Ratokenti 8atio 22
22
Teȣasen nok tekeni aton iaȣenre teioteriȣasonterakȣen.
1Sekon are ne Iesos tontahatati oni ȣathariȣaken tonkȣe tsi Sahenron.
2Neh testiatieren ne Karonhiake tkanakeraseraien tsiniiot nʼOnontiio-koȣa ȣahatennioten ȣahoniake ens-kat ne Roienha.
3Iasakotori ne raonnhatsera nasakotinonksa ne iontathonkaraȣi; iah tanon onka tetiotention.
4Tihatite sekon ionsasakotori; ȣahenron: ietsirori ne khehonkaraȣi tsi onen kaȣeiennentaon kakkȣa-bere; akȣekon konȣatirio ne kheiaresenstonne, onen kati kaȣeiennentaon karo kasene nok seȣatekkonni.
5Iah othenon oriȣa tethononni, ok eken eh niia-onne tsinonȣe thotiriȣaien.
6Otiake ȣasakotiiena ne kannhatsera ȣasakotikon-renseronni oni ȣasakohnaȣentho.
7Ȣahonakkȣen nʼOnontiio-koȣa Sahariȣaronke, iasakotori raosotarha ȣasakonaȣentho ne rontaȣen-thos, nok ȣasakohnatenatentaȣe.
8Nok sasakaȣenhaso ne kannhatsera: Atskȣi I onen ȣahi kaȣeiennentaon Kakkȣahere; nok ki tanon iah tehotirihontakȣe ne ronȣatihonkaraȣine.
9Ȣasene kati tsi teiohaokensoron nok akȣekon ietsihonkaron tsiniiakon enhietsiken.
10Ok tiiathonreni tsi iohatenion ȣasakotiiataro-roko tsiniiakon ȣasakotiiatatsenri, tionkȣetaieri nok oni ne ionkȣetaksen akȣaki ȣakanonsine tsi kakkȣa-here.
11Nok nonen sisakotkensere no Ronontiio-koȣa tsiniiakon iakotekkȣahere; saiatat ȣahokon nʼiah tehotseronniaton ne iontenniotakȣa.
12Ȣahaȣenhase: ohniiotieren kiatateken tisata-ȣeiaton ne kentho iahse tesatseronniaton ne iontek-kȣarakȣa? iah othenon tehokȣemon naontahotatike.
13Ethone ȣasakaȣenhase ne kannhatsera: hetsiso-ȣanerenk nok tsi tetiokaras iatsiseȣaiatonti, etho nonȣe natenhionsenthoseke oni tenhionnokaraniehon-heke.
14Aseken kentmkoȣanen iehiontatinonkon nok ki kenh niiakonha iontatiatarakȣen.
15Ethone akte sahonnete ne Pharisian, ȣahatitsien-haien oh nahatiiere nahoȣennannhike.
16Iasakonatori kati ne raohnonkȣeta, ȣahonniron: Seȣenniiol ionkȣatorientare tsi tisariȣaieri, oriȣiio oni tsi neh sherihonnienni ne Niio raoriȣasonha, iah oni tatesonkȣetaiestasions: Aseken iah ki neh teska-henhions tsiniieiatotens.
17Askȣarori kati tsinise nisanikonroten: ioteriȣi-son kenh naiekariake tsini hotenienten ne Cesar, tokat kenh iah?
18Nok tanon ne Iesos roterientaratsion tsini hotinikonroten ȣasakaȣenhase: Tsionkȣetaksenskȣa! ohniiotieren tsi iseȣere asakȣanikonrotako?
19Takȣanatonhas tsinahoten iekariakta. Skaȣista ȣahonȣanatonhase.
20Nok Sahenron: onka raiatare, rasennare oni?
21Tontahonniron; Cesar. Tontasakaȣenhase: ha-tsitsion ki ȣahi tsinikon raoȣenk ne Cesar: nok Niio tsinikon Niio raoȣenk.
22Ȣahotinerako tsi nasakoierase, nok sahontenti.
23Ok neh sahennisera ȣahonȣaiatorenne ne Sadusean neneh ronton iah tetsiontonnhests nonkȣe; ȣahon-ȣariȣanon tonse.
24Ȣahonniron; Seȣenniio! Raȣen ne Moïs: onka-kiok areko tenhoȣiraientake enrenheie, neh ne teiaten-nontere shotiniak nʼiotereons nahotȣatsironnien ne Rotsikenha.
25Kenh kati niiaȣenhon: tsiatak natehontennon-tere; ȣahoniake ne thakoȣanen nok iah tehoȣiraien-taon tsiniiore iarenheie; neh kati ne rokenha sahoti-niake.
26Etho oni neh nahaȣenne ne tekenihaton oni nasenhaton tsiniiore ne tsiatakhaton.
27Nok onaken ȣahaonniate ne tsiothonȣisen, ȣa-kenheio.
28Ne kati ȣahi nonen entsiontonnhete kah nikaien ne tsiatak nihati enrohneke ne kenh tsiothon-ȣisen? akȣekon se ȣahi niiehotiniakon.
29Nok tanon ne Iesos Sahenron; tsi tontasako-ȣennaȣeron: seȣaiatatons netsi iah othenon teseȣa-ȣennaienteri ne Kaiatonseratokenti, iah oni ne Niio raokȣeniatsera.
30Aseken iah tetsiakoniaks ne Karonhiake, etho tanon nitsieiatoten tsiniiot ne Niio raoronhiakeronon okon.
31Nok kenh kaien tsi tsiontonnhests niakoȣen-taon, iah kenh teseȣaȣennanote tsinahoten rotonhon ne Niio tsi raȣen.
32Ii Rao-Niio nʼAbraham, Isaak oni ne Jacob? Iah kati ȣahi teshako-Niio ne Niio niakoȣentaon, neh tanon Ronȣa-Niio nʼiakonnhe.
33Ȣahakohnerakȣenhaton nonkȣeokon tsini hori-ȣakȣarision tsinahaiere tsi tontasakoȣennaȣeron.
34Sahatiriȣaronke ne pharisian tsi sakoskȣekon ne Sadusean ȣahontkennisa.
35Saiatat tsinihati Sakorihonnienni ne Kaianeren-sera, neh ȣahoriȣanontonse Sahenron tsi ȣathonikon-raseren.
36Saianor! Kah nikaien Kariȣakȣeniio tsinikon-ionkȣatenientense ne Kaianerenseratokenti?
37Tontahenron ne Iesos: Sanikonrakȣekon saton-nhotserakȣekon seriasakȣekon oni tsi entsenonȣehake ne Niio Raȣeniio tsi Sonnhe.
38Neneh tiotierenton neh oni tkakoȣanen.
39Nok testiatieren ne tekenihaton: Enshenonȣe-hake akȣekon nonkȣe tsi nise nisatatenonȣos.
40Ethononȣe akȣekon nikaien oni niioteroron tsini ȣaton ne Kaianerenseratokenti oni ne Rotitoken-seakȣe.
41Nok tsi etho ronatkennison ne Pharisian, ȣasa-koriȣanontonse ne Iesos.
42Sahenron: Onka niso iseȣore Ronȣaienha ne Keristos? Tahonniron, David.
43Tontahenron: Oh kati naha niiotieren tsi raȣen ne David Sahonikonrata ne Kanikonra, ronatonkȣa Raoianer tsi raton:
44Roianer raȣenni ne Rakianer tsi keȣeienteta-kon satien tsiniiore ienkheiarasitokeȣate ne iesas-ȣens.
45Oh kati nekenh naiaȣenno ne Roienha aken-hake raton se Rakeȣenniio?
46Iah onka oni ne tsioȣennat tetiotati, iah oni sekon noiah tetsiotenienten aonsahonȣariȣanontonse ne karo takahaȣite.
Currently Selected:
Ratokenti 8atio 22: MOH1880
Highlight
Share
Copy
Want to have your highlights saved across all your devices? Sign up or sign in
Published by the British and Foreign Bible Society in 1880.
