Jenesis 11
11
E torre katar o Babel
1Ande gua vreme sa o sueto dela orba ande iek chib. 2Ta kana e manusa likiste katar e rig katar likel o kham, malade iek bari umal ande phuv katar o Sinar, ta kote achile te zivin. 3Ta iek llive phende von iek avereke:
Aven te chera chikle ta thova len ande furnava iagaki. Ta gia ni radisarde ios e barrenchar, ta o turkali lia o than katar e ezgode kai amina. 4Ta phende:
Aven te chera iek foro ta iek torre te resel llik upre ando miloso. Ta gia ka ava pinllarde, ta ni ka ava rispime pe phuv.
5A o Del fulisto te dikhel o foro ta e torre kai cherena e manusa. 6Ondaka o Del phenda:
Akana von si iek foro ta den orba ande iek chib, ta thodepe te radin ta niso ni ka achavel len te muken gava rado. 7Mai sukar fulia ta chera te na acharen pi chib kai den orba iek averea.
8Gia o Del rispisarda len pe sa e phuv ta mukle te cheren gua foro. 9Ta kote o Del pharruda e chibia katar sa e manusa, ta kotar rispisarda len pe sa e phuv. Goleke gua foro ikharde le Babel.
O porodo katar o Sem
1 Kr 1.24-27
10Gaia si e vicha kai likisti katar o Sem: Kana nakhle dui burs katar o baro pai kai uchardaia sa e phuv, o Sem saia leke stotina burs kana biandilo leko chaurro o Arfajsad. 11Ta mapalal kana biandilo leko chaurro o Arfajsad, o Sem zivisarda panch stotine burs ios ta avilale chaurre ta chorra.
12O Arfajsad saia leke tranda ta panch burs kana biandilo leko chaurro o Selaj. 13Ta mapalal kana biandilo leko chaurro o Selaj, zivisarda star stotine ta trin burs ios, ta avilale chaurre ta chorra.
14O Selaj saia leke tranda burs kana biandilo leko chaurro o Eber. 15Ta mapalal kana biandilo leko chaurro o Eber, o Selaj zivisarda star stotine ta trin burs ios, ta avilale chaurre ta chorra.
16O Eber saia leke tranda ta star burs kana biandilo leko chaurro o Peleg. 17Ta mapalal kana biandilo leko chaurro o Peleg, o Eber zivisarda star stotine ta tranda burs ios, ta avilale chaurre ta chorra.
18O Peleg saia leke tranda burs kana biandilo leko chaurro o Reu. 19Ta mapalal kana biandilo leko chaurro o Reu, zivisarda dui stotine ta inia burs ios, ta avilale chaurre ta chorra.
20O Reu saia leke tranda ta dui burs kana biandilo leko chaurro o Serug. 21Ta mapalal kana biandilo leko chaurro o Serug, zivisarda dui stotine ta efta burs ios, ta avilale chaurre ta chorra.
22O Serug saia leke tranda burs kana biandilo leko chaurro o Najor. 23Ta mapalal kana biandilo leko chaurro o Najor, zivisarda dui stotine burs ios, ta avilale chaurre ta chorra.
24O Najor saia leke bis ta inia burs kana biandilo leko chaurro o Teraj. 25Ta mapalal kana biandilo leko chaurro o Teraj, o Najor zivisarda stotina ta desunia burs ios, ta avilale chaurre ta chorra.
26O Teraj saia leke eftavardes burs kana biandile leke chaurre o Abram, o Najor ta o Jaran.
O porodo katar o Teraj
27Gaia si e vicha kai likista katar o Teraj, kai saia o dad katar o Abram, o Najor, ta o Aran. A o Aran saia o dad katar o Lot. 28Ta o Aran mulo mai anglal neko po dad o Teraj. Ta mulo ando Ur katar e kaldeura isto kote kai biandiloa.
29O Abram zinisailo e Saraiaia, a o Najor zinisailo e Milkaia, kai saia chei katar o Aran ta phiorri katar e Iska. 30E Sarai saia iek diskinia kai nasti avena la minone.
31O Teraj likisto katar o Ur katar e kaldeura ta llelo kai e phuv katar o Kanaan, ta inllarda pea pe chaurre e Abrame, ta pe unuko e Lote, ta pe boria e Saraia. A kana avile ando Jaran, kote achile te zivin. 32Ta o Teraj zivisarda dui stotine ta panch burs, ta mulo ando Jaran.
Currently Selected:
Jenesis 11: BACHRO
Highlight
Share
Copy
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.
