Jon 17
17
Yesus wai itau ma Ida Tapolngon lua ila disaipel
1Yesus wai pelengon tonari yagos deka bitna tito ke omur heven e iye wai langane. “Livou lou taim polou kodong. E oku ane emnis osep ke lou elio ka itau lokono e lou arit ka omba ma ngakaranga nganis osep ke lem elio ka itau lokono e lem arit ka omba blang. 2Kesua amkar arit ke ngong ma ngaplau osep ka pula keniye ma ngakaranga ngakar mosongon ka dong vala dong ke osep ka amkar isak ke ngong. 3E mosongon ka dong vala dong langane. Osep tile wom ka Inarak Tapolngon ka lokono e ka kene vala e tile ngong Yesus Krais ka ampagei ngong ngame. 4Nganis osep ke lem elio itau lokono e lem arit ka omba ke taklak ane e ngababrum bokongon ka amkare ke ngong kodong. 5Livou ngawai ke wom langane. Alo ka amtapol wan bitna bitna dau kovok ngadong kap wom e lou elio itau lokono e lou arit omba. E oku ane ngawaiki amkar ngong lou elio e arit tonari blang e ma ngadong kap wom blang.”
6“Nganis wom ke osep ka amkar isak ke ngong ke taklak ane e tile malak ke wom. Isak lem osep e amkar isak ke ngong kodong e tini lem pelengon. 7E oku ane tile wan ka pula keniye ka amkare ke ngong me ke wom vala. 8Kesua ngakar isak pelengon ka amkare ke ngong e aitno lisak la dagar ine e tile lokono langane. Oglou ngadong kap wom e ngame. E aitno lisak dagar langane. Ampagei ngong ngame ke taklak ane.”
9“Ngawai itau ke wom ma omlua isak vala. E ngawai itau ma omlua osep taklak ina kovok. Aurou. Ngawaiki omlua osep ka amkar isak ke ngong kesua isak lem osep. 10E lou osep ka pula keniye isak lem osep e lem osep ka pula keniye isak lou osep e ma tinis lou elio itau lokono e lou arit ka omba ke osep taklak ina.”
11“E oku ane isuk boto ma ngadong ke taklak kovok e ngala ke wom. E isak dau tidong ke taklak. Deka Livou ka lem elio itau lokono amplau isak itau ke lem arit ka amkare ke ngong. Ma tikaranga tidong aitno lisak kene pulu eriar langka itodong aitno lite kene pulu. 12Alo ka ngadong kap isak ngaplau isak ke lem arit ka amkare ke ngong. Ngaplau isak e gute kene vala ke isak imina. Iye gute ka ke ila elio soulu due ma iye imina. E elio ane polou ma wan ka osep tisogoe ke lem pelengon polou lokono. 13E eknikane isuk boto ngauti ke wom. Ngawai lou pelengon ane alo ka ngong dau ngadong ke taklak ma elio ka aitno lungong neser ma due aitno lisak neser blang. E ma urok ketirngen bon ke aitno lisak.”
14“Ngakar lem pelengon ke isak e ke batne langane osep taklak ina aitno lisak engil e amnga ke isak. Aitno lisak engil e amnga ke isak kesua isak langka osep taklak ina kovok eriar langka ngong langka osep taklak ina kovok. 15E ngawai itau ke wom ma empi isak ke taklak kovok. Aurou. Ngawaiki amplau isak itau ma Satan karanga due pogle ke isak kovok. 16Taklak ane urok omur kovok eriar langka taklak ane lou omur kovok. 17Emrere isak ma tidue lem bokongon e tididi lem pelengon ka lokono vala. Kesua lem pelengon iye pelengon lokono vala. 18Eriar langka ampagei ngong ngame ngadong airavu ke osep taklak ina ngapagei isak kla tidong airavu ke osep taklak ina blang. 19E ngarere ngong tona ma ngadue lem bokongon e ngadidi lem pelengon ma ngakaranga ngalua isak. Ngadue langane ma tikaranga tidue lem bokongon e tididi lem pelengon ka lokono vala.”
20“E ngawai itau ke wom ke lou osep vala kovok. Aurou. Ngawai itau ke osep ka aitno lisak ma la dagar ke ngong batne ke urok pelengon blang. 21Ma aitno lisak tidong kene pulu eriar langka wom Livou omdong kap ngong e ngadong kap wom. Ma aitno lisak tidong kene pulu batne ke ite e ma osep taklak ina tile omur ampagei ngong ngame. 22Lou elio itau lokono e lou arit ka omba ka amkare ke ngong ngakare ke isak ma aitno lisak karanga dong kene pulu eriar langka aitno lite dong kene pulu. 23Ngadong kap isak e omdong kap ngong. Ma aitno lisak polou kene pulu lokono ma osep taklak ina tile ampagei ngong ngame e wom lana wom ke isak eriar langka wom lana wom ke ngong.”
24“Livou ngawaiki osep ka amkar isak ke ngong ma tidong kap ngong ke omur ka ngadong ine. Ma tivati lou elio itau lokono e lou arit ka omba ka amkare ke ngong. Kesua wom lana wom ke ngong mgo ke alo ka amtapol wan ka pula keniye ke taklak. 25Livou ka lem elio itau e osuk osep taklak ina tile wom kovok. E ngaile wom e lou osep tile wom ampagei ngong ngame. 26Ngapalongo urok ke wom kodong e ma ngapalongo urok ke wom blang ma elio ka wom lana wom ke ngong dong ke isak e ngadong kap isak blang.”
Currently Selected:
Jon 17: ANT
Highlight
Share
Copy
Want to have your highlights saved across all your devices? Sign up or sign in
copyright 2003 New Tribes Mission, Sanford, FL 32771
Jon 17
17
Yesus wai itau ma Ida Tapolngon lua ila disaipel
1Yesus wai pelengon tonari yagos deka bitna tito ke omur heven e iye wai langane. “Livou lou taim polou kodong. E oku ane emnis osep ke lou elio ka itau lokono e lou arit ka omba ma ngakaranga nganis osep ke lem elio ka itau lokono e lem arit ka omba blang. 2Kesua amkar arit ke ngong ma ngaplau osep ka pula keniye ma ngakaranga ngakar mosongon ka dong vala dong ke osep ka amkar isak ke ngong. 3E mosongon ka dong vala dong langane. Osep tile wom ka Inarak Tapolngon ka lokono e ka kene vala e tile ngong Yesus Krais ka ampagei ngong ngame. 4Nganis osep ke lem elio itau lokono e lem arit ka omba ke taklak ane e ngababrum bokongon ka amkare ke ngong kodong. 5Livou ngawai ke wom langane. Alo ka amtapol wan bitna bitna dau kovok ngadong kap wom e lou elio itau lokono e lou arit omba. E oku ane ngawaiki amkar ngong lou elio e arit tonari blang e ma ngadong kap wom blang.”
6“Nganis wom ke osep ka amkar isak ke ngong ke taklak ane e tile malak ke wom. Isak lem osep e amkar isak ke ngong kodong e tini lem pelengon. 7E oku ane tile wan ka pula keniye ka amkare ke ngong me ke wom vala. 8Kesua ngakar isak pelengon ka amkare ke ngong e aitno lisak la dagar ine e tile lokono langane. Oglou ngadong kap wom e ngame. E aitno lisak dagar langane. Ampagei ngong ngame ke taklak ane.”
9“Ngawai itau ke wom ma omlua isak vala. E ngawai itau ma omlua osep taklak ina kovok. Aurou. Ngawaiki omlua osep ka amkar isak ke ngong kesua isak lem osep. 10E lou osep ka pula keniye isak lem osep e lem osep ka pula keniye isak lou osep e ma tinis lou elio itau lokono e lou arit ka omba ke osep taklak ina.”
11“E oku ane isuk boto ma ngadong ke taklak kovok e ngala ke wom. E isak dau tidong ke taklak. Deka Livou ka lem elio itau lokono amplau isak itau ke lem arit ka amkare ke ngong. Ma tikaranga tidong aitno lisak kene pulu eriar langka itodong aitno lite kene pulu. 12Alo ka ngadong kap isak ngaplau isak ke lem arit ka amkare ke ngong. Ngaplau isak e gute kene vala ke isak imina. Iye gute ka ke ila elio soulu due ma iye imina. E elio ane polou ma wan ka osep tisogoe ke lem pelengon polou lokono. 13E eknikane isuk boto ngauti ke wom. Ngawai lou pelengon ane alo ka ngong dau ngadong ke taklak ma elio ka aitno lungong neser ma due aitno lisak neser blang. E ma urok ketirngen bon ke aitno lisak.”
14“Ngakar lem pelengon ke isak e ke batne langane osep taklak ina aitno lisak engil e amnga ke isak. Aitno lisak engil e amnga ke isak kesua isak langka osep taklak ina kovok eriar langka ngong langka osep taklak ina kovok. 15E ngawai itau ke wom ma empi isak ke taklak kovok. Aurou. Ngawaiki amplau isak itau ma Satan karanga due pogle ke isak kovok. 16Taklak ane urok omur kovok eriar langka taklak ane lou omur kovok. 17Emrere isak ma tidue lem bokongon e tididi lem pelengon ka lokono vala. Kesua lem pelengon iye pelengon lokono vala. 18Eriar langka ampagei ngong ngame ngadong airavu ke osep taklak ina ngapagei isak kla tidong airavu ke osep taklak ina blang. 19E ngarere ngong tona ma ngadue lem bokongon e ngadidi lem pelengon ma ngakaranga ngalua isak. Ngadue langane ma tikaranga tidue lem bokongon e tididi lem pelengon ka lokono vala.”
20“E ngawai itau ke wom ke lou osep vala kovok. Aurou. Ngawai itau ke osep ka aitno lisak ma la dagar ke ngong batne ke urok pelengon blang. 21Ma aitno lisak tidong kene pulu eriar langka wom Livou omdong kap ngong e ngadong kap wom. Ma aitno lisak tidong kene pulu batne ke ite e ma osep taklak ina tile omur ampagei ngong ngame. 22Lou elio itau lokono e lou arit ka omba ka amkare ke ngong ngakare ke isak ma aitno lisak karanga dong kene pulu eriar langka aitno lite dong kene pulu. 23Ngadong kap isak e omdong kap ngong. Ma aitno lisak polou kene pulu lokono ma osep taklak ina tile ampagei ngong ngame e wom lana wom ke isak eriar langka wom lana wom ke ngong.”
24“Livou ngawaiki osep ka amkar isak ke ngong ma tidong kap ngong ke omur ka ngadong ine. Ma tivati lou elio itau lokono e lou arit ka omba ka amkare ke ngong. Kesua wom lana wom ke ngong mgo ke alo ka amtapol wan ka pula keniye ke taklak. 25Livou ka lem elio itau e osuk osep taklak ina tile wom kovok. E ngaile wom e lou osep tile wom ampagei ngong ngame. 26Ngapalongo urok ke wom kodong e ma ngapalongo urok ke wom blang ma elio ka wom lana wom ke ngong dong ke isak e ngadong kap isak blang.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
copyright 2003 New Tribes Mission, Sanford, FL 32771