Rioiatatokenti Luc 11
11
Enskat-aton iaȣenre teioteriȣasonterakȣen Noriȣatokenti tsini hoiaton Roiatatokenti Luc.
1Onen are raonhaa ionsonton, Sahateronnaien, nok nonen Sahaterennaientako Saiatat no raotiokȣa ȣahoriȣanontonso ȣahenron: Seȣenniiio! takȣari onnien tsi naiakȣaiere naiakȣaterennaion, tsi nihoieren no San tsi Sakorionnienni ne raotiokȣa.
2Tontahariȣasorako, ȣahenron: Enseȣenron nenseȣaterennaien: Takȣaienha karonhiake tesiteron! Aiesasennaien! Aiesaȣenniiostako! Aiesanikonraierite nonȣentsiake tsiniiot ne Karonhiake tiesanikonraieriton!
3Takȣanont ne kenh ȣente ne iakionnhekȣen.
4Nok sasanikonrhen tsi niionkȣariȣaneren: Aseken tsionkȣanikonrhens oni nii tsiniionkhinikonrak-satha nonkȣe. Nok tosa askȣaiatatkaȣe ne kariȣak senke ehren tanon askȣariȣakȣiten no iotaksen.
5Sekon tontahenron: Onka kiok tsinitsion ahoten-rohsentake asonthen niiahonnhoharane nok ahenron: Orie takenatarani asen nikanatarake.
6Aseken onkiatenro ȣahakenonsorenne, nok iah othenon teȣakien nahoten ahinonte.
7Nok ahontahenron ne kanonskon thenteron: tosa othenon tontakenikonrharen aseken onen ȣaka-tennhoton, onen oni kheienne ne kheienhokonha iah kati taonton ne taontakatkestsko nok aontakonhion?
8Kȣarori, tsi iah tataontahatkestsko nok aontahaon netsi ronatenro; nok sane tenthatkestsko netsi tehonikonrharani nok enthaon tsinikon tehotonȣen-tsiom.
9Neh kati ahoriȣa kȣarori, katon: Seȣariȣanonton, nok enhiestshiion; Seȣesak, nok enseȣatsenri; Seȣannhohaiak, nok enhiestsinnhotonkȣase.
10Aseken, tiontataȣis ne ieriȣanontons, ietsenries ne iakesaks; nok enhonȣannhotonkȣase ne rannhohaiaks.
11Onka oni tsinitsion ahoȣiraientake, kanatarok ahoriȣanontonse ne roniha, ohnenhia ontekenh enthaon? ok ne ens oniare aontahaon nonen kentsionk enhariȣanonton.
12Takȣarore ontekenh aontahaon ne Onnhonsa ahariȣanonton?
13Etho kati taeseȣaiatorete, seȣaȣeiente ise ne tsionkȣetaksens neioianere tsi naietsiiatierase ne ietsiienhokonha, toh kati onte senha nonshakaon ne Etsiseȣaniha Karonhiake thenteron no raonikonra-tokenti onkaresson ronȣariȣanontonnis?
14Ethono are enskat Sahaiatinekenȣe notkon iah teȣatati: nok tanon akȣa neok sonsakaiakenne notkon oknaha Sahatati ne rotiennine; ȣahakonerakȣenhaton.
15Otiake are sane ȣahiron: Beelzebul ȣahi nehne konȣakoȣanen notkonseraksen ahosennakon raieratha tsi sesakoiati nehens nonatkonsson.
16Otiake neok ne ronȣatenientensehakȣe, ȣaonȣa-riȣanontonse ioriȣanerakȣat, karonhiakeka.
17Nok tanon tsi roterientaratsion tsinihotinikonra-ȣens, ȣahenron: tsini kanakeraserake ne iah skariȣat tehken enhiakaonȣentsiaiesha; oni tsini kaȣatsirako ne iah skanikonrat tehken enȣatȣatsiraton.
18Tokat nonȣa notkonseraksen ok raonhako tehoriȣatironte, oh kati niiot tsi enȣahteke ne raonakerasera? Seȣatonse ȣahi Beelzebul ȣakienaȣase tsi sekheiatekȣatha nonatkonseraksen.
19Tokat nonȣa Beelzebul aonkienaȣaseheke, onka kati nehne ronȣatiienaȣase ne ietsiienhokonha? nese ȣaonni ok rononha tenhiestsiiatorete.
20Nok tanon tokat Niio raosnonko tkaientakȣa tsi sekheiatekȣatha nonatkonsson, Oriȣiio kati ȣahi tsi onen seȣaiatorenhon ne Niio raonakerasera.
21Ronaktiio ne ronkȣe ne rosaststenseraien, akȣekon skennen tikaien tsini hoien.
22Nok tanon nahononsorenne ne rosaststenserakennion, ȣahokȣa tsini hatatiafakennhastakȣe, nok akȣekon ienhaaȣe tsini hoicntakȣe.
23Iah sahonkeniriȣat tehken ne iah tehakeriȣa-ȣase; nok ne iah enskatne teiakoniroroks ratiesatha.
24Katke nonshonȣaiatinekenȣe notkon tsi sakotiennino nonkȣe, eh niienhenre tsi iohnenniokoton raȣesakonhaties nahaonrishentane; nok nenhoioha, enhenron: tsi teȣakenonsote ienske, tsi oni nonȣe tesakiakenhon.
25Saraȣe, Skanonsaseronni, tsionheȣanion oni.
26Oksaok sahakete, nok, sasakononksa tsiatak nikontkonserake senha ratinessonronon tsiniiot ne raonha, nok sahontaȣoiate eh oni sahontenaktonni; ne kati ahoriȣa onen senha henhentarahekte tohiken ronkȣe tsnitiotonne ne tiotierenton.
27Arek ok tiiehoteȣennokte, skaiatat tsiothonȣisen tontahiohenrete nok ȣakenron: iakotaskasts ne ieiatakon tsiatatakȣo, oni ne iesakaronte!
28Tontahenron: neh tanon naha iakotaskasts niakotaonsate ne Niio raoȣenna nok ronȣaȣennarakȣa.
29Nok tsi akȣekon ok akta iakaȣenontonhatie, ethone are onen ȣahenron: kehiken kaȣatsirate kaȣa-tsiraksenskȣa: kariȣanontons ioriȣanerakȣat, iah ki tanon onte eh teiaȣensere, neok enȣatkatho tsiniia-ȣenhon ne Jonas Rotokensehakȣe raiatatake.
30Aseken ne Jonas rahonateniententsera iotonhon ne Ninifronon; eh kati oni nonȣa nenhiaȣenne nonkȣe Roienha tsinonkati nekenh kaȣatsirate.
31Entieronon konȣakorakoȣa, tentkatane nok enhiakoriȣaiakse oni enhiakoriȣente nonȣa kenh kaȣa-tsirate: aseken naonhaȣaonȣentsiokten naonronke ne Salomon rahottokhatsera, senha nonȣa raiatanoron ne kenh ihres tsiniiot ne Salomon.
32Ninifronon tenthatitane nonen tenhiontatiatoretane ensakotiriȣaiakse nok ensakotiriȣente nekenh nonȣa kaȣatsirate: aseken ne rononha shonatatreȣa-ton sasakotati ne Jonas, nok senha nonȣa raiatanoron nekenh ihres tsiniiot ne Jonas.
33Iah ȣahi nehne onka tekahaserotha neok saok iaonsete tsinonȣe tiotaseton, ok ne ens okȣirokon, iehaserotakȣake ȣahi enhienioten naontkatho tsi teiosȣatte tsini iakon tiontaȣeiatha.
34Okara ȣahi aosȣathetsera noieronta. Toka skariio tsiatakȣekon ki tenhiosȣatheke, nok tanon nenskaraksenhake tsiatakȣekon ki tentiokarasseke.
35Senikonrarak kati tosa tetiokarasek ne sahasera.
36Toka nonȣa tsiatakȣekon teiosȣathe, iah oni kaneka teiotasatare, akȣa ki akȣekon tiiatensasȣa-theke, tsi kis ens niiot ne kahasera tesasȣathetennis.
37Sekon ok sihotare, saiatat Pharisian, ȣahoonka-ron nentie, eh ȣarete ne Iesos, nok atekkȣaratserakta ȣahanistskȣaren.
38Ȣahonekheren ne Pharisian tsi iah tehotsiohare ohenton ne tahastskaon.
39Nok tanon ne Roianer, tontahenron: ionerakȣat ki oni nise Pharisian ncseȣaiatoten tsi astste ok nonkati Seȣanohares ne seȣastsesonha, seȣakerassonha oni; nok ne seȣeriane titkahere ne kanenskȣen, oni ȣanontonniontseraksen.
40Tescȣanonȣaraȣenrie! Onka roson ne eneken, iah kenh oni raonha tehoson ne nakon?
41Ashetenrate tanon niare tsini saien, ethone onen oriȣakȣekon ensaianereke.
42Seȣententasere ise Pharisian! Akȣa nehne iese-ȣakariaks tsi seȣaienthokȣas, oni tsi tekanatokenhaton nok oni nohontessonha; nok seȣentorhane taese-ȣasniene ne Niio raoriȣasonha neso tanon aonteseȣa-tierenton nok ethone ne kenh kaien.
43Seȣentent Pharisian! neok tsionȣesata nohenton iaeseȣenstskȣarake nononsatokentike nok taietsi-nonȣeratonseke nonkȣeokon tsi ionkȣene.
44Seȣententasere, seȣaiatons oni Pharisian tsion-kȣetaksenskȣa! akȣaneh tetsiseȣatieren tsiniiot nonen iah othenon tetsioken tsi ieiatat, nese ȣaonni iah ki othenon teietokata neh ierataties.
45Ethone oni otiake ne sakotirionnienni taontati, ȣahonniron: Seȣenniio! Takȣasentenni oni nii tsina-ten saton.
46Tontasakoȣennaȣeron, ȣahenron: Seȣententa-sere oni nise kaianerensera iotsirionnienni! Aseken iokste iestsiketas nonkȣesonha, nok niso iah tese-ȣakȣenies neok oni ne konh niiaheseȣaiero.
47Seȣententasere! Aseken tsiestshiiatatahas ne Rotitokenseakȣe ne ietsiniokonkenha sakotirio.
48Oriȣiio tsi ȣene tsionnis tsi seȣariȣanonȣes tsini hotiieranion ne ietsiniokonkenha aseken nerononha sakotirio nok nise ase tsi tsionnis tsi ratiiatatarion.
49Nese ahoriȣa ȣaton no Niio raottokhatsera: ienkheiatennietase Rotitokense; nok entcsakonaȣen-tho, ensakotisereson oni.
50Niaonteriȣiheȣc, neh nonȣa ne kenh kaȣatsirate ahonatcriȣaionhase tsinikon rotinekȣensinekenhon ne Rotitokensehakȣo tsinahe tiontonȣentsiatasaȣe.
51Abel raonekȣensa enteȣatasaȣen tsiniiore ne Zakari raonekȣensa, neh nakȣa akta tsi iontienkȣa-ronniatakȣa ononsatokentike ronȣario: Tokenske tsi kȣaroris tsi rononha enhonteriȣaketate nonȣa kenh kaȣatsirate.
52Seȣententasere, ise Kaianerensera ietsirionni-enni! Seȣatiatakȣeniioston nʼattokhatsera aonnho-tonkȣa; iah se sane nise tiieseȣataȣeiaton; neok naiestsinnhese no iaiontaȣeiato onka ienrhakȣe iaka-taȣeiate.
53Sekon ok neh sihotarakȣenhatie, ȣathonȣatken-niaicntlmten ne Pharisian tanon ne Sakotirionnienni niateioriȣake ȣahonȣariȣanontonnionhase.
54Neok no teonȣaskotanis, rotirharekȣe noh nahontahatiierate othenon ahonȣariȣannhontako nah onatessenniiose ahonȣariȣarhosto.
Currently Selected:
Rioiatatokenti Luc 11: MOH1880
Highlight
Share
Copy
Want to have your highlights saved across all your devices? Sign up or sign in
Published by the British and Foreign Bible Society in 1880.
