Rioiatatokenti Luc 21
21
Teȣasen nok enskat teioteriȣasonterakȣen Oriȣatokenti tsini hoiaton Roiatatokenti Luc,
1Tsini kariȣes tehakanere ne Iesos, ȣasakoken iakokȣatsenion iaheȣistaren kanerokȣakon.
2Ȣahaken oni iotent iotereons tekeni kȣenis iakaren.
3Ȣahenron: tiakariȣakenniate, ȣakȣarori tsi senha neh kehiken iotent iotereons ihsinon tsi nahaiere tsiniiot notiake.
4Aseken ne kenh kaien neh ȣahakoti tsini iakoke-totennis, nok naonha kententetserakon eh oni nikon ioientakȣa naioiatakennshaste nok neh ȣahoti.
5Kenh kaien notiake neh ne iakotharakȣen tsini iononsanerakȣat nʼononsatokentikoȣa tsi oni niio-kȣasts, ȣahenron:
6Ne kenh niso teseȣakanere; ienȣatennisoriheȣe noiah oni nenskat tataonsakanenhiaserake no iah takarision.
7Nok ȣahonȣariȣanontonse ȣahonniron: Saianer? Katke nekenh eh nenhiaȣenseron? oh oni nahoten enkaioronniststakȣen nonen eh nenhiaȣensere?
8Nok tontahenron: seȣanikonrarak tosa iestsinikonrakarhatho: aseken ronentiokoȣanen enthonne enhionksennenhaȣi, enhontonne; ii ne Keristos, onen oni thoha iakaheȣe; tosa kati iestsiser.
9Nok nenseȣariȣaronkanion iakoteriio oni ateriiosera, tosa seȣateronhienten: iatekakontese tsi neh enkontihente; iah ki tanon teiohnonteratietane ne iotoktakȣen.
10Ethone oni ȣasakorori ȣahenron: ok nehne teiontoiiȣentsianekhanion tenhiakoriȣarhesoron.
11Onȣentsiakȣekon tatenhiaonȣentsishonkȣanion, enhiontonkariakon, enkannratarineseron, enhiakote-roiihientanionhase, nok niatekon tsinenhiaȣenseron tsi tkaronhiate.
12Iatekariȣakonte ki tanon tsi iatenhonnisnon-saren ne seȣaiatake, enhietsikenrenseronni, enhietsi-iasarinesson tsi ionterennaientakȣa, oni enhietsinnhoton; nok enhietsiiatenhaȣison rahotihenton ne rotinontiiosson, nii aksennakon.
13Nok neh kehiken enseȣariȣaniraststakȣe.
14Akȣa kati onȣa ok saok iaseȣatennikonrisa, netosa othenon aeseȣatennikonraienton tsinahoten enseȣenron nethononȣe nenkahaȣi.
15Aseken akȣa ii enkion nethone no kanikonriio kaȣonniio oni tsiniiore ne iah onka takakȣeni aietsi-riȣaiakso oni aietsirihorarake ne ietsiriȣasȣons.
16Ok oni ok neh no ietsinihokon, ietsinistenhokon, teseȣatennontere, seȣatatenonkȣe, nok oni ne seȣaten-rookon enhietsiiatenninon; kentiokoȣanen oni tsini-tsion nenhonȣatirio.
17Akȣekon ok oni enhiestsisȣcnseron nii akeriȣake.
18Iah tanon oni ne skanonkȣisera taeseȣatonse.
19Kanikonriiotserakon tsionnhetie.
20Nonen enseȣatkatho Jerusalem, tenhotinatannhen ne ronteriios, seȣerhek onen akta ihȣe nahonikonraksensera.
21Ethone ne Juderonon tsi iohnontenion enhion tekȣassen, nok enhiontennhoton tsiniiakon Jerusalem kanatakon ieteron, nok iah taonsaiontaȣeiate ne kanatakon naktatiesonha ienakereniontie.
22Aseken onen nehne kareȣatatsera onȣenniseron-takȣen; noriȣakȣekon akanane tsini kaiaton.
23Iotitentasere noiah nonkontiiatoten oni nenkonststaronthake neh nonȣe niȣenniserate! Aseken kententetseroȣanen iakotentasere, nok karoȣatatseroȣanen iakohrasere neh nonȣe niienakere,
24Akȣekon enhiontateniaroskare, nok enhiontate-naskȣenhaȣenseron tsi ienakerenion, nok nehne iah teiakoriȣiioston enhiontenatakȣeniioste ne Jerusalem, tsiniiore ienkanane tsinikanaton ne iah teiakoriȣiios-ton akaȣennisera.
25Tenȣatieronnionhaton tsi karakȣare, oni asonrekha, oni tsi iotsistokȣaron, eh niiore tsi enhiakoten-taseron nonkȣe okon tsiniiore ok tentsiakoriȣaieȣas-seke oh akȣa nenhiakoiataȣensere nonȣentsiake; tenhiotenonhianiton tsi enhiorakarheke ne kaniata-rakekoȣa.
26Eh nonhiakoiataȣen nonkȣe tsiniiot nonen iahiheions neh tsinenhiakoteronseke, nok oni tsienhiakorhareke oh nenhiaȣensere nonȣentsiakȣekon. Aseken onen tenȣatkarenron ne Karonhiakekha ahosaststensera.
27Nok ethone oni onen enhonȣaken nonkȣe Roionha otsikerakesson natenthaȣenonhatie kasastense-rakon oni Kaiatanerakȣatserakon.
28Neh kati nonon enteȣatasaȣen eh nonhiaȣen-seron, seȣatarakestsko nok ehneken iaseȣatkatto, aseken onen akta iȣe ne seȣaiatakennhatsera.
29Kenh nahaiere tsi …sakoriȣakontonkȣen: teseȣaiatoret ȣahenron ne …onionȣarontonhakoȣa nok oni notiake ne karontasonha.
30Neh ȣahi Seȣaienteresfakȣa nonen teiohkonnh-ontiesere nonen enkaskȣeionten.
31Etho kati oni nise niiot, nonen enseȣatkatho enkonneȣe neh nikarihotens, seȣerhek tsi onen akta ihȣe ne Niio raonakerasera.
32Oriȣiio akȣa oriȣiio tsi kȣarori tsi iah taontohestste ne kenh kaȣatsirate ohenton neh naiaȣenseron.
33Karonhia, onȣentsia enȣatohestste, nok nakeȣenna iah neneh nonȣenton tiiakontohestste.
34Seȣatatenikonrarak kati tosa seȣasenni ne kakon, tsini ienekiratha, oni ne tiiohriȣatesonha nonȣentsiakekha; nok aeseȣanenrenten nonen enȣaȣe neh niȣenniseroten.
35Aseken eh niiot tsi enhiakoȣenonni akaonȣentsiakȣekon nonkȣe tsiniiot ne ȣataharo.
36Seȣatieȣaten kati, tiotkon onȣe taseȣaterennaientak, niaeseȣaȣe aeseȣarihontake ne taeseȣatohestste tsinonhiaȣenseronne, nok skennen tatsiseȣaken nonkȣe Roienha.
37Tsini ȣenniseres Ononsatokentikoȣane sakota-tiskȣe, nok nonen enhiokaraȣe enshaiakenne nok tsi tiononte nʼOlivier iehanonȣeststakȣe.
38Orhonketsisens eh kanenraserens Ononsatokon-tikoȣane naonȣataonsatate tsi sakotatis.
Currently Selected:
Rioiatatokenti Luc 21: MOH1880
Highlight
Share
Copy
Want to have your highlights saved across all your devices? Sign up or sign in
Published by the British and Foreign Bible Society in 1880.
