Lukga 7
7
1Egi jaja hit’et’era harnaj rashjangi wankshignanka jowehireja, Kapernaum eja, hokewena.
2Egi manape hungisha ware‐arnigi e wogixetena, howasharna egi d’e‐ikorohorna.
3Egi jaja manape hungjega Jesus hornaxgungi, egi Judra xetera hija howarewagigina, gikarajhirena hijahiarnaga egi ware harnira rushjahikjege.
4Egi jaja Jesus hirahiregi, egi hasohixji gitairena, wairena: Washinkisgeisha herena de‐e giuphingaja.
5Wankshig warniwira wawogixetena egi wohokhuhojhisha hingiuwina esge.
6Egi Jesus wakishu rena. Egi jaja jhiwusunsheja higi, manape hungjega hijakorowahira huwagigina Jesus eja, wagairena: Hirukanara, inke hawekhinine, inke jhi‐arninegi hokawarnine, inke washahiakisgarnige esge.
7Inke washahiakisgarni hiarege esge inke nexji hiranihinina, eshi hoit’era hisha arnaga, egi ware harnira rushjankjena.
8Egi hishge wankshig hirukanaine harnina, manape hirukana hingigirena, egi hisha rare hiagega, egi reshununa, egi hijanera hisha hure hiagega egi hushununa. Egi ware harnira de‐e une hiagega, egi u‐shununa.
9Jaja Jesus washa de‐e naxgungi xixshana egi hakja hopahi nashina egi wankshig hironagnanka wawagena: Hinigawina Israelregi reshge inke hisha harnaxgu rokana shesgera hisha hiaenina.
10Egi huwagigirega jhieja hakja hagirena, ware howashaka howashara rushjaxjingaja hajairena.
11Egi wauna, haininegi, jhinagisha eja howarena Nain higairera, egi hironaghirera roha hakishurena egi wankshigra roha.
12Egi jaja jhinaganaka jhirobra hiwusunsh higi, hajarna, eja hisha d’egi harni hihinab hirena, hinugisha hishankiraxji hinig higi herena, egi hikanagit’eisha herena. Egi wankshigra roha jhinageja herera hakishu wa‐uankshana.
13Egi jaja Hirukanara hinuganka hajagi, najogijana, egi hinugjega wagena: Inke xagnine.
14Egi hija jiranaga wanaxominganka hikiorna, egi ruanankhi nashi hijerena. Egi (Jesus) wena: Hojinjira hinigena, kikawa‐ane.
15Egi d’arnihera minag‐kirinakshana, egi hit’at’ajirena. Egi hiunira hokaraikuna.
16Egi harnaj eja naxirairena, egi Maura rajanghirena, wairena: Prophet rokanaisha horoghihiwiregi haxebshana, egi Maura wankshig warnira womakarakhini jina.
17Egi worag de‐e Judea mowagaxra harnaj naxguinena, egi mara hogigixanka harnaj.
18Egi Johnga hironaghirera washa de‐e harnaj hogirag hahirena.
19Egi Johnga hironagnankhi nupiwi gigorna, Jesus eja howarewagigina, wairekjege: Neninesha hisha jikjanegi, nigeshge hijanera hisha hotuxuijanihawishe?
20Jaja wangananka hirahiregi, wairena: John Niwawaxunga egi howahuingigiwina, wena, Nenineshe hisha jikjanegi, nigeshge hijanera hisha hotuxuijanihawishe?
21Egi howagixeja howashara roha rushjahina egi howashaisgejara egi naxirag shishig harninegi, egi roha hishjarningra waja hina.
22Egi Jesus horniharna, wawagena: Karawire egi Johnga hogiragwiaje washa jagu hashjawire egi nanaxguwine. Hishjarningra wajairare, maninushagra manirare, lepra rushjairare, nuxningra warnaxguirare, d’era kikawaairare, wanajojaisgeja worag phira wihokhunangikjanena.
23Egi wogishawaxjira herenana higu peshe inke watoigixinigi.
24Egi jaja Johnga worag warnira hakarairegi, Jesus wankshigananka wawokit’e‐jirena Johnga haehi. Jaguisha mojainainja hashjarahiwishe? Raxge‐serejisha maintajehi haisosogjera?
25Nigeshge jaguisha hashjarahiwishe? Wankshigisha waini jexi hornashijera? Horuxujwire, jarnaga waini jexi unankhi egi jarnaga rora jagu rogu wankshig‐inegi hung hojhieja nankshana.
26Nigeshge jaguisha hashjarahiwishe? Prophet hisha? Hisgena hinigawina, prophet hiraijeraisha herena.
27De‐e erena, hisha wagairera wowagaxeja: Horuxujre, joweraija worag harnira howareagigina, e joweraija nagu hashinira hirushjahirena.
28Egi hinigawina: Horogejajena hinug wankshighiinanka eja inke hisha prophet hiraijera xetenina John Niwawaxunga waura. Eshi hisha hungma Maura harnieja worujisdingi, e hiraijera xetenana.
29Egi wankshignanka harnaj e naxguinegi egi Publikanra Maura phi weshe airena, egi ni‐hawaxuine waunankshana Johnga ni‐wawaxu harnira hiu.
30Egi Pharisera egi waehira Maura wohokhu harnira wajis‐hirena ewakik’uinena inke e ni‐wawaxunina.
31Egi Hirukanara wena: Wankshignagre wankshighoi egi, peshe hisgerashe? Egi peshe hisgeraireshe?
32Ninkjangnigra erenankshana woruwieja minagananka, egi washinkigarnank, egi wairena: Nigishushug harnakshana egi inke shawashiwinina, nigixagji hajegaja egi inke raxagwini.
33John Niwawaxunga jira inke waisgabduj rujnina inke shige nishuj rajganina, egi washawina: Waxopinishishig harnijeshe.
34Wankshig‐hinigra jira, warujarnaga egi rajgajena, egi washawina: Horuxujre wankshig de‐e waroijxeteisha, egi nishuj hiksi‐isha herena, egi Publikanra egi washa woishana ura hijakoro wahina.
35Eshi wowanaiksabra ninkjang warnira phi hiranainena.
36Pharisenanka hisha waruj hakishu u‐nainena. Egi Pharise hojhieja hokewena, egi minagshana warujeja.
37Egi horuxujre, hinugisha jhinageja jegi, washa woishana uisha, jaja hinugjega hiperesgi Jesus warujeja minagkhi Pharisejega hojhieja, Alabastra pexisha wikini panna phi hoixji harnijina.
38Egi si hieja nanke eja nashina xagjena, egi sira girusha jirena hishjanina hik’u, egi giwasharna hinugjega naju harnira hik’uanaga egi sira iokiwankshana, egi wikini panna phi hawaxuna.
39Egi jaja Pharise waruj‐shijega hajagi, hikigena egi wena: Wang de‐e prophet hisha heregi, hinug jasgeisha herera hiperes‐shgunina hikiornagre, hinug washa woishana uisha heregaja.
40Egi Jesus horniharna wagena: Simon, washa hinigekjanena. Egi wena: Hirukanara are.
41Eja shura hornajwagigi‐isha nankhi nupiwi wawagaxgirushagshana, hisha Denaria hogwihisaja rushagshana egi hijanejega Denaria kerepana‐saja.
42Egi jaja inke washa hirowe hiruxurug hiranigi, hinuinke wawogarna. Hungiragre, hajanjega e hiraijera wogixetegi?
43Simon horniharna egi wena: Hiarena hisha roha hokunga. Egi Jesus wagena: Phixji waragena.
44Egi Jesus hinugjega eja horuxujshana egi Simon wagena, hinug de‐e hashjashe? Jhi horajhiregi wakewera, inke ni si‐rusha hunak’unina, de‐eshi hinugnagre sira hingirusharna hishjanina hik’u, egi naju hinugnagre harnira hik’uanaga waigiwasharna.
45Inke iunakhiwangnina, eshi hinug de‐e higiwakawareja epa si harnira inke iokiwangra harushjaninankshana.
46Inke wikini panna phi nasu harnira hinagishawaxunina, eshi hinug de‐e si harnira wikini panna phi hingiwaxuna.
47Esge hinigena: Hinugnagre washa woishana warnira rohana wagit’unairena, wogixetera rokanage esge. Eshi hisha jowexjinig git’unegi, e jowexjinig wogixetenana.
48Egi Jesus hinugjega wegena: Washa woishana washinira warnigit’urairena.
49Egi jarnaga warujeja wakishu minagkhi wakigairena: Peshe de‐e heregaja, washa woishana hishge wagit’uneshe?
50Egi Jesus hinugjega wagena: Harnaxgu hashinira waunge wankshig‐shina, rashguni karare.
Currently Selected:
Lukga 7: WIN
Highlight
Share
Copy
Want to have your highlights saved across all your devices? Sign up or sign in
Published by the American Bible Society in 1907.
