Johanes 13

Jesus ma koho ozombaze zovahongewa ve

1Nu ra ri eyuva rokomurungu womayuva omanene wOpaska. Jesus aa tjiwa kutja oiri ye ya yokutja eye aze mo mouye mbwi nu a yaruke ku Ihe. Eye wa suverere imba ove omuini mba ri mouye, nu we ve suverere nga komaandero.

2Nu Jesus novahongewa vevari potjiriro. Satan tjandje wa twa mo rukuru omeripuriro momutima wa Judas, omuzandu wa Simon Iskariot, wokutja a horore Jesus movineya. 3Jesus aa tjiwa kutja Ihe wa yandja avihe momake we; nu aa tjiwa kutja eye wa za ku Ndjambi nu ma yaruka ku Ndjambi. 4Notja sekama potjiriro, a hukura ombanda ye yokombanda, a toora erapi ne rivaranga mo. 5Okuzambo a tirire omeva motjiyaha na utu okukoha ozombaze zovahongewa ve ne ze yeka nerapi nde rivarangere mo. 6Nu tje ere ku Simon Petrus, Petrus we mu purire a tja: “Muhona, ove mo koho ozombaze zandje are?”

7Jesus arire tja ziri a tja: “Ihi tji me tjiti, ove nambano ko nakutjizuva nawa, nungwari kombunda mo ketjizuva nawa.”

8Petrus wa tjere ku ye: “Ove komoo koho ozombaze zandje nga aruhe!”

Jesus a ziri a tja: “Tji mbi hi nokukoha ozombaze zoye, ove komoo kara noruwano na ami rukwao.”

9Simon Petrus a ziri a tja: “Muhona, nu o ndji koho ozombaze porwazo, nungwari ndji koha omake notjiuru wina!”

10Jesus arire tja tja: “Ingwi ngwe rikoho orutu aruhe eye omukohoke, nu ke nokuhepa okurikoha posi yozombaze ze. Eṋe oweṋe ovakohoke, nungwari kaweṋe amuhe.” 11Jesus aa tjiwa rukuru kutja owaṋi ngu me mu horora movineya, nopa zokutja: “Kaweṋe ovakohoke amuhe.”

12 # Lk 22:27 Nu Jesus tja za nokukoha ozombaze zawo, arire tja zara ombanda ye yokombanda, a kakara pehi rukwao potjiriro ne ve pura a tja: “Mwa zuu nawa ihi tji mba zu nokutjita ku eṋe nambano nai are? 13Eṋe mu ndji isana kutja Muhonge nokutja Muhona, nu mu sora, orondu otjinga ambi ri nao. 14Nu ami ngu mbi ri oMuhona nOmuhonge weṋu tji mbe mu koho ozombaze, eṋe wina otji mwa sokukohasana ozombaze. 15Ami mbe mu pe otjihorera kokutja eṋe wina mu tjite tjingetjo ihi tji mba tjiti ku eṋe. 16#Mt 10:24; Lk 6:40; Jhn 15:20Tjiri, tjiri, ami me mu raere, kape nomukarere omunene pomuhona we, nu kape nomuhindwa omunene pomumuhinde. 17Nambano eṋe mbu mwa tjiwa otjiṋa hi, oweṋe ovaṋingandu tji mwe tji yenenisa!

18 # Psa 41:9 “Ami hi nokuheya eṋe amuhe; me tjiwa imba mbu mba toorora. Nungwari omatjangwa maye sokuyenenisiwa ngu maye tja: ‘Ingwi ngu ma ri omboroto puna ami me ndji sekamene.’ 19Ami me mu raere otjiṋa hi nambano, ngunda atji hiya tjitwa, kokutja tji tja tjitwa eṋe mu kambure kutja ‘Owami ngu mbi ri ami.’ 20#Mt 10:40; Mk 9:37; Lk 9:48; 10:16Tjiri, tjiri, ami me mu raere, auhe ngu ma yakura ingwi ngu me hindi, eye ma yakura ami wina; nu ingwi ngu me ndji yakura eye ma yakura ingwi ngwe ndji hinda.”

Jesus ma uku okuhororwa kwe

(Mt 26:20-25; Mk 14:17-21; Lk 22:21-23)

21Jesus tja za nokuhungira omambo nga, wa kurungisiwa tjinene mombepo, narire tja tja: “Tjiri, tjiri, ami me mu raere, umwe mokati keṋu me ndji zepaisa movineya.”

22Ovahongewa va tarasana, tjandje va temwa kutja eye ma hee uṋe. 23Nomuhongewa umwe, ingwi Jesus ngwa suverere, wa haamene meṋe ya Jesus. 24Simon Petrus arire tje mu ṋanga na tja: “Mu pura kutja eye ma hungire uṋe.”

25Omuhongewa otje ripetera komunda wa Jesus na pura a tja: “Muhona, eye owaṋi?”

26Jesus wa zirire a tja: “Eye ngwi ngu me mu tjavekere okahumburwa komboroto ne mu pe.” Neye arire tja toora okahumburwa, e ke tjaveke ne ke yandja ku Judas, omuzandu wa Simon Iskariot. 27Judas tja za nokukambura okahumburwa komboroto nga, Satan arire tja hiti mu ye. Jesus a tja ku ye: “Ihi tji mo tjiti, tjita tjimanga!” 28Nu mokati kovakwao, mba ri potjiriro kapa ri umwe ngwaa tjiwa kutja Jesus ma hungirire tjike nao ku Judas. 29Judas tjinga a ri omuṱakamise wondjaṱu yovimariva, ovahongewa tjiva va tjangovasi Jesus we mu raera kutja a karande oviṋa, mbi mave hepa momayuva omanene poo a kayandje otjiṋa kovasyona.

Etwako epe

30Nu Judas tja zire nokukambura inga okahumburwa, arire tja piti tjimanga. Nu a ri ouṱuku.

31Judas tja pita, Jesus arire tja tja: “Nambano ounene wOmuna wOmundu wa vanduruka, nounene wa Ndjambi wa vanduruka mu ye. 32Nounene wa Ndjambi tji wa vanduruka mu ye, Ndjambi ma vandurura ounene wOmuna wOmundu mu ye omuini, nu ma tjiti tjimanga. 33#Jhn 7:34Vanatje vandje, ami hi tji nokukara na eṋe oruveze orure. Eṋe mamu ndji paha, nungwari nambano me mu raere omambo ngu mba hungirire kovanane vOvajuda, indu tji mba tjere: ‘Ami ku me i, eṋe kamu nokusora okuyenda.’ 34#Jhn 15:12, 17; 1Jn 3:23; 2Jn 1:5Nambano ami me mu pe etwako epe ndi: Suverasaneye. Otja tjinga ambe mu suvera, eṋe wina otjinga amamu sokusuverasana. 35Tji mwa suverasana, avehe otji mave tjiwa kutja oweṋe ovahongewa vandje.”

Jesus ma uku omapataṋeno wa Petrus

(Mt 26:31-35; Mk 14:27-31; Lk 22:31-34)

36Nu Simon Petrus wa purire Jesus a tja: “Muhona, mo i pi?”

Jesus a ziri a tja: “Ami ku me i, ove nambano ko nokusora okundjikongorera, nungwari kombunda mo ndji kongorere.”

37Petrus arire tja ziri a tja: “Muhona, okutjavi tji mbi hi nokusora okukukongorera nambano? Ami mbe rimanena okuṱira ove!” 38Jesus arire tja ziri a tja: “Ove, tjiri, we rimanena okuṱira ami, are? Tjiri, tjiri, ami me ku raere, ohunguriva ngunda ai hiya vandara, ove tjandje we ndji pataṋa povikando vitatu kutja ko ndji i.”

Currently Selected:

Johanes 13: HRR-UNI

Highlight

Copy