Roiatatokenti San 10
10
Oieriaton nateioteriȣasonterakȣen nʼOriȣatokehti tsini hoiaton Roiatatokenti San.
1Oriȣiio akȣa oriȣiio tsi kȣarori; onka iah kannho-hakȣeniioko tethataȣeiatakȣa tsinonh nikontiteron ne teiotinakarontonha, akte tanon nonȣe thoientakon tsi iehataȣeiata, neh tohiken naieron oni ranenskȣas.
2Kenh kaien nnkȣa tsi kannhokaronte nitres tsi iehataȣeiata, neh tohiken tokenske rahotsenenhokon no teiotinakarontonha.
3Enhonnhotonkȣase ne tehonnhohaien, ronȣaȣen-naienteri ne teiotinakarontonha; akȣa oni entesako-hnatonhnion tsi iensakohnonke ne raotsenen hokon nok astste niienshakoiatenhaȣe.
4Nok nonen sakoiatinekenhon ne rahotsenenho-kon, ohentonson ȣare, nok ronȣanontoraties ne raho-tsenenhokon aseken ronȣaienteri.
5Iah tanon tahonȣasere noiah tehonȣaienteri; ok eken tanon enkonteko, aseken iah teiakotiȣennaien-teri ne thiiete.
6Eh nahaiere tsi ȣatesakoriȣakentonkȣen ne Iesos, nok iah tehotinikonraientaon tsi nahoten renhton.
7Sekon kati ne Iesos ȣahenron: Oriȣiio akȣa oriȣiio tsi Ii ne tsi kannhokaronte tsi nonȣe nitkon-netta ne teiotinakarontonha.
8Akȣekon kati tsinihati nohenton rotikȣathon tsiniiore nʼii, akȣekon neh nʼaieron oni ratinenskȣas; iah ki oni tehonȣanatahonsatati ne teiotinakaron-tonha.
9Ii ne tsi kannhokaronte; onka iihne enhionta-ȣeiate neh enhieniakenne, enhiontaȣeiate oni entsie-iakenne nok enhiestsenri ne kakkȣiio.
10Neok tanientes naieron nahatieronkȣe, ahario oni ahatonte: neh nʼii kehniente tsi ȣako nʼakheion-nhote, neh oni nakȣa ok taontiesen.
11Ii ne ranonnhatseriio: ranonnhatseriio sakoȣis ne rahotsenenhokon tsi ronnhe.
12Nok ne rannhatsera, oni ne iah tehanonne ne katsenen, iah oni raonha tehotsenenhokon, ok eh tensakotsiakȣarisi ne katsenen nenhaken taȣe ohkȣaho nok ȣahateko; nok nʼokȣaho ok tontate-ȣenniioste oni ȣateȣanitiokokȣate ne katsenen.
13Neh ȣahonni ȣahateko ne tsi rannhatsera, iah othenon tehannhatens ne katsenen.
14Kehnonnhatseriio nʼii, keienteris naketsenen, oni ionkienteri nʼononha.
15Tsi kiniiot tsi rakienteri ne Rakeniha eh oni nʼii nihiienteri ne Rakeniha. Nok aketsenenhokon keiaȣis tsi konnhe.
16Sekon eso ȣakenaskȣaicn nareko akatehenrakon teiohnataȣeiaton, teiotonȣentsiohon kati oni neneh aontakheiatenhaȣe, nok enhionkeȣennarakȣake, enskat ok enkentiokȣaientako saiatat oni nensakosts-teristake.
17Ne ȣaonni rakenoronkȣa no Rakeniha, neh tsi ok tikiens tsi konnhe, neh nataontaȣo aonsakiena.
18Iah onka taionkekkȣa, akȣa ki Ii akatennikonra tsi katsiakȣarisions; ȣakkȣeniatseraien nʼakatken-rate ȣakkȣoniatserrien oni naonsakiena; Rakeniha eh niiot tsi rakrori.
19Sekon are tonsahatiriȣatirontonko ne Sitaeronon tsini kaȣennoten ȣahonronko.
20Aseken kentiokoȣanen ne iontonhakȣe: Rotkonseraien, tehanonȣaraȣenrie oni ohniiotieren tsi hetsiseȣataonsate?
21Nok notiake ionton; iahse eh tehaȣennoten ne Rotkonseraien; enhakȣeni ken nʼotkon taonsasakoka-kȣarisi ne teieronȣekon?
22Ethono are onen Sontontanoronne ne Jerusalemke, Koserake kenhne.
23Nok ne Iesos kanonskonson tehateratanions, tsi ronnhokaronte ne Salomon.
24Eh kati ȣathonȣanenronni ne Sitaeronon nok ȣahonȣenhase: tohakȣa neriȣe enskȣanikonrorara-kon? Toka ise enkenhake ne Keristos takȣariȣa-kȣarisien onen tsi takȣarori.
25Iesos tontasakoȣennaȣoron, nok ȣahenron: Onen kȣarori nok iah tetiseȣetakȣen; neh ȣakeriȣa-nirati tsini kaiotenseroten ȣakioto Raosennakon no Rakeniha.
26Neh ȣaonni iah tetiseȣetakȣen no tsi iah ise teken naketsenenhokon, tsiniȣakieren tsi kȣarori.
27Konronkas naketsenen nakeȣenna, kheientoris oni nʼii, nok nononha ionknonteraties.
28Nok nʼii neh kheiaȣis no ionnheonȣe, iah oni nonȣenton tiiakontiiessa, iah oni onka tataonsaionk-hsiotarisi.
29Rakeniha rakonaskȣaȣi, neh thaonhaa thohsas-tenseroȣanen, iah tateshonȣasiotarisionho ne Rakoniha.
30Ii tanon no Rakeniha akȣa ok neh Sakat.
31Ethone are onen no Sitaeronon tonsahatinon-hiakȣe nahonȣanenhioiake.
32Iesos tontasakoȣennaȣoron nok ȣahenron: Eso ioriȣake ȣakȣanatonhaso ne tkariȣaieri neneh Rakenineha teȣakha: kah kati nonȣa nikaien takȣanen-hiohiahaktane?
33Tontahonniron ne Sitaeronon; iah tekȣanen-hioiahaktane ne tsioriȣat aontesariȣaieriton; neh ȣahi tsi ȣasateȣennaiesate, oni tsi thisonkȣeha, Niio satatonnis.
34Ȣahonron ne Iesos tsi tontasakoȣennaȣoron: Iah kennah tekaiaton ne seȣaiatonserakon: ȣaken: Niio neseȣaiatotens?
35Toka kati nonȣa Niio iakohnatonkȣen tsini-iakon iontataronkatenni ne Niio raoȣenna (iahse sane teseȣateȣatane tsini kaiaton).
36Seȣaton ken ȣakateȣennaiesate Ii ne Rakeniha rakiatatokentiston nok onȣentsiake takatorion, tsi ȣakiron: Niio Rakienha?
37Toka iah Rakeniha tehoiotensera tenȣakio-tekȣon, tosa ki katakȣetak.
38Kenh kaien noh nenȣakioren hatie, nok iah taontaskȣetakȣane, tasoȣetak neh nikaȣeiennoten; eh naontaȣe aeseȣaterientarane oni aonteseȣetakȣe tsi iakehnikȣekon ne Rakoniha.
39Neh ȣakarionni sekon are sonnerhakȣe ahonsa-sakȣaiena; nok kiok eh tahatatatonte rahotihenton.
40Nok sekon are iatonsahaiaiake ne Jordan, tsinonȣo Saȣatis thonekoserhon sontahatasaȣen, nok eh oni nonȣe ionsahatatiteron.
41Nok kentiokoȣanon ȣahonȣaiatorenne, nok ion tonhakȣe: iah othenon tohahotasion ne ioriȣanerakȣa ne Saȣatis; nok ki tsinikon thoȣenninekenhon ne kenh kaien raiatatake akȣekon oriȣiio.
42Nok kentiokoȣanon are eh nonȣe tontahonȣeta-kȣe.
Currently Selected:
Roiatatokenti San 10: MOH1880
Highlight
Share
Copy
Want to have your highlights saved across all your devices? Sign up or sign in
Published by the British and Foreign Bible Society in 1880.
