Luuga 15
15
Kaŋal gina gidhudho
1A liji peth alari aldoga lina lathimeje a lina like, alari ladiŋini dhuŋuna dhuŋun. 2A Farriisiyiin a jathib alromaje diman galo, alarnu, Kwiji ibigwa gwathuminyi lijo lina like, athil lai eny. 3Ŋwulabiŋaijo odaije gwai ibigwa, ŋwulaici, 4Kwiji gwo gwirau dagalo gwina gwuthi jaŋala dure‐thudhina, ada gwimuŋwdhudhie gwetipo, gwina gwati gwathigathani jaŋala jina jiro dure‐kworoŋo‐a‐die‐a‐thudhina‐kworoŋo kedho, athuŋw ela dibupe gina gidhudho no? 5A mathuŋw buje, athuŋw giliye kwidom alaŋ gwuŋun, ŋwiŋir dhugore. 6A mathuŋw ila dunu dugun, athuŋw urnie limedhigen a liji lina lathil maiji galo, athuŋwulaici, Aliŋir dugore nyi gwimabuje kaŋala giny gina gidhudho. 7Nyi gwa gwabiŋaijaje, ŋajaici, Gwiro minoŋ laji liŋirani dugore Sama kwiji gwetipo gwina gwike ŋwubi urle dhugore galo gi ŋidi ŋina ŋike, gi liji lina liro dure‐kworoŋo‐a‐die‐a‐thudhina‐kworoŋo lina liŋir, lina lati liro dharuri degen durle dugore galo degen gi ŋidi ŋina ŋike no.
Rubu gwina gwidhudho
8A kwa gwo gwirau gwina gwuthi rubu die, ada gwimuŋwdhudhie gwetipo, gwati gwathora lamba ŋwudimuje duna galo, ŋwubupe micol di muŋw buje no? 9Mathuŋw buje, athuŋwurnie limedhigen a liji lina lathil maiji galo, ŋwulaici, Ilal, aliŋir dugore; nyi gwimabuje rubu gwina gwidhudhiny. 10Nyi gwa gwabiŋaijaje, ŋajaici, Lathiŋir dugore minoŋ gi je ganu ja malaayka la Kalo ada kwiji gwetipo gwina gwike gwimurle dhugore galo gi ŋidi ŋina ŋike.
Ŋari ŋina ŋidhudho
11Ŋwarnu, Kwiji gweta gwuthi keleŋa ram gina giro loma. 12A ŋina ŋitinyunu abiŋaijo babuŋw gwuŋun, ŋwaici, Babo, guginijije ŋida ŋuŋa, nyildhedha ŋiny. Ŋwulguginijo ŋida ŋuŋun peth. 13A ma ŋwamun coŋ erna a ŋari ŋina ŋitinyunu ŋwuwureje ŋida ŋuŋun peth liduŋw, ŋwela gi len leta lina lolaŋ ganu, ŋwudhigir galo ŋidi ŋai ŋuŋun peth, athuŋw apai ŋida ŋina ŋike. 14Dina ma ŋidi ŋuŋun erna peth, a gidhuŋur je gipa gi len ibile; athuŋw uthii ŋida no. 15Ŋwela ŋwuro gadham ga kwiji gweta gwa len ibile; athuŋwukeje kedho die judhura. 16Athuŋw ari ŋeny jurinya jina jithilo judhur, ŋwupa. Kwiji gwate gwina gwidhedhi ŋida no. 17Dina muŋw ireye je galo ŋwaŋidhani ŋida peth, ŋwabiŋini, ŋwarnu, Jadham ja babo gwiny joinyadho aluthi ŋida ŋa dheny ŋoinyadho, nyibi je githo dinyai jamu. 18Nyi gwadire, nyela di babo gwiny, gwinyabiŋaijo, nyaici, Babo, nyi gwimapai ŋida ŋina ŋike di Sama, a duguŋa. 19Nyi gwati gwaudhi ŋinena dinyiro ŋari ŋuŋa no; rujiny ŋinena gadham geta guŋa. 20Ŋwudire, ŋwela di babo gwuŋun. Abi dina juŋw gi dhai romine, a babo gwuŋun aŋa, ŋwina, ŋworta dugun, ŋwumira. 21A ŋari abiŋaijo, ŋwaici, Babo, nyi gwimapai ŋida ŋina ŋike di Sama, a gi je ganu juŋa, a nyi gwati gwaudhi ŋinena dinyiro ŋari ŋuŋa no. 22Abi babo abiŋaijo jadham juŋun, ŋwulaici, Apul luga babraŋ lina liŋiranu, nya guke; nyunije luruŋw gi dhoi dhuŋun, nya guke caudhe ŋwora ŋwuŋun. 23Nyapa ŋidhra ŋina ŋikwenu, nyadhuge. Aleny, alapai gwidera. 24Ŋinena ŋari ŋiny ibiŋa ŋaio, abi ŋimamidhe manaŋ; ŋidhudho, abi ŋimabujini. Alje dapai gwidera. 25Abi ŋari je kedho ŋina ŋiro lira. Dina idhuŋw, ŋwudoga duna nono, ŋwudiŋini lijo dure gubura, alrithe, 26ŋwurnie gadham geta, ŋwothaije galo dhuŋun dhai ibidhe. 27Ŋwabiŋaijo, ŋwaici, Magalo gwimaura; a babo gwuŋa gwimadhuge ŋidhra ŋina ŋikwenu, ŋinena muŋwbuje diŋir nono manaŋ. 28Ŋwukadhugore, ŋwari ŋati ŋuni kiru no; abi babo gwuŋun tu por, ŋwari ŋuŋwiŋiriye dhugore. 29Ŋwabiŋaijo babuŋw gwuŋun, ŋwaici, Nyi gwathaŋupijo ŋiro jidhileo ibija joinyadho, athinyi uthejo dhuŋuna dhuŋa kuni; athinyibi dhedhi lare letipo ana liŋir dugore orika ŋalai no. 30Abi ma ŋari ŋuŋa ibiŋa aura, ŋina ŋimadhigiri galo ŋidi ŋai ŋuŋa peth gi la lina like, ŋa dhugijo ŋidhra ŋina ŋikwenu. 31Ŋwabiŋaijo, ŋwaici, Ŋari ŋai ŋiny, dalathije gwortal, a ŋidi ŋiny peth ŋuŋa ŋiro. 32Gwiŋir anaŋa laiapai gwidera, aniŋir dugore. Magalo ibigwa gwaio, abi gwima midhe manaŋ; gwidhudho, abi gwimabujini.
Currently Selected:
Luuga 15: HBN
Highlight
Share
Copy
Want to have your highlights saved across all your devices? Sign up or sign in
First published by the British and Foreign Bible Society in 1966.
Luuga 15
15
Kaŋal gina gidhudho
1A liji peth alari aldoga lina lathimeje a lina like, alari ladiŋini dhuŋuna dhuŋun. 2A Farriisiyiin a jathib alromaje diman galo, alarnu, Kwiji ibigwa gwathuminyi lijo lina like, athil lai eny. 3Ŋwulabiŋaijo odaije gwai ibigwa, ŋwulaici, 4Kwiji gwo gwirau dagalo gwina gwuthi jaŋala dure‐thudhina, ada gwimuŋwdhudhie gwetipo, gwina gwati gwathigathani jaŋala jina jiro dure‐kworoŋo‐a‐die‐a‐thudhina‐kworoŋo kedho, athuŋw ela dibupe gina gidhudho no? 5A mathuŋw buje, athuŋw giliye kwidom alaŋ gwuŋun, ŋwiŋir dhugore. 6A mathuŋw ila dunu dugun, athuŋw urnie limedhigen a liji lina lathil maiji galo, athuŋwulaici, Aliŋir dugore nyi gwimabuje kaŋala giny gina gidhudho. 7Nyi gwa gwabiŋaijaje, ŋajaici, Gwiro minoŋ laji liŋirani dugore Sama kwiji gwetipo gwina gwike ŋwubi urle dhugore galo gi ŋidi ŋina ŋike, gi liji lina liro dure‐kworoŋo‐a‐die‐a‐thudhina‐kworoŋo lina liŋir, lina lati liro dharuri degen durle dugore galo degen gi ŋidi ŋina ŋike no.
Rubu gwina gwidhudho
8A kwa gwo gwirau gwina gwuthi rubu die, ada gwimuŋwdhudhie gwetipo, gwati gwathora lamba ŋwudimuje duna galo, ŋwubupe micol di muŋw buje no? 9Mathuŋw buje, athuŋwurnie limedhigen a liji lina lathil maiji galo, ŋwulaici, Ilal, aliŋir dugore; nyi gwimabuje rubu gwina gwidhudhiny. 10Nyi gwa gwabiŋaijaje, ŋajaici, Lathiŋir dugore minoŋ gi je ganu ja malaayka la Kalo ada kwiji gwetipo gwina gwike gwimurle dhugore galo gi ŋidi ŋina ŋike.
Ŋari ŋina ŋidhudho
11Ŋwarnu, Kwiji gweta gwuthi keleŋa ram gina giro loma. 12A ŋina ŋitinyunu abiŋaijo babuŋw gwuŋun, ŋwaici, Babo, guginijije ŋida ŋuŋa, nyildhedha ŋiny. Ŋwulguginijo ŋida ŋuŋun peth. 13A ma ŋwamun coŋ erna a ŋari ŋina ŋitinyunu ŋwuwureje ŋida ŋuŋun peth liduŋw, ŋwela gi len leta lina lolaŋ ganu, ŋwudhigir galo ŋidi ŋai ŋuŋun peth, athuŋw apai ŋida ŋina ŋike. 14Dina ma ŋidi ŋuŋun erna peth, a gidhuŋur je gipa gi len ibile; athuŋw uthii ŋida no. 15Ŋwela ŋwuro gadham ga kwiji gweta gwa len ibile; athuŋwukeje kedho die judhura. 16Athuŋw ari ŋeny jurinya jina jithilo judhur, ŋwupa. Kwiji gwate gwina gwidhedhi ŋida no. 17Dina muŋw ireye je galo ŋwaŋidhani ŋida peth, ŋwabiŋini, ŋwarnu, Jadham ja babo gwiny joinyadho aluthi ŋida ŋa dheny ŋoinyadho, nyibi je githo dinyai jamu. 18Nyi gwadire, nyela di babo gwiny, gwinyabiŋaijo, nyaici, Babo, nyi gwimapai ŋida ŋina ŋike di Sama, a duguŋa. 19Nyi gwati gwaudhi ŋinena dinyiro ŋari ŋuŋa no; rujiny ŋinena gadham geta guŋa. 20Ŋwudire, ŋwela di babo gwuŋun. Abi dina juŋw gi dhai romine, a babo gwuŋun aŋa, ŋwina, ŋworta dugun, ŋwumira. 21A ŋari abiŋaijo, ŋwaici, Babo, nyi gwimapai ŋida ŋina ŋike di Sama, a gi je ganu juŋa, a nyi gwati gwaudhi ŋinena dinyiro ŋari ŋuŋa no. 22Abi babo abiŋaijo jadham juŋun, ŋwulaici, Apul luga babraŋ lina liŋiranu, nya guke; nyunije luruŋw gi dhoi dhuŋun, nya guke caudhe ŋwora ŋwuŋun. 23Nyapa ŋidhra ŋina ŋikwenu, nyadhuge. Aleny, alapai gwidera. 24Ŋinena ŋari ŋiny ibiŋa ŋaio, abi ŋimamidhe manaŋ; ŋidhudho, abi ŋimabujini. Alje dapai gwidera. 25Abi ŋari je kedho ŋina ŋiro lira. Dina idhuŋw, ŋwudoga duna nono, ŋwudiŋini lijo dure gubura, alrithe, 26ŋwurnie gadham geta, ŋwothaije galo dhuŋun dhai ibidhe. 27Ŋwabiŋaijo, ŋwaici, Magalo gwimaura; a babo gwuŋa gwimadhuge ŋidhra ŋina ŋikwenu, ŋinena muŋwbuje diŋir nono manaŋ. 28Ŋwukadhugore, ŋwari ŋati ŋuni kiru no; abi babo gwuŋun tu por, ŋwari ŋuŋwiŋiriye dhugore. 29Ŋwabiŋaijo babuŋw gwuŋun, ŋwaici, Nyi gwathaŋupijo ŋiro jidhileo ibija joinyadho, athinyi uthejo dhuŋuna dhuŋa kuni; athinyibi dhedhi lare letipo ana liŋir dugore orika ŋalai no. 30Abi ma ŋari ŋuŋa ibiŋa aura, ŋina ŋimadhigiri galo ŋidi ŋai ŋuŋa peth gi la lina like, ŋa dhugijo ŋidhra ŋina ŋikwenu. 31Ŋwabiŋaijo, ŋwaici, Ŋari ŋai ŋiny, dalathije gwortal, a ŋidi ŋiny peth ŋuŋa ŋiro. 32Gwiŋir anaŋa laiapai gwidera, aniŋir dugore. Magalo ibigwa gwaio, abi gwima midhe manaŋ; gwidhudho, abi gwimabujini.
Currently Selected:
:
Highlight
Share
Copy
Want to have your highlights saved across all your devices? Sign up or sign in
First published by the British and Foreign Bible Society in 1966.