Ratokenti 8atio 17
17
Tsiatakhaton iaȣenre teioteriȣasonterakȣen.
1Nok iaiak nonta onakonko, Iesos ȣasakoiaton-haȣe ne Tier, Sak, San iatatekenha, nok tsi tiotaseton niiasakoiatenhaȣe, Onontoharako.
2Nok rahotihenton etho ȣathatteni; eh nahakon-sotenne tsiniiot ne karakȣa, nok ne raotseronniat oh nakenrakenne tsiniiot noniete.
3Nok etho ȣahonȣatiken, ne Moïs, Oni Elie, teho-tithare.
4Ethone tahaȣonninekenne ne Tier, ȣahenron: Saianer! ioianere ne kentho aeteȣonterontake; ne kati nasathontatseke Asen naeteȣatatoseroten, enskat nise Saȣenk, enskat Moïs nok enskat nʼElie.
5Sekon ok nihotaratie teiotsikerathe ȣahakorho-roke nok eh takaȣenninekenne, ȣaton: neh kehi-kenne Riienha Rinoronkȣa onȣe hetsiseȣataonsatat kati.
6Tsinahoten ȣahonronko ne raotiokȣa, akȣa ehtake ȣahatiiatakerontane tsi nahonateronhienton.
7Nok tanon ne Iesos eh niiahare, iasakoiatoriane-ron; raton; teseȣatann tosa oni Seȣateronn.
8Nok tsi tonsahontkakȣarisi iah onka nakoren teseshakotiken raonhatsiȣa ok ne Iesos.
9Nok nonen satontahonanontastsnentonhatie, ȣasakotiaȣenratse ne Iesos, ȣahenron: Tosa onka ietsirori tsi nahaȣen tsi ȣeseȣatkatho, tsiniiore iensha-tonnhete nʼOnkȣe Roienha.
10Nok no raotiokȣa ȣalmnȣariȣanontonse ȣahon-niron: oh niiotieren tsi ronton no ratiiatons Elie tenthahente?
11Nok ne Iesos tontasakoȣennaȣeron; ȣahenron: tokensko neneh tsi Elie tenthahente, nok oriȣakȣe-kon enȣhakȣatako,
12Nok tanon kȣarori tsi onen rokȣathon no Elie, nok iah tehonȣaientereon, tsi tanon nithatinonȣes nilmnȣaierase, eli kati oni nene nenhoiataȣen nʼOnkȣe Roienha enhonȣaronhiakente.
13Ethone ne raotiokȣa ȣalmtinikonraientane tsi Saȣatis rotonhakȣe.
14Nok nonen sonsahonneȣe tsi kanenraien, Saiatat akta Sarete nok rahohenton ȣathatontsoten.
15Nok Sahenron; Saianer: atsitenre ne riienha raȣennitaronnis, akȣa ihken tsi rotent, iotkate nʼotsi-rake ienhentakerane, oni naȣenke.
16Nok iehiiataktaton tsinonkȣa ne sentiokȣa, iah tehotikȣenion naonsahonȣatsienton.
17Ȣahenron ne Iesos tsi tontahoȣennaȣeron: Ise ne seȣatennoȣentastskon oni seȣanikonraksen? tohnekenh nenȣe entoȣakȣekonhatieseke? oni ok tenȣakeron iaȣeronhatio? kenh kinioh nontatsia-tenhaf.
18Nok tahakȣisron ne Iesos tsi ȣahatteten notkonseraksen, oksaok sakaiakenne, oksaok oni sahaie-ȣentane.
19Ethone ne raotiokȣa otasetonkeha, tsiȣahonȣaia-torenno oni ȣahonȣariȣanontonse, ȣahonniron: oh niiotieren tsi iah nii teionkȣakȣonion aonsaia-kȣatekȣaton.
20Tontahenron ne Iesos: ne tsi sotsi seȣatenno-ȣentastskon, Aseken oriȣiio tsi kȣarori, araohna ehnaonske tsi aonteseȣetakon tsini kanatsia notsi-nekȣar ieienthotha, aeseȣenhase kehiken iohnonte: kenh nonkȣati niare niihahase; ehse niienhenȣe; iah oni othenon taeseȣanoronseheke.
21Nok tanon kehiken nikannroten, akȣa neneh aterennaient, tanon aȣentontieton ok entsioiatine-kenȣe neh niȣatkonseroten.
22Nok sekon Galilé sitreskȣe, ȣahenron ne Iesos: ienkaeȣe nʼOnkȣe Roienha, onhonȣaiiatsiakȣarisiase nonkȣeokon.
23Nok enthontennhane aonȣario, nok tanon asen-haton nenȣata enshatonnhete, ȣahotinikonraksen ne raotiokȣa.
24Nok nonen Siiaonneȣe Capernaiim, Tier ȣahon-ȣariȣanontonse ne ratikarotasions; ȣahonniron: iah kenh tehakariaks ne Didrakme ne Iaianer.
25Tontahenron; enh: nok nonon Sonsahntaȣeiate ne kanonskon, tahohnenne tahorori ne Iesos; tsi ȣahenron: Oh nise niiot tsi tesiatoreta, Simon. Onka Sakotikaraiennis ne Rotinontiiosson? Sakoti-ienhokonha kenh, katen neneh teiontaȣenrie?
26Tier ȣahenron: neneh ok tiiakaonȣentsinte; tontahenron ne Iesos; iah kati othenon teiakokaraien neksaokonha?
27Nekiok oni ne tosa aiethiriȣaientaten, ȣas kaniatarake niiahare, nok iasarionti, neh nenteȣatie-rente enseskoko testskaraf etho ensetsenri enskat stater, neh iasheion ne sateionkeniriȣake.
Currently Selected:
Ratokenti 8atio 17: MOH1880
Highlight
Share
Copy
Want to have your highlights saved across all your devices? Sign up or sign in
Published by the British and Foreign Bible Society in 1880.
