Echos 16
16
O Timoteo llal e Pabloia ta e Silasea
1O Pablo avilo ando Derbe ta ande Listra, ta kote malada iekhe llene kai pachala kai ikhardola Timoteo, leki dei saia iek judia kai pachala ando Jesus, ta lako dad saia griego.#Ro 16.21; 1 Kr 4.17; 16.10-11; Flp 2.19-24; 1 Ts 3.2-6; 1 Ts 1.1. 2E phlal kai sea katar e Listra ta katar o Ikonio dena lache orbe letar. 3O Pablo mangla te llal lea o Timoteo, a mai anglal cherda te sirkunsidin le te na perel phare e llenenge kai zivina ande gola forura, soke sa llanena kai e Timoteoko dad saia griego. 4Ande sa e forura kai nakhena, phende e phlalenge pe savi orba achilea e apostolura ta e phure katar e khanlliri kai si ando Jerusalem.#Ech 15.23-29. 5Ta e khanllira lena zor ando pachape, ta suako llive cherdona mai but llene kai pachana ando Jesus.
O Pablo dikhel sargo iek suno
6Sar o Santo Duo ni mukla len te inllaren e orba e Devleki ande Asia, nakhle katar e Frijia ta katar e Galasia, 7ta avile kote kai delpe ande phuv katar e Misia. Kotar mangena te den ande Bitinia, a o Duo e Jesuseko ni mukla len. 8Nakhle ta ni achile ande Misia, ta fuliste ando Troade. 9Kana peli e riat o Pablo dikhla sargo iek suno; dikhla iekhe llene katar e Masedonia, gua lleno saia pe porrne ta molilape leke ta phenela:
Lla ande Masedonia ta pomozisar amen. 10Kana o Pablo dikhla gua, lachardam sa te llatar ande Masedonia, ta saia amen o pachape kai o Del ikharda amen te phena kote e lachi viasta.
O Pablo ando Filipos
11Ando Troade likistam ande iek llimia, ta llelam orta karing e Samotrasia, kai si iek isla. Thiarinako avilam ando Neapolis. 12Kotar llelam ando Filipos. Kote si samo rromanura ta gua si iek foro but asundo katar goia rig katar e Masedonia. Kote achilam nesave llivesa. 13O llive sabado likistam avri katar o foro, pasa o pai, kote mislia kai chidiniaona e judiura te molinpe. Beslam ta diam orba katar e lachi viasta e diskinienge kai chidinailea kote. 14Iek lendar ikhardola Lidia, voi saia katar e Tiatira ta bichinela chituria but lache vunete sargo kaline. Gaia diskinia kai blagosila e Devle ta kai asunela e orba, o Gazda cherda te thovel sama pe so phenela o Pablo. 15Ta kristisaili voi ta sa laki familia, ta mapalal phenda amenge:
Te acharena kai chachimaia pachau ando Gazda, aven kai mo cher.
Ta cherda te rachara late pe zor.
16Iek drom, kana llaia kai o than e molimako, maladam iekhe chea kai saia ande late iek duo kai cherela la te apogodil. Voi saia iek sluga kai apogodila ta phenela e llenenge so ka avelpe mai angle. Ta lake gazde lena but love pe late. 17Gaia chei lleli pala o Pablo ta pala amende, ta urkila:
¡Gala llene radin e Devleke katar o miloso, ta phenen tumenge o drom e braduimako! 18Goia chei lleli pala lende but llivesa, iek llive o Pablo jolailo ta irisailo ta phenda e duoke kai saia ande goia chei:
Ando anav e Jesukristoko, like latar.
Ondaka o duo mukla la.
19A kana e gazde e cheake dikhle kai nasti ka len ios love pe late, istarde e Pablo ta e Silase ta inllarde len kai e sudura, kai si po maskaral e foroko. 20Inllarde len kai e krisaria, ta phende:
Gala judiura cheren iek burkania ande amaro foro, 21ta sikaven e llenen te cheren ezgode kai amen ni muka te cheren ta ni amen nasti chera, soke sam rromanura.
22Ondaka e llene jolaile pe lende, ta e krisaria phende te nangaren len ta te maren len e kastenchar. 23Marde len but e kastenchar, ta mapalal thode len ande rubie, ta phende e lleneke kai arakhela e rubie te arakhel len zurale. 24Ta thoda len mai andre ande rubie ta phangle lenge porrne pe iek kotora kastune bare ta phare.
25A kana saia ande desudui e riateke, ta o Pablo ta o Silas molinape ta llilabena e Devleke, ta ogola phangle asunena, 26ondaka dermosali e phuv gia zurale kai miskosarda e barra kai sea telal katar e rubie. Ondaka kote sa e udara putaile ta sa e phanglenge lanchura putaile. 27Kana llungadilo o lleno kai arakhela e rubie ta dikhla kai e udara sea putarde, ikanda po jarni te mundarelpe soke mislila kai sa e phangle naslea. 28A o Pablo urkisarda pe lete ta phenda leke:
¡Na mundar tut kai sa sam kate!
29Ondaka gua lleno mangla iek villelo, ta dia prastindo, ta izdramno daratar chudiape pe porrne e Pabloke ta e Silaseke. 30Mapalal ikandalen ta puchla len:
Manusalen, ¿so morabi te cherav te bradui man?
31Von phende leke:
Pacha ando Gazda o Jesus, ta ka le o braduipe tu ta chi familia.
32Ta o Pablo ta o Silas die leke orba katar o Gazda ta sa e llenenge kai sea ande leko cher. 33Isto ande gua saiato e rachako, o lleno kai arakhela e rubie jalada lenge rrane, ta mapalal kristisailo vou ta sa leki familia. 34Mapalal inllarda len kai po cher ta dia len te jan, a vou ta leki familia sea but vesele soke pachaie ando Del.
35Thiarinako rano, e krisaria bichalde nesave boñikonen kai o lleno kai arakhela e rubie ta phende leke te mukliarel e Pablo ta e Silase. 36O lleno kai arakhela e rubie phenda e Pabloke:
E krisaria phende mange te mukliarav tumen; akana sai llantar.
37A o Pablo phenda e boñikonenge:
Amen, kai sam rromanura, chaladen amen angla e llene ta ni cherden amenge ni iek kris, ta thoden amen ande rubie. ¿Ta akana mangen te mukliaren amen po chorial? ¡Iok! Te aven isto von te ikanen amen.
38E boñikura llele kai e krisaria ta phende lenge, a e krisaria daraile soke asunde kai von sea rromanura. 39Ta e krisaria llele kai o Pablo ta o Silas, te prostin len, ta ikande len katar e rubie ta mangle lendar te llantar katar o foro. 40Kana likiste katar e rubie, o Pablo ta o Silas llele karing e Lidiako cher, die orba e phlalenchar ta die len zor, ta mapalal lleletar katar o foro.#1 Ts 2.2.
Currently Selected:
Echos 16: BACHRO
Highlight
Share
Copy
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.
Echos 16
16
O Timoteo llal e Pabloia ta e Silasea
1O Pablo avilo ando Derbe ta ande Listra, ta kote malada iekhe llene kai pachala kai ikhardola Timoteo, leki dei saia iek judia kai pachala ando Jesus, ta lako dad saia griego.#Ro 16.21; 1 Kr 4.17; 16.10-11; Flp 2.19-24; 1 Ts 3.2-6; 1 Ts 1.1. 2E phlal kai sea katar e Listra ta katar o Ikonio dena lache orbe letar. 3O Pablo mangla te llal lea o Timoteo, a mai anglal cherda te sirkunsidin le te na perel phare e llenenge kai zivina ande gola forura, soke sa llanena kai e Timoteoko dad saia griego. 4Ande sa e forura kai nakhena, phende e phlalenge pe savi orba achilea e apostolura ta e phure katar e khanlliri kai si ando Jerusalem.#Ech 15.23-29. 5Ta e khanllira lena zor ando pachape, ta suako llive cherdona mai but llene kai pachana ando Jesus.
O Pablo dikhel sargo iek suno
6Sar o Santo Duo ni mukla len te inllaren e orba e Devleki ande Asia, nakhle katar e Frijia ta katar e Galasia, 7ta avile kote kai delpe ande phuv katar e Misia. Kotar mangena te den ande Bitinia, a o Duo e Jesuseko ni mukla len. 8Nakhle ta ni achile ande Misia, ta fuliste ando Troade. 9Kana peli e riat o Pablo dikhla sargo iek suno; dikhla iekhe llene katar e Masedonia, gua lleno saia pe porrne ta molilape leke ta phenela:
Lla ande Masedonia ta pomozisar amen. 10Kana o Pablo dikhla gua, lachardam sa te llatar ande Masedonia, ta saia amen o pachape kai o Del ikharda amen te phena kote e lachi viasta.
O Pablo ando Filipos
11Ando Troade likistam ande iek llimia, ta llelam orta karing e Samotrasia, kai si iek isla. Thiarinako avilam ando Neapolis. 12Kotar llelam ando Filipos. Kote si samo rromanura ta gua si iek foro but asundo katar goia rig katar e Masedonia. Kote achilam nesave llivesa. 13O llive sabado likistam avri katar o foro, pasa o pai, kote mislia kai chidiniaona e judiura te molinpe. Beslam ta diam orba katar e lachi viasta e diskinienge kai chidinailea kote. 14Iek lendar ikhardola Lidia, voi saia katar e Tiatira ta bichinela chituria but lache vunete sargo kaline. Gaia diskinia kai blagosila e Devle ta kai asunela e orba, o Gazda cherda te thovel sama pe so phenela o Pablo. 15Ta kristisaili voi ta sa laki familia, ta mapalal phenda amenge:
Te acharena kai chachimaia pachau ando Gazda, aven kai mo cher.
Ta cherda te rachara late pe zor.
16Iek drom, kana llaia kai o than e molimako, maladam iekhe chea kai saia ande late iek duo kai cherela la te apogodil. Voi saia iek sluga kai apogodila ta phenela e llenenge so ka avelpe mai angle. Ta lake gazde lena but love pe late. 17Gaia chei lleli pala o Pablo ta pala amende, ta urkila:
¡Gala llene radin e Devleke katar o miloso, ta phenen tumenge o drom e braduimako! 18Goia chei lleli pala lende but llivesa, iek llive o Pablo jolailo ta irisailo ta phenda e duoke kai saia ande goia chei:
Ando anav e Jesukristoko, like latar.
Ondaka o duo mukla la.
19A kana e gazde e cheake dikhle kai nasti ka len ios love pe late, istarde e Pablo ta e Silase ta inllarde len kai e sudura, kai si po maskaral e foroko. 20Inllarde len kai e krisaria, ta phende:
Gala judiura cheren iek burkania ande amaro foro, 21ta sikaven e llenen te cheren ezgode kai amen ni muka te cheren ta ni amen nasti chera, soke sam rromanura.
22Ondaka e llene jolaile pe lende, ta e krisaria phende te nangaren len ta te maren len e kastenchar. 23Marde len but e kastenchar, ta mapalal thode len ande rubie, ta phende e lleneke kai arakhela e rubie te arakhel len zurale. 24Ta thoda len mai andre ande rubie ta phangle lenge porrne pe iek kotora kastune bare ta phare.
25A kana saia ande desudui e riateke, ta o Pablo ta o Silas molinape ta llilabena e Devleke, ta ogola phangle asunena, 26ondaka dermosali e phuv gia zurale kai miskosarda e barra kai sea telal katar e rubie. Ondaka kote sa e udara putaile ta sa e phanglenge lanchura putaile. 27Kana llungadilo o lleno kai arakhela e rubie ta dikhla kai e udara sea putarde, ikanda po jarni te mundarelpe soke mislila kai sa e phangle naslea. 28A o Pablo urkisarda pe lete ta phenda leke:
¡Na mundar tut kai sa sam kate!
29Ondaka gua lleno mangla iek villelo, ta dia prastindo, ta izdramno daratar chudiape pe porrne e Pabloke ta e Silaseke. 30Mapalal ikandalen ta puchla len:
Manusalen, ¿so morabi te cherav te bradui man?
31Von phende leke:
Pacha ando Gazda o Jesus, ta ka le o braduipe tu ta chi familia.
32Ta o Pablo ta o Silas die leke orba katar o Gazda ta sa e llenenge kai sea ande leko cher. 33Isto ande gua saiato e rachako, o lleno kai arakhela e rubie jalada lenge rrane, ta mapalal kristisailo vou ta sa leki familia. 34Mapalal inllarda len kai po cher ta dia len te jan, a vou ta leki familia sea but vesele soke pachaie ando Del.
35Thiarinako rano, e krisaria bichalde nesave boñikonen kai o lleno kai arakhela e rubie ta phende leke te mukliarel e Pablo ta e Silase. 36O lleno kai arakhela e rubie phenda e Pabloke:
E krisaria phende mange te mukliarav tumen; akana sai llantar.
37A o Pablo phenda e boñikonenge:
Amen, kai sam rromanura, chaladen amen angla e llene ta ni cherden amenge ni iek kris, ta thoden amen ande rubie. ¿Ta akana mangen te mukliaren amen po chorial? ¡Iok! Te aven isto von te ikanen amen.
38E boñikura llele kai e krisaria ta phende lenge, a e krisaria daraile soke asunde kai von sea rromanura. 39Ta e krisaria llele kai o Pablo ta o Silas, te prostin len, ta ikande len katar e rubie ta mangle lendar te llantar katar o foro. 40Kana likiste katar e rubie, o Pablo ta o Silas llele karing e Lidiako cher, die orba e phlalenchar ta die len zor, ta mapalal lleletar katar o foro.#1 Ts 2.2.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.