaha wengi wakaliitikija izina lakwe wekiwona vindu eviarehie.
24Isa teitikijishie hawo, amu akatisiwa wose,
25Na tekundie mundu amtetie mundu, amu emaije meoho na wandu.
Currently Selected:
Yohana 2: TAVETA
Highlight
Share
Copy
Want to have your highlights saved across all your devices? Sign up or sign in
Taveta New Testament, published inportions from 1892 to 1906, by the British and Foreign Bible Society. Psalms was published by SPCK in 1905.
