ŋɩru ŋun ŋapɩlo duwəjo 25
25
asa 25
əcərio yeḏi bulus gi jei ganu jeḏi baṯus
1gwune na baṯus nuɽenyeḏe nuwila kalo geḏi ŋele na gwune na ŋwamon ro ṯəɽɩl nuwalane gesaria nuabo urucəlim. 2na lele leḏi jɩsis, na liju lun lɩbuḏo nalgele ŋuɽuna ŋun ŋɩdonyilɩŋe bulusŋ nalɽoṯeḏe lugwun gworki 3nugwuloḏa bulusŋ urucəlim nalarno gwalɽinye ŋi ṯaṯ. 4nalmɩni baṯus wɩrlijo ŋuɽuna nuarno bulus gwijɩre gwukanu gesaria, na ŋu gwarno ḏa ŋwamon ŋwɩmaje ŋwumaṯani ŋwɩti na gwele ŋɩnəwei. 5nuleicɩno, na ŋiro dino ouwɩricil lun ləṯi ŋɩma lagalo analigwuli alicɩgi gwiji kweno ḏa ŋuɽun ŋɩmaje ŋədi ŋɩki lugwun. 6gwune jilo galo ŋwamon ŋwate ŋwutəno kworo kwe gwiro dubə i di no, na baṯus gwulə gesaria. na giləganu na baṯus jiga kɩḏoɽ geḏi ŋele nugele ŋuɽuna lagwuloḏa bulusŋ. 7gwune nuwila liju lun lugwulu urucəlim nalḏuḏɩnejo naluɽeico galo, nalumə ŋuɽuna ŋutu ŋun ŋicɩgilɩŋe ŋun ŋate ŋəṯi ŋɩma ŋalɩŋilɩŋe gworo gwiro gwerkwe ganu no. 8nal bulus wɩrlijo ŋuɽuna ŋan gwulo gwuŋun nuleicɩno, nyi gwate gwanumə ŋuɽuna ŋun ŋɩki ŋun ŋaki gworo gweḏi liju jwun gwugelijɩlo elo musaŋ no, i ŋeḏi kia duno gweḏi elo gwun gwubuḏo, i ŋe ŋaki gesarŋ no. 9namɩni baṯus arno gwiŋiri liju dugwore nuwɩrlijo bulusŋ ŋuɽuna nueicmo, ŋa gwəmṯnyu ŋa ŋwabo urucalim ŋakɩmino ŋɩnəwei gi jei ganu lugwi ŋuɽun ŋe ŋeno a? 10na bulus arno, namɩni nyi gwo gwuḏuḏɩnu kɩḏoɽ geḏi ḏakɩmiḏa ḏeḏi gesar, na arram galo giro ke ginakɩmaje; ŋa gwilɩŋiḏi muma nyi gwate manəpijo liju ŋuɽuna ŋɩki no. 11na ḏa nyi make na nyi manarre ŋuɽuna ŋədi ŋɩmaro ŋe ḏiɽinyɩḏa, nyi gwate gwade ḏaiya no; na ḏa ŋuɽun ŋeno ŋɩmete lugwi ŋun ŋicɩginyilɩŋe leno gwiji gwate gwede gwəṯi ŋɩma gwinyɩḏəḏə luŋaije no. namɩni nyi gwabunyi ḏi gesar. 12gwune na baṯusŋa uməḏəṯe əcərio ye nueicɩno, ŋa bunyu gesarŋ, ŋa gwele ḏi gesar.
agɩribas na bərnika
13na gwune na ŋwamon ŋwədi ete na gwele gwun gwan agɩribas na bərnika nalṯɩmi gesaria nalmɩɽənyə baṯusŋ. 14na gwune jilga ŋɩnəwei ŋwamon ŋwutu, na baṯus uməḏɩjo gwelɩnya bulus gwe nueicɩno, gwəmɩnyo gwo gwete gwun gwouwɩrico bilikɩs gwo kananoga. 15gwune ji urucəlim jɩsis jun jɩbuḏo na liju lun luɽun niluməḏɩjo ŋuɽuna ŋun ŋɩdonyilɩŋe nalarno gwiakɩmi. 16nilwɩrlijo ŋuɽuna nileicɩno, ŋuɽun ŋeno ŋədu ŋeḏi rumiya no ŋate ŋouwɩrico gwiji gwilḏəḏə ḏaiya gwerre ganu gwijɩre gwate gwəṯi liji lun gwicɩgilo louwɩrlajiḏi ŋuɽuna gi jei ganu no, na gwəṯi ŋɩma gwouwɩrlio ŋuɽuna ŋun ŋicɩgilɩŋe. 17na ŋiro dino, gwune nalaɽuwaḏa ldu ŋɩne, nyi gwate gwuḏuḏɩnu minu no, nyi gwaji kɩḏoɽ ge ḏakɩmiḏa giləganu nyi gwagele ŋuɽuna algwuloḏa gwiji kweno. 18gwune na liji diɽi lun gwicɩgilo, nate nanuməḏo ŋuɽuna ŋiro gi gwune ərine no, 19namɩni ləṯi ŋuɽuna ŋun ŋɩdonyilɩŋe ŋeḏi gɩmuri gagin, na ŋan gwiji gwete gwan yecu gwun gwaiyo, gwun gwara gwe bulus no gwumiḏo. 20na nyi gwate malɩŋe muma galakwe nyi gwakɩmi ŋuɽuna ŋeno no, niɽoṯeḏe lugwun gwele urucəlim ŋwuakɩmino ŋɩnəwei ŋuɽun ŋeno. 21namɩni gwune na bulus bunyi ḏakɩmiḏa ḏeḏi gesar, nigele ŋuɽuna aldɩme kəbe nyi kuwa ḏi gesar. 22na agɩribas eico baṯusŋ no, nyi kwulo gwi dino nyi gwar gwadiŋɩni gwiji kwe. nueicɩno, giləganu ŋa gwadiŋɩni. 23na giləganu na agɩribas na bərnika nalwila nalipijo ŋuɽuna naləḏi kalo geḏi əcərio lele le lun lɩbuḏo leḏi ajana, na ləmɩnyo lun lɩbuḏo leḏi amɩrɩgen, na gwune na baṯus gele ŋuɽuna nalgwuloḏa bulusŋ. 24na baṯus arno, gwele gwun gwan agɩribas, na liji wei lun lijiliŋə ŋɩne, nyalaŋəḏi gwəmɩnyəŋe kweno gwun gwuməḏɩjil gwe liju wei urucəlim na ŋɩne dino, naləri gwula nalarno gwiŋir gwai. 25na gwune nate nibuje ŋuɽuna ŋun ŋapulo ŋe ḏaiya no, namɩni ŋu kwulo gwuŋun nubunyi gesarŋ, niarno gwiwəje. 26na gi gwune nyi gwate gwəṯi ŋuɽuna ŋədi ŋilulijo gwelɩnya gwi no, migwoḏeṯa gi jei ganu lagalo, na gi jei ganu lugwuŋa gwele gwun gwan agɩribas. na ḏa maŋiḏeije, gwəti nyi gwəṯi ŋuɽuna ŋiluli. 27niarno ŋate ŋiŋir ilouwəje lɩbabunya ḏa ŋuɽun ŋate ŋɩmaje ŋun ŋicɩgilɩŋe no.
Currently Selected:
ŋɩru ŋun ŋapɩlo duwəjo 25: OTR1966
Highlight
Share
Copy
Want to have your highlights saved across all your devices? Sign up or sign in
Nuba, Otoro New Testament
© British and Foreign Bible Society, 1966.
ŋɩru ŋun ŋapɩlo duwəjo 25
25
asa 25
əcərio yeḏi bulus gi jei ganu jeḏi baṯus
1gwune na baṯus nuɽenyeḏe nuwila kalo geḏi ŋele na gwune na ŋwamon ro ṯəɽɩl nuwalane gesaria nuabo urucəlim. 2na lele leḏi jɩsis, na liju lun lɩbuḏo nalgele ŋuɽuna ŋun ŋɩdonyilɩŋe bulusŋ nalɽoṯeḏe lugwun gworki 3nugwuloḏa bulusŋ urucəlim nalarno gwalɽinye ŋi ṯaṯ. 4nalmɩni baṯus wɩrlijo ŋuɽuna nuarno bulus gwijɩre gwukanu gesaria, na ŋu gwarno ḏa ŋwamon ŋwɩmaje ŋwumaṯani ŋwɩti na gwele ŋɩnəwei. 5nuleicɩno, na ŋiro dino ouwɩricil lun ləṯi ŋɩma lagalo analigwuli alicɩgi gwiji kweno ḏa ŋuɽun ŋɩmaje ŋədi ŋɩki lugwun. 6gwune jilo galo ŋwamon ŋwate ŋwutəno kworo kwe gwiro dubə i di no, na baṯus gwulə gesaria. na giləganu na baṯus jiga kɩḏoɽ geḏi ŋele nugele ŋuɽuna lagwuloḏa bulusŋ. 7gwune nuwila liju lun lugwulu urucəlim nalḏuḏɩnejo naluɽeico galo, nalumə ŋuɽuna ŋutu ŋun ŋicɩgilɩŋe ŋun ŋate ŋəṯi ŋɩma ŋalɩŋilɩŋe gworo gwiro gwerkwe ganu no. 8nal bulus wɩrlijo ŋuɽuna ŋan gwulo gwuŋun nuleicɩno, nyi gwate gwanumə ŋuɽuna ŋun ŋɩki ŋun ŋaki gworo gweḏi liju jwun gwugelijɩlo elo musaŋ no, i ŋeḏi kia duno gweḏi elo gwun gwubuḏo, i ŋe ŋaki gesarŋ no. 9namɩni baṯus arno gwiŋiri liju dugwore nuwɩrlijo bulusŋ ŋuɽuna nueicmo, ŋa gwəmṯnyu ŋa ŋwabo urucalim ŋakɩmino ŋɩnəwei gi jei ganu lugwi ŋuɽun ŋe ŋeno a? 10na bulus arno, namɩni nyi gwo gwuḏuḏɩnu kɩḏoɽ geḏi ḏakɩmiḏa ḏeḏi gesar, na arram galo giro ke ginakɩmaje; ŋa gwilɩŋiḏi muma nyi gwate manəpijo liju ŋuɽuna ŋɩki no. 11na ḏa nyi make na nyi manarre ŋuɽuna ŋədi ŋɩmaro ŋe ḏiɽinyɩḏa, nyi gwate gwade ḏaiya no; na ḏa ŋuɽun ŋeno ŋɩmete lugwi ŋun ŋicɩginyilɩŋe leno gwiji gwate gwede gwəṯi ŋɩma gwinyɩḏəḏə luŋaije no. namɩni nyi gwabunyi ḏi gesar. 12gwune na baṯusŋa uməḏəṯe əcərio ye nueicɩno, ŋa bunyu gesarŋ, ŋa gwele ḏi gesar.
agɩribas na bərnika
13na gwune na ŋwamon ŋwədi ete na gwele gwun gwan agɩribas na bərnika nalṯɩmi gesaria nalmɩɽənyə baṯusŋ. 14na gwune jilga ŋɩnəwei ŋwamon ŋwutu, na baṯus uməḏɩjo gwelɩnya bulus gwe nueicɩno, gwəmɩnyo gwo gwete gwun gwouwɩrico bilikɩs gwo kananoga. 15gwune ji urucəlim jɩsis jun jɩbuḏo na liju lun luɽun niluməḏɩjo ŋuɽuna ŋun ŋɩdonyilɩŋe nalarno gwiakɩmi. 16nilwɩrlijo ŋuɽuna nileicɩno, ŋuɽun ŋeno ŋədu ŋeḏi rumiya no ŋate ŋouwɩrico gwiji gwilḏəḏə ḏaiya gwerre ganu gwijɩre gwate gwəṯi liji lun gwicɩgilo louwɩrlajiḏi ŋuɽuna gi jei ganu no, na gwəṯi ŋɩma gwouwɩrlio ŋuɽuna ŋun ŋicɩgilɩŋe. 17na ŋiro dino, gwune nalaɽuwaḏa ldu ŋɩne, nyi gwate gwuḏuḏɩnu minu no, nyi gwaji kɩḏoɽ ge ḏakɩmiḏa giləganu nyi gwagele ŋuɽuna algwuloḏa gwiji kweno. 18gwune na liji diɽi lun gwicɩgilo, nate nanuməḏo ŋuɽuna ŋiro gi gwune ərine no, 19namɩni ləṯi ŋuɽuna ŋun ŋɩdonyilɩŋe ŋeḏi gɩmuri gagin, na ŋan gwiji gwete gwan yecu gwun gwaiyo, gwun gwara gwe bulus no gwumiḏo. 20na nyi gwate malɩŋe muma galakwe nyi gwakɩmi ŋuɽuna ŋeno no, niɽoṯeḏe lugwun gwele urucəlim ŋwuakɩmino ŋɩnəwei ŋuɽun ŋeno. 21namɩni gwune na bulus bunyi ḏakɩmiḏa ḏeḏi gesar, nigele ŋuɽuna aldɩme kəbe nyi kuwa ḏi gesar. 22na agɩribas eico baṯusŋ no, nyi kwulo gwi dino nyi gwar gwadiŋɩni gwiji kwe. nueicɩno, giləganu ŋa gwadiŋɩni. 23na giləganu na agɩribas na bərnika nalwila nalipijo ŋuɽuna naləḏi kalo geḏi əcərio lele le lun lɩbuḏo leḏi ajana, na ləmɩnyo lun lɩbuḏo leḏi amɩrɩgen, na gwune na baṯus gele ŋuɽuna nalgwuloḏa bulusŋ. 24na baṯus arno, gwele gwun gwan agɩribas, na liji wei lun lijiliŋə ŋɩne, nyalaŋəḏi gwəmɩnyəŋe kweno gwun gwuməḏɩjil gwe liju wei urucəlim na ŋɩne dino, naləri gwula nalarno gwiŋir gwai. 25na gwune nate nibuje ŋuɽuna ŋun ŋapulo ŋe ḏaiya no, namɩni ŋu kwulo gwuŋun nubunyi gesarŋ, niarno gwiwəje. 26na gi gwune nyi gwate gwəṯi ŋuɽuna ŋədi ŋilulijo gwelɩnya gwi no, migwoḏeṯa gi jei ganu lagalo, na gi jei ganu lugwuŋa gwele gwun gwan agɩribas. na ḏa maŋiḏeije, gwəti nyi gwəṯi ŋuɽuna ŋiluli. 27niarno ŋate ŋiŋir ilouwəje lɩbabunya ḏa ŋuɽun ŋate ŋɩmaje ŋun ŋicɩgilɩŋe no.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Nuba, Otoro New Testament
© British and Foreign Bible Society, 1966.