Hogusra 18
18
1Egi Jehowa jantigikhina Mamre nanojaija wirarojonjeregi jhirobeja minagnank’u.
2Egi woruxujgaja egi wajarna, egi horuxujre wangra dani jowehieja hirarexji nashinankshana. Egi jaja wajagi jhirobeja rarnaga hikipa hornuwangshana, egi mainja himpshana.
3Egi wena: Hirukanara joweraregi najhojaine hiakienagi, inke hinxanine ningitarna ware hashinira wau hajena.
4Ningitarna, nira hisge harnigarni hajirawigi egi sira warakurushawigi egi na khuhanegi xgasigiwire.
5Egi waisgabdujra nige harnigarni hajikjawina, manishjakjawina, hagnigi sherekjawina, shesge wagiu ware hashiniwinegi rajiwina, egi wairena: Shesge hire, hisharajane.
6Egi Abraham hikuhe jhieja hoikewena Sarah hiragina egi wena: Xapge higige waisgab phira horuj dani une wasibge egi duj‐wahire.
7Egi Abraham je‐eja hornuwang‐shana egi je‐ningsi phisha harnikirina egi wang hojijisha hokuna egi hikuhe hikishereshina.
8Egi Abraham hirawaxiri egi je‐wasni harnijina egi je‐ningsi hikisherera egi jowehireja wagishurna. Egi na kuhainja hikijahireja nashina, egi waruj‐hirena.
9Egi wagairena: Hijawiraga Sarah hajinja unakshe? Egi wena: Horuxujwire jhieja‐nakshana.
10Egi wena: De‐shejanegi ma joweregi jasgegi hiranijikjanena, egi horuxujre hijawinaga Sarah hojinjinigra hisha harnikjanena. Egi Sarah naxguna jhirog‐ejananka jhirobeja howahi, e nankehieja jera.
11Egi Abraham egi Sarah sh’aghirena egi ma rohainena, egi Sarah rushjana hinug woshgara.
12Esge Sarah wakixja‐nakshana wena: Hishagjianaga hageja hakishu haminkjane hirukana harnira hishge sh’agjegaja.
13Egi Jehowa Abraham wagena: Jugu‐u Sarah hikshashe wena, hisgexjishe ninkjang hisha harnikjaneshe hishag‐hajane.
14Jasge washanisha Jehowa wogijexishe? Houna higiregi de‐shejanagi ma joweregi hirani‐jikjanena, egi Sarah hojinjinig hisha harnikjanena.
15Egi Sarah kibakhina, wena: Inke hiakshanina, wanakewege esge. Egi wena: inke shesgarnina, hiraksharna.
16Egi wangananka eja nashi‐harairena egi Sodom e hapahi hirena, egi Abraham wakishu hahina nagueja.
17Egi Jehowa wena: Jasge Abraham harnuwangixawakjeshe jagu haunkjanera,
18Abraham jasgegi wankshig howajehi rokana xeteisha herejijekjanege egi manegi wankshig howajehira harnaj eja howahi washophi howairekjanege.
19Hiaperes‐ginigaja, u‐washikjanegaja ninkjang warnira egi hojhieja herera, hag howarehiga, she‐e Jehowa woshga harnira giuinekjanegaja, phi‐hiranaga egi wogisogra hiuinekje, e Jehowa Abraham jagu mangiraj‐nihera herekje.
20Egi Jehowa wena: Sodom egi Gomorah uwanra rokana warnanke egi washa woishana warninera hisgeja rokanainena.
21Eja wawatena, egi hajakjanena jasge‐hinankhi uwa hiraihira iuke shesgarnigi hiaperes‐hikjanena.
22Egi wanganaka eja harairena, egi Sodom e hapahirena, eshi Abraham Jehowa jowehieja higu nashinjena.
23Egi Abraham hiwusunsh howarena egi wena: Jasge hishge phira wowongra wakishu maisinsh warakjaneshe?
24Nigete phira kerepana‐saja jhinageja niheguni, jasge hirassa maisinsh warakjaneshe egi inke manaka shegu unagraninashe phira eja kerepana‐sajanka hawau.
25Jasgegi inke de‐shege ranishgunina phira egi wowongra wakishu d’ewahira, egi phira wowongra hikisge wahi phinana. Inke shesge raninana manegi woehi hirukanara harnaj phihi‐ninankshe.
26Egi Jehowa wena: Sodom eja phira kerepana‐saja hiaegi jhinagrogeja, manaka harnaj e hawau niambwahakjanena.
27Egi Abraham horniharna egi wena: Horuxujre, Jehowa wakit’e hajegaja ne majushig egi raxoj hajanunige.
28Nigete phira saja hirujis‐hankuni kerepana‐sajankjera, jasge saja hirujisanka jhinagananka harnaj maisinsh‐rakjaneshe. Egi wena: Kerepana‐jopanaga‐sajahashana hiaegi inke maisinsh‐harnikjanena.
29Egi shige hokit’ena, egi wena: Nigete kerepanajop eja hish’ege. Egi wena: Kerepana‐jop‐hahanka hawau inke haunikjena.
30Egi wagena: Hirukanara inke wogitegnine, egi hiat’et’ekjena. Nigete kerepana‐dani eja hish’ege. Egi wena: Iuke haunikjena kerepana‐dani eja hiaegi.
31Egi wena: Horuxujre Hirukanara wakit’e hajanegi. Nigete kerepana‐nup eja hish’ege. Egi wena: Inke maisinsh‐harnikjena kerepana‐nubra hawau.
32Egi wena: Hirukauara inke wogitegnine, egi hiroagra shige hiat’et’ekjena. Nigete kerepanaisha eja hish’ege. Egi wena: Inke maisinsh harnikjena kerepanaishanka hawau.
33Egi Jehowa kerena, Abraham hokit’era rashjangi. Egi Abraham jhieja howakerena.
Currently Selected:
Hogusra 18: WIN
Highlight
Share
Copy
Want to have your highlights saved across all your devices? Sign up or sign in
Published by the American Bible Society in 1907.
