Markus 12
12
MASAL AL MUZAARIVIIN AL BAṬṬAALIIN
1Wa ibtada yaguul leehum be amsaal. “Kaan fih zool zarav jineenat al vinab, wa xaṭṭ zariiba ḥawaleeha wa ḥafar ḥufra le vaṣaarat al vinab, wa bana #12:1 burj: bina tawiil vashaan yaḥras aj jineena.burj. Wa bavdeen ajjaru le muzaariviin, wa saafar le balad taanya. 2Wa lamma wakit at tamar ja, rassal le_l muzaariviin xaddaam, vashaan yaaxud minnahum bavḍ min tamar aj jineena. 3Wa axadoohu wa ḍaraboohu shadiid, wa rassaloohu faaḍi. 4Wa bavdeen rassal leehum xaddaam taani. Wa jaraḥu raasu, wa shatamoohu. 5Wa bavdeen rassal waaḥid taani, wa kataloohu. Wa kida aaxiriin, ḍarabu bavḍ minnahum, wa katalu bavḍ minnahum. 6Wa kaan lissav vindu ibn waaḥid maḥbuub. Wa fi_l aaxir, rassalu leehum kamaan, wa gaal, Hum biḥtarimu ibni. 7Wa laakin al muzaariviin deelaak gaalu bavḍahum le bavḍ, Da huwa_l waaris. Tavaalu, xalluuna naktulu, wa_l miiraat bikuun leena. 8Wa axadoohu, wa kataloohu, wa ramoohu barra min aj jineena. 9Siid aj jineena biyavmil shinu? Hu biji wa yaxrab al muzaariviin, wa biddi_j jineena le naas taanyiin. 10Intu maa gareetu_l maktuub da?
Al ḥajar ar rafaḍoohu_l bannaayiin biga raas ar rukun.
11Da kaan min ar Rabb,
Wa huwa vajiib fi vuyuunna.”
12Wa jarrabu yagbaḍu valeehu, wa laakin xaafu min an naas. Valashaan hum fihmu ’innu gaal al masal valeehum. Wa kida, xalloohu wa maragu.
AḌ ḌARIIBA LE GEEṢAR
13Wa rassalu leehu bavḍ min al Farriisiyyiin wa bavḍ min al Hiiruudusiin vashaan #12:13 gabad, yagbuḍ: yamsik be guwwa.yagbuḍuuhu fi_l kalaam. 14Wa jo leehu wa gaalu, “Yaa Muvallim, binavrif inta taguul al ḥagg, wa maa taghayyir kalaamak vashaan fikr an naas. Valashaan inta maa tavmil farig been an naas, wa laakin tavallim ṭariig Allaah be_l ḥagg. Waajib valeena naddi aṭ ṭulba le Geeṣar, walla laa? 15Naddiiha walla maa naddiiha?” Wa laakin Yasuuv virif #12:15 nifaag: lamma zool yavmil nafsu aḥsan min al ḥagg.nifaagum, wa gaal leehum, “Le shinu tajarribuuni? Jiibu leiya diinaar vashaan ashuufu.” 16Wa jaaboohu leehu. Wa gaal leehum, “Aṣ ṣuura di ṣuurat minu? wa_l kitaaba kitaabat minu?” Gaalu leehu, “Bitaavat Geeṣar.” 17Wa Yasuuv gaal leehum, “Adfavu le Geeṣar ḥaajaat Geeṣar, wa le Allaah ḥaajaat Allaah.” Wa kaanu bistaghrabu minnu.
AZ ZAWAAJ FI_L GIYAAMA
18Wa_ṣ Ṣadduugiyyiin jo leehu, al yaguulu maa fih giyaama. Wa kaanu yas’aluuhu, wa yaguulu, 19“Yaa Muvallim, Muusa katab leena, iza axu zool yamuut wa yasiib maratu, wa laakin maa vindu walad, laazim axuuhu biyaaxud maratu wa bijiib le axuuhu awlaad. 20Wa kaanu fih sabva axwaan. Wa_l awwal axad mara, wa maat, wa maa vindu walad. 21Wa_t taani axada, wa maat, wa maa vindu walad. Wa_t taalit kamaan vamal zei da. 22Wa_s sabva axwaan maa vindahum awlaad. Wa bavd kulluhum, al mara maatat kamaan. 23Wa fi_l giyaama lamma biguumu, hiya bitkuun zoojat minu? Vashaan as sabva axadooha takuun leehum zooja.”
24Wa Yasuuv gaal leehum, “(?) Valashaan kida intu maa ghalṭaaniin? Vashaan maa tafhamu_l Kutub, wa laa guwwat Allaah? 25Vashaan lamma yaguumu min been al meyyitiin, maa yitzawwaju walla yazawwiju, laakin yakuunu zei al malaaika al fi_s sama. 26Wa laakin van al meyyitiin al biguumu, maa gareetu fi Kitaab Muusa van ash shajara_ṣ ṣaghaira? keef Allaah gaal leehu, Ana Ilaah Ibraahiim, wa Ilaah Is‐ḥaag, wa Ilaah Yavkuub? 27Huwa maa Ilaah al meyyitiin, laakin Ilaah al ḥaiyiin. Intu ghalṭaaniin jiddan.”
AL AMR AL AKBAR
28Wa waaḥid min muvallimiin al gaanuun garrab leehu wa simivum yitkallamu mava bavḍ. Wa lamma shaaf ’innu radda valeehum tamaam, sa’alu, “Yaatu amr al muhimm min al kull?” 29Yasuuv radda valeehu wa gaal, “Al amr al awwal, huwa: Asmav, yaa Israa’iil. Ar Rabb Ilaahna huwa Rabb waaḥid. 30Wa taḥibb ar Rabb Ilaahak be kullu galbak, wa kullu nafsak, wa kullu fikrak, wa kullu guwwatak. 31Wa da huwa at taani: Taḥibb gariibak zei nafsak. Maa fih amr akbar min deel.” 32Wa muvallim al gaanuun gaal leehu, “Samiḥ, yaa Muvallim. Be_l ḥagg gulta Allaah waaḥid, wa maa fih taani illa huwa. 33Wa maḥabbatu be kull al galb, wa be kull al fahm, wa be kull al guwwa, wa maḥabbat al gariib zei nafsak, da ahamma min kull aḍ ḍabaayiḥ al maḥruuga wa_ḍ ḍabaayiḥ at taanya.” 34Wa lamma Yasuuv shaaf huwa radda valeehu be ḥikma, gaal leehu, “Inta maa baviid min malakuut Allaah.” Wa bavd da, kullu waaḥid kaan xaayif yas’alu su’aal taani.
35Wa wakit maa Yasuuv kaan yavallim fi_l heekal, gaal, “Keef yaguulu muvallimiin al gaanuun ’an al Masiiḥ huwa ibn Daawuud? 36Daawuud nafsu gaal be_r Ruuḥ al Gudus,
Ar Rabb gaal le Rabbi,
Agvud van yamiini
lighaayat maa baxuṭṭ vudwaanak tiḥit kirveek.
37Daawuud nafsu yanaadiihu Rabb. Keef huwa yakuun ibnu?” Wa_j jamav al kabiir kaanu yasmavuuhu be faraḥ.
38Wa fi tavliimu gaal, “Xallu baalkum min muvallimiin al gaanuun. Hum biḥibbu_l mashi be teebaan ṭawiila, wa_s salaamaat fi_l aswaag, 39wa_l karaasi al awwalaaniyya fi buyuut ar Rabb, wa maḥallaat al muḥtarima fi_l vazuumaat. 40Hum biyaakulu buyuut al #12:40 armala, araamil: al mara ar raajila maat.araamil, wa yaṣallu ṣalawaat wakit ṭawiila be_l kiḍib. Deel biyagbalu ḥukm akbar.”
HADIYYAT AL ARMALA
41Wa Yasuuv gavad janb al #12:41 xazna: ṣanduug le guruush, hina le_l heekal.xazna. Wa kaan yavaayin keef an naas kaanu yarmu_l filuus fi_l xazna. Wa naas ghaniyyiin katiiriin kaanu yarmu filuus katiir. 42Wa armala miskiina jaat wa ramat milliimeen, wa da agall min tavriifa. 43Wa Yasuuv naada leehu talaamiizu, wa gaal leehum, “Aguul leekum al ḥagg. Al armala_l miskiina di ramat aktar min kull an naas al yarmu fi_l xazna. 44Valashaan kullahum ramu min katrat maalum, wa laakin di min iḥtiyaaja ramat kull al vindaha, kull al bitviish beehu.”
Currently Selected:
Markus 12: APD1978
Highlight
Share
Copy
Want to have your highlights saved across all your devices? Sign up or sign in
Published by Bible Alliance Mission in 1978, now part of SIM - Serving in Mission.
