Hogusra 32
32
1Egi Jakob kerena egi Maura waxopiniwarajire warnira hirajirena.
2Egi jaja Jakob wajagi, wena: De‐e Maura hornihe harnira, egi ma she‐e rashra Mahanaim higena.
3Egi Jakob woragra joweja khinubra Esau‐eja howarewagigina Seir mainja Edom mowagax‐eja.
4Egi u‐washina, wena: De‐shesge hirukana harnira Esau hiragekjawina. Ware hashinira Jakob deshesge ena: Laban jhi‐hakuruxena, egi eja de‐shejaixji hipa eja hauna.
5Egi je‐waruti harnina egi shungxete‐najawaxete egi wanoijge hornihe egi wang‐ware egi hinug‐ware. Egi hirukana harnixji hogirag re‐warnigigina joweraija naj‐hunaja hiaekjege.
6Egi woragra Jakob hakja hirakiri‐rena, wairena: Rakinubra Esau eja hahiwina, egi higuana hinikipa jikjanena, egi wangra hogihi‐jop hakishu.
7Egi Jakob naxirera rokanana egi nakewena. Egi wankshigra jarnaga hakishu u‐anka khiruje‐wahina, egi shige wanoijge xunura egi shige jera egi shige wanoijge hoxashogra, hornihe nup hina.
8Wena: Esau hornihera hisha hirajianaga maisinjhigi, higuana hornihe hijane‐hotaka giasikjena.
9Egi Jakob wena: Jaji Abraham Mau harnira egi jajiga Isaak Mau harnira Jehowa, e waigena, ma hashinieja hakja howakarare egi washa‐waraija, egi phi ningigikjanena.
10Jarnaga naj‐hiroirajara worujis‐jira inke hiakisgarnina, egi wogisogra harnaj, e ware hashinira ragisha‐wahara. Hissagu harninashana hakarani Jordan de‐e hatujera, egi shegunegi hornihe nup harnigaja.
11Niamb‐wine ningitarna, hakhinubra nab harnieja, Esau nab harnieja. Nakewege. Nigete jiarnaga maisinjwiege egi hiunihirera ninkjangra wakarakishu.
12Egi wa’shena, jasgegi phi‐ningigikjanena, egi su hashinira tejainja pusakenanka wikinani‐kjanena, e inke gikarab phiranikjane worohaxjinge esge.
13Egi eja hiwusharna hahe‐eja, egi jagu ruxurugra eja hisge rus‐harninakshana, khinubra Esau hok’unkjera.
14Jharnax hinugra hogihi‐nup, egi jharnax wangra kerepana‐nup, jhasga hinugra hogihi‐nup egi jhasga wangra kerepana‐nup,
15Wanoijge huxashog ning was hok’ura kerepana‐dani egi ningra wakarakishu, je hinugra kerepana‐jop egi je wangra kerepanaisha, shungxete‐najawaxete hinugra kerepana‐nup egi ningra kerepanaisha.
16Egi ware warnira harni‐wagigina injabshana wawirawahas hirena, egi ware warnira wawagena: Jorni harujawire, egi wirawahasra hojakena‐hireja hokarageshana wirawahas wagigiwire.
17Egi u‐washina jowexji‐eja herera wawagena: Jaja hakhinubra Esau hiraki‐pawigi, egi hinigiwax‐wigi, wekjanena: Peshe ninewishe? Egi hajinja horawashereshe? Egi jowereginagre peshe warnishe?
18Egi washekjawina: Ware hashinira Jakob warnina. Woga hirena hirukana harnira Esau re‐wagigina. Egi horuxujre hagregi u‐wankshana.
19Egi shesge hiwashina hinubeja herera egi shige hidanieja herera, egi jarnaga wirawahasra hironag hiregi, wena: Deshesge Esau hiragekjawina jaja hish’ewigi.
20Egi hijaira awiaje: Horuxujre ware hashinira Jakob hagregi u‐ankshana. Wena rashguni hiakinkjera wogara joweharegi howareagigina, egi hagnigi hishja earnira hajakjanena, ningete phi hinrusege.
21Deshesge wogara jowehira howare‐gigina. Egi exji hahe‐eja worohainja hiwusharna.
22Egi hahe‐eja nashina egi hijawi‐wahira hinuwinke warus‐anaga egi hinug‐warera hinuwinke egi hinig‐wahi hishankira‐hashanara egi Jabbok horujgax‐eja harujena.
23Egi warusanaga egi nishanag ageja howare wagigina, egi washara jarnaga harnigi ageja howare‐hina.
24Egi Jakob inekhi jijena, egi eja wang hisha hokinagshana hambgu‐eja hipa.
25Egi jaja hajagi inke warnanikjanera, regakere hoirakikereja hikiorna, egi Jakob regakere hoirakikere harnira kiwagash‐shana, hokinag‐jau.
26Egi wang‐jega wena: Hingirushjarehire hambguna. Egi Jakob wena: Inke ningitushjare‐harnikjanena inke naj‐hunajanigi.
27Egi wang‐jega wena: Jagu rashra hinigaireshe? Egi wena: Jakob hingairena.
28Egi wena: Rash hashinira inke hinupahana Jakob hinigai‐ranikjanena eshi Israel, Maura rakissarajege egi wankshigra egi washawarnage esge.
29Egi Jakob hiwaxshana egi wena: Hungiragre, ningitarna rash hashinira. Egi wang‐jega wena: Jagu‐u rash harnira hinagi‐shawaxshe? Egi eja naj‐hojana.
30Egi Jakob ma she‐e rashra Peniel higena: Maura hishja hirakijage, egi wankshig‐hoi harnira niambge.
31Egi Penuel harujag‐un wira hagixebshana, egi hiwatebankshana regakerera.
32Esge Israel ninkjangra khan‐rukhixra inke waruj hiranina, e regakere hoirakikereja nagra hamb de‐e hipa. Jakob regakere hoirakikere khan‐rukhix harnieja hikhioge esge.
Currently Selected:
Hogusra 32: WIN
Highlight
Share
Copy
Want to have your highlights saved across all your devices? Sign up or sign in
Published by the American Bible Society in 1907.
