Rioiatatokenti Luc 19
19
Tioton-aton iaȣenre teioteriȣasonterakȣen Oriȣatokenti tsini hoiaton Roiatatokenti Luc.
1Kanatakonson niiahare ne Iesos siiahatenatoronne ne Jeriko.
2Saiatat no rakarotasions oh nonȣe nihanakerekȣe Zaché ronȣaiastskȣe eso tsi rokȣastsene.
3Raskanekskȣe ahoken ahoienterhane oni ne Iesos, nok iah teȣatonskȣe sotsi kentiokoȣanen tanon neraonha sotsi nihanenhiesha.
4Neh-kati ȣaonni ohenton niiahatakhe, tiohiontaststokote eh iaharathen nok ȣahatnenhioharakȣe, aontonseke ahoken nonen eh nonȣe nenhre.
5Nok nonen eh nonȣe Sharaȣe ne Iesos, ȣahatara-kestsko nok Sahoken, ȣahaȣenhase: Zaché iosnorenn tasastsnent aseken sanonskon nonȣa enkataȣeiate.
6Ȣathosterihen oni rotsennonnihatie tsi tontahastsnente neh tsi ȣahotaȣeiaten.
7Akȣekon ok oia nonta, kotierase nok ionton-nionskȣe; tsi nonȣe iah tetionkȣetaieri nahataȣeiate.
8Nok ne Zaché eh ȣathatane rahohenton ne Roianer ȣahenron: Saianer asennon nenkheion tsiniȣa-kien ne iakotent: nok kaneka nakhekaronnihke kaieri natentiaseren tsi enskien.
9Ȣahenron ne Iesos: Onȣa kenhȣenniserate onta-ȣeiate nʼatanitenresera ne kentho nonȣe nikanonsote, aseken kehiken Abraham oni nehne roienha ȣahaton.
10Aseken nonkȣe Roienha neh sresakhe oni raskennhasere tsinahoten iohtonhon.
11Tsinikariȣes iakotaonsatekȣe neh nikarihoten, Iesos iahatasonteron nok iathariȣakentonȣe, netsi onen akta ihre ne Jerusalem oni tsi roterientaro tsi onen thoha ȣene aonton ne Niio raoiatanorakȣatsera.
12Ȣahenron kati: Saiatat ne ronkȣe neh ne raȣa-tsiranoron ratentionhe ihnon ȣare ȣahatkorastane, nok ki oksaok tentre.
13Iasakohnonke kati oieri nihati neraonnhatsera, oieri nikaȣistake tasakahon, nok ȣahenron: Seȣeiaron kehiken tsiniiore tentke.
14Kenh kaien ne thatinakere ronȣasȣanskȣe, nese ȣaonni iaonȣateriȣanietase ronȣarorihatie, rontonne: iah tateionkȣatonȣentsioni ne raonha kehiken asonkȣaststeriste.
15Ne kati nonen sonsaraȣe, onon oni siiehotiata-kȣeniioston ne tkanakeraseraien, ȣahatennhane ionsa honȣatinonko ne kannhatsera ne sakotakȣenniaienni ne raoȣista, ahotokens toh nikonhatie tehonatenstson tsi rotikarhateniaton,
16Ne rahente eh ȣathatane nok ȣahenron: Saianer! Oieri niieiotihenthon no saȣista.
17Tontahenron: etho, ioianere tsi sennhastseriio; nekati tsi sariȣatoken tsi nonȣe kenh niioriȣaha, Oieri nikanatake ȣakonhiatakȣeniioste.
18Thihaiatate ihsre, ȣahenron: Saianer I ȣisk niieiotihenthon ne saȣista.
19Ȣahaȣenhaso oni nehne: ȣisk ki nikanatake enhsiatakȣeniioke.
20Onon ne saiatat ihsre, ȣahenron nehne: Saianer, kenh sekhaȣi ne saȣista kanokȣakȣenonni.
21Aseken kontsanikon, ȣakaterientaro tsini seniakastste; tesekȣa tsinahoten ne iah tesatakȣenniaien, nok tsienthokȣas tsinonȣe nʼiah tesaienthon.
22Nok tontahaȣenhaso: Sennhatseraksonskȣa! Saȣenna tenkonhiatoreiakȣe; Saterientare tsi kenia-kastste, tekehkȣa tsinonȣe niah othenon teȣakata-kȣenniaien, kionthokȣas tsinonȣe iah teȣakienthon.
23Nahoten kati ahoriȣa tsi iah ne bankne tiiesa-ionton nakȣista, tsi naonsonka iaonsonkkȣen nok oni tsinikon aioteiaronke.
24Onen kati ȣasakonnhane neh ratiteron ȣahenron: Satsiseȣakkȣa noȣista nok neh ionsatsitsion noieri nihoien.
25Nok taonniron: Saianer! Onen oieri nihoȣis-taicn.
26Eh kati niiot ȣakȣarori: tsi nenhiakoientako ne skastson sekon entsiontaton nok niah othenon tehoien sekon oni nehne enhotiȣakkȣa tsinikonha enhoientake.
27Nok kenh kaien ne ionksȣens oni iah tehonathontaton akheiaststeriston karo nontaietsiiatenhaf nok akkenton ietsiiaȣentho.
28Nonen saharihokten, onen are tonsahathahakȣe tiotkon tsi Jerusalem niiahaȣenonhatie.
29Nok nonen akta shire ne Bethphagé oni ne Betani, onontakta ne Olivier, teniiase ne raotiokȣa iasakotori.ʼ
30Ȣahenron: eh iahasene kehiken tkanataien; nok nonen ientsiataȣeiate kanatakon enseniken kenseri ȣassaronte neh nʼareko nonȣenton teiakosatenston; Seninerensi nok taseniiatenhaf.
31Nok tokat onka kiok enhietsiriȣanontonse ohnontieren tsi ȣeseninerensi: Ensoniron: Roianer ki tehotonȣentsioni.
32Oksaok Saiatenti, nok akȣekon eh niiot tsi ȣaiatkatho tsiniiot tsi tesakorori.
33Akȣa kati onen ninerensions, ȣahonniron neraotitsenen: oh nontieren tsi ȣeseninerensi?
34Tontaniron: Roianer ki tehotonȣentsioni.
35Ȣakonhȣaiatheȣe kati tsi renteron ne Iesos, nok raonatseronniat ȣakonȣarase eh tahonȣenstskȣaren ne Iesos.
36Nok ok eh nihotistskarontie tsini hose.
37Nok nonen saonneȣe tsi ionontenion nʼolivier, kentiokȣakȣekon ne raotiokȣa ȣahontonnharonnmn, ȣathotihenrete tsi ȣathonȣanonȣeronnion no Niio tsinikon ronatkathon ne ioriȣanerakȣatenion.
38Rontonnionne: Tahonȣanonȣeraton ne Ronontiio tare Raosennakon ne Raȣenniio! Skennen kenhak karonhiakon, nok ahonȣanenton Ehnekentsi!
39Otiake neh ratiiataratie ne Pharisian ȣahon-niron: Saianer! Sheiarist ne sentiokȣa.
40Iesos tontahenron: ahontkaȣe ne rononha, Onenhiaki tenhiotihenrete.
41Nok onen akta shire, ȣahatkatho tsi kanataien, akȣa ȣathasontho, ȣahenron:
42Aiaȣens kenhas oni nise, arahona oni onȣakenh ȣenniserate aesariȣaientereon, tsini karihotens tsi oni nonȣe aontakaientakȣe asetsenri ne skennen! Iah ki oh taonsaiaȣennc onense tesateronȣekon.
43Aseken icnȣatenniseriheȣe ne tenhiesanatann-hake no iesasȣens, oni enhiesannhotonnion.
44Nok enhiesanatarisi, ensakohnaȣentho seienho-konha niseke ienakere; Nok iah oni tahonenne nenskat oni takanenhiaserake, ne tsi iah tesennisera-ientereon tsi iataȣeiatennine ne Niio.
45Nok Ononsatokentikoȣane iahataȣeiate, ok saok tahatasaȣen tontasakoiatinekenȣe neiontenninonskȣe oni ne iehninonskȣe.
46Ȣasakaȣenhase: Kaiaton tsi ionterennaientakȣa nakenonsa; nok nise ienenskȣatha seȣatatenonson-niatenni.
47Nok niateȣenniserake etho sakorionniennih-akȣe; nok ne ratitsihenstatsiokon, ratiiatons, onine ronaterionton ratiriȣisakskȣe oh nahatiiere nahon-ȣario.
48Iah tanon othenon tehatiriȣastsenrieskȣe nahos-tonte; aseken akȣekon ok nonkȣeokon ronȣaȣenna-noronkȣakȣe.
Currently Selected:
Rioiatatokenti Luc 19: MOH1880
Highlight
Share
Copy
Want to have your highlights saved across all your devices? Sign up or sign in
Published by the British and Foreign Bible Society in 1880.
