Npfong 9
9
Shawulu a̱ brak a̱ tssup Yesu
(Npfong 22:6-16; 26:12-18)
1Ka̱ram iya Shawulu a̱ ya ka̱son bu yya di ba̱nyet tssup A̱gwam Yesu ba a̱ cat ba̱ hywaai. A̱ nat da̱ a̱gba̱dang gado Ka̱za nu, 2a̱ si naai ba jem a̱kpa shaida a̱ ku ryi, na̱ nat Damaskut a̱ si nwai na̱bvwa yya a̱duwa ba̱nyet Yahuda na ka̱ shya ba̱nyet ba a̱ tssup Ryen A̱gwam Yesu na a̱ ba̱ pyyem, di ba̱ntyok di ba̱nyring, a̱ nat ba̱ mba Urushalima.
3Na̱ sook ryen Damaskut a a̱ si tat ba̱shishrek bu ka̱nkrang ka, a̱ ryi kyang di ka̱krong za ni ku tyong ku krang. 4Na̱ kpa ka̱byen a̱ hok diwan ti hywa da̱ nu, “Shawulu, Shawulu! A̱nzan a̱n byyi an yya da̱ ba̱ nzuk a̱mi?”
5Shawulu a̱ zzim a̱ hywa, “Nwan a̱nyan, A̱ntyok Ka̱ryi?”
Diwan ti i hywa, “Nzuk Yesu, a̱tuba nu a yya mi ni. 6Ma ta̱za i nwa ka̱nkrang ka ba si na̱ tyyei kyang a a ni yya ni.”
7Ba̱nyet ba a̱ cong bu Shawulu ni a̱ tyet a̱ sseng ba̱ nyong. Ba hok diwan ti, ma ba ryi a̱yin nu a̱ ryat i ba. 8Shawulu a̱ ta̱za ka̱byen ka a̱ yrang a̱ssi nu na, ma da̱ maai a̱ ryi kyang ba. Ba ku pyyem mbvak a̱ ku kwak ba nwa Damaskut. 9Na̱ tyak nom tat na̱ cyang ba, di na̱ ya ba di na̱ sswa ba.
10A̱yanyet a̱ yin shyi a̱ tssup Damaskut ka, ba ku yei Hananiya. Na̱ ryi A̱gwam Yesu na̱ ryat ba̱ nu i ba̱zzak a̱ hywa da̱ nu, “Hananiya!”
Na̱ hywa, “A̱gwam! Nzuk nu ni.”
11A̱gwam Yesu a̱ hywa da̱ nu, “Nat ka̱bvwa ka ban yei A̱tuntwang Ryen ni, si nwa gbang Yahuda i zzim a̱ntyok Tarsut u ban yei Shawulu nu ni. A̱ shyi i yya a̱duwa, 12ba ku tyyei ba̱zzak a̱yin ban yei Hananiya a̱ ni ba a̱ bu ku sak mbvak na̱ ga cyang brak.”
13Hananiya a̱ hywa, “A̱gwam nzuk, ba̱nyet ba̱gingang a̱ ka̱n tsaai nkhang a̱ka̱tuk nkyang u a̱yin a̱ywu na̱ yya ba̱nyet tssup nwan ba mi Urushalima ni. 14Na̱ nu a̱ bo ba kyi Damaskut bu kpa shaida nyyai di ba̱cecet ba̱gado Ka̱za ba a̱ ga bu pyyem sa̱rei ba̱nyet ba a̱ yei diyrek nwan ti ni.”
15A̱gwam Yesu a̱ hywa, “Nat, ho n ka̱ ku tssa na̱ n yya dikwwa, a̱ ga tyyei diyrek nzuk di kpikpit nwap ani bu ba̱gwam bu sa̱rei ba̱nyet Isreila. 16Nzuk meyang n ni ku tyyei taka̱i ka̱bvung a na̱ ni sswa i diyrek nzuk ni.”
17Hananiya a̱ brak a̱ rot a̱ si nwa ka̱ryi ka a̱ sak Shawulu mbvak, a̱ hywa da̱ nu, “A̱wumba nzuk Shawulu! A̱gwam Yesu, a̱tuba nu a̱ ku mon ba̱ nwan ni ka̱ram ka an bai kyi ni, a̱ n tom da̱ nwan a gi cyang brak i bu nhywat bu Tswa Ka̱za ji.” 18Bu i ka̱baram kyang i wruk di kpukpa nhwon ni bu kpa, Shawulu a̱ si bo nwa cyang brak. Na̱ ta̱za, ba ku yya baptisma. 19Na̱ bu ya kyangya, cet nu na i brek bu tung.
Shawulu a̱ yya wa'azi ka̱yat Damaskut
Shawulu a̱ swrang a̱ bvwa nom bu ba̱nyet tssup ba Damaskut. 20A̱ seyak a̱ nwa bu ka̱baram na̱bvwa a̱duwa ba̱nyet Yahuda na a̱ yya wa'azi Yesu a̱ tyyei, “Nu a̱mi a̱ yet ka̱won Ka̱za ka.”
21Ba̱nyet ba a̱ ku pfong ni a̱ yya ka̱hat ba̱t, a̱ zzim a̱ yya, “Anye a̱tuba a̱ni a̱mi a̱ pyyem ba̱nyet tssup ba a̱ hywaai Urushalima kaa? Anye nkpa a̱mi ma i ba da̱ nu kyi na̱ ga bu ba̱ pyyem a̱ si brak ba̱ mba a̱ wrak ba̱cecet ba̱gado Ka̱za baa?”
22Ma wa'azi Shawulu ji ya ka̱son di cet, a̱ tyyei ka̱sak ka Yesu a̱mi a̱ yet Kristi ni, a̱ bo kwak ndya ba̱nyet a ka̱yat wa'azi nu ka. Rot a̱mi ba̱nyet Yahuda na shyi ka̱yat Damaskut ka ni a̱ maai a̱ ku shim mi ba.
23Ba bvwa nnom ba̱gingang ba̱nyet Yahuda na i rop ni hywat Shawulu. 24Ma ba ku shwwang kyang a ba cat yya na ni. Ba nwa cam na̱ta̱ryen ka̱nkrang a ka̱tuk bu ka̱ta̱nom a̱ ga ku shya a̱ hywat. 25Ka̱tuk ka̱yaan ba̱nyet ba a̱ cong bu Shawulu ni a̱ ku sook a̱ tyyi a̱gba̱dang ka̱nshang a̱ kyrek da̱ nu ma ka̱nkrang ka i dibvong ka̱tanga.
Shawulu a̱ nwa Urushalima
26Shawulu a̱ si nwa Urushalima a̱ cat nwa bu ba̱nyet tssup ba. Ma mba ba shim da̱ a̱ ma̱n yet a̱ntyok tssup ba, a̱ pfong ka̱wun nu. 27Barnabat a̱ ku brang a̱ nat ba̱ nu di ba̱pfong Yesu ba a̱ si ba̱ kok i ka̱sak ka Shawulu na̱ mon bu A̱gwam Yesu a̱zi ryen ka ni, bu ka̱sak ka A̱gwam Yesu na̱n dyat ba̱ nu ni. A̱ bo ba̱ tyyei ka̱sak ka Shawulu na̱ ka̱n yya wa'azi Yesu Damaskut ban bu ka̱wun ni. 28Shawulu a̱ si swat bu ba̱nyet tssup ba a̱ nwai Urushalima a̱ yya wa'azi A̱gwam Yesu ban bu ka̱wun. 29A̱ ryat a̱ bo ya a̱cecet bu ba̱nyet Yahuda na yin dyat nwap Helenawa na ni ba kwan zwang ku hywat. 30Ka̱ram ka ba̱nyet tssup ba bun hok ni a̱ nat ba̱ nu Kaisariya a̱ si ku tom na̱ nat Tarsut.
31Ka̱ram iya a̱mi ba sin wwon ba̱nyet tssup ba, sa̱rei nyyai ka̱byen Yahudiya bu Galili bu Samariya ba sin shya shek sso. Ba ya ka̱son a̱ hwung a̱ bo pfong ka̱wun Ka̱za. Tswa Ka̱za zi ba̱ brang.
Bitut a̱ nat Lidda bu Yafa
32Bitut a̱ cong na̱nkrang sa̱rei. Ka̱ram ka̱yaan na̱ nat a̱ si byei ba̱nyet tssup ba ka̱nkrang Lidda. 33A̱ si shya a̱ntyok a̱yaan ba ku yei Iniyat. Na̱ ka̱n tyak a̱rya a̱ninai na̱ myyi a̱za̱ a̱ngbrak a̱ maai a̱ ta̱za ba rot nkap a ta̱ruk. 34Bitut a̱ hywa da̱ nu, “Iniyat, Yesu Kristi a̱ na̱ creng. Ta̱za i sook kyang myyi nwan na.” Bu i ka̱baram na̱ ta̱za. 35Sa̱rei ba̱nyet ba a̱ shyi ka̱nkrang Lidda bu ka̱byen Sarona ka ni a̱ ku ryi a̱ brak a̱ tssup A̱gwam Yesu.
36I ka̱nkrang Yafa a̱mbyring a̱yaan a̱ yin shyi i ba̱nyet tssup ba, ba yin ku yei Tabita, ma Helenawa na i ku yei Dorkat, nkpa yet “nnyo”. Sa̱rei swat ka̱sa nu na na̱ yya a̱tsatsak nkyang a̱n brang ba̱nyet dizot. 37To, ka̱ram kani na̱ yrek hywu a̱ kwu. Ba sso kom nu na a̱ sook a̱ sak i bat tazwa yaan. 38Yafa a̱ shyi gbang bu Lidda ba. Ba̱nyet tssup ba a̱ shyi Yafa ni ba bu hok di Bitut a̱ shyi Lidda, ba tom ba̱nyet ba̱hwa da̱ nu a̱ hywa, “Zi na̱ naai a gha ba da̱ njit.” 39Bitut a̱ wruk ba ahwa ba cong. Na̱ si nwa ba nat ba̱ nu i bat tazwa na. Sa̱rei ba̱nyring ba a̱ sang ba̱ntyok ba ni a̱ tung a̱ ku krang a̱ tyei nkun a̱ tyyei ba̱tro ba Dorkat na̱ ba̱ tywei i ni ka̱ram ka na̱n yet a̱cet u ni. 40Bitut a̱ tyyi sa̱rei ba wruk i bat a, a̱wwon nu na̱ ta̱gbok a̱ yya a̱duwa, a̱ si brak a̱za̱gbang nkom u, a̱ hywa, “Tabita, ta̱za!” Na̱ yrang a̱ssi nu na. Ka̱ram ka na̱n dyi Bitut ni a̱ ta̱za a̱ swrang. 41Bitut a̱ neyak bvak a a̱n ku yrek. A̱ yei ba̱nyet tssup ba bu ba̱nyring sang ba̱ntyok ba, a̱ ba̱ tyyi Tabita mbvak a̱cet. 42Nkhang ani i nat koke i ka̱nkrang Yafa, ba̱nyet ba̱gingang a̱ brak a̱ tssup A̱gwam Yesu. 43Bitut a̱ bvwa nnom ka̱ yemi Yafa ka, na̱ swat ba̱ a̱ntyok srung a̱kpa, ba ku yei Siman.
Currently Selected:
Npfong 9: kaj
Highlight
Share
Copy
Want to have your highlights saved across all your devices? Sign up or sign in
© 2011, Wycliffe Bible Translators, Inc. All rights reserved.
Npfong 9
9
Shawulu a̱ brak a̱ tssup Yesu
(Npfong 22:6-16; 26:12-18)
1Ka̱ram iya Shawulu a̱ ya ka̱son bu yya di ba̱nyet tssup A̱gwam Yesu ba a̱ cat ba̱ hywaai. A̱ nat da̱ a̱gba̱dang gado Ka̱za nu, 2a̱ si naai ba jem a̱kpa shaida a̱ ku ryi, na̱ nat Damaskut a̱ si nwai na̱bvwa yya a̱duwa ba̱nyet Yahuda na ka̱ shya ba̱nyet ba a̱ tssup Ryen A̱gwam Yesu na a̱ ba̱ pyyem, di ba̱ntyok di ba̱nyring, a̱ nat ba̱ mba Urushalima.
3Na̱ sook ryen Damaskut a a̱ si tat ba̱shishrek bu ka̱nkrang ka, a̱ ryi kyang di ka̱krong za ni ku tyong ku krang. 4Na̱ kpa ka̱byen a̱ hok diwan ti hywa da̱ nu, “Shawulu, Shawulu! A̱nzan a̱n byyi an yya da̱ ba̱ nzuk a̱mi?”
5Shawulu a̱ zzim a̱ hywa, “Nwan a̱nyan, A̱ntyok Ka̱ryi?”
Diwan ti i hywa, “Nzuk Yesu, a̱tuba nu a yya mi ni. 6Ma ta̱za i nwa ka̱nkrang ka ba si na̱ tyyei kyang a a ni yya ni.”
7Ba̱nyet ba a̱ cong bu Shawulu ni a̱ tyet a̱ sseng ba̱ nyong. Ba hok diwan ti, ma ba ryi a̱yin nu a̱ ryat i ba. 8Shawulu a̱ ta̱za ka̱byen ka a̱ yrang a̱ssi nu na, ma da̱ maai a̱ ryi kyang ba. Ba ku pyyem mbvak a̱ ku kwak ba nwa Damaskut. 9Na̱ tyak nom tat na̱ cyang ba, di na̱ ya ba di na̱ sswa ba.
10A̱yanyet a̱ yin shyi a̱ tssup Damaskut ka, ba ku yei Hananiya. Na̱ ryi A̱gwam Yesu na̱ ryat ba̱ nu i ba̱zzak a̱ hywa da̱ nu, “Hananiya!”
Na̱ hywa, “A̱gwam! Nzuk nu ni.”
11A̱gwam Yesu a̱ hywa da̱ nu, “Nat ka̱bvwa ka ban yei A̱tuntwang Ryen ni, si nwa gbang Yahuda i zzim a̱ntyok Tarsut u ban yei Shawulu nu ni. A̱ shyi i yya a̱duwa, 12ba ku tyyei ba̱zzak a̱yin ban yei Hananiya a̱ ni ba a̱ bu ku sak mbvak na̱ ga cyang brak.”
13Hananiya a̱ hywa, “A̱gwam nzuk, ba̱nyet ba̱gingang a̱ ka̱n tsaai nkhang a̱ka̱tuk nkyang u a̱yin a̱ywu na̱ yya ba̱nyet tssup nwan ba mi Urushalima ni. 14Na̱ nu a̱ bo ba kyi Damaskut bu kpa shaida nyyai di ba̱cecet ba̱gado Ka̱za ba a̱ ga bu pyyem sa̱rei ba̱nyet ba a̱ yei diyrek nwan ti ni.”
15A̱gwam Yesu a̱ hywa, “Nat, ho n ka̱ ku tssa na̱ n yya dikwwa, a̱ ga tyyei diyrek nzuk di kpikpit nwap ani bu ba̱gwam bu sa̱rei ba̱nyet Isreila. 16Nzuk meyang n ni ku tyyei taka̱i ka̱bvung a na̱ ni sswa i diyrek nzuk ni.”
17Hananiya a̱ brak a̱ rot a̱ si nwa ka̱ryi ka a̱ sak Shawulu mbvak, a̱ hywa da̱ nu, “A̱wumba nzuk Shawulu! A̱gwam Yesu, a̱tuba nu a̱ ku mon ba̱ nwan ni ka̱ram ka an bai kyi ni, a̱ n tom da̱ nwan a gi cyang brak i bu nhywat bu Tswa Ka̱za ji.” 18Bu i ka̱baram kyang i wruk di kpukpa nhwon ni bu kpa, Shawulu a̱ si bo nwa cyang brak. Na̱ ta̱za, ba ku yya baptisma. 19Na̱ bu ya kyangya, cet nu na i brek bu tung.
Shawulu a̱ yya wa'azi ka̱yat Damaskut
Shawulu a̱ swrang a̱ bvwa nom bu ba̱nyet tssup ba Damaskut. 20A̱ seyak a̱ nwa bu ka̱baram na̱bvwa a̱duwa ba̱nyet Yahuda na a̱ yya wa'azi Yesu a̱ tyyei, “Nu a̱mi a̱ yet ka̱won Ka̱za ka.”
21Ba̱nyet ba a̱ ku pfong ni a̱ yya ka̱hat ba̱t, a̱ zzim a̱ yya, “Anye a̱tuba a̱ni a̱mi a̱ pyyem ba̱nyet tssup ba a̱ hywaai Urushalima kaa? Anye nkpa a̱mi ma i ba da̱ nu kyi na̱ ga bu ba̱ pyyem a̱ si brak ba̱ mba a̱ wrak ba̱cecet ba̱gado Ka̱za baa?”
22Ma wa'azi Shawulu ji ya ka̱son di cet, a̱ tyyei ka̱sak ka Yesu a̱mi a̱ yet Kristi ni, a̱ bo kwak ndya ba̱nyet a ka̱yat wa'azi nu ka. Rot a̱mi ba̱nyet Yahuda na shyi ka̱yat Damaskut ka ni a̱ maai a̱ ku shim mi ba.
23Ba bvwa nnom ba̱gingang ba̱nyet Yahuda na i rop ni hywat Shawulu. 24Ma ba ku shwwang kyang a ba cat yya na ni. Ba nwa cam na̱ta̱ryen ka̱nkrang a ka̱tuk bu ka̱ta̱nom a̱ ga ku shya a̱ hywat. 25Ka̱tuk ka̱yaan ba̱nyet ba a̱ cong bu Shawulu ni a̱ ku sook a̱ tyyi a̱gba̱dang ka̱nshang a̱ kyrek da̱ nu ma ka̱nkrang ka i dibvong ka̱tanga.
Shawulu a̱ nwa Urushalima
26Shawulu a̱ si nwa Urushalima a̱ cat nwa bu ba̱nyet tssup ba. Ma mba ba shim da̱ a̱ ma̱n yet a̱ntyok tssup ba, a̱ pfong ka̱wun nu. 27Barnabat a̱ ku brang a̱ nat ba̱ nu di ba̱pfong Yesu ba a̱ si ba̱ kok i ka̱sak ka Shawulu na̱ mon bu A̱gwam Yesu a̱zi ryen ka ni, bu ka̱sak ka A̱gwam Yesu na̱n dyat ba̱ nu ni. A̱ bo ba̱ tyyei ka̱sak ka Shawulu na̱ ka̱n yya wa'azi Yesu Damaskut ban bu ka̱wun ni. 28Shawulu a̱ si swat bu ba̱nyet tssup ba a̱ nwai Urushalima a̱ yya wa'azi A̱gwam Yesu ban bu ka̱wun. 29A̱ ryat a̱ bo ya a̱cecet bu ba̱nyet Yahuda na yin dyat nwap Helenawa na ni ba kwan zwang ku hywat. 30Ka̱ram ka ba̱nyet tssup ba bun hok ni a̱ nat ba̱ nu Kaisariya a̱ si ku tom na̱ nat Tarsut.
31Ka̱ram iya a̱mi ba sin wwon ba̱nyet tssup ba, sa̱rei nyyai ka̱byen Yahudiya bu Galili bu Samariya ba sin shya shek sso. Ba ya ka̱son a̱ hwung a̱ bo pfong ka̱wun Ka̱za. Tswa Ka̱za zi ba̱ brang.
Bitut a̱ nat Lidda bu Yafa
32Bitut a̱ cong na̱nkrang sa̱rei. Ka̱ram ka̱yaan na̱ nat a̱ si byei ba̱nyet tssup ba ka̱nkrang Lidda. 33A̱ si shya a̱ntyok a̱yaan ba ku yei Iniyat. Na̱ ka̱n tyak a̱rya a̱ninai na̱ myyi a̱za̱ a̱ngbrak a̱ maai a̱ ta̱za ba rot nkap a ta̱ruk. 34Bitut a̱ hywa da̱ nu, “Iniyat, Yesu Kristi a̱ na̱ creng. Ta̱za i sook kyang myyi nwan na.” Bu i ka̱baram na̱ ta̱za. 35Sa̱rei ba̱nyet ba a̱ shyi ka̱nkrang Lidda bu ka̱byen Sarona ka ni a̱ ku ryi a̱ brak a̱ tssup A̱gwam Yesu.
36I ka̱nkrang Yafa a̱mbyring a̱yaan a̱ yin shyi i ba̱nyet tssup ba, ba yin ku yei Tabita, ma Helenawa na i ku yei Dorkat, nkpa yet “nnyo”. Sa̱rei swat ka̱sa nu na na̱ yya a̱tsatsak nkyang a̱n brang ba̱nyet dizot. 37To, ka̱ram kani na̱ yrek hywu a̱ kwu. Ba sso kom nu na a̱ sook a̱ sak i bat tazwa yaan. 38Yafa a̱ shyi gbang bu Lidda ba. Ba̱nyet tssup ba a̱ shyi Yafa ni ba bu hok di Bitut a̱ shyi Lidda, ba tom ba̱nyet ba̱hwa da̱ nu a̱ hywa, “Zi na̱ naai a gha ba da̱ njit.” 39Bitut a̱ wruk ba ahwa ba cong. Na̱ si nwa ba nat ba̱ nu i bat tazwa na. Sa̱rei ba̱nyring ba a̱ sang ba̱ntyok ba ni a̱ tung a̱ ku krang a̱ tyei nkun a̱ tyyei ba̱tro ba Dorkat na̱ ba̱ tywei i ni ka̱ram ka na̱n yet a̱cet u ni. 40Bitut a̱ tyyi sa̱rei ba wruk i bat a, a̱wwon nu na̱ ta̱gbok a̱ yya a̱duwa, a̱ si brak a̱za̱gbang nkom u, a̱ hywa, “Tabita, ta̱za!” Na̱ yrang a̱ssi nu na. Ka̱ram ka na̱n dyi Bitut ni a̱ ta̱za a̱ swrang. 41Bitut a̱ neyak bvak a a̱n ku yrek. A̱ yei ba̱nyet tssup ba bu ba̱nyring sang ba̱ntyok ba, a̱ ba̱ tyyi Tabita mbvak a̱cet. 42Nkhang ani i nat koke i ka̱nkrang Yafa, ba̱nyet ba̱gingang a̱ brak a̱ tssup A̱gwam Yesu. 43Bitut a̱ bvwa nnom ka̱ yemi Yafa ka, na̱ swat ba̱ a̱ntyok srung a̱kpa, ba ku yei Siman.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2011, Wycliffe Bible Translators, Inc. All rights reserved.