Hogusra 29
29
1Egi Jakob hikiwarera rena, egi wankshig wiaxebhueja herera ma harninera eja hina.
2Egi woruxujshana egi hajarna, niwagu‐isha gixaija jena, egi horuxujre jhasgara hornihe dani hijejeja mingnankshana, niwagu sheja hornihera ni‐wogarnankshana, egi ini xeteisha ni‐waguira hirarukajena.
3Egi eja hornihera harnaj sto‐nankshana. Egi ini niwaguiejanaka hijahi hawanainena, egi jhasgara ni wogairena. Egi inira shige niwagu‐ieja hakanag‐hirena hominageja.
4Egi Jakob wawagena: Hikhinubwira hajinja horawarajiwishe? Egi wairena: Haran‐eja winewina.
5Egi wawagena: Naxor hinigra Laban hirakipereswishe? Egi wairena: Hiakipereswina.
6Egi wawagena: Wanaishguni‐jeshe? Egi wairena: Wanaishgunijena egi horuxujre e hinugra Raxel huhena jhasgara wakishu.
7Egi Jakob wena: Horuxujre wira hankshi‐nakaja, kheni shige jera sto‐wahirekjera herenigaja, jhasga washi niwira ni‐wokaragawige egi karawige wakana‐wagigiwire.
8Egi wairena: Inke duxurugwinina jaja hornihera harnaj sto‐wahiregishana, egi jaja niwagu‐ieja ininaka hijahi hawanainegi, egi hageja jhasgara ni‐wagakjanihawina.
9Egi higu wawokit’ajau, Raxel jina hianjra jhasga warnira wakishu, e wawirakarajege.
10Egi herena, jaja Jakob Raxel hajagi, Laban hinugra Jakob hiunira khinubra, egi Laban jhasga warnira, Jakob hiunira khinubra Jakob hiwusunsh hina, egi niwagu‐ieja ininaka hijahi hawanana, egi hiunira khinubra Laban hornihe warnira ni wawogarna.
11Egi Jakob Raxel iokiwankshana, egi xagshana.
12Egi Jakob Raxel hogiragshana hianjra hijushgera waunjegi egi Rebekah hinigra waunjegi. Egi Raxel nuwangshana egi hianjra hogiragshana.
13Egi herena, jaja Laban Jakob hornaxgungi hinugjabra hinigra, Laban nuwang hijajina, egi nat’umbanaga egi iokiwankshana egi jhieja harnikirina. Egi Jakob Laban washa de‐e harnaj hogiragshana.
14Egi Laban wagena: Hisgexji hushereg harnira ninegaja egi ro harnira. Egi wisha eja una.
15Egi Laban Jakob wagena: Hijushge‐nige esge jasge inke sang wairagi‐sharaninashe? Hungiragre woirowera jasgekjegi?
16Egi Laban nupiwi hinughi. Xetejega Lea higairena, egi xunujega Raxel higairena.
17Egi Lea inke haja phisha herenina, eshi Raxel rora phina egi hishjara phina.
18Egi Jakob Raxel wogixetena egi wena: Ma shagowiha warnigitegi Raxel woirowera e hingiregi hinugra xunura.
19Egi Laban wena: Hiraijera phinana Raxel hornik’ungi, wang hijaneja wagagi inke shesgarnina, hinkishu unjane.
20Egi Jakob ma shagowiha warena Raxel gixewe. Egi hambra jarnahakira hiranainena, Raxel wogixetejege esge.
21Egi Jakob Laban wagena: Hijawihara hunkaraik’une, hamb warnira herena hakishu hajikjena.
22Egi Laban ma‐eja wankshignanka harnaj sto‐wahina, egi worujxete una.
23Egi herena hoxjarnagi hinugra Lea rusanaga egi hagarnihina, egi Jakob Lea‐eja hokewena.
24Egi Laban hinugra Lea Silpah hinugware earnira hok’una Lea e hinugware harnikjege.
25Egi herena, haininegi, horuxujre Lea herena. Egi Jakob Laban wagena: Jagu‐u de‐e wairagish’ushe? Jasge inke warnigitera Raxel haixawanishe? Jagu‐u hinaishjankeshe?
26Egi Laban wena: Ma‐tegi inke houra shesgarnina, xunura jorni wogairanina, jorni jhuina‐jega hageja wogairanina.
27Haramihehamb‐hishara hokaraishib‐hikjena egi de‐e shige hornik’unkjena, wore shige ma‐shagowiha hinagish’ungi.
28Egi Jakob shesge hina, egi haramihehamb‐hishara hogishibshana, egi hinugra Raxel hishge hok’una khanaikjege.
29Egi Laban hinugra Raxel, Bilha hinugware harnira hok’una hinugware harnikjege.
30Egi Jakob hishge Raxel‐eja hokewena. Egi Raxel hishge hiraijera wogixetena, Lea worujis‐hina. Egi ma‐shagowiha shige wagirena.
31Egi jaja Jehowa hajagi, Lea hoshig’hirera, ninkjang hojhura giruhas‐shana, eshi Raxel ninkjang jushgunisha herena.
32Egi Lea waujganagshana, egi hojinjinig hisha harnina, egi rashra Ruben higena, wena: Hisgexji Jehowa hingijagaja hawera, esge shegunegi hikhanahara woigixetekjanegaja.
33Egi shige waujganagshana, egi hojinjinig hisha harnina, egi wena: Jehowa naxgushguni hunsh’ighirera, esge hojinjinig de‐e shige hunk’ungaja. Egi rashra Simeon higena.
34Egi shige waujganagshana egi hojinjinig hisha harnina, egi wena: Gajanga hikhanahara hinusherejhikjanegaja, hojinjinigra dani hagarnige esge. Esge rashra Lewi higena.
35Egi shige waujganagshana egi hojinjinig hisha harnina. Egi wena: Shegunegi Jehowa tajangikjanegaja, esge rashra Juda higena, egi ninkjang harnira rushjana.
Currently Selected:
Hogusra 29: WIN
Highlight
Share
Copy
Want to have your highlights saved across all your devices? Sign up or sign in
Published by the American Bible Society in 1907.
