Jon 18
18
Judas lai Yesus ina
(Matyu 26.47-56 e Mak 14.43-50 e Luk 22.47-53)
1Yesus wai itau ke Ida Tapol-ngon yagos deka iye gosok ila disaipel tisongon omur are e tibru aki Kidron e isak kla ke omur ka yage gesa ka akai oliv pula tidong ine deka Yesus isak tisep ke yage. 2E Judas ka iye lai Yesus ina ile ke yage tonari blang kesua aling pula Yesus dong are kap ila disaipel. 3Deka Judas due osep ola ina leklou ke osep Rom ina e osep leklou ka tiplau Ida Tapolngon ila ninu. Osep loulou ina ka omba e osep Farisi ina tipagei osep ka tiplau Ida Tapolngon ila ninu tonari isak kla kap Judas. E tikalke lam e esluk e evlei ina wan e isak kla ke yage. 4E Yesus ile wan ka pula keniye ka ma tipolou ke iye e la ke isak e wai ke isak langane. “Umekrim gute sei?”
5E tikoli tiwai langane. “Imeme imekrim Yesus ka Nasaret ina.” Deka Yesus wai ke isak langane. “Ngong tona aneo.” E Judas ka lai iye ina vri kap isak. 6Alo ka tiklingen Yesus wai “ngong tona aneo” tikrik ke iye e tigene ke taklak.
7E Yesus pmi isak blang langane. “Umekrim gute sei?” E tikoli tiwai langane. “Imekrim Yesus ka Nasaret ina.” 8Deka Yesus wai ke isak langane. “Ngawai ke umu kodong ngong Yesus. E langka umekrim ngong umosongon osep are isak kla.” 9Yesus wai langane ma pelengon ka oglou iye wai ine polou lokono. Oglou iye wai langane. “Livou. Gute kene ke osep ka amkar isak ke ngong imina kovok.”
10Deka Saimon Pita due elil omba ka iye kalke e mluk gute e blou tala odung kopuk. Gute tonari angaine Malkus e iye gute bokongon ina ke gute loulou ina ka mgo. 11Deka Yesus wai ke Pita langane. “Omdue lem elil omba iding sep. Aitno lugom lange? Ma nganamani agegeng ke osep ka Livou rere ke ngong koke aurou? Ma nganamani ine vala.”
Osep tipaur Yesus ke Anas bitna
12Deka osep ola ina ka osep Rom ina kap gute ka vri mgo ke isak e osep ka tiplau Ida Tapolngon ila ninu tidue Yesus e tipou limla ke galou. 13E mgo tipaur iye ke gute Anas ka iye gute Kaiafas rana arang. E Kaiafas iye gute loulou ina ka mgo ke tobor are. 14Oglou Kaiafas wai ke osep Yuda ina langane. “Wan ka itau gute kene mete ke ite osep Yuda ina lama ite ka pula keniye itemete.”
Pita wai iye ile Yesus kovok
(Matyu 26.69-70 e Mak 14.66-68 e Luk 22.55-57)
15E Saimon Pita e disaipel silang tididi Yesus. E disaipel silang iye gute loulou ina ka mgo ila aten gesa e ke batne langane iye karanga sep ke omur ka dong mgo ke gute loulou ina ka mgo ila ninu kap Yesus. 16E Pita dau dong ke dogur. Deka disaipel silang tonari la wai ke apmang ka plau ari ina ekreng bitna e due Pita sep ke omur tonari. 17Deka apmang tonari ka plau ekreng bitna wai ke Pita langane. “Wom gute Yesus ila disaipel blang i?” E Pita koli wai ke iye langane. “Aurou. Ngong ila disaipel gesa kovok.” 18Omur are epen epen e gute loulou ina ka mgo ila osep bokongon ina e osep ka tiplau Ida Tapolngon ila ninu tibik eiou e timarang ine. Deka Pita la vri kap isak e marang ine.
Gute loulou ina ka mgo sin elio vri ke Yesus
(Matyu 26.59-66 e Mak 14.55-64 e Luk 22.66-71)
19Ari gute loulou ina ka mgo pmi Yesus ke ila disaipel e ke ila pelengon ka iye parere osep ine. 20Deka Yesus koli wai langane. “Ngawai malak ke osep pula amtarsak. Ngawai ke osep Yuda ina urok duningen ina ninu e ke omur ka lelei Ida Tapolngon ila ninu ke omur ka osep tiduni pulu ine. E ngakukwop lou pelengon kovok. 21Ina lange empmi ngong ke wan tonari? Empmi osep ka tiklingen lou pelengon ke wan ka ngawai ke isak. Tile pelengon ka ngawai ine.” 22Yesus wai langane deka gute kene ka plau Ida Tapolngon ila ninu uri limla napar ke Yesus banga e iye wai langane. “Wom sei ma amwai langane ke gute loulou ina ka mgo?” 23E Yesus koli wai langane. “Langka lou pelengon soulu amwai malak ke lou pelengon ka soulu. E langka ngawai pelengon itau ina lange ommluk ngong?” 24Deka Anas pagei Yesus la ke Kaiafas ka iye gute loulou ina ka mgo. E dau tipou Yesus limla ke galou.
Pita wai iye ile Yesus kovok blang
(Matyu 26.71-75 e Mak 14.69-72 e Luk 22.58-62)
25E Saimon Pita dau vri marang ke eiou e osep tipmi iye langane. “Wom gute Yesus ila disaipel gesa koke aurou?” E Pita bisi ine e wai langane. “Aurou. Ngong ila disaipel gesa kovok.” 26E gute loulou ina ka mgo ila wokboi nating gesa dong are. E gute ka Pita blou tala kopuk dong ke ila osua e gute tonari wai ke Pita langane. “Ngavati wom omdong ke yage kap Yesus i?” 27Deka Pita bisi ine blang e lokono kwako bole wai.
Osep tipaur Yesus ke Pailat bitna
(Matyu 27.1-2 e Matyu 27.11-14 e Mak 15.1-5 e Luk 23.1-5)
28Ke kotkotu lokono osep tidue Yesus ke Kaiafas ila ninu e tipaur iye la ke gute Rom ina ka vri mgo ke omur are ila ninu omba. E tisep ke ninu tonari kovok lama aitno lisak polou amum ke Ida Tapolngon bitna. Tilim lama aitno lisak polou amum e tikaranga tingen rogo omba ka lana ine la ke alo ka Ida Tapolngon lua osep Yuda ina tisongon omur Isip kovok. 29Deka Pailat la ke isak e wai langane. “Umesin elio lange vri ke gute ane?” 30E tikoli tiwai langane. “Langka gute ane gute soulu bitna kovok ma imapaur iye ke wom kovok.”
31Deka Pailat wai ke isak langane. “Umodue e umedidi lumu pelengon dagar e umawade iye ine.” E tikoli tiwai langane. “Aurou. Umu osep Rom ina umosongon imi ma imemter gute ma iye mete kovok.” 32Oglou Yesus wai ke elio ka iye ma mete ine e wan ane polou ma due Yesus ila pelengon polou lokono.
33Pailat sep ke ila ninu omba blang e gi ke Yesus e wai ke iye langane. “Wom gute ka vri mgo ke osep Yuda ina i?” 34E Yesus koli wai langane. “Emdidi aitno lugom e empmi ngong langane koke osep leklou tiwai ke wom ke ngong e empmi ngong ine?” 35Deka Pailat koli wai langane. “Ngong gute Yuda ina kovok. Lem osua e osep loulou ina ka omba tipaur wom ke ngong. Omdue sua?” 36E Yesus koli wai langane. “Omur ka ngavri mgo ine dong ke taklak ane kovok. Langka omur ka ngavri mgo ine dong ke taklak deka lou osep ma tidue evlei ma osep tikar ngong ke osep Yuda ina kovok. E omur ka ngavri mgo ine dong ke taklak ane kovok.” 37Deka Pailat wai ke iye langane. “Alo ka amwai wom gute ka vri mgo ke omur gesa lem pelengon ane iye pelengon lokono?” E Yesus koli wai langane. “Amwai lokono alo ka amwai ngong gute ka ngavri mgo ke omur gesa. E ke batne langane nina divir ngong e ngame ke taklak ma ngapalongo osep ke pelengon lokono. E osep ka tiklingen pelengon lokono tiklingen kre lungong.” 38E Pailat wai langane. “Pelengon lange iye pelengon lokono?”
Pailot wai ma osep tinilim Yesus ke ina akai
(Matyu 27.15-31 e Mak 15.6-20 e Luk 23.13-25)
Pailat wai langane yagos deka iye la ke osep Yuda ina amtarsak blang e wai ke isak langane. “Ngaklingen gute Yesus ila pelengon e ngaile ila elio gesa vri ke iye ma iye mete ine kovok. 39E ke tobor kene kene alo ka umodue rogo omba ka lana ine la ke alo ka Upu Tapolngon lua umu umosongon omur Isip ngadue apu langane. Ngasongon gute kalabus ina kene ka umerere. Umawaiki ngasongon gute ka vri mgo ke umu osep Yuda ina?” 40Deka tidaiku langane. “Aurou. Omsongon gute are kovok. Imawaiki omsongon gute Barabas.” E gute Barabas iye gute panakongon ina.
Currently Selected:
Jon 18: ANT
Highlight
Share
Copy
Want to have your highlights saved across all your devices? Sign up or sign in
copyright 2003 New Tribes Mission, Sanford, FL 32771
Jon 18
18
Judas lai Yesus ina
(Matyu 26.47-56 e Mak 14.43-50 e Luk 22.47-53)
1Yesus wai itau ke Ida Tapol-ngon yagos deka iye gosok ila disaipel tisongon omur are e tibru aki Kidron e isak kla ke omur ka yage gesa ka akai oliv pula tidong ine deka Yesus isak tisep ke yage. 2E Judas ka iye lai Yesus ina ile ke yage tonari blang kesua aling pula Yesus dong are kap ila disaipel. 3Deka Judas due osep ola ina leklou ke osep Rom ina e osep leklou ka tiplau Ida Tapolngon ila ninu. Osep loulou ina ka omba e osep Farisi ina tipagei osep ka tiplau Ida Tapolngon ila ninu tonari isak kla kap Judas. E tikalke lam e esluk e evlei ina wan e isak kla ke yage. 4E Yesus ile wan ka pula keniye ka ma tipolou ke iye e la ke isak e wai ke isak langane. “Umekrim gute sei?”
5E tikoli tiwai langane. “Imeme imekrim Yesus ka Nasaret ina.” Deka Yesus wai ke isak langane. “Ngong tona aneo.” E Judas ka lai iye ina vri kap isak. 6Alo ka tiklingen Yesus wai “ngong tona aneo” tikrik ke iye e tigene ke taklak.
7E Yesus pmi isak blang langane. “Umekrim gute sei?” E tikoli tiwai langane. “Imekrim Yesus ka Nasaret ina.” 8Deka Yesus wai ke isak langane. “Ngawai ke umu kodong ngong Yesus. E langka umekrim ngong umosongon osep are isak kla.” 9Yesus wai langane ma pelengon ka oglou iye wai ine polou lokono. Oglou iye wai langane. “Livou. Gute kene ke osep ka amkar isak ke ngong imina kovok.”
10Deka Saimon Pita due elil omba ka iye kalke e mluk gute e blou tala odung kopuk. Gute tonari angaine Malkus e iye gute bokongon ina ke gute loulou ina ka mgo. 11Deka Yesus wai ke Pita langane. “Omdue lem elil omba iding sep. Aitno lugom lange? Ma nganamani agegeng ke osep ka Livou rere ke ngong koke aurou? Ma nganamani ine vala.”
Osep tipaur Yesus ke Anas bitna
12Deka osep ola ina ka osep Rom ina kap gute ka vri mgo ke isak e osep ka tiplau Ida Tapolngon ila ninu tidue Yesus e tipou limla ke galou. 13E mgo tipaur iye ke gute Anas ka iye gute Kaiafas rana arang. E Kaiafas iye gute loulou ina ka mgo ke tobor are. 14Oglou Kaiafas wai ke osep Yuda ina langane. “Wan ka itau gute kene mete ke ite osep Yuda ina lama ite ka pula keniye itemete.”
Pita wai iye ile Yesus kovok
(Matyu 26.69-70 e Mak 14.66-68 e Luk 22.55-57)
15E Saimon Pita e disaipel silang tididi Yesus. E disaipel silang iye gute loulou ina ka mgo ila aten gesa e ke batne langane iye karanga sep ke omur ka dong mgo ke gute loulou ina ka mgo ila ninu kap Yesus. 16E Pita dau dong ke dogur. Deka disaipel silang tonari la wai ke apmang ka plau ari ina ekreng bitna e due Pita sep ke omur tonari. 17Deka apmang tonari ka plau ekreng bitna wai ke Pita langane. “Wom gute Yesus ila disaipel blang i?” E Pita koli wai ke iye langane. “Aurou. Ngong ila disaipel gesa kovok.” 18Omur are epen epen e gute loulou ina ka mgo ila osep bokongon ina e osep ka tiplau Ida Tapolngon ila ninu tibik eiou e timarang ine. Deka Pita la vri kap isak e marang ine.
Gute loulou ina ka mgo sin elio vri ke Yesus
(Matyu 26.59-66 e Mak 14.55-64 e Luk 22.66-71)
19Ari gute loulou ina ka mgo pmi Yesus ke ila disaipel e ke ila pelengon ka iye parere osep ine. 20Deka Yesus koli wai langane. “Ngawai malak ke osep pula amtarsak. Ngawai ke osep Yuda ina urok duningen ina ninu e ke omur ka lelei Ida Tapolngon ila ninu ke omur ka osep tiduni pulu ine. E ngakukwop lou pelengon kovok. 21Ina lange empmi ngong ke wan tonari? Empmi osep ka tiklingen lou pelengon ke wan ka ngawai ke isak. Tile pelengon ka ngawai ine.” 22Yesus wai langane deka gute kene ka plau Ida Tapolngon ila ninu uri limla napar ke Yesus banga e iye wai langane. “Wom sei ma amwai langane ke gute loulou ina ka mgo?” 23E Yesus koli wai langane. “Langka lou pelengon soulu amwai malak ke lou pelengon ka soulu. E langka ngawai pelengon itau ina lange ommluk ngong?” 24Deka Anas pagei Yesus la ke Kaiafas ka iye gute loulou ina ka mgo. E dau tipou Yesus limla ke galou.
Pita wai iye ile Yesus kovok blang
(Matyu 26.71-75 e Mak 14.69-72 e Luk 22.58-62)
25E Saimon Pita dau vri marang ke eiou e osep tipmi iye langane. “Wom gute Yesus ila disaipel gesa koke aurou?” E Pita bisi ine e wai langane. “Aurou. Ngong ila disaipel gesa kovok.” 26E gute loulou ina ka mgo ila wokboi nating gesa dong are. E gute ka Pita blou tala kopuk dong ke ila osua e gute tonari wai ke Pita langane. “Ngavati wom omdong ke yage kap Yesus i?” 27Deka Pita bisi ine blang e lokono kwako bole wai.
Osep tipaur Yesus ke Pailat bitna
(Matyu 27.1-2 e Matyu 27.11-14 e Mak 15.1-5 e Luk 23.1-5)
28Ke kotkotu lokono osep tidue Yesus ke Kaiafas ila ninu e tipaur iye la ke gute Rom ina ka vri mgo ke omur are ila ninu omba. E tisep ke ninu tonari kovok lama aitno lisak polou amum ke Ida Tapolngon bitna. Tilim lama aitno lisak polou amum e tikaranga tingen rogo omba ka lana ine la ke alo ka Ida Tapolngon lua osep Yuda ina tisongon omur Isip kovok. 29Deka Pailat la ke isak e wai langane. “Umesin elio lange vri ke gute ane?” 30E tikoli tiwai langane. “Langka gute ane gute soulu bitna kovok ma imapaur iye ke wom kovok.”
31Deka Pailat wai ke isak langane. “Umodue e umedidi lumu pelengon dagar e umawade iye ine.” E tikoli tiwai langane. “Aurou. Umu osep Rom ina umosongon imi ma imemter gute ma iye mete kovok.” 32Oglou Yesus wai ke elio ka iye ma mete ine e wan ane polou ma due Yesus ila pelengon polou lokono.
33Pailat sep ke ila ninu omba blang e gi ke Yesus e wai ke iye langane. “Wom gute ka vri mgo ke osep Yuda ina i?” 34E Yesus koli wai langane. “Emdidi aitno lugom e empmi ngong langane koke osep leklou tiwai ke wom ke ngong e empmi ngong ine?” 35Deka Pailat koli wai langane. “Ngong gute Yuda ina kovok. Lem osua e osep loulou ina ka omba tipaur wom ke ngong. Omdue sua?” 36E Yesus koli wai langane. “Omur ka ngavri mgo ine dong ke taklak ane kovok. Langka omur ka ngavri mgo ine dong ke taklak deka lou osep ma tidue evlei ma osep tikar ngong ke osep Yuda ina kovok. E omur ka ngavri mgo ine dong ke taklak ane kovok.” 37Deka Pailat wai ke iye langane. “Alo ka amwai wom gute ka vri mgo ke omur gesa lem pelengon ane iye pelengon lokono?” E Yesus koli wai langane. “Amwai lokono alo ka amwai ngong gute ka ngavri mgo ke omur gesa. E ke batne langane nina divir ngong e ngame ke taklak ma ngapalongo osep ke pelengon lokono. E osep ka tiklingen pelengon lokono tiklingen kre lungong.” 38E Pailat wai langane. “Pelengon lange iye pelengon lokono?”
Pailot wai ma osep tinilim Yesus ke ina akai
(Matyu 27.15-31 e Mak 15.6-20 e Luk 23.13-25)
Pailat wai langane yagos deka iye la ke osep Yuda ina amtarsak blang e wai ke isak langane. “Ngaklingen gute Yesus ila pelengon e ngaile ila elio gesa vri ke iye ma iye mete ine kovok. 39E ke tobor kene kene alo ka umodue rogo omba ka lana ine la ke alo ka Upu Tapolngon lua umu umosongon omur Isip ngadue apu langane. Ngasongon gute kalabus ina kene ka umerere. Umawaiki ngasongon gute ka vri mgo ke umu osep Yuda ina?” 40Deka tidaiku langane. “Aurou. Omsongon gute are kovok. Imawaiki omsongon gute Barabas.” E gute Barabas iye gute panakongon ina.
Currently Selected:
:
Highlight
Share
Copy
Want to have your highlights saved across all your devices? Sign up or sign in
copyright 2003 New Tribes Mission, Sanford, FL 32771