Markga 16
16
1Egi jaja Sabath‐hambra haixagi, Maria Magdalena, egi Jakob hiunira Maria, egi Salome maka pana phi ruwinena, hahiranaga hiwashairekjege.
2Egi hainixjinig, hambjornira haramihe‐hambregi wanaxihoshueja hahirena, wira haxebgaja.
3Egi wakigairena: Peshe inira nige wangagiwarnakjanihawishe wanaxi‐hoshu jhirob‐ejarnagra?
4Egi eja horuxuj‐hiregaja, hajairena inira hijahi hawanainera. Ininaka mashja xetege.
5Egi wanaxi‐hoshueja hokawairegaja, hajairena wanghojinji hisha hoishoroija minaganakshana, wonashi serej sgaisha hornashi, egi naxirairena.
6Egi wawagena: Inke naxirawinine, Jesus Nasaretheja herera horani harajena, E naramiheja haisaraj‐hirera, kikawa‐ana, inke higiagnina: Horuxujwire hajinja t’umbhirera.
7Eshi karawige, wironag warnira wogiragwire egi Peter, Galilea‐eja jowerawieja howarena. Eja hashjakjanihawina, jorni shesge hinigawina.
8Egi xapge hihinab‐hirena, egi wanaxi‐hoshueja giashirena, gisassa‐hirena egi khorairena. Egi inke hisha washa higairanina, naxirananke.
9Egi jaja Jesus kikawa‐angi hamb‐jornira hainixjinig haramihe‐hamb hambeja, jorni Maria Magdalena jantingikhina, hinug she‐e eja waxopinishishigra shagowi jangra howahasra herena.
10Egi rarnaga egi wawogiragshana hakishu‐uinarnihegi wagit’arnankhi egi xagnankhi.
11Egi e jaja naxguinegi Jesus niambgi egi hinugjega hajagi, khibahirena.
12Hageja hijankhianaga wironag warnira nupiwi jantiwagikhina, mani hojainainja howarahairau.
13Egi harairanaga egi hijanenanka wawogirag‐hirena egi hishge khiba wagigirena.
14Hageja hishankira‐hashanananka jantiwagikhina warujeja minagnank’u egi naj‐wawisgina inke harnaxguninanka egi najge shjananka hawau. Inke harnaxguhiranige kikawa‐anaga hageja hajairega esge.
15Egi wawagena: Managre harnaj howarawire egi wankshigra harnaj worag phira wihokhuwiaje.
16Egi higu peshe harnaxgungi egi ni‐hawaxu‐hirekjena niaimb‐kjanena, eshi higu peshe inke harnaxgunigi washoshishig howehirekjanena.
17Egi washa woijanti de‐e wiuinekjanena harnaixgunegi: Rash harnira hiuinarnaga waxopinishishig jangra howahas‐hirekjanena, egi hit’e hijahi jeg hit’airekjanena.
18Egi wakha‐hipahi ruainegi egi washa wit’ehi rajgaineshge inke washa waishga hiranikjanena, howashara wawikioiregi egi rushjainekjanena.
19Egi Hirukanara wokit’e rashjanaga hageja, wangregi rus‐hirena, egi Maura hoishorohieja hagiminakshana.
20Egi harairena, egi wahokhura harnaj houinena, Hirukanara ware wakishu una, egi hoit’era shjawahina washa woijanti hiu‐wagigiga. Amen.
Currently Selected:
Markga 16: WIN
Highlight
Share
Copy
Want to have your highlights saved across all your devices? Sign up or sign in
Published by the American Bible Society in 1907.
