ŋɩru ŋun ŋapɩlo duwəjo 24
24
asa 24
əcərio yeḏi bulus gi jei ganu jeḏi mudir gwun gwan bilikɩs
1gwune na ŋwamon ete ṯoḏɩne, na ananiya gwun gwiro gwele gweḏi jɩsis, na liji lun luɽun nalgwulo, na gwete gwan ṯarṯulus, gwun gwəṯi ŋɩma gwuməḏɩjo mudirŋ muma ŋuɽuna ŋun ŋidonyilɩŋe bulusŋ. 2gwune nalorniḏe bulusŋ ṯarṯulus nuar gwumə ŋuɽuna ŋun ŋicɩgilɩge nuarno, gi gwune naniḏeije ga gworki ŋa gwe, na ŋuɽun ŋeḏi ŋadɩgɩɽe ŋuŋa ŋun ŋaṯɩləpijo liji ŋɩməbi gworo ganu gwun gwɩki ŋɩmapa ḏiŋiriḏa gi liji. 3ŋaṯanaləmɩnyi ŋeno bubruṯ na kalo wei ŋaṯanalaḏɩŋane, gwele gwun gwubuḏo gwan bilikɩs. 4nyi gwate gwarno nyi gwaŋaḏuḏɩni gɩtten no, nyi gwubunyu lugwuŋa ŋa gwijideŋɩnejo ŋuɽuna ŋɩti ŋino ŋe. 5gi gwune anbujo gwiji kweno mijapajelo kalo gun gaṯunele wei, gwaṯɩdiɽi ŋɩrəkwənəŋe gi liju kɩḏilio wei, na ŋu gwiro gwele gweḏi liji lun laṯar gi lulo lagin no liro linasɩra; 6na ŋu dino gwarno gwaduji dunu gweḏi elo gwun gwubuḏo ŋɩrleḏ, nanaməṯo gwanakɩmi ŋuɽun ŋəri ŋun ŋigelijɩlo elo musaŋ, 7namɩni gwele gweḏi ajana gwun gwubuḏo gwun gwan lisias nuwila bubɽil nuijiwala ŋɩma ŋe gi di dəri, 8nugele ŋuɽuna ḏi luŋa lun gwicɩgilo alwila lugwuŋa. na ḏa ŋa gwimiḏeije ŋa gwalɩŋe ŋuɽuna wei ŋun ŋicɩgianaŋa ŋuŋu ŋiro gwerkwe. 9na liju dino əmɩnyɩḏiḏi ŋuɽuna ŋeno nalarno ŋiro dini. 10gwune na mudir uməḏɩjo bulusŋ ḏi ḏe nuwɩrlijo ŋuɽuna nueicɩno, gi gwune nyi gwilɩŋiḏi ŋa gwiro gaḏi geḏi liji leno jɩḏilio jutu, nyi gwiŋir ḏugwore nyi gwaŋuməḏɩjo ŋuɽuna ŋinyi. 11na ŋa gwəṯi ŋɩma ŋalbuje ŋun ŋiro gwerkwe ŋate ŋutəno ŋwamon ŋwiro di na gwuttən no gi gwune abuḏi urucəlim gi ḏorṯeḏa eloŋu. 12na late lɩmibuje kwu dunu gweḏi elo gwun gwubuḏo anwɩrlajiḏi gwijiŋale no, na nyi gwate mandiɽeije liji gi lɩdunu leḏi elo na kamɩrɩgen no; 13na luŋa late ləṯi ŋɩma labaḏaṯe ŋuɽun ŋun ŋicɩginyilɩŋe no. 14namɩni nyi ŋaŋaltəḏɩjo ŋa nyi gwaṯorṯɩḏa eloŋu gweḏi lɩgwurninyo lage ṯaṯ ḏeḏi yecu ḏun ḏaṯɩlḏarno ḏiro kaja, namɩni naṯɩləmɩnyi wei ŋun ŋulinu kɩḏam geḏi ŋuɽun ŋun ŋigelijɩlo elo musaŋ na jɩḏam jeḏi nebɩŋa; 15namɩni nyi gwaṯɩḏuḏɩnɩjo eloŋu, na luŋa gwuḏuḏɩnijɩlo dino, ḏiḏiɽo ḏe gi ḏaiya ḏaje gi liji lun liŋir na dino lun late liŋir no. 16na ŋiro dino nyi gwaṯiḏeije gwula gwi bubruṯ kani a ḏugwor ḏinyi iŋir ḏi elo na gi liji. 17gwune na jɩḏilio uti niabo niəpijo lɩji leḏi amɩrɩgen yinyi ŋɩdio ga dino, na ŋeḏi elo dino. 18gwune api ŋuɽuna ŋeno niŋwilbuje kwu dunu gweḏi elo gwun gwubuḏo nyi gwiŋir, anate nijo liji le lutu nate nan ŋɩrəkwənəje no. namɩni liju kworo leḏi asia lijo— 19na ḏa lɩmajɩre ləṯi ŋuɽuna ŋun ŋicɩginyilɩŋe arram alwila gwerre alḏuḏɩni lugwuŋa. 20nyamɩni ouwɩrico ləmɩnyəŋe lun lijo gwunnɩno alumə ḏa lɩmabuje ŋuɽuna lugwi ŋun ŋɩki kaja kono na nyi gwuḏuḏɩnu kəcərio yun yɩbuḏo, 21namɩni ŋuɽun ŋeṯɩḏo ŋeno ŋun ŋərɩnyiŋe gwula gwune ḏuḏɩni kɩlɩgi ganu lagin, nyalakɩminyi ḏidiɽo ḏe ḏeḏi liji lun laiyo gwunanyine.
bilikɩs gwima ŋuɽun ḏami kəcərio
22na gwune na bilikɩs diŋɩni ŋuɽuna ŋeno gi gwune əṯu ḏilɩŋeḏena ḏutəno ḏan ṯaṯ ḏeḏi yecu, nuouwɩrico əcərio nuleicɩno, na ḏa lisias magwulə gwun gwiro gwele gweḏi ajana gwun gwubuḏo, namɩni nyi gwajiḏəḏə ŋuɽuna ŋe ḏakɩmino. 23nugele ŋuɽuna kwele gweḏi ajana yun yiro ḏuɽi di aldɩme bulusŋ, aṯalmɩni ouwɩrico ŋwujane ga, na gwo gwanyakajo gi lɩmeḏin alwila aləpijo ŋɩru. 24na gwune na ŋwamon ŋwədi ete bilikɩsŋa wila gwa gwe gwuŋun gwun gwan ḏurusila gwun gwiro gwiju, nulwəje lagwuloḏa bulusŋ aldiŋɩna ŋuɽuna ŋeḏi ḏɩməṯo ḏi yecu kɩrisṯo. 25gwune je bulus gi ḏuməḏɩjo ŋan ŋuɽun ŋiŋir na ḏɩməṯo aŋɩna, na ḏakɩmino ḏun ḏila, na bilikɩs ubəga nuwɩrlijo ŋuɽuna nueicɩno, wiḏi gwunne, na ḏi mara mabuja lamon lun liŋir na nyi gwaŋorniḏa. 26na dino nuḏuḏɩnɩjo bulusŋ gwalḏəḏə əlgɩrucə kani ŋwukədə bulusŋ ga; na dino nuwəḏɩjo ŋwamon ganu ŋwutu aṯɩlgwumə. 27gwune na jɩḏilio ṯɩmi jɩttən bukiyus baṯus maniḏa. na gwune na bilikɩs arno gwɩŋiri liju dugwore nuouwɩrico bulusŋ gwukanu.
Currently Selected:
ŋɩru ŋun ŋapɩlo duwəjo 24: OTR1966
Highlight
Share
Copy
Want to have your highlights saved across all your devices? Sign up or sign in
Nuba, Otoro New Testament
© British and Foreign Bible Society, 1966.
ŋɩru ŋun ŋapɩlo duwəjo 24
24
asa 24
əcərio yeḏi bulus gi jei ganu jeḏi mudir gwun gwan bilikɩs
1gwune na ŋwamon ete ṯoḏɩne, na ananiya gwun gwiro gwele gweḏi jɩsis, na liji lun luɽun nalgwulo, na gwete gwan ṯarṯulus, gwun gwəṯi ŋɩma gwuməḏɩjo mudirŋ muma ŋuɽuna ŋun ŋidonyilɩŋe bulusŋ. 2gwune nalorniḏe bulusŋ ṯarṯulus nuar gwumə ŋuɽuna ŋun ŋicɩgilɩge nuarno, gi gwune naniḏeije ga gworki ŋa gwe, na ŋuɽun ŋeḏi ŋadɩgɩɽe ŋuŋa ŋun ŋaṯɩləpijo liji ŋɩməbi gworo ganu gwun gwɩki ŋɩmapa ḏiŋiriḏa gi liji. 3ŋaṯanaləmɩnyi ŋeno bubruṯ na kalo wei ŋaṯanalaḏɩŋane, gwele gwun gwubuḏo gwan bilikɩs. 4nyi gwate gwarno nyi gwaŋaḏuḏɩni gɩtten no, nyi gwubunyu lugwuŋa ŋa gwijideŋɩnejo ŋuɽuna ŋɩti ŋino ŋe. 5gi gwune anbujo gwiji kweno mijapajelo kalo gun gaṯunele wei, gwaṯɩdiɽi ŋɩrəkwənəŋe gi liju kɩḏilio wei, na ŋu gwiro gwele gweḏi liji lun laṯar gi lulo lagin no liro linasɩra; 6na ŋu dino gwarno gwaduji dunu gweḏi elo gwun gwubuḏo ŋɩrleḏ, nanaməṯo gwanakɩmi ŋuɽun ŋəri ŋun ŋigelijɩlo elo musaŋ, 7namɩni gwele gweḏi ajana gwun gwubuḏo gwun gwan lisias nuwila bubɽil nuijiwala ŋɩma ŋe gi di dəri, 8nugele ŋuɽuna ḏi luŋa lun gwicɩgilo alwila lugwuŋa. na ḏa ŋa gwimiḏeije ŋa gwalɩŋe ŋuɽuna wei ŋun ŋicɩgianaŋa ŋuŋu ŋiro gwerkwe. 9na liju dino əmɩnyɩḏiḏi ŋuɽuna ŋeno nalarno ŋiro dini. 10gwune na mudir uməḏɩjo bulusŋ ḏi ḏe nuwɩrlijo ŋuɽuna nueicɩno, gi gwune nyi gwilɩŋiḏi ŋa gwiro gaḏi geḏi liji leno jɩḏilio jutu, nyi gwiŋir ḏugwore nyi gwaŋuməḏɩjo ŋuɽuna ŋinyi. 11na ŋa gwəṯi ŋɩma ŋalbuje ŋun ŋiro gwerkwe ŋate ŋutəno ŋwamon ŋwiro di na gwuttən no gi gwune abuḏi urucəlim gi ḏorṯeḏa eloŋu. 12na late lɩmibuje kwu dunu gweḏi elo gwun gwubuḏo anwɩrlajiḏi gwijiŋale no, na nyi gwate mandiɽeije liji gi lɩdunu leḏi elo na kamɩrɩgen no; 13na luŋa late ləṯi ŋɩma labaḏaṯe ŋuɽun ŋun ŋicɩginyilɩŋe no. 14namɩni nyi ŋaŋaltəḏɩjo ŋa nyi gwaṯorṯɩḏa eloŋu gweḏi lɩgwurninyo lage ṯaṯ ḏeḏi yecu ḏun ḏaṯɩlḏarno ḏiro kaja, namɩni naṯɩləmɩnyi wei ŋun ŋulinu kɩḏam geḏi ŋuɽun ŋun ŋigelijɩlo elo musaŋ na jɩḏam jeḏi nebɩŋa; 15namɩni nyi gwaṯɩḏuḏɩnɩjo eloŋu, na luŋa gwuḏuḏɩnijɩlo dino, ḏiḏiɽo ḏe gi ḏaiya ḏaje gi liji lun liŋir na dino lun late liŋir no. 16na ŋiro dino nyi gwaṯiḏeije gwula gwi bubruṯ kani a ḏugwor ḏinyi iŋir ḏi elo na gi liji. 17gwune na jɩḏilio uti niabo niəpijo lɩji leḏi amɩrɩgen yinyi ŋɩdio ga dino, na ŋeḏi elo dino. 18gwune api ŋuɽuna ŋeno niŋwilbuje kwu dunu gweḏi elo gwun gwubuḏo nyi gwiŋir, anate nijo liji le lutu nate nan ŋɩrəkwənəje no. namɩni liju kworo leḏi asia lijo— 19na ḏa lɩmajɩre ləṯi ŋuɽuna ŋun ŋicɩginyilɩŋe arram alwila gwerre alḏuḏɩni lugwuŋa. 20nyamɩni ouwɩrico ləmɩnyəŋe lun lijo gwunnɩno alumə ḏa lɩmabuje ŋuɽuna lugwi ŋun ŋɩki kaja kono na nyi gwuḏuḏɩnu kəcərio yun yɩbuḏo, 21namɩni ŋuɽun ŋeṯɩḏo ŋeno ŋun ŋərɩnyiŋe gwula gwune ḏuḏɩni kɩlɩgi ganu lagin, nyalakɩminyi ḏidiɽo ḏe ḏeḏi liji lun laiyo gwunanyine.
bilikɩs gwima ŋuɽun ḏami kəcərio
22na gwune na bilikɩs diŋɩni ŋuɽuna ŋeno gi gwune əṯu ḏilɩŋeḏena ḏutəno ḏan ṯaṯ ḏeḏi yecu, nuouwɩrico əcərio nuleicɩno, na ḏa lisias magwulə gwun gwiro gwele gweḏi ajana gwun gwubuḏo, namɩni nyi gwajiḏəḏə ŋuɽuna ŋe ḏakɩmino. 23nugele ŋuɽuna kwele gweḏi ajana yun yiro ḏuɽi di aldɩme bulusŋ, aṯalmɩni ouwɩrico ŋwujane ga, na gwo gwanyakajo gi lɩmeḏin alwila aləpijo ŋɩru. 24na gwune na ŋwamon ŋwədi ete bilikɩsŋa wila gwa gwe gwuŋun gwun gwan ḏurusila gwun gwiro gwiju, nulwəje lagwuloḏa bulusŋ aldiŋɩna ŋuɽuna ŋeḏi ḏɩməṯo ḏi yecu kɩrisṯo. 25gwune je bulus gi ḏuməḏɩjo ŋan ŋuɽun ŋiŋir na ḏɩməṯo aŋɩna, na ḏakɩmino ḏun ḏila, na bilikɩs ubəga nuwɩrlijo ŋuɽuna nueicɩno, wiḏi gwunne, na ḏi mara mabuja lamon lun liŋir na nyi gwaŋorniḏa. 26na dino nuḏuḏɩnɩjo bulusŋ gwalḏəḏə əlgɩrucə kani ŋwukədə bulusŋ ga; na dino nuwəḏɩjo ŋwamon ganu ŋwutu aṯɩlgwumə. 27gwune na jɩḏilio ṯɩmi jɩttən bukiyus baṯus maniḏa. na gwune na bilikɩs arno gwɩŋiri liju dugwore nuouwɩrico bulusŋ gwukanu.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Nuba, Otoro New Testament
© British and Foreign Bible Society, 1966.