Npfong 8
8
1Shawulu a̱ hok ansham ban ku hywat ni.
Shawulu a̱ nwa yya di ba̱nyet tssup
Nyyai bu ka̱tuk iya ba̱nyet tssup ba ka̱yat Urushalima a̱ nwa sswa a̱ka̱tuk ka̱bvung. Sa̱rei ba̱nyet tssup ba a̱ tyong a̱ nwa ka̱byen Yahudiya bu Samariya a̱ wwon bu ba̱pfong Yesu ba. 2Ba̱nyet pfong ka̱wun Ka̱za ba̱yaan a̱ nyat Istifanut a̱ kun ba̱gingang.
3Ma Shawulu a̱ ma̱n tyyi ka̱ssi a̱ cat hywat tssup a; a̱ nwai da̱sa a̱ kwak ba̱ntyok bu ba̱nyring ba a̱ yet ba̱nyet tssup ba ni, a̱ cong a̱ tyei a jaru.
Ba̱ryat Ka̱za a̱ nat Samariya
4Ba̱nyet tssup ba a̱ tyong ni a̱ tyyei ba̱ryat Ka̱za ba. 5Filibut a̱ nat a̱gba̱dang ka̱nkrang Samariya nu a̱ si yya ba̱nyet ba wa'azi Kristi. 6Ba̱nyet ba a̱ tung ba̱gingang a̱ krok a̱pfo a̱ hok kyang a Filibut na̱ ryat i. Ba pfong ba̱ryat ba a̱ bo cyang nkyang ka̱hat na na̱ yya ni. 7A̱ka̱tuk tswa a̱ tyei nkun a̱ wwut an dwam ba̱nyet ba̱gingang, ba̱nyet kwi nkap bu ba̱nyet ta̱ruk a̱tak ba̱gingang ba ba̱ creng. 8Ba̱nyet ka̱nkrang Samariya ba a̱ hok ansham ba̱gingang.
9To, i ka̱nkrang iya a̱yanyet a̱ ka̱n da̱de ka̱ yemi ba ku yei Siman. A̱ ka̱n kwwat ndya ba̱nyet Samariya na a̱ ya tyyi mi, rot a̱ na yya nkyang ka̱hat da̱ bvok ni. A̱ na ya yei da̱ yet a̱gba̱dang a̱yin, 10kozan taka̱i ba̱nyet i ka̱nkrang ka ndya mba na ka̱n wwut nat da̱ nu. Ba na hywa, “A̱ yet cet Ka̱za na ba na yei A̱gba̱dang Cet nu ni.” 11Na̱ da̱de na̱ ba̱ raai di bvok; rot a̱mi ba wrak ka̱ryong a̱za̱ nu. 12Ma ka̱ram ka ban hok wa'azi Filibut tazwa ka̱sham ba̱ryat dityok Ka̱za ka bu diyrek Yesu Kristi ti, a̱ san ni ba ba̱ yya baptisma, ba̱ntyok bu ba̱nyring. 13Siman meyang a̱ ma̱n san ba̱ryat Ka̱za ba. Nyyai ban ku yya baptisma nu, na̱ shyei ba̱ gbigbyak bu Filibut, a̱ cyang nkyang ka̱hat na Filibut na̱ yya ni na ku nang ka̱wun.
14Ba̱pfong Yesu ba Urushalima a̱ bu hok ka̱sak ka ba̱nyet Samariya ba ban san ba̱ryat Ka̱za ba ni, ba tom Bitut bu Yohana da̱ mba. 15Ba bu nwa a̱ yya ba̱nyet tssup ba a̱duwa ba ga san Tswa Ka̱za ji, 16rot ka̱ram iya ba ka̱n shya Tswa Ka̱za ji ba, ba yin ba̱ yya bu baptisma a̱mi i diyrek A̱gwam Yesu. 17Bitut bu Yohana a̱ bo ba̱ saai mbvak ba san Tswa Ka̱za ji.
18Siman na̱ bu ryi ba̱pfong Yesu ba ba saai ba̱nyet iya mbvak a ba san Tswa Ka̱za ji, na̱ jyet Bitut bu Yohana krum, 19a̱ hywa, “Yi ma̱ n dyi cet iya, koyan n ga na ma̱ ku sak bvak na̱ shya Tswa Ka̱za ji.”
20Ma Bitut a̱ hywa da̱ nu, “A ni hwan bu krum nwan ji ka a hwa da̱ a ni maai i san za̱nang Ka̱za ji di krum. 21An byyi bvak an pfong a ni ba, rot rya nwan na yet a̱zizrak assi Ka̱za ba. 22Seko a wwon a̱ka̱tuk a̱huhwa a̱ni i naai A̱gwam Ka̱za na̱ ga na̱ tun taka̱i a̱ka̱tuk a̱huhwa iya, 23rot n dyi a hywat pfwa nwan na di swam, a bu yet a̱kwwa a̱ka̱tukyya.”
24Siman a̱ hywa di Bitut bu Yohana, “Sa̱kut, yi naai A̱gwam Ka̱za, hok nkyang ani yi ryat i bu ba zi diccu nzuk.”
25Ba bu tyak tyyei shaida mba ji a̱ bo tyyei ba̱ryat A̱gwam Ka̱za ba, Bitut bu Yohana a̱ brek a̱ naat Urushalima, a̱ cong a̱ nwai na̱mankrang Samariya a̱ tyyei ba̱nyet ba Ka̱sham Ba̱ryat Ka̱za ka.
Filibut ba̱ a̱ntyok Habasha
26A̱pfong Ka̱za a̱ hywa di Filibut, “Ta̱za i cong naat ka̱tak, sook ryen na nyyai Urushalima ni tyei za̱gbang Gaza, wato ryen ka̱yit njijak a.” 27Na̱ ta̱za a̱ nat. A̱ si shya a̱ntyok a̱yaan, a̱ yet a̱ntyok Habasha. A̱ breng a̱gba̱dang dityok i ka̱byen Habasha ka. Nu a̱mi a̱ yin cam sa̱rei nkyang a̱gwam Habasha na. A̱gwam u a̱ yin yet a̱ra̱mbyring. Na̱ nat Urushalima a̱ ga si yya Ka̱za sujada. 28Na̱ bu bvwot a̱ naat a̱ swat tazwa a̱keke ntsaap a̱ twang ba̱ryat Ka̱za ka̱yat kpa Ishaya a̱ntyok tyyei ba̱ryat Ka̱za nu. 29Tswa Ka̱za i hywa di Filibut, “Nat shishrek ba̱ a̱keke ntsaap a̱ni.” 30Filibut a̱ ta̱kwang a̱ nat da̱ nu a̱ si hok na̱ twang kpa Ishaya, na̱ ku zzim a̱ hywa, “A bvwo kyang a a twang ni ee?”
31A̱ntyok Habasha nu a̱ hywa, “Ke ka? Se bu n shya a̱yin na̱ n brang.” Na̱ naai Filibut nna̱ wrak a̱ swrang ka̱yat keke ka ba̱ nu. 32Ka̱bvwa ka na̱ yin twang ka̱yat kpa ka ni a̱mi a̱ hywa,
“Ba ku kwak di bvon-tsaap ni a̱ nat i ka̱rek hwak.
Da̱ni da̱ a̱truk na̱ nan swat ba̱ nyong a mbvak a̱ntyok ku kot ni,
a̱mi meyang nu ko ka̱nu a̱ yin yrang ba.
33Ba ku yya ryihywat a̱n ku bvwo di ka̱ryong ka na̱ byyi ni.
A̱nyan a̱ ni maai a̱ tyyei byin nu na,
rot sucet nu na tyak ka̱yat ka̱sa ka.”
34A̱ntyok Habasha nu a̱ zzim Filibut, a̱ hywa, “N tyyei! A̱ntyok tyyei ba̱ryat Ka̱za a̱ni, ba̱ryat a̱nyan na̱ ri-ryat a ni? Ba̱ nuu, ki ba̱ryat a̱yanyet?” 35Filibut a̱ sook ka̱bvwa iya na̱ twang ni a̱n ku tyyei ka̱sham ba̱ryat tazwa Yesu. 36Ba cong a̱ si tat ka̱rek ba̱shekwot, a̱ntyok Habasha nu a̱ hywa, “Ba̱shekwot a̱ mba ni, a̱nzan a̱ ni n bvwo ba n yya baptisma nu?” [ 37Filibut a̱ hywa, “Ka wu ntyyi bu rya nwan na se ba na̱ yya mi.” A̱ntyok Habasha nu a̱ hywa, “N shim ka̱yat rya nzuk, Yesu Kristi a̱ yet Ka̱won Ka̱za.”]
38A̱ kam ba sseng di tsaap ji, ba kyrek ba̱ mba ba̱ hwa, a̱ nwa i ba̱shekwot ba ba si ku yya baptisma nu. 39Ba bu wruk i ba̱shekwot ba, Tswa Ka̱za i sook Filibut drok i a̱ntyok Habasha nu na̱ bo ku ryi ba, a̱ ma ya ka̱son bu ka̱cyet nu a̱ gwai. 40Filibut a̱ si ya ryi ka̱nkrang Azotut, a̱ nwai na̱nkrang a a̱ yya wa'azi ka̱sham ba̱ryat Yesu hat a̱ si nat Kaisariya.
Currently Selected:
Npfong 8: kaj
Highlight
Share
Copy
Want to have your highlights saved across all your devices? Sign up or sign in
© 2011, Wycliffe Bible Translators, Inc. All rights reserved.
Npfong 8
8
1Shawulu a̱ hok ansham ban ku hywat ni.
Shawulu a̱ nwa yya di ba̱nyet tssup
Nyyai bu ka̱tuk iya ba̱nyet tssup ba ka̱yat Urushalima a̱ nwa sswa a̱ka̱tuk ka̱bvung. Sa̱rei ba̱nyet tssup ba a̱ tyong a̱ nwa ka̱byen Yahudiya bu Samariya a̱ wwon bu ba̱pfong Yesu ba. 2Ba̱nyet pfong ka̱wun Ka̱za ba̱yaan a̱ nyat Istifanut a̱ kun ba̱gingang.
3Ma Shawulu a̱ ma̱n tyyi ka̱ssi a̱ cat hywat tssup a; a̱ nwai da̱sa a̱ kwak ba̱ntyok bu ba̱nyring ba a̱ yet ba̱nyet tssup ba ni, a̱ cong a̱ tyei a jaru.
Ba̱ryat Ka̱za a̱ nat Samariya
4Ba̱nyet tssup ba a̱ tyong ni a̱ tyyei ba̱ryat Ka̱za ba. 5Filibut a̱ nat a̱gba̱dang ka̱nkrang Samariya nu a̱ si yya ba̱nyet ba wa'azi Kristi. 6Ba̱nyet ba a̱ tung ba̱gingang a̱ krok a̱pfo a̱ hok kyang a Filibut na̱ ryat i. Ba pfong ba̱ryat ba a̱ bo cyang nkyang ka̱hat na na̱ yya ni. 7A̱ka̱tuk tswa a̱ tyei nkun a̱ wwut an dwam ba̱nyet ba̱gingang, ba̱nyet kwi nkap bu ba̱nyet ta̱ruk a̱tak ba̱gingang ba ba̱ creng. 8Ba̱nyet ka̱nkrang Samariya ba a̱ hok ansham ba̱gingang.
9To, i ka̱nkrang iya a̱yanyet a̱ ka̱n da̱de ka̱ yemi ba ku yei Siman. A̱ ka̱n kwwat ndya ba̱nyet Samariya na a̱ ya tyyi mi, rot a̱ na yya nkyang ka̱hat da̱ bvok ni. A̱ na ya yei da̱ yet a̱gba̱dang a̱yin, 10kozan taka̱i ba̱nyet i ka̱nkrang ka ndya mba na ka̱n wwut nat da̱ nu. Ba na hywa, “A̱ yet cet Ka̱za na ba na yei A̱gba̱dang Cet nu ni.” 11Na̱ da̱de na̱ ba̱ raai di bvok; rot a̱mi ba wrak ka̱ryong a̱za̱ nu. 12Ma ka̱ram ka ban hok wa'azi Filibut tazwa ka̱sham ba̱ryat dityok Ka̱za ka bu diyrek Yesu Kristi ti, a̱ san ni ba ba̱ yya baptisma, ba̱ntyok bu ba̱nyring. 13Siman meyang a̱ ma̱n san ba̱ryat Ka̱za ba. Nyyai ban ku yya baptisma nu, na̱ shyei ba̱ gbigbyak bu Filibut, a̱ cyang nkyang ka̱hat na Filibut na̱ yya ni na ku nang ka̱wun.
14Ba̱pfong Yesu ba Urushalima a̱ bu hok ka̱sak ka ba̱nyet Samariya ba ban san ba̱ryat Ka̱za ba ni, ba tom Bitut bu Yohana da̱ mba. 15Ba bu nwa a̱ yya ba̱nyet tssup ba a̱duwa ba ga san Tswa Ka̱za ji, 16rot ka̱ram iya ba ka̱n shya Tswa Ka̱za ji ba, ba yin ba̱ yya bu baptisma a̱mi i diyrek A̱gwam Yesu. 17Bitut bu Yohana a̱ bo ba̱ saai mbvak ba san Tswa Ka̱za ji.
18Siman na̱ bu ryi ba̱pfong Yesu ba ba saai ba̱nyet iya mbvak a ba san Tswa Ka̱za ji, na̱ jyet Bitut bu Yohana krum, 19a̱ hywa, “Yi ma̱ n dyi cet iya, koyan n ga na ma̱ ku sak bvak na̱ shya Tswa Ka̱za ji.”
20Ma Bitut a̱ hywa da̱ nu, “A ni hwan bu krum nwan ji ka a hwa da̱ a ni maai i san za̱nang Ka̱za ji di krum. 21An byyi bvak an pfong a ni ba, rot rya nwan na yet a̱zizrak assi Ka̱za ba. 22Seko a wwon a̱ka̱tuk a̱huhwa a̱ni i naai A̱gwam Ka̱za na̱ ga na̱ tun taka̱i a̱ka̱tuk a̱huhwa iya, 23rot n dyi a hywat pfwa nwan na di swam, a bu yet a̱kwwa a̱ka̱tukyya.”
24Siman a̱ hywa di Bitut bu Yohana, “Sa̱kut, yi naai A̱gwam Ka̱za, hok nkyang ani yi ryat i bu ba zi diccu nzuk.”
25Ba bu tyak tyyei shaida mba ji a̱ bo tyyei ba̱ryat A̱gwam Ka̱za ba, Bitut bu Yohana a̱ brek a̱ naat Urushalima, a̱ cong a̱ nwai na̱mankrang Samariya a̱ tyyei ba̱nyet ba Ka̱sham Ba̱ryat Ka̱za ka.
Filibut ba̱ a̱ntyok Habasha
26A̱pfong Ka̱za a̱ hywa di Filibut, “Ta̱za i cong naat ka̱tak, sook ryen na nyyai Urushalima ni tyei za̱gbang Gaza, wato ryen ka̱yit njijak a.” 27Na̱ ta̱za a̱ nat. A̱ si shya a̱ntyok a̱yaan, a̱ yet a̱ntyok Habasha. A̱ breng a̱gba̱dang dityok i ka̱byen Habasha ka. Nu a̱mi a̱ yin cam sa̱rei nkyang a̱gwam Habasha na. A̱gwam u a̱ yin yet a̱ra̱mbyring. Na̱ nat Urushalima a̱ ga si yya Ka̱za sujada. 28Na̱ bu bvwot a̱ naat a̱ swat tazwa a̱keke ntsaap a̱ twang ba̱ryat Ka̱za ka̱yat kpa Ishaya a̱ntyok tyyei ba̱ryat Ka̱za nu. 29Tswa Ka̱za i hywa di Filibut, “Nat shishrek ba̱ a̱keke ntsaap a̱ni.” 30Filibut a̱ ta̱kwang a̱ nat da̱ nu a̱ si hok na̱ twang kpa Ishaya, na̱ ku zzim a̱ hywa, “A bvwo kyang a a twang ni ee?”
31A̱ntyok Habasha nu a̱ hywa, “Ke ka? Se bu n shya a̱yin na̱ n brang.” Na̱ naai Filibut nna̱ wrak a̱ swrang ka̱yat keke ka ba̱ nu. 32Ka̱bvwa ka na̱ yin twang ka̱yat kpa ka ni a̱mi a̱ hywa,
“Ba ku kwak di bvon-tsaap ni a̱ nat i ka̱rek hwak.
Da̱ni da̱ a̱truk na̱ nan swat ba̱ nyong a mbvak a̱ntyok ku kot ni,
a̱mi meyang nu ko ka̱nu a̱ yin yrang ba.
33Ba ku yya ryihywat a̱n ku bvwo di ka̱ryong ka na̱ byyi ni.
A̱nyan a̱ ni maai a̱ tyyei byin nu na,
rot sucet nu na tyak ka̱yat ka̱sa ka.”
34A̱ntyok Habasha nu a̱ zzim Filibut, a̱ hywa, “N tyyei! A̱ntyok tyyei ba̱ryat Ka̱za a̱ni, ba̱ryat a̱nyan na̱ ri-ryat a ni? Ba̱ nuu, ki ba̱ryat a̱yanyet?” 35Filibut a̱ sook ka̱bvwa iya na̱ twang ni a̱n ku tyyei ka̱sham ba̱ryat tazwa Yesu. 36Ba cong a̱ si tat ka̱rek ba̱shekwot, a̱ntyok Habasha nu a̱ hywa, “Ba̱shekwot a̱ mba ni, a̱nzan a̱ ni n bvwo ba n yya baptisma nu?” [ 37Filibut a̱ hywa, “Ka wu ntyyi bu rya nwan na se ba na̱ yya mi.” A̱ntyok Habasha nu a̱ hywa, “N shim ka̱yat rya nzuk, Yesu Kristi a̱ yet Ka̱won Ka̱za.”]
38A̱ kam ba sseng di tsaap ji, ba kyrek ba̱ mba ba̱ hwa, a̱ nwa i ba̱shekwot ba ba si ku yya baptisma nu. 39Ba bu wruk i ba̱shekwot ba, Tswa Ka̱za i sook Filibut drok i a̱ntyok Habasha nu na̱ bo ku ryi ba, a̱ ma ya ka̱son bu ka̱cyet nu a̱ gwai. 40Filibut a̱ si ya ryi ka̱nkrang Azotut, a̱ nwai na̱nkrang a a̱ yya wa'azi ka̱sham ba̱ryat Yesu hat a̱ si nat Kaisariya.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2011, Wycliffe Bible Translators, Inc. All rights reserved.