Echos 13
13
O Bernabe ta o Saulo radin e Devleke
1Ande khanlliri kai si ande Antiokia sea poraukura ta kovacha. Gola llene sea o Bernabe, o Simon kai ikharena le Kalo, o Lusio katar o Sirene, o Menajem kai bariloia e Erodesea, gua kai gazdarisarda ande Galilea ta o Saulo. 2Iek llive, kana von blagosina e Devle ta kana allunina, o Santo Duo phenda:
Thoven mange pe iek rig e Bernabee ta e Saulo te radin ande buchi kai ikhardem len.
3Ondaka kana molisaile ta allunisarde, thode pe va pe lende ta phende lenge te llantar.
O Bernabe ta o Saulo ando Chipre
4O Santo Duo bichalda e Bernabee ta e Saulo ande Seleusia, ta kotar lleletar ande iek llimia ando Chipre. 5Kana avile ande Salamina, thode te phenen e orba e Devleki ande khanllira e judionenge. Ta i o Juan llala lenchar te pomozil len.
6Phirde sa goia isla ta avile ando Pafos, kote malade iekhe llene kai saia judio ta kai saia chirimatarko kai ikhardola Barjesus; vou saia iek kojamno profeta. 7O chirimatarko saia amal katar o sudo o Serjio Paulo, iek lleno bizai. O sudo phenda te anen e Bernabee ta e Pedro, soke mangela te asunel e orba e Devleki. 8A o chirimatarko, kai leko anav ande chib katar e griegura saia Elimas, ni kamla soke ni kamela te pachal o sudo. 9Ondaka o Saulo, kai ikharena le Pablo, pherdo katar o Santo Duo achilo ta dikhla pe lete 10ta phenda leke:
¡Tu san kojamno, bilacho, chavo e llavoloko ta murzi po lachipe! Tu phene kai o Gazda bichalda tut te de leke orbe. Na phen ios gua kojaipe 11Akana o Gazda ka thovel tut ande patnia:
Ka ache korro nesavo vreme ta nasti ka dikhe o villelo e khameko.
Ondaka isto kote o Elimas achilo korro, ta rodela vareka te inllarel le e vastetar soke achilo korro. 12Ondaka o sudo kana dikhla gaia ezgoda kai nakhla, pachaia ta chudisailo katar o sikadipe e Gazdako.
O Pedro ta o Bernabe ande Antiokia katar e Pisidia
13O Pablo ta e llene kai llana lea llele katar o Pafos llik kai o Perjes kai achel ande phuv katar e Panfilia, kote o Juan mukla len ta irisailo ando Jerusalem. 14Katar o Perje llele ande Antiokia katar e Pisidia. Kote ando sabado die ande khanlliri e judionengi ta besle. 15Mapalal kana chitisaila o zakono ta o pisipe katar e poraukura, e gazde katar e khanlliri ikharde len ta phende lenge:
Phlalalen, te si tumen vareso te phenen te del zor e llenen, phenenle akana.
16Ondaka o Pablo ustilo ta cherda lenge e vastea te achen, ta phenda lenge te na den orba:
Asunen tumen, israelitura, ta i tumen kai inai sen judiura ta kai daran e Devletar. 17O Del katar e Israeleko foro esvirisarda amare puranen ta cherda len iek foro baro kana von zivina ando Ejipto, kote kai ni saia lengi phuv; ta mapalal, pe zoriaia ikanda len katar goia phuv.#Ek 1.7; 12.51. 18Ta o Del terpisarda so cherena ando pusto preko saranda burs,#Nm 14.34; Dt 1.31. 19#Jos 14.1.ta zatrisarda efta phuvien ando Kanaan te sai del gola phuvia kai amare purane.#Dt 7.1. 20Nakhle preko star stotine ta pinda burs, ta ande gola burs nakhle sa gala ezgode.#Jue 2.16; 1 S 3.20.
Mapalal o Del bichalda lenge krisaria llik kai e llivesa katar o profeta o Samuel. 21Ondaka von mangle iek charo te gazdaril i pe lende, ta o Del dia len saranda burs e charo e Sauleko, chavo e Kiseko kai saia katar e vicha katar o Benjamin.#1 S 8.5; 1 S 10.21. 22Mapalal o Del ikanda katar gua than e Saule ta dia len charo e Davide, ta phenda letar:#1 S 13.14; 16.12; Sal 89.20.
Dikhlem kai o David chavo e Isaieko, si iek lleno kai si ande mi dragostia ta kai mangel te cherel sa so me mangav. 23Ta iek katar e vicha gale Davideki saia o Jesus; le bichalda o Del te braduil e Israele gia sar phendaia. 24Mai anglal te avel o Jesus, o Juan kai kristil, phenela e poroka sa e foroke katar o Israel, ta phenela lenge kai saia te irinpe kai o Del ta te aven kristime.#Mk 1.4; Lk 3.3. 25Ta kana saia pase o meripe e Juaneko, phenda:
Me ni sem gua kai tumen mislin tumen, soke mapalal mandar ka avel iek manus kai me ni sem lacho ni te putarav leke minie.#Jn 1.20.
26Phlalalen kai sen katar e vicha e Abraameki, ta i tumen kai inai sen judiura kai daran e Devletar:
Gaia orba braduimaki si amenge. 27Soke gola kai zivin ando Jerusalem ta lenge gazde ni pachaie ando Jesus, ta kana von dosarde le, cherde so phenena e poraukura kana chitinpe lenge alava ande khanlliri e judionengi suako sabado. 28Ta i makar von ni malade ni iek dos te mundaren le, mangle katar o Pilato te phenel te mundaren le.#Mt 27.22-23; Mk 15.13-14; Lk 23.21-23; Jn 19.15. 29Mapalal kana cherde sa so phenela letar ando Pisipe, fuliarde le katar o krusto ta prajosarde le.#Mt 27.57-61; Mk 15.42-47; Lk 23.50-56; Jn 19.38-42. 30A o Del cherda le te ustel katar o meripe. 31Ta but llivesa, sikadilo e llenenge kai llelea lea katar e Galilea ando Jerusalem; ta akana von si kai phenen sa e foroke ko si o Jesus.#Ech 1.3.
32Goleke amen phena tumenge gaia lachi viasta katar o alav kai dia o Del amare puranenge. 33Ta o Del cherda so phenda kana dia po alav, soke cherda te ustel e Jesuse katar o meripe ta gia avilape sar si pisime ando duito salmo:#Sal 2.7.
Tu san mo Chavo; me diem tut o zivoto allive. 34O Del phendaia kai ka cherel le te ustel katar o meripe te na murilpe leki esnaga kana phenda ande pe alava:
Ka cherav te avenpe e chache ta sante alava kai phendem e Davideke.#Is 55.3. 35Goleke phenel i ande aver salmo:
Ni ka muke te murilpe e esnaga katar cho santo sluga.#Sal 16.10. 36Chachimaia o David blazisarda e llenenge ande gola llivesa prema sar phenda leke o Del, ta mapalal mulo ta chidinailo pe puranenchar, ta leki esnaga murisali. 37A e esnaga goleki kai o Del cherda le te ustel katar o meripe, ni murisali. 38Phlalalen, gaia si e viasta kai tumen morabi te llanen, kai o prostipe katar o bilachipe phendol tumenge katar o Jesus. 39Ta cheres lete sa gola llene kai pachan achen prostime katar suako ezgoda ta gava kai lien nasti lienle katar o zakono e Moiseseko. 40Arakhen tumen, te na perel pe tumende e alava kai pisisarde e poraukura:
41Dikhen, tumen kai maren espurnia,#Jab 1.5.
chudin tumen ta nasen;
soke ande tumare llivesa ka cherav iek ezgode
kai i te phenela la vareko tumenge
ni ka pachanle.
42Kana o Pablo ta e llene kai llana lea likiste katar e khanlliri e judionengi, mangle lendar o gua sabado kai ka avel te den lenge orba i katar gala ezgode. 43Kana getosarde e orba ande khanlliri e judionengi, but judiura ta i llene kai cherdilea judiura llele pala lende ta gale llenenge o Pablo ta o Bernabe phende lenge te na jasaren po pachape ando volipe e Devleko.
44A o gua sabado kai avilo, preko sa o foro chidinailo te asunen e orba e Gazdaki. 45A kana e judiura dikhle kai sea but llene, jolaile but ta thode te janpe e Pabloia ta te kusen le. 46Ondaka o Pablo ta o Bernabe, die orba tromanimaia, ta phende lenge:
Amen morabi te phena e alava e Devleke mai anglal tumenge, kai sen judiura, a sar tumen ni kamen ta phenen kai ni sen lache te len o zivoto ostade, amen ka lla kai e llene kai inai judiura. 47Soke o Gazda phenda amenge te chera gia kana phenda:#Is 42.6; 49.6.
Thodem tut sargo villelo e suetoke,
te inllare mo braduipe pe riga kai si mai dur katar e phuv.
48Kana asunde gala orbe, e llene kai inai sea judiura veselisaile ta phende kai e orba e Gazdaki saia lachi, ta pachaie kai lenge sai chinado te avel len o zivoto ostade. 49Ta gia die orba katar e poroka e Gazdaki ande sa gola forura. 50A e judiura die orba nesave diskinienchar kai pachana ta kai e llene dena len liubao, ta die orba i e llenenchar kai sea mai asunde ando foro, ta phende lenge te maren e Pablo ta e Bernabee, te traden len katar gola forura. 51Ondaka o Pablo ta o Bernabe chinosarde o prajo katar pe porrne te llangliolpe kai ni avila lenge drago so cherde gola llene, ta lleletar ando Ikonio.#Mt 10.14; Mk 6.11; Lk 9.5; 10.11. 52A e llene kai pachana sea pherde katar o Santo Duo ta sea but vesele.
Currently Selected:
Echos 13: BACHRO
Highlight
Share
Copy
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.
