Hogusra 45
45
1Egi Joseph inke hanukixawa ruxurugnina jowehireja hijarnashi‐nankhi egi mashja ena: Wa‐uanjane egi harnaj hihinabwire. Egi wang hijanera inke hisha hijaunijena, Joseph wakhinubeja hokikaragregi.
2Egi mashja xagshana egi Egipt wankshigra egi Pharaoh hojhieja herera naxguinena.
3Egi Joseph wakhinubra wawagena: Joseph newinena, jasge jajiga higu niambanakshe? Egi wakhinubra inke hornigiha ruxurug hiranina gissassa‐nake jowehieja.
4Egi Joseph wakhinubra wawagena: Hiwusunsh jijewire ningitawina, egi hiwusunsh jijerena. Egi wena: Joseph rakhinubwira newinena, e Egipt‐eja wishuruwiwira.
5Esge inke najgeteg‐winine, egi inke najikisgi‐winianje eegi wishuru‐wiwira, Maura jowerawiregi howa‐huingigina niamb‐wahi.
6Ma nupaha mara dokewehina, egi higu shige ma sajaha hotana de‐shenaha inke manupuru hiranikjanena egi inke washara hisha haxeb‐nikjanena.
7Egi Maura jowerawiregi howa‐huingigina d’aire hirotara manegi, egi niamb harninikjawige wakaraishe xete hiu.
8Esge inke ne eegi howa‐huinagigi‐winina eshi Maura. Egi Pharaoh hianj‐hi hingigina, egi jhi e harnira harnaj hirukana hingigina, egi Egipt mara harnaj hirukana hingigina.
9Xapge higiwige jajiga eja howakarawire egi wagawiaje: De‐shesge hinigraga Joseph ena: Maura Egipt mara harnaj hirukana hiuna, hiraijire inke hiwushanine.
10Egi Goshen mainja rajikjena, egi hi’shuwusunsh sh’unkjena, ne‐nineanaga egi ninkjang washinira egi ninkjang washinira ninkjang warninera, egi jhasga washinira egi je washinira egi jarnaga washara hashinigi harnaj.
11Egi eja waruj hornik’unkjawina, higu shige ma sajaha hotagshana mara dokewehira. Ne‐nineanaga egi horajhira egi jarnaga washinigi harnaj inke d’airanikjege.
12Egi horuxujwire hishjasu washiniwira hirashjawina egi hakhinubra Benjamin hishjasu warnira hirajana i‐harnira hironikit’e hajena.
13Egi jajiga hogirag‐wiaje Egipt manegi hoish’ag harnira harnaj, egi jarnaga washara hashjawire, egi xapge higiwige jajiga eegi hingarni jiwiaje.
14Egi khinubra Benjamin natumbshana egi xagshana, egi Benjamin jashe‐hieja xagshana.
15Egi wakhinubra harnaj i’wawokiwankshana, egi waxagshana. Egi she‐e hageja wakhinubra hokit’airena.
16Egi washa de‐e Pharaoh hojhieja naxguinena, wairena: Joseph wakhinubra hajirena, egi Pharaoh giphina egi ware warnira.
17Egi Pharaoh Joseph wagena: Warakhinubra wawaragekjena, de‐e uwine, wanoijge washiniwira wak’in wagigiwige egi karawire egi Kana‐an mainja howakarawire.
18Egi hianj‐rawiga ruswige egi worajhiwira, egi hiraijiwiaje, egi Egipt ma hophi harnira hornik’unkjawina, egi mara hoshinra raijawina.
19Unishina, de‐e uwine, Egipt manegi hiraruti harnikarawire xununig washiniwira egi hijawi‐warawiga wishuruti‐kjawira, egi hianj‐rawiga hakaraniwige egi huwire.
20Egi washa washiniwira inke waworuja‐winianje, Egipt manegi washa phira harnaj ne‐washiniwige.
21Egi Israel ninkjangra shesge hirena, egi Joseph hiraruti wawogarna, Pharaoh jagu ushira shesge‐hina, egi waunegi wawogarna.
22Jarnagaka harnaj wainira hinashana wawogarna, eshi Benjamin shurasgara hogihi‐dani hok’una egi waini hinara saja.
23Egi hianjra de‐e rewagigina: Shungxete‐najawaxetera kerepanaisha, Egipt‐eja washa phi‐nankhi k’inwagigi, egi shungxete‐najawaxete hinugra kerepanaisha wijawas egi waisgab k’in‐wagigi egi waruj hianjra unegikjera.
24Deshesge wakhinubra kere‐wagigina, egi hakarairegi, egi wawagena: Hirakara‐uwige inke hagi kikitagwinianje.
25Egi Egipt‐eja hihinab‐hirena egi Kana‐an mainja hagirena Jakob hianj‐hirera hiragirena.
26Egi hogirag‐hirena wairena: Joseph niambjena, egi Egipt mara harnaj hirukanara e herejena. Egi Jakob inke raksunsh hiranina inke warnaxgunige.
27Egi Joseph hoit’e warnira harnaj hogirag‐hirena, e jagu wawigera. Egi jaja hirarutira wajagi e Joseph huwahira hiruti hirekjera, Jakob hianj‐hirera naxirag harnira himashjana.
28Egi Israel wena: De‐e shenaga roaguna, hinighara Joseph niamb‐nihegaja, tarnaga hajhakjanena kheni jharni.
Currently Selected:
Hogusra 45: WIN
Highlight
Share
Copy
Want to have your highlights saved across all your devices? Sign up or sign in
Published by the American Bible Society in 1907.
