Luuga 14
14
Gitini momaŋ gwa kwiji gwina gwudhidhi galo kaŋinu yuŋun gi lamun la Sabith
1A lamun leta la Sabith dina udhuŋw gi dunu gwa kweleny gweta gwa Farriisiyiin deny, altejo je. 2A kwiji gweta je gwina gwidhunuŋw ganu, gwina gwuma a aŋinu yuŋun mi peth. 3A Yasuuⓐ othaije lijo galo lina lathapai ŋiro ŋa naamuus a Farriisiyiin, ŋwulaici, Gwaudhi gi dhuŋun dha naamuus digeta lijo momaŋ gi lamun la Sabith a? 4Al jalo jigwoiny. A Yasuuⓐ odha kwijo gwina gwuma, ŋwugeta momaŋ, ŋwabrico ŋwela. 5Ŋwulabiŋaijo, ŋwulaici, Ei gwo dagalo gwina gwuthi ŋidhra i ŋurigaŋ ŋina ŋati ŋuŋwun wala ganu gi lamun la Sabith no, ada ŋimiduthe gi dhel ganu? 6Athiluthi ŋoma gwal abiŋaijo dhuŋuna ibidhe manaŋ no.
Dirujini litilitiny a duminyi lirina
7Ŋwulabiŋaijo lina lijo ŋirin odaije gwai, dina aŋadhuŋwulo dimutha kaloŋa gina giŋiranu, ŋwulaici, 8Mathaŋa kwiji gweta ornaijo ŋirina gimure, athathaŋa jalo kalo gina giŋiranu no; udubidi gwa gwurnio kwijo gwina gwinunu duguŋa. 9A kwiji gwina gwurniaje ram gwaji gwanela duguŋa, ŋwarnu, Abrico kwijo ibigwa ŋwujalo mina; a ŋa gwajalo kalo gina gikanu a ŋa gwuthi dhara. 10Abi mathaŋa kwiji ornaijo ŋirina, athaŋa jalo kalo gina gikanu; abi muŋwila, gwaji gwaŋabiŋaijo, ŋaici, Maguri, idhi, ŋajalo kalo gina giŋiranu; a ŋa gwuthi nuŋw gi je ganu ja lirin lina lijanyalai. 11Liji peth lina lathineye lidom legen laji laro litilitiny; a lina lathiruje lidom legen litilitiny laji laro lipilipa. 12Ŋwabiŋaijo kwijo ko gwina gwudhedhi ŋirin, ŋwaici, Mathaŋa geta gimure, athathaŋa urnio limadhigalo, i limagalo, i liji luŋa, i liji lina lathanyalai jaijiye galo lina luthi ŋida ŋoinyadho no; udubidi laji laŋanurnie ŋediŋa ko, a laŋadhedha ŋida manaŋ. 13Abi mathaŋa geta gimure, athaŋa urnie lijo lina lati luthi ŋida no, a lina liro jibijoŋ, a lina lirima gi je. 14A ŋa gwaji gwiŋir dhugore; ŋinena athil uthi ŋoma laŋadhedha ŋida manaŋ no; abi ŋa gwaji gwapai mukaafa gwuŋa gi lamun lina laji lal liji lina liŋir dire dai.
Odaije gwa gimure ga dhagiye
15A ma kwiji gweta diŋini dhuŋuna ibidhe gwina gwijalilai deny, ŋwarnu, Gwiŋir dhugore gwina gweny ⓐesh kidhila ga Kalo. 16A Yasuuⓐ abiŋaijo, ŋwaici, Kwiji gweta gwigeta gimure gipa, ŋwabiŋaijo lirina loinyadho. 17Ma saaⓐa je ja dheny, ŋwukeje gadham degen, ŋwari luŋwulabiŋaijo, ŋwulaici, Ilal, ŋidi ŋimaro peth ŋinena. 18Aluthi dhuŋuna dhina dhiro dhetipo ŋediŋa peth; a gweta degen gwina gwiro kwerkwereny arnu, Nyi gwimelaŋ dhiruiny, a aram dela dinyaŋadha. Nyi gwothaijaŋa galo dinyin dhudhani ganu. 19A gwiter arnu, Nyi gwimelaŋ nyidhra thudhina, a nyi gwela dinyil idheje. Nyi gwothaijaŋa galo dinyin dhudhani ganu. 20A gwiter arnu, Nyi gwimago kwaio, a gi dhuŋun ibidha nyi gwati gwuthi ŋoma dinyila no. 21A gadham ibige aura, ŋwaŋajo kwelenya gwuŋun dhuŋuna ibidhe, a kweleny ka dhugore, ŋwabiŋaijo gadham, ŋwaici, Idhi babraŋ gi dai alaŋ dina dipidipa a gi dai alaŋ dina ditiditiny da len, ŋodha lijo mina lina lati luthi ŋida no, a lina liro jibijoŋ, a lina lirima gi je. 22A gadham arnu, Kweleny gwai, dhuŋun dhina dhabiŋaijiny dhimuthi je ganu, abi kalo goma gijalo ko. 23A kweleny abiŋaijo gadham, ŋwaici, Idhi kalo ga dai a limora, ŋadhiŋadha lijo aluni, a dunu gwiny oinyadhe. 24Nyi gwa gwabiŋaijaŋa, ŋaici, Kwiji gwate gwetipo gi liji ganu lina lukejinyina gwina gwaŋilai ŋida ŋa gimure giny no.
Luro lina ladhil geta albuthi ŋoma dilro calmiz
25A liji loinyadho lina lidhil Yasuuⓐ ŋalai; ŋwurle galo, ŋwulabiŋaijo, ŋwulaici, 26Ada kwiji gweta gwimeladha diginy, atbuŋwbi doinyo babuŋw gwuŋun, a nana gwuŋun, a kwa gwuŋun, a keleŋa guŋun, a limegen lina liro loma a lina liro nyera, a midhe gwuŋun ko no, gwati gwuthi ŋoma gwaro thilmiz dhiny no. 27A kwiji gwina gwati gwathapai lure luŋun lina limaliganu, nyi gwuje no, gwati gwuthi ŋoma gwaro thilmiz dhiny no. 28Ei gwo dagalo gwina gwara gwaice duna gwina gwolalaŋ, gwina gwati gwajalo kwereny ŋwudhura luro la ŋidi peth no, ŋwari gwaliŋa ada gwarush gwimaje gwa dhimeaje? 29Ada gwati gwimapai dhuŋuna ibidha no, muŋwgeta dhugul, athuŋwbuthi ŋoma duŋw meaje no, a liji peth lina lathaŋa alake ŋeduŋw juma. 30Alarnu, Kwiji ibigwe gwijo digeta duna, athuŋwbuthi ŋoma gwuŋw meaje no. 31I malik gwiro gwirau gwina gwara gwalpiye malik gwai gwiter, gwina gwati gwajalo kwereny no, ŋwire je galo gi dhugor ganu diliŋa ada ŋeda gwina gwuthi lijo ⓐashara alaaf gwimuthi ŋoma gwadhinyi ŋeduŋw gwina gwuthi lijo ⓐishiriin alif? 32Ada gwati gwimuthi ŋoma dina mathi gwiter idhi githo no, ŋwukeje wukala dugun, alothaije galo dhuŋun dhai dha dhaudhaijiye galo. 33A minoŋ peth gweta gweta dagalo ganu gwina gwati gwagathani ŋida peth ŋina ŋuthuŋwulo no, gwati gwuthi ŋoma duŋwuro thilmiz dhiny no. 34Mudha gwiŋir; abi ada gwimamule, gwanyurcie akwai? 35Gwati gwiŋir dije kwiyaŋ no; a gwati gwiŋir dije gildureny no; athibi liji buluje por. Gwina gwuthi nyuni nya dhidiŋini, abricul ŋwudiŋini.
Currently Selected:
Luuga 14: HBN
Highlight
Share
Copy
Want to have your highlights saved across all your devices? Sign up or sign in
First published by the British and Foreign Bible Society in 1966.
Luuga 14
14
Gitini momaŋ gwa kwiji gwina gwudhidhi galo kaŋinu yuŋun gi lamun la Sabith
1A lamun leta la Sabith dina udhuŋw gi dunu gwa kweleny gweta gwa Farriisiyiin deny, altejo je. 2A kwiji gweta je gwina gwidhunuŋw ganu, gwina gwuma a aŋinu yuŋun mi peth. 3A Yasuuⓐ othaije lijo galo lina lathapai ŋiro ŋa naamuus a Farriisiyiin, ŋwulaici, Gwaudhi gi dhuŋun dha naamuus digeta lijo momaŋ gi lamun la Sabith a? 4Al jalo jigwoiny. A Yasuuⓐ odha kwijo gwina gwuma, ŋwugeta momaŋ, ŋwabrico ŋwela. 5Ŋwulabiŋaijo, ŋwulaici, Ei gwo dagalo gwina gwuthi ŋidhra i ŋurigaŋ ŋina ŋati ŋuŋwun wala ganu gi lamun la Sabith no, ada ŋimiduthe gi dhel ganu? 6Athiluthi ŋoma gwal abiŋaijo dhuŋuna ibidhe manaŋ no.
Dirujini litilitiny a duminyi lirina
7Ŋwulabiŋaijo lina lijo ŋirin odaije gwai, dina aŋadhuŋwulo dimutha kaloŋa gina giŋiranu, ŋwulaici, 8Mathaŋa kwiji gweta ornaijo ŋirina gimure, athathaŋa jalo kalo gina giŋiranu no; udubidi gwa gwurnio kwijo gwina gwinunu duguŋa. 9A kwiji gwina gwurniaje ram gwaji gwanela duguŋa, ŋwarnu, Abrico kwijo ibigwa ŋwujalo mina; a ŋa gwajalo kalo gina gikanu a ŋa gwuthi dhara. 10Abi mathaŋa kwiji ornaijo ŋirina, athaŋa jalo kalo gina gikanu; abi muŋwila, gwaji gwaŋabiŋaijo, ŋaici, Maguri, idhi, ŋajalo kalo gina giŋiranu; a ŋa gwuthi nuŋw gi je ganu ja lirin lina lijanyalai. 11Liji peth lina lathineye lidom legen laji laro litilitiny; a lina lathiruje lidom legen litilitiny laji laro lipilipa. 12Ŋwabiŋaijo kwijo ko gwina gwudhedhi ŋirin, ŋwaici, Mathaŋa geta gimure, athathaŋa urnio limadhigalo, i limagalo, i liji luŋa, i liji lina lathanyalai jaijiye galo lina luthi ŋida ŋoinyadho no; udubidi laji laŋanurnie ŋediŋa ko, a laŋadhedha ŋida manaŋ. 13Abi mathaŋa geta gimure, athaŋa urnie lijo lina lati luthi ŋida no, a lina liro jibijoŋ, a lina lirima gi je. 14A ŋa gwaji gwiŋir dhugore; ŋinena athil uthi ŋoma laŋadhedha ŋida manaŋ no; abi ŋa gwaji gwapai mukaafa gwuŋa gi lamun lina laji lal liji lina liŋir dire dai.
Odaije gwa gimure ga dhagiye
15A ma kwiji gweta diŋini dhuŋuna ibidhe gwina gwijalilai deny, ŋwarnu, Gwiŋir dhugore gwina gweny ⓐesh kidhila ga Kalo. 16A Yasuuⓐ abiŋaijo, ŋwaici, Kwiji gweta gwigeta gimure gipa, ŋwabiŋaijo lirina loinyadho. 17Ma saaⓐa je ja dheny, ŋwukeje gadham degen, ŋwari luŋwulabiŋaijo, ŋwulaici, Ilal, ŋidi ŋimaro peth ŋinena. 18Aluthi dhuŋuna dhina dhiro dhetipo ŋediŋa peth; a gweta degen gwina gwiro kwerkwereny arnu, Nyi gwimelaŋ dhiruiny, a aram dela dinyaŋadha. Nyi gwothaijaŋa galo dinyin dhudhani ganu. 19A gwiter arnu, Nyi gwimelaŋ nyidhra thudhina, a nyi gwela dinyil idheje. Nyi gwothaijaŋa galo dinyin dhudhani ganu. 20A gwiter arnu, Nyi gwimago kwaio, a gi dhuŋun ibidha nyi gwati gwuthi ŋoma dinyila no. 21A gadham ibige aura, ŋwaŋajo kwelenya gwuŋun dhuŋuna ibidhe, a kweleny ka dhugore, ŋwabiŋaijo gadham, ŋwaici, Idhi babraŋ gi dai alaŋ dina dipidipa a gi dai alaŋ dina ditiditiny da len, ŋodha lijo mina lina lati luthi ŋida no, a lina liro jibijoŋ, a lina lirima gi je. 22A gadham arnu, Kweleny gwai, dhuŋun dhina dhabiŋaijiny dhimuthi je ganu, abi kalo goma gijalo ko. 23A kweleny abiŋaijo gadham, ŋwaici, Idhi kalo ga dai a limora, ŋadhiŋadha lijo aluni, a dunu gwiny oinyadhe. 24Nyi gwa gwabiŋaijaŋa, ŋaici, Kwiji gwate gwetipo gi liji ganu lina lukejinyina gwina gwaŋilai ŋida ŋa gimure giny no.
Luro lina ladhil geta albuthi ŋoma dilro calmiz
25A liji loinyadho lina lidhil Yasuuⓐ ŋalai; ŋwurle galo, ŋwulabiŋaijo, ŋwulaici, 26Ada kwiji gweta gwimeladha diginy, atbuŋwbi doinyo babuŋw gwuŋun, a nana gwuŋun, a kwa gwuŋun, a keleŋa guŋun, a limegen lina liro loma a lina liro nyera, a midhe gwuŋun ko no, gwati gwuthi ŋoma gwaro thilmiz dhiny no. 27A kwiji gwina gwati gwathapai lure luŋun lina limaliganu, nyi gwuje no, gwati gwuthi ŋoma gwaro thilmiz dhiny no. 28Ei gwo dagalo gwina gwara gwaice duna gwina gwolalaŋ, gwina gwati gwajalo kwereny ŋwudhura luro la ŋidi peth no, ŋwari gwaliŋa ada gwarush gwimaje gwa dhimeaje? 29Ada gwati gwimapai dhuŋuna ibidha no, muŋwgeta dhugul, athuŋwbuthi ŋoma duŋw meaje no, a liji peth lina lathaŋa alake ŋeduŋw juma. 30Alarnu, Kwiji ibigwe gwijo digeta duna, athuŋwbuthi ŋoma gwuŋw meaje no. 31I malik gwiro gwirau gwina gwara gwalpiye malik gwai gwiter, gwina gwati gwajalo kwereny no, ŋwire je galo gi dhugor ganu diliŋa ada ŋeda gwina gwuthi lijo ⓐashara alaaf gwimuthi ŋoma gwadhinyi ŋeduŋw gwina gwuthi lijo ⓐishiriin alif? 32Ada gwati gwimuthi ŋoma dina mathi gwiter idhi githo no, ŋwukeje wukala dugun, alothaije galo dhuŋun dhai dha dhaudhaijiye galo. 33A minoŋ peth gweta gweta dagalo ganu gwina gwati gwagathani ŋida peth ŋina ŋuthuŋwulo no, gwati gwuthi ŋoma duŋwuro thilmiz dhiny no. 34Mudha gwiŋir; abi ada gwimamule, gwanyurcie akwai? 35Gwati gwiŋir dije kwiyaŋ no; a gwati gwiŋir dije gildureny no; athibi liji buluje por. Gwina gwuthi nyuni nya dhidiŋini, abricul ŋwudiŋini.
Currently Selected:
:
Highlight
Share
Copy
Want to have your highlights saved across all your devices? Sign up or sign in
First published by the British and Foreign Bible Society in 1966.