Jenesis 6
6
O bilachipe e manusengo
1Avilape kai kana thoda te bariol o porodo e manusengo upral pe phuv, biandile lenge chorra. 2Ta kana e chave e Devleke dikhle kai e chorra e manusenge sea sukar, ondaka esvirisarde maskar sa lendar ta zinisaile lenchar. 3Ondaka o Del phenda:
Mo duo ni ka marelpe ostade e manusenchar, soke von si samo manusa, goleke ka zivin samo stotina ta bis burs.
4Sea bare manusa pe phuv ande gola llivesa, ta i mapalal kana e chave e Devleke amisaile e chorrenchar katar e manusa te sai avel len minone lenchar. Gala sea e tromane ta e asunde katar o vreme purano.#Nm 13.33.
5Ondaka kana o Del dikhla kai o bilachipe e manusengo saia but baro pe phuv, ta kai lenge mislura sea samo te cheren o bilachipe, 6o Del keisailo kai cherda e manuse pe phuv, ta dukhadilo leko lio. 7Ondaka phenda:
Ka cherav te na aven ios e manusa pe phuv kai cherdem, ta i sa e zivirinie kai inai dive, ta i gola kai terrinpe, ta i e chiriklia. ¡Keime sem kai cherdem len!
8A o Del dikhla po Noe, ta pela leke drago sar zivila.#Mt 24.37; Lk 17.26; 1 P 3.20.
O Noe cherel iek bari llimia
9Gava si so nakhla o Noe.#2 P 2.5. O Noe saia iek lleno but chacho ta maskar e llene katar po vreme samo vou llala orta, ta o Noe phirela e Devlea. 10Ta o Noe avila le trin chaurre, o Sem, o Kam ta o Jafet.
11Ta angla o Del e manusa pe phuv sea but bilache ta but silne, 12ta dikhla o Del kai e manusa sea bilache ta sa istardea iek drom bilacho te zivin pe phuv. 13Goleke o Del phenda e Noeeke:
Ka zatriv sa e manusen, soke cheres lende pe phuv si samo maripe, goleke ka zatriv len ta i e phuvia. 14Goleke cher iek bari llimia katar o kas kai ikhardol gofer, ta cher sobe ande llimia, ta le o turkali ta ka uchare lea o putardipe andral ta i avrial. 15Morabi te avel la gala pole:
Lungimatar stotina ta tranda ta panch pole, a bulimatar bis ta panch pole, a vazdine upre desutrin pole. 16Ta ka chere lake trin sobe. Iek upral pe aver, ta chak upre dopas e pola mai tele ka chere lake iek penllerava, ta pe laki rig iek udar. 17Ta me ka bichalav iek bursin gia baro, kai ka mundarel sa sogo avela le zivoto telal katar o miloso, sa so avela le zivoto pe phuv ka merel. 18A tut ka dav tut mo alav, ta ande llimia ka de tu, che chaurre, chi rromi ta che boria. 19Ta katar suako zivirinie kai si len zivoto, po dui ka thove len ande llimia, diskinia ta murus, te sai zivin gia sar ka zivi i tu. 20Katar suako chirikli, katar suako zivirinie kai inai dive ta i katar gola kai si dive ta i katar gola kai terrinpe pe phuv. Katar suako zivirinia iek murus ta iek diskinia, ka den tuia ande llimia te sai avel len zivoto. 21Ta chide suako jape te guruvele te sai ja tu ta e zivirinie.
22Ta o Noe cherda sa sar o Del phendaia leke te cherel.#Ebr 11.7.
Currently Selected:
Jenesis 6: BACHRO
Highlight
Share
Copy
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.
