Rioiatatokenti Luc 4
4
Kaieri-aton teioteriȣasonterakȣen nʼOriȣatokenti tsini hoiaton Roiatatokenti. Luc.
1ONEN nonȣa Iesos raiatihatie ne Rotkon Roiatatokenti, Jourdan niionsare, nok ne kanikonra aokȣeniat ȣahotori tsinonkati ne karhakon.
2Kaieri niȣasontasen nikariȣes ȣatenientenseronnes notkonseraksen nahonikonrotako, eh oni nahe iah othenon tehokon, nok nonen sontenniserohestste ȣahatonkariake.
3Nensok ȣakenron notkon; Nehne Niio Iaienha akenhake tsiron kanatarok Saton kehiken kanenhiakeron.
4Tontahaȣennaȣeron ne Iesos, nok ȣahenron: kaiaton tsi iah kanatarok ok taronnhekȣen ne ronkȣe, henronnhekȣen oni ne Niio Raoȣenna.
5Ethone notkon tsinonȣe tionontoȣanen niiahoiatenhaȣe, etho oni nonȣe ken ok nontakariȣeatste onȣentsiakȣekon ȣahonatonhaso.
6Nok ȣakenron: Akȣekon enkonhion kehiken tsiniiotieren; aseken Ii ionkaȣi Ii kati entkanonton onka ensekheion.
7Kaȣonniioki asathontate taskatontsothase, nok saȣenk enȣaton.
8Tontahenron ne Iesos: Ehren iset Satkonseraksen! Aseken kaiaton ne Saton: saiatat ok ne Niio Raȣenniio hentseȣenniiostake, nok raonhaa hentseniahesenhake.
9Jerusalem sekon niionsahoiatenhaȣe, Kanonsakenhiato nʼOnonsatokentikoȣa eh ȣahostskȣaren, nok ȣahenron: Nehne Niio Iaienha akenhake ehtake iasatiatent.
10Kaiatonse ȣahi tsi entesakotori ne Raoronhiakeronon okon naiesaiatanonstate.
11Nok ratisnonke entsistskȣaratie tosa aesasitakȣaraso nonenhiake.
12Tontahenron ne Iesos: Sekon are neneh kaiaton: tsi iah tatsenikonrotako no Iaianer oni Ianiio.
13Nonen siiathastsahate notkon, tontahatonneko Satekon tsiniiore.
14Ethone Rotkon Ronikonratokenti ȣahonikonrata ne Iesos no Galile niiaonsare; nok ȣahasennoȣannha noh nonȣe niȣatonȣentsiate.
15Aseken sakotatiskȣe tsi ronterennaientakȣanionkȣa, akȣekon ok oni tehonȣarensaronskȣe.
16Khare onen iaharaȣe Nazareth, tsinonȣe thoteiaron, nok tsi ȣahaȣentatokentane iahataȣeiate Ononsatokentike, tsiki nihorennhaonne; ȣathatane nahaȣennanoton.
17Esai Rotokense raoiatonsera takonhion, nok eh nonȣe nathakhasi tsinonȣe ni kaiaton ne ȣaton:
18Iakenikȣekon ne Raȣenniio rahonikonra, aseken rakiatanoronston; neh ahoriȣa thakatorion nʼakherionnien ne iakotent, nok aonsakhetsiente niakaȣeria-sanonȣaks.
19Nakherori tsi tsiontnerensionhe ne ienaskȣa, tsiekensere ne teieronȣekon, aonstiiontateȣenniiono ne iontatkenren seronni, akerihoȣanato tsi onon ihio no Raȣenniio raȣennisera.
20Tonsahaiatonserakha, ionsahaon ne ratsihenstatsi nok sahatien; Akȣekon ok rahonha tohonȣakanero netho ietaraien.
21Ethono onen tahatasaȣen ȣasakaȣenhase: Onȣa kenh ȣenniserate onen ȣakahnane tsiniȣaton ne kenh kaiatonserat; Akȣa nonȣa ise hetsiseȣathonte tsi rothare.
22Akȣekon ok oni ronȣariȣaȣasehakȣo, nok iakohnerakȣaskȣe tsini kaȣenniios ne thaȣenninekens; nok iontonhakȣe: iah kenh naha neh teken ne Sose roienha?
23Nok tontahenron: iah teiotennoȣent tsi enskȣenhase: Satetsiensts, ise niare satatetsient, eh oni natsier tsinonȣe nisenakere tsinahotenson ionkȣariȣaronken nahesaieren ne Kapernaiimke.
24Sekon are tontahenron: oriȣiio tsi kȣarori, tsi rahonakeraserakon ok iah tateharensaron oni ronȣariȣakenronni ne Rotokense.
25Tsiki niiotonne ne Elie Onȣentsiake shires, ionentiokoȣanenne ne ionatereonskonne nethononȣe siȣenniseratenion nʼisraerrononke; nasen niioserake siiateseȣaȣennen sonteronhiakȣeke; neseȣaonni ȣaontonkariakon onȣentsiakȣekon.
26Nok sane iah oni nenskat teshakoiatakennhaseron ne Elie, neok ne Sidonienronon iotereons Sarepta nonȣe nikanakerekȣe.
27Ronentiokoȣanenne oni ne rotiststaȣis, Elise rotokense Onȣentsiake shires, iah ki sane enskatha tesesakotsienton, neok enskah ne Naamen Sirienronon.
28Akȣekon ok oia nontahonatierase tsinihati ratiteron tsinikaȣonnoten ȣaonronke.
29Nese ȣaonni akȣekon ok tontahatitane Sahonȣaiatinekenȣe ne raotinatakon, nok eh nonȣe niiahon-ȣaiatenhaȣe tsinonȣe ieiotenontiakon Kanatakta, ronnerhakȣe ok eh niienshakȣaiatente.
30Tehatiiatokenson tanon tonsahatohestste nok sahatenti.
31Kapernaiimke niionsare Galilene Tkanataien, nok etho sesakotatiskȣe naȣentatokentike.
32Nok iakohnerakȣaskȣe tsini horihoten: Aseken no raosenna ikeno ne Kakȣeniat.
33Saiatat raiatarakȣe tsi iakotkonnison, nʼotkon rotiennine, tontaiaȣentsi ȣathohonrote tsi nihaȣenna.
34Ȣahenron: Ah! Sateionkȣasastenseraien kenh naha ise Iesos Nazaretronon? Neh konh taseniente naskȣatonte? ȣakaterientaro tsi ise ne Niio Iaienha Saiatatokentikoȣa.
35Nok ne Iesos ȣahatteten ȣahenron: tastotek, nok tontatsiakenn ne raonhake. Nok notkonseraksen akȣa niare kanenhrihen eh ȣahoiatonti, iah ki neneh sane tehokareȣaton, nok tontahaiakenne.
36Akȣekon ok ȣahakohnerakȣenhaton; nok iontonnionskȣe: oh nakaȣennoten kehiken, eh niiore tsi iotikȣenies oni iotiȣenniio nonatkonson, nok skontiiakens?
37Nese ȣaonni ȣahasennoȣannha tsini ienakerasera neh nonȣe.
38Nok nonen satontahaiakenne ne Iesos tsi ionterennaientakȣa, Simon rahononskon ionsahataȣeiate, ethone iotonkȣarhoskȣe ne Simon ronȣennhonsa, ȣahontereniiaien kati niare.
39Nok iahtastsakete tsi tkaiationni, ȣahatteten ne kannratarinon, nok oksaok sakentonkȣanoste; oksaok oni Sontkestsko, nok saioioten.
40Nok nonen siiateȣatsothosere eh iontatiatheskȣe tsiniiakon ne niatekannrake iakononȣaktanithakȣe; neok ne skastson iatesakonisnonsaerhase nok saieieȣentane.
41Tohka oni nonsasakoiatinekenȣe nonatkonseraksen, akȣa ens neok ne kontonne: Ise no Keristos Niio Iaienha; sakonnhesehakȣe tanon nakontrori tsi raonha no Keristos.
42Akȣa neok ȣahorhenne sahatenti, ehnonȣe niiahare tsinonȣe iah onka tetiens; nok nonkȣeokon ronȣaiatisakskȣe, nonen siiaonȣaiatatsenri ȣaonȣaneken no tosa oksaok ahatohestste.
43Tontasakoȣennaȣeron ȣahenron; iatekakonte se oni nehne tsi ȣakatoriȣaienni nʼakherionnien nakteson tienakerenion tsiniiorihoten ne Niio raonakerasera; aseken neh tionkatoriaton.
44Nok tsiionterennahientakȣanionkȣa ne Galile nonȣe nisakotatiskȣe.
Currently Selected:
Rioiatatokenti Luc 4: MOH1880
Highlight
Share
Copy
Want to have your highlights saved across all your devices? Sign up or sign in
Published by the British and Foreign Bible Society in 1880.
