Hogusra 34
34
1Egi Dinah, Lea hinugra, e Lea Jakob hagarnira, hinug ma‐eja herera wajarena.
2Egi jaja Shexem, Hamor hinigra Hewit wankshig hisha ma‐eja hungra Dinah hajagi, rus‐shana egi hakishu mingshana, egi shishig‐hina.
3Egi najge harnira Dinah harusherej‐shana Jakob hinugra, egi hinugjega wogixetena, egi hinugjega hit’e phi higena.
4Egi Shexem hianjra Hamor hokarakit’ena, wena: Hinug de‐e rusre hakhanaikjena.
5Egi Jakob naxguna Dinah shishig‐hiregi hinugra. Egi hinigwahira je warnira wakana wagiginakshana, egi Jakob inke xabenijena hakirire hipa.
6Egi Hamor Shexem hianjra Jakob hirahina egi hokit’ena.
7Shejananegi Jakob hinig‐wahira max‐eja howakirirena, egi jaja naxguinegi najgerateg‐hirena, egi mashja wogiteg‐hirena, Shexem Israel wankshigra washa wowonk wagiunge esge, Jakob hinugra hakishu mingkhe, washa de‐e inke un‐phinige.
8Egi Hamor wawokit’ena, wena: Hinig‐hara Shexem najge harnira hinugraga rogujena, naixjina horak’unsheshi khanaikjena.
9Egi hinkishuwire, egi hinug‐warawiga woik’uwine, egi hinug‐wahawira wakhanagwire.
10Egi hinakishu rajhikjawina egi mara nigi‐haisjena, rajhiarnaga egi wore‐shunkjena, egi eja washa rakishuruxuruikjena.
11Egi Shexem Dinah hianjra egi wakhinubra wawagena: Hijakoro hinkhiwine, egi jagu hinagawigi hornik’unkjawina.
12Egi hinug‐wikhanagra egi wogara jarnaga roraguwingi hinagawigi, hornik’unkjawina, eshi hinugra hunak’uwingi hakhanaikjena.
13Egi Jakob hinig‐wahira Shexem egi hianjra Hamor waishjanke wairena Dinah hinugjab‐hirera Shexem shishighiga esge.
14Egi wawagairena: Washan de‐e inke un‐duxurugwinina, hinug‐hajabwira inke majharnieja wogara, woiroshigesge wawawinage.
15Eshi jasge roraguwina ningiuwinana, jaisge‐hajera shenisgawigi, wangra jarnaga raniwingi manijhairawigi.
16Egi shejanagi hinug‐wahawira wornik’unkjawina, egi hinug‐warawiga wakhanaikjawina, egi harnikishu hajhikjawina egi wankshigra hishankira hinikjawina.
17Eshi inke hinagish’uwinigi majhairera, hinug‐wahawira wakurus‐wianaga egi nige wawakerekjanihawina.
18Egi hoit’e warninera giphinena Hamor egi Shexem Hamor hinigra.
19Egi hojinjira washa de‐e inke waxurujnina, Jakob hinugra giphinge esge, egi e hiraijera gish’aghirena hianjra hojhieja herera harnaj worujis‐hirena.
20Egi Hamor egi Shexem Hamor hinigra jhinag harninera jhirobeja hahirena, egi jhinag harnineja wangra wawokit’airena wairena:
21Wang de‐e rashguni wangakishu uinawina, esge managre egi jhiwagigiwire egi eja warairekjena, horuxujwire mara xetehinakshana hishge egi jhi phinena. Hinug‐wahirera waruswianaga hiwakhanaikjawina egi hinug‐hiwahiwira woga‐wagigiwire.
22De‐shegungishana wang‐nagre wangagiuinekjanihawina, wangakishu jhi‐rawianaga egi wankshigra hishankira hiniwinana, wangra jarnaga hiniwingi hiwamakarajawigi, majhairanagra shesge.
23Egi je warninera egi higu washa warninera egi wanoijge warninera harnaj hiwarnikjanihawina, jagu roguinera hiuwingi, egi wangakishu jhirekjanihawina.
24Egi Hamor harnaxguinena egi hinigra Shexem, jarnaga jhinag jhirob harnieja higi, egi wangra harnaj wamajhairena jarnaga jhinag jhirob harnieja higi.
25Egi wauinena hambra danihangaja, teg‐hiregaja, Jakob hinig‐wahira nupiwi Simeon egi Lewi Dinah wakhinubra wigijguxra wakurus‐hiranaga egi jhinaganaka hirahirena washoshexji, egi wangra harnaj d’ewahirena.
26Egi Hamor d’ehirena egi hinigra Shexem, wigijgux hit’ewahirena, egi Dinah rus‐hiranaga Shexem hojhieja, egi hihinabshana.
27Egi Jakob hinig‐wahira d’era wirahirena egi jhinaganaka washara harnaj wagirus‐hirena, hinugjab‐hirera shishig‐hirege esge.
28Jhasga warninera warus‐hirena egi je warninera egi shungxete‐najawaxete warninera egi washa jagu jhinag ejaki, egi shige washa jagu max‐ejaki.
29Egi wiroku warninera egi ninkjang warninera harnaj egi hijawi‐wahirera hiniwarus‐hirena egi jhieja jarnaga washarananki harnaj warus‐hirena.
30Egi Jakob Simeon egi Lewi wawagena: Hoshishighowe hinawina, ma‐egi wankshignagre horogregi xuwi hinawina, Kana‐anitra egi Pheresitra horogregi, egi jarnagkhira harnina, sto‐khi‐hiranaga hikirairekjanena, egi d’ewinekjane, egi maisinsh‐harnikjane egi jhi‐wajhira.
31Egi wairena: Jasge hinug‐hajabwira hinug‐wowonk hikisge hi‐hingigikjawishe?
Currently Selected:
Hogusra 34: WIN
Highlight
Share
Copy
Want to have your highlights saved across all your devices? Sign up or sign in
Published by the American Bible Society in 1907.
