Roiatatokenti San 15
15
Ȣisk-aton iaȣenre teioteriȣasonterakȣen Oriȣatokenti tsini hoiaton Roiatatokenti San.
1Ii ne kanenharakȣeniio, nok ne Rakeniha ranen-haraienthos.
2Akȣokon rannhatiaks tsinikon ne iah teȣaiani-iontha nakonhake, sakoratensta tsinikon ne ȣaiani-iontta, naiaȣens kenha senha eso aonhianiionten.
3Onen ok seȣakȣekon neh tsiseȣatiatokeȣaton tsini kaȣennoten kȣarionnienni.
4Akonhake ok kati seȣatennikonranentaktonhak, nok nii iseke. Tsiki niiot nʼonenhare onnhata iah taonhianiionten ne iah kanenharakȣeniioke taonta-ionnhatotake, iah kati oni nise othenon taeseȣakȣeni nʼiah iihne taeseȣenterontake.
5Ii ne kanenharakȣeniio, nok ise nʼonnhatasonha. Eso enhotonnien ncnhiakenikȣekon, aseken nʼehren nonȣe iah othenon taeseȣateiaronhase.
6Nonka iah teiakenikȣekon, astste iehonȣaiaton-tion tsiki niiot nʼonnhata, nok enȣastatten; nok ten-tiakoronko otsirake ienȣation eh oni enȣastsha.
7Ne toka enteȣakȣekonhake nok onseȣahaȣake nakeȣenna, tsi ok nahoten seȣariȣanonton eh se nen-hiaȣenne.
8Neh enhasennoȣanatakȣe ne Rakeniha nʼeso enseȣateiaronhase, nok ethone akitiokȣa enseȣaton.
9Tsini hnkenonȣehon ne Rakeniha, etho kati oni nii nikȣanonȣehon; akehnonȣetserakon kati tsionn-hek.
10Nenseȣateȣeienton nakeriȣasonha akenonȣe-tserakon ki entsionnheke; tsi ki nii niȣakenonntaton ne Rakeniha raoriȣaokon nok raononȣetseiakon konnhe.
11Neh aoriȣa ȣakȣarori, niseke aonkatonnharake, nok aontonnharatseriiohake oni nise tsi aeseȣatonnharen.
12Kenh kaien nakateniententsera: taesoȣatate-nonȣehake tsi nii nikȣanonȣehon.
13Iah onka senha ihsinonka toionoronkȣatseraien tsiniiore nasakoteȣentotase tsi ronnhe no rontenroson.
14Onkȣatenro enkenhake neh nenseȣaiere tsini kȣannhas.
15Iah kannhatsera teskȣanatonkȣa, asekon ne rannhatsera iah tehoterientare tsini hatierha ne raia-takȣeniie: onkȣatenro tanon kȣanatonkȣen, aseken akȣekon niiekȣanatonni tsinikon Rakenineha teȣaka-ronken.
16Iah ȣahi ise teskȣaiatarakȣen, ii tanon ȣahi kȣaiatarakȣen, kȣanaktaseronnienni oni, naontonseke akȣekon naonteseȣete, nok aeseȣateiaronhase, tiotkon oni eh naiotonhatie, neh oni ne tsi ok nahoten atsise-ȣariȣanontonse ne Rakeniha ii aksennakon, entetsi-tsion.
17Ne kati kehiken enskat ȣakȣatenientenso, nehne taeseȣatatenonȣehake tsinatetsion.
18Toka enhietsisȣen nonkȣeokon, Seȣariȣaienteri-hak tsi ii ȣakhenton naionksȣen.
19Ne netho naeseȣaȣeiennoten tsiniiot nonkȣe-sonha oriȣiio tsi aietsinoronkȣe, nok tsi iah eh teiot, ok eken tanon kȣaiatetarhon nonkȣene, neh ȣaonni iestsisȣens nonkȣeokon.
20Saseȣeiarann tsini kaȣennoten kȣarori, tsi iah senha tehaiatakȣeniio ne rannhatsera tsiniiot ne eaiatakȣeniio, Toka ionkkenrenseronni enhiestsi-kenrenseronni ki oni nise; toka ionkeȣonnarakȣen, enhiestsiȣennarakȣe ki oni nise.
21Aksenna enkarionni tsi eh nenhiestsiierase, asoken iah tehonȣaienteri ne thakatorion.
22Iah tahotinnhitseraientake ne iah taontonkenon, iah oni takheiatatike, nok tanon nonȣa rotikete ne raotiriȣaneraaksera.
23Onka raksȣens, rosȣens ki oni ne Rakeniha.
24Ne ne iah oh taontieranionke rahotihenton tei-nahoten ne iah onka nakoren eh teioieren, iah tahoti-riȣaneraakseraientake; onen sane nonȣa ronatkathon nok sanesekon niionkhisȣens, ii nok oni no Rakeniha.
25Neh ki tanon nehne ne iakaierine tsini kaiaton ne raoiatonserakon: ok tiȣakstonstston tsi ionksȣen-hon.
26Nok tanon nonen henraȣe ne sakohnikonriiosta, nehne Rakenineha enthiiatenniete, nehne Ronikonriioston, Rakenineha oni thoientakon, raonha enha-keriȣaniratse.
Currently Selected:
Roiatatokenti San 15: MOH1880
Highlight
Share
Copy
Want to have your highlights saved across all your devices? Sign up or sign in
Published by the British and Foreign Bible Society in 1880.
