Hogusra 50
50
1Egi Joseph hianjra hishjaija hawakhuna egi xagshana, egi iokiwankshana.
2Egi Joseph ware warnira makhanira un‐washina hianjra rora makha hawaxu‐hirekjege. Egi makhaninanka Israel rora makha hawaxunena.
3Egi hamb kerepana‐jopahangaja hogishib‐hirena, hamb shenaha makha hawaxura hokiphina. Egi Egipt wankshigra hamb kerepana‐shagowiha gixag‐hirena.
4Egi jaja hamb wagixagra haixagi, Joseph Pharaoh hojhira hokit’ena, wena: Hishja joweraija naj‐hojaine hiakiegi, hiat’et’ekjena, ningit’awina Pharaoh nuxhopox harnieja wagawiaje:
5Jajiga wihohi‐hingigina, wena: Horuxujre jhekjanena, wanaxoming harnieja, e hakik’era Kana‐an mainja, eja hinxaje, esge eja howare‐ingigire ningitarna, jajiga hakaraxe‐kjena, egi shige hakja hakirikjanena.
6Egi Pharaoh wena: Rare egi hianjraga karaxare, jasge wihohi‐ningigigi shesge.
7Egi Joseph hianjra karaxarena, egi Pharaoh ware warnira harnaj wakishu rena, egi jhieja xete warnira, egi Egipt mainja xetera harnaj.
8Egi Joseph hojhieja herera harnaj, egi wakhinubra, egi hianjra hojhieja herera. Egi xununig warni hirera, egi jhasga warninera egi je warninera Goshen mainja wat’une harairena.
9Egi hiraruti hiura egi shung‐haminagra wakishu rena, egi mashja hornihe xetena.
10Egi Atad waisgab‐hoissu‐hou harnieja hahirena, Jordan ageja herena. Egi eja d’era wagixagra rokana wairena, egi hianjra hambra shagowiha gixag‐wagigina.
11Egi jaja ma‐eja jhinagra Kana‐anit wankshigra Atad waisgab‐hoissu‐hou harnieja xagnank wajairegi, wairena: De‐e Egipt wankshigra wagixagra rokana wairegaja. Esge ma‐she‐e Egipt wankshigra wagixagra higairena, Jordan ageja herena.
12Egi hinig‐wahira jasgehi washira shegu‐gigirena.
13Hinig‐wahira Kana‐an mainja harniahirena, egi Maxpelah max‐eja nish‐hopoxjera eja xairena, Abraham max she‐e ruwina, ma‐hokixe hounkjege, Ephron giruwina Hittit wankshig hisha Mamre joweja herena.
14Egi Joseph Egipt hakja howakerena e hereanaga egi wakhinubra, egi jarnaga hakishu hira hianjra gixairera, hianjra xarnaga hageja.
15Egi jaja Joseph wakhinubra hajairegi hianj‐hirera d’egi, wairena: Joseph nigete wangoshigwiege, egi jasgegi nishgeaga harnaj washa hirohire wangagiun‐kjanihawina, e hiwagiu harnihera.
16Egi Joseph eja worag‐hisha howare‐gigirena, wena: Hianjraga kheni d’arni un‐washina, wena:
17Deshesge Joseph higawiaje, hingit’urawire ningit’ana, warakhinubra hinigishana hirera, egi washa woishana warninera, washa hirohire ningiuinera, egi shegunegi ningitawina, hingit’unawire wigishanara harniwira hianjraga Mau harnira ware warnira winewige. Egi Joseph xagshana jaja hokit’airegi.
18Egi wakhinubra hishge hahiranaga egi hishja jowehieja mainja himp‐hirena, egi wairena: Horuxujre ware hinshini‐kjawina.
19Egi Joseph wawagena: Inke naxirawinine, jasge Maura hornashieja hauanjeshe?
20Ne washa hirohire hinagish’unkjawi waragawina, eshi Maura washophi howewina, eja howahi wankshigra roha niambshana, hereanaga hinjihuwina.
21Esge inke naxirawinine, hiranikara‐kjanihawina egi xununig washiniwira. Egi warukheg‐shana, egi hit’e phi wirokitena.
22Egi Joseph Egipt‐eja jhina, e hereanaga egi hianjra hojhira. Egi Joseph ma hogihishanaga egi kerepanaisha hashanaha wankshig‐ina.
23Egi Joseph wajarna Ephraim ninkjang warnira wankshig‐hoi hitanieja. Egi Manasseh hinigra ninkjang warnira hishge Joseph rejag hihageja xeterena.
24Egi Joseph wakhinubra wawagena: Jhekjanena egi Maura jasgegi homanikini jikjanihawina egi ma‐tegi harni‐hinihinab‐hikjanihawina egi ma‐eja harnini‐gikjanihawina e Abraham wihogigira eja, egi Isaak egi Jakob.
25Egi Joseph Israel ninkjangra wiho‐gigirena, wena: Maura jasgegi homanikini‐jikjanihawina, egi hushereg warnira washini rakerekjawina.
26Egi Joseph d’ena, ma hogihishanaga egi kerepanaisha hashanagaja. Egi Rora makha higiuinena egi Egipt mainja wanaxi homigisha eja hot’umb‐hirena.
Currently Selected:
Hogusra 50: WIN
Highlight
Share
Copy
Want to have your highlights saved across all your devices? Sign up or sign in
Published by the American Bible Society in 1907.
