Roiatatokenti San 19
19
Tioton aton iaȣenre teioteriȣasonterakȣen Oriȣatokenti tsini hoiaton Roiatatokenti San.
1Ethose onen ne Pilat ȣahatennhane ȣahonȣaiena ne Iesos nok ȣahonȣasokȣaȣesson.
2Nok ne Sotar ohikta ȣahonnonȣarotseronni nok neh ȣahonȣanonȣaroroke, tanon kanetarhon tahonȣa-seronniate.
3Tanon ronȣennihakȣe. Sitaeronon Iesanontiio! ȣatkȣanonȣeraton; nok ok neh ne rahotinnhnia ron-ȣaientakȣe.
4Sekon are ionsakaiakenne ne Pilat, nok ȣasaka-ȣenhase: kenh riiatenhaȣi, naeseȣariȣaionterihake tsi iah othenon tekeriȣatsenries nahonnhikon.
5Tontahaiakenne kati ne Iesos ohikta rononȣaro-ronhatie tanon kanetarhon rotseronniatonhatie. Nok ȣahenron ne Pilat: Neh ne ronkȣe!
6Akȣa neok sahonȣaken ne ratitsihenstakȣeniios oni ratirihton ȣathotihenrete, ronton: teststientann-haren! toststientannharen! tontahenron ne Pilat, ise niha hetsiseȣaiena nok tetsiseȣaientannharen; asekon nii, iah othenon tekeriȣatsenries nahonnhikon.
7Tontahonniron ne Sitaeronon; ionkȣaianerenseraien, nok tsini ionkȣaianerenscroten henrenheie: aseken Niio Roionha ratatonnis.
8Pilat sahaȣennaronke neh nikaȣennoten onon senha ȣahotoronhienten.
9Nok ionsahataȣeiate tsi teieiatoretakȣa, nok ȣa-haȣenhase ne Iesos: kah nitisenon? iah othenon tate, horiȣaserakȣen ne Iesos.
10Nok ȣahenron ne Pilat: iah kenh tataontaskeri ȣaserakȣase? iah kenh tesaterientare tsi ȣakkȣeniatse raien nahatennhane taiesaientannharen, nok oni na onsaiesatkaȣe?
11Tontaenron ne Iesos: iah se othenon taesa-kȣeniatseraientake nii kiatatake no iah ehneken taon-taiesaȣi; nese ȣaonni senha koȣanen ronnhikon ne rakatenninon.
12Eh nontahatasaȣen ne Pilat ȣahaskennha naho-niakente; nok no Sitaeronon tehotihenreta ronton: toka hentseniakente kehiken, iah ki tetsiatenro ne Cesar: aseken onka iontenontiiosta iah ki teiatenro ne Cesar.
13Ȣaharonke neh nikaȣennoten no Pilat. Astste niiahoiatenhaȣe ne Iesos nok ȣahaniȣtskȣaren Anists-kȣaratseranoronke, tsinonȣe nikonȣanatonkȣa kens-tonrakȣentarhon, nok ne Hebreh Cabbatha.
14Onon neh entakta no ȣontanoron Shotonnhestston, nok neh nahoten iaiak Siioȣistahehalio neh sika-haȣi; nok ne Pilat ȣasakaȣenhase ne Sitaeronon: Neh ne Etsiseȣanontiio!
15Tontahotihenrete: ehren, ehren ehtsiatenhaȣit! testshientannharen! tontahenron ne Pilat: Tenhiien-tannharen kenh ne kenh ne Etsiseȣanontiio? tontahonniron ne ratitsihenstoȣanens: iah sekon noiah teionkȣanontiiotseraien neok enskat no Cesar.
16Ethone onen ȣasakotsiakȣarisien ne tahonȣaien-tannharen, ȣahonȣaiona kati ne Iesos nok iah…ȣaia-tenhaȣe.
17Nok ne Iesos ȣahatiasaketato tsiniiore iahnraȣe tsinonh nikonȣanatonkȣa, Calvaire, nok ne Hebreu Golgotha.
18Eh nonȣo nʼathonȣaientannharen, teniiase ȣahon-ȣariskonto raiataratie rotiiatenton, nok raonha Iesos asennon nihoiatenton.
19Pilat ȣahatennhane ȣaeiatonkȣaieronnistste, kaiasake ȣaharanentakte eh kaiaton kehiken nikaȣen-noten: Iesos Nazaretronon Sitaeronon Ronȣanon-tiio.
20Nok kentiokoȣanen ne sitaeronon ȣahatiȣenna-noton ne miatonkȣanentakon, aseken kanatakta ki roiatentonhakȣe ne Iesos, tanon kehiken ioiatonkȣa-nentakon, Hebreu, Greek tanon Latin kaȣennonta-kȣen.
21Nese ȣaonni ne sitaeronon ronȣatitsihenstakȣe niios ȣahonȣenhase ne Pilat: tosa Simon: Sitaeronon Ronȣanontiio, neh ki tanon tsinahoten nakȣa raonha raȣen: Ii ionkenontiio ne Sitaeronon.
22Tontahenron ne Pilat: tsinahoten ȣakkiaton, kaiaton.
23Nonen sahatiȣeiennentane ne sotar, ȣahonȣaia-tiharen ne Iesos, ȣahatiroroke ne raotseronniat, nok kaieri nathatikhasi skastshon Sahatiiena, ȣathonnekȣe oni noneh ne raokhare; iah tanon neneh tekanikhon, iatokaieston tsi ionhni tsi ok niions.
24Nok ȣahonniron; tosa tanon neneh teteȣarit, tcȣaȣastotsi tanon nok enhionkȣatokense onka rao-ȣenkenȣaton. Neh ȣaonni eh nahaȣenno noneh iakaierine tsini kaiaton, tsi ȣaton: ȣahontatiakhonhase nakaȣcnsonkenha, nok nakekhare ȣahatiȣastotsi neh neh. Eh kati nahatiiere ne sotar.
25Akta tsi roiatontonhakȣe ne Iesos nikenteron-takȣe ne ronistenha, oni ne ronistenha tiatatekenha nene Cleophas rone nok oni ne ȣaritere.
26Nok ne Iesos ȣahatkatho ne ronistenha, tanon kaiatakta eh ȣahoken ne ronoronkȣakȣe, Sarenhase ne ronistenha; tsi sathonȣisen, neh kehiken no eh-tsienha!
27Tanon ionsahaȣenhase ne Nikȣekonne: neh kehiken ne sanistenha, nok eh nontontasaȣen ȣattiatia-sete.
28Ethone kati onen ne Iesos tsi roterientaratsion tsi onen akȣekon ieioieriton, ȣahenron naontakaierite tsini kaiaton: ȣakeniatathens.
29Nok etho katsetaientakȣe iotsitsiatken ikare. Tekanekakȣake kati ȣahatinekata nok kanakaraken-hiate iahonnoharen, eh nahatiiere tsi ȣaonȣaneka-nonte.
30Nok nonen sahanekira ne Iesos ne iotsitsiatken, ȣahenron: Onen akȣekon onlcȣeienncntane. Nok tahaniarenne, nok ȣahatonniseraton.
31Ne kati kehiken tsi ronentanoronsere ne Sitaeronon, netosa kaiasake ahotiiatentonheke naȣentato-kentonke, aseken neh ki ȣentanoronsere ne ȣentano-ron, ȣahonȣaneken ne Pilat ne tahonȣatisiniakon, nok ahonsahonȣatiiataniiontako.
32Eh kati ȣaonneȣe ne Sotar, nok ȣathonȣasinia-kon ne tiotierenton roiatenton, nok oni ne saiatat nenskatne rotiiaientonhakȣe.
33Nok nonen kenh siiahatiiere tsi roiatenton ne Iesos, ȣahonttoke tsi onen raȣenheion, iah kati tate-honȣasiniakon.
34Saiatat tanon ne Sotar, asikȣe ȣahohastste rana-hatake, onckȣensa kontihente takontiiakenne nok ethone nonekanos.
35Neh ne rotkatton, neh rotrori, nok satekena naontaiaketakȣe ne raotroriat; neh oni roterientare tsi thariȣaierist tsini hatrori, eh naontaȣo aonteseȣe-takȣe.
36Neh ȣaonni eh nahaȣonseron ne iakaierine tsini kaiaton: iah oni nenskat ne raostiensonha tatakaia-kon.
37Nok sekon oia kaiaton ne ȣaton: enshonȣaken ne ronȣahaeon.
38Ethone onen kehiken onakenke, ne Sose Arimatironon, otasetonkeha tsi raiatarakȣe Iesos raotiokȣake aseken sakotsaniskȣe ne sitaeronon, ȣahoneken ne Pilat nahoteȣentetase ne Iesos raoioronta; ȣahoteȣentetaso neneh ne Pilat, eh Sarete nok sahoiatanen-tasi.
39Nicodeme oni nehne asonthenne rotke… seron-nonne ne Iesos, eh ȣaraȣe, rahaȣinontie ne ȣenhiena-norons enskat teȣenniaȣe nikakontserake tsi satekena.
40Ȣatnekȣe kati ne Iesos raoieronta nok oniatara-hane ȣatniȣaȣenheke oni ȣatniieste ne ȣenhienakons, tsiki nihotiianerenseroten oni nihotirennhaon ne Sitaeronon nasakotiiatata.
41Atehenrakon kenhne tsi nonȣe natehonȣaientan-nhare, etho oni atehenrakon ioshonȣe onȣar ok sika-shonȣison, areko oni onka teiontatiatatahaston.
42Etho kati iahonȣaiatonte ne Iesos, neh tsi onen ronentanoronsere ne Sitaeronon oni tsi kaȣeiennen-taon kashonȣison.
Currently Selected:
Roiatatokenti San 19: MOH1880
Highlight
Share
Copy
Want to have your highlights saved across all your devices? Sign up or sign in
Published by the British and Foreign Bible Society in 1880.
