maṯa 19

asa 19

ŋuɽun ŋeḏi dio gwa

mks. 10:1-12, lk. 16:18

1gwune na yecu ṯɩmi ŋuɽuna ŋeno, nudu jalil nuwila gi diɽil deḏi yauḏia gi ḏuɽo ganu gi ḏɩrawe ḏun ḏan urdun. 2na liji gwujani lutu nulgele muma ŋɩnəwei. 3na lɩbarɩsi dino wila lugwun gwar gwaliḏeije naleicɩno, ŋuɽun ŋiŋir kwiji gwədi gwa gwuŋun ŋuɽun ŋe ŋədi a? 4nulwɩrlijo ŋuɽuna nuleicɩno, nya late ləgɩri ŋu gwun gwugelɩlo uro gwerre gwugelo gwəmɩnyəŋe na gwa na? 5nuarno,

na ŋuɽun ŋeno gwəmɩnyo gwawalane ḏi baba

gwuŋun na nana gwuŋun

almaṯiḏe gwa gwe gwuŋun,

na leno lɩttən alro aŋɩnu yetɩdo.

6na ŋiro dino ate əṯɩlro lɩttən no, almɩniro aŋɩnu yetɩdo. na lun lɩməṯiḏɩlo elo ganu, ate al gwiji kenyə ganu no. 7naleicɩno, gwudaro gəko na musa umə nuluḏəḏə gɩḏam geḏi dio, natɩlḏi? 8nuleicɩno, gi gwune dugwor dalo dɩbɩɽe musa gwəjouwɩrico nyədi la lalo; namɩni ŋate ŋiro dino uro gwerre no. 9na nyi gweiceijɩno, gwiji gwun gwədi gwa gwuɽun ŋuɽun ŋe ŋun ŋate ŋiro ŋeḏor no nuago gwiro kaja, gwuru. na gwun gwago gwa gwun gwidinu, gwuru. 10na calɩmis juŋun eicɩno, da ŋɩmaro dino gwəmɩnyəŋa gwa gwe gwuŋun ŋate giŋir lagiḏe no. 11nulmɩni eicɩno, liji wei late ləməṯo ŋuɽuna ŋeno no, namɩni luŋa lun ŋɩmalɩḏəḏə; 12gi gwune lo kworo lilɩŋinu gi nare ganu neḏi nanaŋa lagin liro domeɽe, na kworo lun liro domeɽe lɩgelɩlo liji, na lo kworo lun liduji lula lagin domeɽe ŋwan ŋele ŋeḏi kanyin. gwun gwəṯi ŋɩma ŋuləmɩnyi ŋɩmuləmɩnyi.

yecu gwugelo di gi nyaɽe elo nyun nyitinyiti

mks. 10:13-16, lk. 18:15-17

13naləpijo nyaɽe nyun nyitinyiti kan ŋungele di elo nuuməḏɩjo eloŋu; na calɩmis nalillo. 14nalmɩni yecu eicɩno, ouwɩricil nyaɽe alwila lugwi. na nyo nyanyalakajo, gi gwune lun liro gi nyaɽe nyeno ŋele ŋeḏi kanyin ŋagin ŋiro. 15nungele di elo ki nuwele ŋɩnəwei.

gamal gun gutu ḏibona gubunyu ḏɩmiḏa gi gɩḏilio

mks. 10:17-22, lk. 18:18-23

16na gwete wila nueicɩno, mualɩm gwun gwiŋir, ŋirṯa ŋiro ŋun ŋiŋir ŋilarre kani nyiməṯo ḏɩmiḏa gi gɩḏilio? 17nueicɩno, gwudaro gəko nieico nyi gwiŋir? gwatɩn gwelido gwun gwiŋir no, namɩni elo gwiro gwetɩdo. namɩni ḏa ŋa mar gwəḏi gi ḏɩmiḏa aṯadɩme ŋuɽuna ŋun ŋigelijɩlo elo musaŋ. 18nueicɩno, ŋɩrṯa ŋiro? na yecu eicɩno, aṯaɽinyɩḏa no, naṯaura no, natapa ŋuɽama no, naṯougɩḏio no, 19aṯanəji babaŋ gwuŋa na nanaŋ gwuŋa, namɩni ŋəmɩnyi lun lijaḏanyale ga gi gwulo gwuŋa. 20na gamal eicɩno, ŋeno wei ŋidɩmiḏɩlo mɩmmi nyi gwoga, namɩni nyi gwibɩɽaṯɩnaŋe? 21na yecu eicɩno, ḏa ŋa mar gwaro muma, wiḏi ŋeḏila ŋɩdio ŋun ŋəṯəlo ŋalḏəḏə liji lun late ləṯi ŋɩdio no, na ŋa gwəṯi ḏɩbona kanyin; ki ŋadila ŋigwujane. 22gwune na gamal diŋɩni ŋuɽuna ŋeno nuwele nurone; gi gwune gwəṯi ŋɩdio ŋutu gworki.

ŋuɽun ŋun ŋate ŋiŋir no ŋeḏi ḏibona ḏutu

mks. 10:23-31, lk. 18:24-30

23na yecu uməḏɩjo calɩmis juŋun nuleicɩno, gwerkwe ganu nyi gweiceijɩno, ŋabɩɽe kwiji gwun gwəṯi ŋɩdio ŋutu gi ḏəḏio ŋele ŋeḏi kanyin. 24na nyi gweiceije dino no, ŋouwɩrane ganu kamɩla gəḏi gi lubɩɽo leḏi ibra aŋan gwiji əḏi ŋele ŋeḏi elo gwun gwəṯi ŋɩdio ŋutu. 25gwune na calɩmis juŋun diŋɩni nalobaga ṯuṯ gworki naleicino, na dino əḏi gwiro gwəṯi ŋɩma gwəkədəḏɩni ŋa? 26nanmɩni yecu ŋalaḏe nuleicɩno, ŋeno ŋaṯe ŋandro ŋi liji no, namɩni ŋɩdi wei ŋandro elo gwe.

27gwune na buṯrus wɩrlijo ŋuɽuna nueicɩno, eʼe, anamawalane ŋɩdi wei naŋalgwujane. na ŋɩrṯa ŋiro ŋun ŋanaləṯi? 28nal yecu eicɩno, gwerkwe ganu nyi gweiceijɩno, nyaŋa lun ligwujane. kaja gun gagi ŋaɽe ŋeḏi liji ŋele ŋɩdio wei ŋiya ŋajiga kɩḏoɽ geḏi ŋele ge ḏoɽeḏa ḏuŋun, nyalajiga nyaŋa dino gi jɩḏoɽ jeḏi ŋele di na gwuttən, nyakɩmiḏe əriḏo ganu di na gwuttən yeḏi isreiyil. 29na gwun gwimawalane gi lɩdunu, i gi lɩmegin lun liro ləmɩnyo na lun liro la, i babaŋ i nanaŋ, i gwa, i nyaɽe, i ḏɩri gwan jiri jinyi, gwaje gwape ŋwutəno ŋwamon ganu ḏuɽi di gwaɽenyeḏe gi ḏɩmiḏa gi gɩḏilio. 30namɩni lutu lun leḏi gwerre laje gɩdo, namɩni lun leḏi gɩdo laje ladare.

Currently Selected:

maṯa 19: OTR1966

Highlight

Copy